കെന്റിലെ പ്രമുഖ മലയാളി കൂട്ടായ്മയായ എംഎംഎയുടെ വാർഷിക പൊതുയോഗത്തിൽ പുതിയ ഭാരവാഹികളെ തെരഞ്ഞെടുത്തു. ജനുവരി മാസം 7 ആം തീയതി ക്രിസ്മസ് – പുതുവത്സര ആഘോഷത്തോടനുബന്ധിച്ചു നടന്ന പൊതുയോഗമാണ് പുതിയ കമ്മിറ്റിയെ തെരഞ്ഞെടുത്തത്.
പ്രസിഡണ്ടായി ശ്രീ . ബൈജു ഡാനിയേലും സെക്രട്ടറിയായി ശ്രീ . ബൈജു തങ്കച്ചനും ട്രെഷററായി ശ്രീ. വർഗീസ് സ്‌കറിയയും തെരഞ്ഞെടുക്കപ്പെട്ടു. കമ്മിറ്റിഅംഗങ്ങളായി സർവ്വശ്രീ . ഷൈജൻ തോമസ്, ജോഷി ജോസഫ്, ബിജു ബഹനാൻ, ലാലിച്ചൻ ജോസഫ്, ശ്രീമതി ലിബി ഫിലിപ്പ് , ജിസ് ന മൈക്കിൾ,
ശാലിനി ജോണി എന്നിവരും തെരഞ്ഞെടുക്കപ്പെട്ടു. പ്രൗഢമായ ചടങ്ങിൽ മെയ് ഡ്സ്റ്റൺ മേയർ മുഖ്യാതിഥിയായിരുന്നു. അരങ്ങിൽ വിസ്മയം തീർത്ത നിരവധി കലാപരിപാടികളും അവതരിക്കപ്പെട്ടു.
സംഘടനാ രംഗത്ത് പ്രാഗൽഭ്യം തെളിയിച്ച അനുഭവസമ്പന്നരും ബഹുമുഖ പ്രതിഭകളായ നവാഗതരും ഒരുമിക്കുന്ന മികച്ച കമ്മിറ്റിയാണ് നിലവിൽ വന്നതെന്നും പുതിയ സാരഥികൾക്കു ഭാവുകങ്ങൾ നേരുന്നതായും സ്ഥാനമൊഴിഞ്ഞ പ്രസിഡന്റ് ജോ വർഗ്ഗീസ്, സെക്രട്ടറി പ്രവീൺ രാമകൃഷ്ണൻ,ട്രെഷറർ പ്രീജിത്ത് എന്നിവർ അറിയിച്ചു.
പുതിയ കമ്മിറ്റി ആദ്യ യോഗം ചേരുകയും വിവിധ സബ്കമ്മറ്റികൾക്കു രൂപം നൽകുകയും ചെയ്തു. അവയ്ക്ക് നേതൃത്വം നൽകാൻ യനതൃതവം നല്ൊൻ യൊർഡിയനറ്റർമാരായികോർഡിനേറ്റർമാരായി വിവിധ കമ്മിറ്റി അംഗങ്ങളും ചുമതലയേറ്റു.
വർഷം മുഴുവൻ നീണ്ടു നിൽക്കുന്ന വിവിധ രപരിപാടികൾക്ക് രൂപരേഖ തയ്യാറാക്കി വരുന്നതായും വൻ സ്പോർട്സ്, ആർട്സസ് മേളകളും ജീവകാരുണ്യ പ്രവർത്തനങ്ങളും മാതൃകാപരമായി സംഘടിപ്പിച്ച് പ്രശംസ നേടിയിട്ടുള്ള യുകെയിലെ പ്രശസ്‌തമായ എം എം എയുടെ പുതിയ ഭാരവാഹികൾ അറിയിച്ചു.
ലണ്ടൻ പാന്തേഴ്സ്സ് സ്പോർട്സ് ക്ലബിൻ്റെ 5-ാo വാർഷികം 22-ാം തിയതി ഞായറാഴ്ച്ച വെംബ്ലിയിൽ വെച്ച് നടത്തപ്പെട്ടു. മാജിക്കാ ഇവൻസിന്റെ ലൈവ് മ്യൂസിക് ഷോയും എ ബി എസ് നടത്തിയ ഡി ജെയും ഒപ്പം ഒട്ടനവധി കലാപരിപാടികളും നടത്തപ്പെട്ടു. മീഡിയ സഹകാരികളായ എൽ എം ആർ റേഡിയോയുടെ സഹകരണത്തോടെ നടന്ന പരിപാടിയിൽ ക്ലബ് സ്പോൺസർ ആയ മത്‌ബക് അൽ ഖലീജിന്റെ മാനേജിംഗ് ഡയറക്ടർ ശ്രീ. ഷറഫുദ്ദീൻ ക്ലബ് അംഗങ്ങൾക്കുള്ള അവാർഡ് ദാനം നിർവഹിച്ചു.
2017-ൽ 15 അംഗങ്ങളുമായി പ്രവർത്തനം ആരംഭിച്ച പാന്തേഴ്സ് ഇന്ന് 100 ൽ അധികം അംഗങ്ങളുമായി ക്രിക്കറ്റ് , ഫുട്ബോൾ ,ബാഡ്മിന്റൺ ,ഇൻഡോർ ക്രിക്കറ്റ് ,വോളിബാൾ എന്നീ കായിക ഇനങ്ങളിൽ പങ്കെടുക്കുന്നുണ്ട്. കൂടാതെ വിവിധ സാമൂഹിക പരിപാടികളുടെയും കലാപരിപാടികളുടെയും ഭാഗവുമാകുന്നു.
5 വർഷങ്ങൾക്കുള്ളിൽ നിരവധി ചാരിറ്റി പ്രവർത്തനങ്ങൾ പാന്തേഴ്‌സിന് കേരളത്തിലും ലണ്ടനിലുമായി ചെയ്യാൻ കഴിഞ്ഞിട്ടുണ്ട്.
