യു.കെ.യിലെ വടംവലി പ്രേമികളെ ആവേശത്തിലാഴ്ത്തി “ഓൾ യു.കെ. ടഗ് ഓഫ് വാർ ചാമ്പ്യൻഷിപ്പ് 2026” ഓഗസ്റ്റ് 30 -ന് പോർട്സ്മൗത്തിൽ നടക്കും. കൈരളി യു.കെ. പോർട്സ്മൗത്ത് – സതാംപ്ടൺ യൂണിറ്റും ലീഡ് ടാക്സ് കൺസൾട്ടന്റ്സും സംയുക്തമായി ആണ് ചാമ്പ്യൻഷിപ്പ് സംഘടിപ്പിക്കുന്നത് . രാവിലെ 9 മുതൽ വൈകിട്ട് 6 വരെ “മൗണ്ട്ബാറ്റൻ ലെഷർ സെന്റർ, അലക്സ് വേ, ഹിൽസിയ, പോർട്സ്മൗത്ത്” വേദിയാകും.
യു.കെ.യുടെ വിവിധ ഭാഗങ്ങളിൽനിന്നുള്ള മികച്ച വടംവലി ടീമുകൾ ചാമ്പ്യൻഷിപ്പിൽ മാറ്റുരയ്ക്കും. കരുത്തും കായികമികവും പരീക്ഷിക്കുന്ന ആവേശകരമായ പോരാട്ടങ്ങൾക്കാണ് വേദിയൊരുങ്ങുന്നത്. ആംപിള് മോർട്ട്ഗേജസ്, ടൂർ ഡിസൈനേഴ്സ്, ഡെയ്ലി ഡിലൈറ്റ്, ഡി നോവോ സോളിസിറ്റേഴ്സ്, മെഗാ വോയ്സ് ആൻഡ് ഇവന്റ്സ്, ക്വിക്കി മാർട്ട്, വയനാട് സ്പൈസസ് വില്ലേജ്, എൽടിസി ഗ്ലോബൽ കൺസൾട്ടൻസി തുടങ്ങിയ സ്ഥാപനങ്ങളും പരിപാടിക്ക് പിന്തുണ നൽകുന്നു.
ഒരു കായികമത്സരത്തിനപ്പുറം യു.കെ. മലയാളികളുടെ സൗഹൃദത്തിന്റെയും കൂട്ടായ്മയുടെയും ആഘോഷം കൂടിയാകും വടംവലി മാമാങ്കം. പരിപാടിയെക്കുറിച്ചുള്ള കൂടുതൽ വിവരങ്ങൾക്ക് പ്രസാദ് ഒഴക്കൽ – 07883 293984, ജോവി ജോസഫ് – 07469 323632 എന്നീ നമ്പറുകളിൽ ബന്ധപ്പെടാം. കുടുംബസമേതം പോർട്സ്മൗത്തിലെത്തി വമ്പൻ വടംവലി പോരാട്ടങ്ങൾക്ക് സാക്ഷിയാകണമെന്ന് സംഘാടകർ അഭ്യർഥിച്ചു.
Leave a Reply