മുംബൈ: പ്രശസ്ത ഗായിക റിമി ടോമി വിവാഹിതയായി. ജിം ട്രെയിനറായ ലിബിൻ മാത്യുവാണ് വരൻ. മുംബൈയിലെ ഡോംബിവല്ലിയിലുള്ള പള്ളിയിൽ നടന്ന ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. സ്വകാര്യമായി നടത്തിയ വിവാഹച്ചടങ്ങിന്റെ ചിത്രങ്ങൾ പുറത്തുവന്നതോടെ ആരാധകർക്കിടയിലും വാർത്ത ശ്രദ്ധ നേടി.
തൂവെള്ള ഗൗണണിഞ്ഞ് ക്രിസ്ത്യൻ വധുവിന്റെ വേഷത്തിലാണ് റിമി വിവാഹത്തിനെത്തിയത്. നീല സ്യൂട്ടായിരുന്നു വരൻ ലിബിന്റെ വേഷം. മനോഹരമായ വിവാഹവേഷത്തിൽ ഇരുവരും തിളങ്ങി. വിവാഹിതയാകാൻ ഒരുങ്ങുന്നുവെന്ന സന്തോഷവാർത്ത റിമി അടുത്തിടെയാണ് ആരാധകരുമായി പങ്കുവച്ചത്.
മുംബൈ മലയാളിയായ ലിബിന്റെ ജന്മദേശത്തുവച്ചായിരിക്കും വിവാഹമെന്ന് നേരത്തെ റിമി അറിയിച്ചിരുന്നു. വിവാഹശേഷം ലിബിനൊപ്പം മുംബൈയിൽ താമസിക്കാനാണ് തീരുമാനം. ഇതിനായി ബാന്ദ്രയിൽ റിമി ഫ്ലാറ്റും സ്വന്തമാക്കിയിട്ടുണ്ട്. വിവാഹവാർത്ത പുറത്തുവന്നതോടെ ഗായികയ്ക്ക് ആശംസകളുമായി ആരാധകരും രംഗത്തെത്തി.
Leave a Reply