മുൻകാലങ്ങളിൽ ലണ്ടൻ സ്പോർട്സ് ലീഗിൽ അനേകം നേട്ടങ്ങൾ കൈവരിച്ച പാന്തേഴ്സ്, നിലവിൽ യുകെയിലെ 72 ഓളം ടീമുകൾ കളിക്കുന്ന നാഷണൽ ക്രിക്കറ്റ് ലീഗിൽ സഫയർ ഡിവിഷൻ റണ്ണർ അപ്പ് ജേതാക്കളാണ്. മികച്ച ഫുട്ബോൾ, ബാഡ്‌മിൻ്റൺ ടീമുകൾ ഉള്ള പാന്തേഴ്സ് യുകെ യിൽ നിരവധി നേട്ടങ്ങൾ കൈവരിച്ചിട്ടുണ്ട്.
നിലവിൽ 100 ൽ അധികം യുവാക്കളെ വിവിധ ഇനം കലാകായിക പ്രവർത്തനങ്ങളിൽ സജീവ സാന്നിധ്യം ആക്കി പ്രവർത്തിക്കുന്ന പാന്തേഴ്സ് ഐക്യമത്യമുള്ള ഒരു പുതുതലമുറയെ വാർത്തെടുക്കാൻ അക്ഷീണം പ്രവർത്തിക്കുന്നു.
ടിക്കറ്റ് ബുക്കിങ്ങിൽ യുകെയിൽ സർവ്വകാല റെക്കോർഡ്. രണ്ട് ദിവസം കൊണ്ട് (800+) എണ്ണൂറിൽപരം ടിക്കറ്റുകൾ വിറ്റ് ലിവർപൂൾ മലയാളി അസോസിയേഷൻ ലിമയുടെ ക്രിസ്തുമസ് ന്യൂ ഇയർ ആഘോഷങ്ങളുടെ ടിക്കറ്റ് വിൽപ്പന അവസാനിപ്പിച്ചിരിക്കുന്നു.
സീറ്റുകൾ ബുക്ക് ചെയ്തു ഞങ്ങളുമായി സഹകരിച്ച എല്ലാവർക്കും ഹൃദയത്തിൻറെ ഭാഷയിൽ നന്ദി അറിയിച്ചുകൊള്ളുന്നു
സംഗീതവും നൃത്തവും സമ്മേളിക്കുന്ന ഈ മനോഹര സുദിനത്തിലേക്ക് ഐഡിയാ സ്റ്റാർ സിംഗർ താരം വില്യം ഐസക്കും പ്രശസ്ത സിനിമാ പിന്നണി ഗായിക ഡെൽസി നൈനാൻ,യുകെയിലെ സോനു നിഗം എന്ന് അറിയപ്പെടുന്ന ഷാജു ഉതുപ്പ്, കൂടാതെ ലിവർപൂളിന്റെ സ്വന്തം വാനമ്പാടി ഇസബെൽ ഫ്രാൻസിസ്.കൂടാതെ യുകെയിലെ പ്രമുഖ ബോളിവുഡ് ഡാൻസ് ഗ്രൂപ്പ് ആയ റോസെറ്റാസ് എന്റർടൈൻമെന്റ് ,സരിഗമ ഡാൻസ് സ്റ്റുഡിയോ, എലൈറ്റ് ലിവർപൂൾ, പ്രണവം ഡാൻസ് അക്കാദമി കൂടാതെ യു കെ യിലെ സകലകലാവല്ലഭൻ ജോയി അഗസ്തിയും ചേരുന്നു.
മിതമായ നിരക്കിൽ ഇന്ത്യൻ ഭക്ഷണസ്റ്റാളുകൾ ഉണ്ടായിരിക്കുന്നതാണ്.
Venue – Knowsley Leisure and Culture Park,Longview Dr, Huyton, Liverpool L36 6EGk
Gate Open – 4:30 PM
Program Start – 4:45 PM
Please have your Tickets ready for check in…
ലണ്ടൻ : ക്രോഡിയോൺ മലയാളികൾക്ക് ഒരിക്കലും മറക്കാനാവാത്ത ഉത്സവ നിശ സമ്മനിച്ച , ക്രിസ്മസ് പുതുവത്സര ആഘോഷവും , ക്യാൻസർ രോഗിയുടെ ചികിത്സക്കായി , ഒഐസിസി സറേ സമാഹരിച്ച തുക കൈമാറുന്ന ചടങ്ങും മലയാളികൾക്ക് നിറഞ്ഞ അനുഭൂതിയായി 21 ജനവരിയിൽ ക്രോയിഡോൺ സെന്റ് ജൂഡ് ചർച്ച്‌ ഹാളിൽ നടന്നു , അംഗബാഹുല്യം കൊണ്ടും പരിപാടികളുടെ പുതുമ കൊണ്ടും , പുതിയ വർഷത്തെ ആവേശത്തോട് സ്വീകരിച്ച പ്രതീതിയിലാണ് ക്രോഡിയോൺ മലയാളികളും , ഒഐസിസി സറേ സംഘാടകരും .
ശ്രീ അഷറഫ് അബ്‌ദുള്ളയുടെയും , ശ്രീ ജോർജ് ജേക്കപ്പിന്റെയും പ്രധാന നേതൃത്വത്തിൽ സംഘടിപ്പിച്ച പരിപാടിയിൽ ഒഐസിസി സറേ റീജൺ പ്രഡിഡന്റ് ശ്രീ വിൽസൻ ജോർജ് സ്വാഗത പ്രസംഗം നടത്തി , പരിപാടിയുടെ മുഖ്യാതിഥി ആയിരുന്ന , മുൻ മേയറും , ഇപ്പോഴത്തെ കൗൺസിലറുമായ ശ്രീമതി മഞ്ജു ശാഹുൾ ഹമീദ് , ഒഐസിസി സറേ റീജന്റെ മാതൃകാ പരമായ പ്രവർത്തങ്ങളെ മുക്തകണ്ഡം പ്രശംസിച്ചു , ഒഐസിസി സറേ യുടെ എല്ലാ പ്രവർത്തങ്ങൾക്കും തുടർന്നും പൂർണ്ണ പിന്തുണ നൽകുമെന്നും ശ്രീമതി മഞ്ജു ശാഹുൾ ഹമീദ് , തന്റെ ആശംസാ പ്രസംഗത്തിൽ പറഞ്ഞു .
