ഹോർമുസ് കടലിടുക്കിൽ കുടുങ്ങിക്കിടക്കുന്ന ഇന്ത്യൻ കപ്പലുകളെ സുരക്ഷിതമായി നാട്ടിലെത്തിക്കാൻ നാവികസേന “ഓപ്പറേഷൻ ഊർജ സുരക്ഷ” ആരംഭിച്ചു. എൽപിജി, എൽഎൻജി, ക്രൂഡ് ഓയിൽ ടാങ്കറുകൾ ഉൾപ്പെടെ 20 കപ്പലുകളുടെ യാത്ര ഉറപ്പാക്കാൻ അഞ്ച് പടക്കപ്പലുകൾ വിന്യസിച്ചതായി പ്രതിരോധവൃത്തങ്ങൾ അറിയിച്ചു. ഇതിനകം രണ്ട് ഇന്ധന ടാങ്കറുകൾ സുരക്ഷയോടെ കടലിടുക്ക് കടന്നതായും അധികൃതർ വ്യക്തമാക്കി.
ഇറാൻ സുഹൃദ് രാജ്യങ്ങൾക്ക് ഹോർമുസ് കടലിടുക്ക് തുറന്നതായി അറിയിച്ചതോടെ ഇന്ത്യയിലേക്കുള്ള ചരക്കുനീക്കം പുനരാരംഭിക്കാനുള്ള സാധ്യത ശക്തമായി. നിലവിൽ കുടുങ്ങിക്കിടക്കുന്ന കപ്പലുകളിൽ നിന്ന് ഈ ആഴ്ച അഞ്ച് കപ്പലുകൾ പുറപ്പെടുമെന്നാണ് വിലയിരുത്തൽ. ഏകദേശം 92,000 ടൺ എൽപിജിയാണ് ഈ കപ്പലുകളിൽ ഉള്ളത്. ‘ജാഗ് വസന്ത്’ ഇന്ന് ഇന്ത്യൻ തുറമുഖത്ത് എത്തും, ‘പൈൻ ഗ്യാസ്’ നാളെയും എത്തുമെന്നാണ് വിവരം.
ഇതിനിടെ പെട്രോളിയം കമ്പനിയായ നയാര പെട്രോൾ, ഡീസൽ വിലകൾ ഉയർത്തി. പെട്രോളിന് ₹5.30യും ഡീസലിന് ₹3യും വർധിപ്പിച്ചപ്പോൾ മറ്റു കമ്പനികൾ വില മാറ്റിയിട്ടില്ല. കൂടാതെ, ഹോട്ടലുകളിലും റസ്റ്റോറന്റുകളിലും എൽപിജി ചാർജ് എന്ന പേരിൽ അധിക തുക ഈടാക്കരുതെന്ന് കേന്ദ്ര ഉപഭോക്തൃ സംരക്ഷണ അതോറിറ്റി നിർദേശിച്ചു; മെനുവിൽ കാണിക്കുന്ന വില തന്നെയായിരിക്കണം ഉപഭോക്താക്കളിൽ നിന്ന് ഈടാക്കേണ്ട അന്തിമ തുകയെന്നും വ്യക്തമാക്കി.
Leave a Reply