പ്രസ്തുത പരുപാടിയിൽ ഒഐസിസി യുകെ , നാഷണൽ ജനറൽ സെക്രട്ടറി ശ്രീ ബേബികുട്ടി ജോർജ് തന്റെ മുഖ്യ പ്രഭാഷണത്തിൽ , ക്രിസ്മസ് പുതുവത്സര സന്ദേശം നൽകി , ഒരു നല്ല വ്യകതിയെ , അയാൾ ജീവിച്ചിരിക്കുമ്പൾ തന്നെ, സ്നേഹിക്കുകയും ബഹുമാനിക്കുകയും , ആദരിക്കുകയും ചെയ്യണമെന്നും , അതായിരിക്കും അയാളുടെ മരണശേഷം നൽകുന്ന സ്നേഹ പ്രകടങ്ങളെക്കാൾ അഭികാമ്യമെന്നും , ശ്രീ ബേബികുട്ടി ജോർജ് തന്റെ ക്രിസ്മസ് പുതുവത്സര സന്ദേശത്തിൽ ഓർമ്മിപ്പിച്ചു , ഇത്തരം ഒരു വലിയ പരിപാടി സംഘടിപ്പിച്ചു വിജയിപ്പിച്ച സുറയ് കമ്മറ്റി അംഗങ്ങളെ , നാഷണൽ കമ്മറ്റി അംഗങ്ങളുടെ പേരിൽ അദ്ദേഹം അനുമോദിച്ചു .
ഒഐസിസി യുകെ , സറേ റീജൺ , ഓണാഘോഷ പരിപാടിക്കു ശേഷം നാട്ടിലുള്ള ക്യാൻസർ രോഗിക്ക് ചികിത്സയ്ക്കായി സമാഹരിച്ച തുക ശ്രീ ബേബികുട്ടി ജോർജ് , പ്രമുഖ ചാരിറ്റി പ്രവർത്തകനായ ടോണി ചെറിയാന് , ശ്രീമതി മഞ്ജു ശാഹുൾ ഹമീദിന്റെയും , ഒഐസിസി യുകെ , മഹിളാ കോർഡിനേറ്റർ ശ്രീമതി ഷൈനു മാത്യൂവിന്റേയും സാന്നിധ്യത്തിൽ കൈമാറി , ഒഐസിസി സറേ എന്നും പാവങ്ങളെ സഹായിക്കാൻ മുന്നിൽ നിൽക്കുന്നത് അശണവരായവർക്ക് വലിയ ആശ്വാസമാണെന്നും ചാരിറ്റി തുക എറ്റുവാങ്ങിക്കൊണ്ട് ശ്രീ ടോണി ചെറിയാൻ പറഞ്ഞു.
ഒഐസിസി യൂറോപ്പ് & യു കെ , മഹിളാ കോഡിനേറ്റർ ശ്രിമതി ഷൈനു മാത്യു , തന്റെ വക ക്രിസ്മസ് കേക്ക് സദസ്യർക്ക് നൽകിയാണ് പരിപാടിക്ക് എത്തിച്ചേർന്നവരെ സ്വീകരിച്ചത് , സറേ റീജന്റെ എല്ലാ പ്രവർത്തനങ്ങളും , മാതൃകാപരവും , ആവേശം നൽകുന്നതും , അസൂയ ഉളവാക്കുന്ന വിജയുമാണെന്ന് ശ്രീമതി ഷൈനു മാത്യു തന്റെ ആശംസാ പ്രസംഗത്തിൽ പറഞ്ഞു , രാഹുൽ ഗാന്ധി നയിക്കുന്ന ” ഭാരത് ജോഡോ ” യാത്രയുടെ പ്രധാന ഭാഗങ്ങൾ മാത്രം ഉൾകൊള്ളിച്ചു കൊണ്ട് , ഒഐസിസി സറേ ട്രഷറർ ശ്രീ ബിജു വർഗീസ് ചിട്ടപ്പെടുത്തിയ വീഡിയോയെ മുകതകണ്ഡം ശ്രിമതി ഷൈനു മാത്യു പ്രശംസിച്ചു . ഒഐസിസി നാഷണൽ വൈസ് പ്രസിഡന്റ് ശ്രീ സുജു ഡാനിയേൽ ആശംസകൾ അറിയിച്ചു , ഏറ്റവും നല്ല പ്രവർത്തങ്ങൾ നടത്തുന്ന സറേ റീജൺ പ്രവർത്തകരെ അദ്ദേഹം അനുമോദിച്ചു.
ആഘോഷ പരിപാടിയിൽ സദസിനെ ഇളക്കിമറിച്ച ശ്രുതിലയ ലണ്ടൻ ക്രിസ്മസ് , പുതുവത്സര പരിപാടിയിലെ “ഗാനമേള യും മിമിക്രിയും ” സ്വപ്ന തുല്യ വിസ്മയമാക്കി , ഒപ്പം ക്രിസ്മസ് കരോൾ , ക്ലാസിക്ക് ഡാൻസ് , സിനിമാറ്റിക്ക് ഡാൻസ് , ഡിജെ എന്നിവയെല്ലാം ഉൾപ്പെടുന്ന വൈവിധ്യമാർന്ന നിരവധി കലാ പരിപാടികൾ കൊണ്ട് സമ്പന്നമാക്കി ക്രിസ്മസ് രാവ് , ക്രോയിഡോൺ ദം ട്രീറ്റ് ഒരുക്കിയ രുചിയൂറും ക്രിസ്മസ് ഡിന്നർ ലണ്ടൻ മലയാളികൾക്ക് ഒരു അനുഭൂതിയായി . കോവൻഡ്രി ജാസ് ഡിജിറ്റൽ ലൈവ് ഈ പരിപാടിക്കായി ശബ്ദവും , വെളിച്ചവും ഒരുക്കി സദസ്യരെ ആനന്ദത്തിന്റെ നെറുകയിൽ എത്തിച്ചു . ആർ ജെ ബ്രൈറ്റ് മാത്യുവിന്റെ ആവേശം കൊള്ളിക്കുന്ന അവതരണവും , അദ്ദേഹവും മകളും ചേർന്ന് അവതരിപ്പിച്ച നൃത്ത രൂപവും , സദസ്യരെ യഥാർത്ഥ പുതു വർഷത്തിന്റെ ആവേശത്തിൽ എത്തിച്ചു .
പരിപാടിക്ക് വരാൻ ടിക്കറ്റ് ലഭിക്കാത്തവരുടെ പരാതിയുടെ പ്രവാഹമാണെന്ന് സംഘാടകർ അറിയിച്ചു , ആയതിനാൽ ക്രോയിഡോണിൽ ഒരു വലിയ കമ്മ്യൂണിറ്റി ഹാളിന്റെ അത്യാവശ്യം നന്ദി പ്രസംഗത്തിൽ ശ്രീ അഷറഫ് അബ്‌ദുള്ള , കൗൺസിലർ കൂടിയായ ശ്രീമതി മഞ്ജു ശാഹുൾ ഹമീദിനെ അറിയിച്ചു .
വേണ്ടുവോളം , സംഗീതവും , ഭക്ഷണവും ആസ്വദിച്ച ക്രോഡിയോൺ മലയാളികൾ മനസും , ഹൃദയും ആവോളം നിറഞ്ഞാണ് മടങ്ങിയത്.
യുകെയിലേക്ക്‌ പഠനത്തിനും ജോലിക്കുമായി വരുന്നവർ അറിഞ്ഞിരിക്കേണ്ട വിഷയങ്ങളെ ആധാരമാക്കി പ്രധാനമായും വിദ്യാർത്ഥികളെ യുകെ ജീവിതവും പഠന രീതികളുകളും ഇപ്പോൾ പഠിക്കുന്നവരിൽ നിന്നും മനസ്സിലാക്കുവാൻ ഉദ്ദേശിച്ചുള്ളതാണ് ഈ സെഷനുകൾ.
വർദ്ധിച്ചു വരുന്ന ജീവിത ചെലവുകൾ, താമസിക്കുവാൻ വീടുകളും ഹോസ്റ്റലുകളും ലഭിക്കാത്ത അവസ്ഥ, ഇത്തരം സാഹചര്യങ്ങളിൽ ഉടലെടുത്ത ചില പ്രത്യേക പ്രവണതകൾ എന്നിവയൊക്കെ മനസ്സിലാക്കുവാൻ ഇത് സഹായകരമാകും.
യൂണിവേഴ്സിറ്റി ജീവിതം, പഠന രീതികൾ കോഴ്സ്‌ സംബന്ധമായ ചോദ്യങ്ങൾ ഒക്കെ യുകെയിലുള്ളവരുമായി ചോദിക്കാനും അവസരമുണ്ടാകും. യുകെയിലേക്ക്‌ വരാൻ കാത്തിരിക്കുന്നവർക്കും, താൽപര്യമുള്ളവർക്കും, യുകെയിൽ എത്തി കോഴ്സ്‌ തുടങ്ങിയവർക്കും ഇത് സഹായകരമാവും.
സാധാരണയായി വരുന്ന സംശയങ്ങളായ ബാങ്ക്‌ അക്കൗണ്ട്‌, ഡ്രൈവിംഗ്‌, പാർട്ട്‌ ടൈം ജോലി തുടങ്ങി ഏത്‌ വിഷയത്തിലും ചോദ്യങ്ങൾ ചോദിക്കാൻ അവസരം ഉണ്ടാകും. ആംഗ്ലിയ റസ്കിൻ യൂണിവേഴ്സിറ്റി സ്റ്റുഡന്റ്സ്‌ യൂണിയൻ വൈസ് പ്രസിഡന്റും കൈരളി യുകെ ദേശീയ കമ്മറ്റി അംഗവുമായ നിതിൻ രാജ്‌ ചർച്ചയ്ക്ക്‌ നേതൃത്വം നൽകും.
ഓൺലൈൻ പ്ലാറ്റ്ഫോം സൂം വഴി നടത്തുന്ന സെഷനിൽ പങ്കെടുക്കുവാൻ താൽപര്യമുള്ളവർ താഴെ കാണുന്ന ലിങ്കിൽ റജിസ്റ്റർ ചെയുക.
https://forms.gle/H6Nvf3zBtU1zavVGA
ഇത് പരമാവധി ആളുകളിലേക്ക്‌ ഷെയർ ചെയ്ത്‌ പുതിയതായി വരുന്ന വിദ്യാർത്ഥികളെയും മറ്റുള്ളവരെയും സഹായിക്കണമെന്ന് കൈരളി യുകെ ദേശീയ കമ്മറ്റി അഭ്യർത്ഥിച്ചു.
ലണ്ടൻ : വേൾഡ് മലയാളി കൗൺസിൽ യൂറോപ്പ് റീജിയൻ സംഘടിപ്പിക്കുന്ന ന്യൂ ഇയർ /റിപ്പബ്ലിക് ദിന സെലിബ്രേഷൻ ഈ മാസം ജാനുവരി 26 ന് ഇന്ത്യൻ സമയം വൈകുന്നേരം 8.30ന് സൂം പ്ലാറ്റ് ഫോമിൽ. ബഹുമാനപ്പെട്ട അങ്കമാലി എം എൽ എ റോജി എം ജോൺ ഈ കൾച്ചുറൽ പ്രോഗ്രാം ഉൽഘാടനം ചെയ്യുന്നു. യുകെ യിലെ ബ്രിസ്റ്റോൾ മുൻ മേയർ ബഹുമാനപ്പെട്ട ടോം ആദിത്യ, വിവിധ രാജ്യങ്ങളിൽ നിന്നുള്ള വേൾഡ് മലയാളി കൗൺസിൽ ഭാരവാഹികൾ, പ്രമുഖ വ്യക്തികൾ പങ്കെടുക്കുന്നു. തുടർന്നു മാജിക്‌ ഫ്രെയിം അവതരിപ്പിക്കുന്ന മ്യൂസിക്കൽ നൈറ്റ് ഉണ്ടായിരിക്കുന്നതാണ്. ഈ പ്രോഗ്രാമിലേക്ക് വേൾഡ് മലയാളി കൗൺസിൽ യൂറോപ്പ് റീജിയൻ ഭാരവാഹികൾ എല്ലാവരെയു൦ ഹാർദ്ദമായി സ്വാഗതം ചെയ്യുന്നു.
കൂടുതൽ വിവരങ്ങൾക്ക് വേൾഡ് മലയാളി കൗൺസിൽ യൂറോപ്പ് റീജിയൻ ജനറൽ സെക്രട്ടറി ബാബു തോട്ടാപ്പിള്ളിയുമായി ബന്ധപ്പെടുക. ഫോൺ 00447577834404.
Date 26/01/2023
Indian time 8.30 pm
UK time 3 pm
Germany time 4 pm.
Meeting ID: 83665613178
Passcode: 755632
രാജേഷ് നടേപ്പള്ളി
പുതുവത്സരത്തില്‍ വില്‍ഷെയര്‍ മലയാളി അസോസിയേഷന് നവ നേതൃത്വം .പ്രിന്‍സ് മോന്‍ മാത്യു പ്രസിഡന്റും , പ്രദീഷ് ഫിലിപ്പ് സെക്രട്ടറിയും , സജി മാത്യു ട്രഷററും ആയ പുതിയ ജനകീയ കമ്മറ്റി അടുത്ത രണ്ടുവര്‍ഷത്തേയ്ക്കായി തിരഞ്ഞെടുക്കപ്പെട്ടു.
ദീര്‍ഘ കാലമായി വില്‍ഷെയര്‍ മലയാളി അസോസിയേഷന്റെ പ്രവര്‍ത്തനങ്ങളില്‍ വ്യക്തിമുദ്ര പതിപ്പിച്ച പ്രിന്‍സ് മോന്‍ മാത്യുവിനെ പ്രസിഡന്റായി എതിരില്ലാതെ തെരഞ്ഞെടുക്കുകയായിരുന്നു.
മെച്ചപ്പെട്ട പ്രവര്‍ത്തന രീതികളിലൂടെ ശ്രദ്ധേയമായ അസോസിയേഷന് മറ്റ് അസോസിയേഷനുകള്‍ക്ക് മാതൃകയാകുന്ന പ്രവര്‍ത്തനങ്ങള്‍ കാഴ്ചവയ്ക്കാറുണ്ട്. ഇക്കുറിയും പുതിയ നേതൃത്വത്തിന് കീഴില്‍ മികച്ച നേട്ടങ്ങള്‍ സ്വന്തമാക്കാന്‍ അസോസിയേഷന് സാധിക്കും.
കോവിഡ് സമയത്തു മുടങ്ങിപ്പോയ പല കാര്യങ്ങളും കാര്യക്ഷമമായി നടപ്പാക്കാനുള്ള തീരുമാനത്തിലാണ് നേതൃത്വം. കമ്മറ്റിഅംഗങ്ങള്‍ ഒന്നടങ്കം എല്ലാ പിന്തുണയുമായി ഒപ്പം തന്നെയുണ്ട്. വിവിധ സാംസ്‌കാരിക സാമൂഹിക മേഖലകളില്‍ പ്രവര്‍ത്തിച്ച മികച്ച ഒരു കമ്മിറ്റിയാണ് ഇത്തവണ വില്‍ഷെയറിനെ നയിക്കുന്നത്.
സ്വിന്‍ഡനിലെയും പ്രാന്തപ്രദേശത്തെയും മലയാളികളുടെ എണ്ണത്തില്‍ ഗണ്യമായ ഉയര്‍ച്ച ഉണ്ടായ സാഹചര്യത്തില്‍ പുതിയ അഗങ്ങളെയും സ്വിന്‍ഡനിലെ വുമണ്‍സ് ഫോറത്തെയും ചേര്‍ത്തുള്ള ഒരു ജനകീയ കമ്മറ്റിക്കാണ് പ്രസിഡന്റ് പ്രിന്‍സിമോന്‍ പ്രത്യേക ശ്രദ്ധ പതിപ്പിച്ചിട്ടുള്ളത്.
കലാ സാംസ്‌കാരിക സാമൂഹിക കായിക രംഗത്ത് വ്യക്തമായ മുദ്രപതിപ്പിച്ചിട്ടുള്ള സ്വിന്‍ഡനിലെ മലയാളികളുടെ ഒരു കൂട്ടായ്മയാണ് വില്‍ഫെയര്‍ അസോസിയേഷന്. യുകെയില്‍ ഏറെ പ്രസിദ്ധിയാര്‍ജിച്ച സ്വിണ്ടന്‍ സ്റ്റാര്‍ ചെണ്ടമേളവും, സെവെന്‍സ്റ്റാര്‍ സ്വിണ്ടന്‍ വടംവലി ടീമും, സ്വിന്‍ഡന്‍ സ്‌ട്രൈക്കേഴ്‌സ് ക്രിക്കറ്റ് ടീമും, സ്വിന്‍ഡന്‍ കേരള സോഷ്യല്‍ ക്ലബും സ്വിന്‍ഡനിലെ മലയാളികളുടെ ഒത്തുരുമയെയും കലാ സാംസ്‌കാരിക മേഖലകളിലുള്ള പ്രവര്‍ത്തന മികവിന് മകുടോദാഹരണങ്ങളാണ്.ഏറെ പ്രതീക്ഷയോടെ തിരഞ്ഞെടുക്കപ്പട്ട പുതിയ കമ്മിറ്റി കാലഘട്ടത്തിനനുസരിച്ചു മുന്നേറുമെന്നും കലാ സാംസ്‌കാരിക സാമൂഹിക രംഗത്ത് മലയാളികളുടെ പ്രതീക്ഷക്കൊത്തു പ്രവര്‍ത്തിക്കുമെന്നും യുകെ മലയാളികളുടെ അഭിമാനമായ യുക്മയുമായി തോളോട് തോള്‍ ചേര്‍ന്നു പ്രവര്‍ത്തിക്കുമെന്നും അതിനായി എല്ലാ അംഗങ്ങളും സഹകരിക്കണമെന്നും സെക്രട്ടറി പ്രദീഷ് ഫിലിപ് അഭ്യര്‍ത്ഥിച്ചു .
റെഡിച്ച് : കൈരളി യുകെ ബിർമിങ്ഹാം യൂണിറ്റ് ക്രിസ്തുമസ്-പുതുവത്സരാഘോഷം ജനുവരി 15 ഞായറാഴ്ച റെഡിച്ചിൽ നടത്തപ്പെട്ടു. കൈരളി ബിര്മിങ്ഹാമിൽ ആദ്യമായി സംഘടിപ്പിക്കുന്ന ക്രിസ്തുമസ് പുതുവത്സരാഘോഷത്തിൽ പുതു തലമുറയുടെ സാന്നിധ്യം കൊണ്ട് ശ്രദ്ധേയമായി.
ബിർമിങ്ഹാം യൂണിറ്റ് പ്രസിഡന്റ് ടിന്റസ് ദാസ് നിലവിളക്കു കൊളുത്തി ഉദ്‌‌ഘാടനം നടത്തി എല്ലാവരെയും ചടങ്ങിലേക്ക് സ്വാഗതം ചെയ്തു. ചടങ്ങിൽ ഈ വർഷത്തെ പ്രവർത്തന റിപ്പോർട്ട് യൂണിറ്റ് സെക്രട്ടറി അസീം അബു അവതരിപ്പിച്ചു. ചെറിയ കാലയളവിനുള്ളിൽ ബിർമിങ്ഹാമിൽ സിറ്റി ക്ലീനിങ്, ഡി.കെ.എം.എസുമായി ചേർന്ന് സ്റ്റെം സെൽ ഡോണർ ക്യാമ്പയിനുകൾ, മറ്റു സാമൂഹിക പ്രവർത്തനങ്ങൾ ഏറ്റെടുത്തു വിജയകരമായി നടത്താൻ സഹായിച്ച എല്ലാ യൂണിറ്റ് മെമ്പേഴ്സിനും നന്ദി പറഞ്ഞു.
തുടർന്ന് കുട്ടികൾ മുതൽ മുതിർന്ന തലമുറയിൽ ഉള്ളവരുടെ വിവിധ കലാപരിപാടികൾ അരങ്ങേറി. അവതാരകരായി യൂണിറ്റ് ട്രഷറർ മാത്യുവും നാഷണൽ കമ്മിറ്റി മെമ്പർ അഞ്ജനയും കൃത്യവും ഹൃദ്യവുമായി ആദ്യാവസാനം പരിപാടികൾ പരിചയപ്പെടുത്തി. റെഡിച്ചിൽ നിന്നുള്ള ബോബി ആൻഡ്‌ ടീമിന്റെ കരോൾ ഗാനമേള സദസ്സിനു ഗൃഹാതുരത ഉണർത്തി. തുടർന്ന് സംഘടിപ്പിച്ച സ്വാദിഷ്ടമായ ക്രിസ്തുമസ് വിരുന്നിലും എല്ലാവരും പങ്കുചേർന്നു.
കൈരളി യുകെ ദേശീയതലത്തിൽ നടത്തിവരുന്ന “വിശപ്പുരഹിത ക്രിസ്തുമസ്” എന്ന ചലഞ്ചിന്റെ ഭാഗമായി ബ്രോംസ്ഗ്രോവിലുള്ള ന്യൂസ്റ്റാർട് എന്ന ഫുഡ്ബാങ്കിലേക് വളരെ അധികം ആഹാര സാധനങ്ങൾ ശേഖരിക്കാൻ സാധിച്ചു. യൂണിവേഴ്സിറ്റി ഓഫ് ബിർമിങ്ഹാമിലെ പ്രൊഫസർ തോമസ് സെബാസ്റ്റ്യൻ, നിലവിലെ സാമ്പത്തിക സാഹചര്യങ്ങളിൽ യുകെയിലെ സഹജീവികളോടുള്ള കൈരളി യുകെയുടെ കാരുണ്യപരമായ മാതൃക പ്രവർത്തനങ്ങളെ പ്രശംസിച്ചു. പരിപാടിയിൽ പങ്കെടുത്ത എല്ലാവർക്കും യൂണിറ്റ് ജോയിന്റ് സെക്രട്ടറി ഷാഹിന കൃതജ്ഞത അർപ്പിച്ചു.
യൂറോപ്പിലെ ഏറ്റവും വലിയ ശ്രീനാരായണപ്രസ്ഥാനമായ സേവനം യുകെയുടെ ഭാഗമായ
സേവനം സൗത്തീസ്റ്റിന്റെ പ്രഥമ കുടുംബസംഗമം ഫെബ്രുവരി നാലിന് ഗില്ലിങ്ങാമിൽ നടത്തുകയാണ്. കഴിഞ്ഞ വർഷം ഒക്ടോബറിൽ രൂപീകരിച്ചു ചുരുങ്ങിയ ഈ കാലയളവിൽ തന്നെ ലണ്ടന്റെ തെക്കും ഇംഗ്ലണ്ടിൻെറ തെക്കുകിഴക്ക് ഭാഗങ്ങളിൽ നിന്നുള്ള അംഗങ്ങൾക്കിടയിൽ ഒരു ആവേശമാകുകയും ദിനംതോറും കൂടുതൽ അംഗങ്ങളാൽ ശക്തിപ്രാപിച്ചു മുൻപോട്ടു പൊയ്ക്കൊണ്ടിരുന്ന ഈ യൂണിറ്റിന്റെ ആദ്യ തീരുമാനമായിരുന്നു ഈ കുടുംബസംഗമം.
മാതൃസംഘടനായ സേവനം യുകെയുടെ പൂർണ മാർഗ്ഗനിർദേശങ്ങളാൽ മുൻപോട്ടുപോകുന്ന സേവനം സൗത്തീസ്റ്റ് അതിലെ എല്ലാ കുടുംബങ്ങളെയും ഒരു കൂരയ്ക്കുള്ളിൽ കുറേസമയം എത്തിക്കുക വഴി എല്ലാവരും പരസ്പരം പരിചയപ്പെടുവാനും അതുവഴി കുടുംബങ്ങൾ തമ്മിൽ ദൃഢമായ ബന്ധം ഊട്ടി ഉറപ്പിക്കുവാനുമാണ് ഈ സംഗമം വഴി ലക്ഷ്യമിടുന്നത്. “സംഘടനകൊണ്ട് ശക്തരാകുക” എന്ന ഗുരുദേവ ആപ്തവാക്യത്താൽ പ്രചോദനം ഉൾക്കൊണ്ട് അത് പൂർണമായും പാലിച്ചു മുൻപോട്ടുപോകുവാൻ ഈ സംഗമം ഉപകരിക്കുമെന്ന് സംഘാടകർ വിശ്വസിക്കുന്നു.
ഫെബ്രുവരി നാലിന് രാവിലെ പതിനൊന്നു മുതലാണ് സംഗമം ആരംഭിക്കുന്നത്. കോട്ടയം ജില്ലയിലെ മീനച്ചിൽ എസ്എൻഡിപി യൂണിയനിൽപ്പെട്ട തെക്കുംമുറി ശാഖ (3385) സെക്രട്ടറിയായി സേവനമനുഷ്ഠിച്ചു വരുന്ന ബഹുമാനപ്പെട്ട ശ്രീമതി ഷൈല മോഹനന്റെ പ്രഭാഷണം, ശ്രീ സദാനന്ദൻ ദിവാകരൻ നയിക്കുന്ന ഭക്തി ഗാനസുധ, കുട്ടികളുടെ കലാപരിപാടികൾ എന്നിവ ഈ സംഗമത്തിന് മാറ്റുകൂട്ടും
ഗില്ലിങ്ങാമിലെ കസ്റ്റലേമിനിലെ സ്കൗട്സ് ഹാളിൽ വൈകുന്നേരം അഞ്ചുമണി വരെ നീണ്ടുനിൽക്കുന്ന സംഗമത്തിൽ ആദ്യാവസാനം സേവനം യുകെയുടെ ഡയറക്ടർബോർഡ് അംഗങ്ങൾ സന്നിഹിതരായിരിക്കും. പങ്കെടുക്കുന്ന അംഗങ്ങളുടെ വിവരങ്ങൾ ശേഖരിക്കുന്നതിനായി ഒരു ഗൂഗിൾ ലിങ്ക് പ്രവർത്തിച്ചുവരുന്നു അതിൽ എല്ലാ അംഗങ്ങളും വിവരങ്ങൾ നൽകണമെന്ന് ഭാരവാഹികൾ അറിയിച്ചു.
Venue :-
Gillingham Scouts Hall
Castlemine Avenue
Gillingham, ME7 2QL
ജെഗി ജോസഫ്
യുബിഎംഎയുടെ പത്താം വാര്‍ഷിക ആഘോഷം അവിസ്മരണീയമായി. വേദിയില്‍ ഗാനമേളയും നൃത്തവും ഒക്കെയായി ആഘോഷിച്ചപ്പോള്‍ അംഗങ്ങള്‍ക്ക് ഇത് അഭിമാനത്തിന്റെയും ആഘോഷത്തിന്റെയും ദിവസമായി മാറി. ചിട്ടയായ പ്രവര്‍ത്തനങ്ങളിലൂടെ പത്തുവര്‍ഷമായി യുബിഎംഎ പ്രവര്‍ത്തന മികവു കാണിക്കുമ്പോള്‍ ഈ നേട്ടത്തിന് ഓരോ അംഗങ്ങള്‍ക്കും അഭിമാനിക്കാവുന്നതാണ്. ആഘോഷങ്ങള്‍ മാത്രമല്ല ചാരിറ്റി ഉള്‍പ്പെടെ പ്രവര്‍ത്തനങ്ങളില്‍ സജീവമായി ഓരോ വര്‍ഷവും മികച്ച മുന്നേറ്റമാണ് യുബിഎംഎ നടത്തുന്നത്. ഈ വാര്‍ഷിക ദിനം ആഘോഷമാക്കിയിരിക്കുകയാണ് അംഗങ്ങള്‍.പത്താം വാര്‍ഷിക ആഘോഷം ചാരിറ്റി ഇവന്റു കൂടിയായി നടത്തുകയായിരുന്നു. വലിയ പങ്കാളിത്തമാണ് പരിപാടിയിലുണ്ടായത്.
യുബിഎംഎ ഡാന്‍സ് സ്‌കൂളിലെ കലാകാരികള്‍ അവതരിപ്പിച്ച വെല്‍ക്കം ഡാന്‍സ് വേദിയെ കീഴടക്കി. പിന്നീട് പത്താം വാര്‍ഷിക ഉത്ഘാടനം വേദിയില്‍ നടന്നു. യുബിഎംഎ പ്രസിഡന്റ് ജോണ്‍ ജോസഫ് ഏവരേയും ആഘോഷരാവിലേക്ക് സ്വാഗതം ചെയ്തു. ബ്രാഡ്‌ലി സ്റ്റോക്ക് കൗണ്‍സിലര്‍ ടോം ആദിത്യ, ബ്രിസ്ക പ്രസിഡന്റ് ജാക്‌സണ്‍ ജോസഫ് തുടങ്ങിയവര്‍ മുഖ്യ അതിഥികളായിരുന്നു.വിശിഷ്ടാതിഥികൾക്കൊപ്പം
യുബിഎംഎയുടെ മുൻകാല ഭാരവാഹികൾ നിലവിലെ കമ്മിറ്റി അംഗങ്ങൾ എന്നിവർ ചേർന്ന് നിലവിളക്ക് കൊളുത്തി ആഘോഷ രാവ് ഉത്ഘാടനം ചെയ്തു. പത്താം വാര്‍ഷിക ആഘോഷത്തിന്റെ ഭാഗമായ കേക്ക് മുറിക്കല്‍ യുബിഎംഎയിലെ മുതിര്‍ന്ന അംഗമായ മാത്യു ചിറയത്ത് നിര്‍വഹിച്ചു.ഉത്ഘാടന പ്രസംഗത്തില്‍ ശ്രീ ടോം ആദിത്യ യുബിഎംഎ ബ്രിസ്റ്റോൾ മലയാളി സമൂഹത്തിന് നൽകിയ മികച്ച സംഭാവനകളെ ഓര്‍മ്മിപ്പിച്ചു. തുടക്കം മുതലേ യുബിഎംഎയുടെ അസോസിയേഷന് പ്രവര്‍ത്തനങ്ങളുടെ ഭാഗമാകാന്‍ കഴിഞ്ഞതില്‍ അദ്ദേഹം സന്തോഷം പ്രകടിപ്പിച്ചു.യുബിഎംഎയില്‍ നിന്ന് ധാരാളം രാഷ്ട്രീയ നേതാക്കളുണ്ടാകട്ടെ, യുവജനങ്ങള്‍ ഉയര്‍ന്ന നിലയിലേക്ക് വരട്ടെയെന്ന് അദ്ദേഹം ആശംസിച്ചു. ബ്രിസ്ക പ്രസിഡണ്ട് ജാക്സൺ ജോസഫ് ആശംസകൾ നേർന്നു. UBMA ബ്രിസ്കയ്ക്ക് നൽകുന്ന സേവനങ്ങ ണെ അദ്ധേഹം അനുസ്മരിച്ചു.
പിന്നീട് ഒരുപിടി പരിപാടികളാണ് വേദിയില്‍ അരങ്ങേറിയത്.ബോളിവുഡ് ഡാന്‍സ്, ബ്രിസ്‌റ്റോള്‍ യുണി സ്റ്റുഡന്റ്‌സിന്റെ ഡാന്‍സ് എന്നിങ്ങനെ വേദിയില്‍ ആവേശം തീര്‍ക്കുന്ന പരിപാടികള്‍ അരങ്ങേറി.
അയര്‍ലന്‍ഡില്‍ നിന്നു എത്തിയ സോള്‍ ബീറ്റ്‌സ് ഒരുക്കിയ ഗാനമേള വലിയ ഓളമാണ് സൃഷ്ടിച്ചത്. പുതുവര്‍ഷം തുടങ്ങിയ ശേഷം നടന്ന ഈ ആഘോഷം ഈ വര്‍ഷം മുഴുവനുമായുള്ള ഊര്‍ജ്ജം നല്‍കുന്ന ഒന്നായി മാറി. അടിപൊളി പാട്ടുകളില്‍ കാണികള്‍ ആഘോഷത്തോടെ കൊണ്ടാടുകയായിരുന്നു.ജിജി ലൂക്കോസ് സൗണ്ട് ആന്‍ഡ് ലൈറ്റ് കൈകാര്യം ചെയ്തു. വേദി ഉണ്ണികൃഷ്ണന്‍ നായര്‍ ഒരുക്കി.ഫോട്ടോ അജി സാമുവലും, വീഡിയോ സബിനും കൈകാര്യം ചെയ്തു. വിഭവ സമൃദ്ധമായ ഡിന്നര്‍ ഒരുക്കി ജിജോ പാലാട്ടി യുബിഎംഎ പരിപാടിയുടെ ആഘോഷത്തിന്റെ ഭാഗമായി.യുകെയിലെ പ്രമുഖ മോര്‍ട്ട്‌ഗേജ് അഡ്‌ വൈസിംഗ്‌ സ്ഥാപനമായ ഇന്‍ഫിനിറ്റി മോര്‍ട്ട്‌ഗേജ് പരിപാടിയുടെ മുഖ്യ സ്‌പോണ്‍സറായിരുന്നു.
യുബിഎംഎ സെക്രട്ടറി ബീന മെജോ ഏവര്‍ക്കും നന്ദി പറഞ്ഞു. ശ്രീമതി ബിന്‍സി ജെയ്, , സോണിയ റെജി, ജിജി ജോണ്‍ എന്നിവർ പ്രോഗ്രാം കോഡിനേ റ്റേർസ് ആയിരുന്നു. പ്രസിഡന്റ് ജോണ്‍ ജോസഫ്, സെക്രട്ടറി ബീന മെജോ, ട്രഷറര്‍ ജെയ് ചെറിയാന്, വൈസ് പ്രസിഡന്റ് സെബിയാച്ചൻ പാലിമറ്റം , ജോയ്ന്റ് ട്രഷറര്‍ റെജി തോമസ് എക്സിക്യൂട്ടീവ് അംഗങ്ങളായ മാത്യു ചിറയത്ത് , മെജോ ചെന്നേലില്‍,ജോമോന്‍ മാമച്ചന്‍, ബിജു പപ്പാരിൽ , സോണി ജെയിംസ്, ഷിജു അകപ്പടി, ജോബിച്ചന്‍ ജോര്‍ജ് എന്നിവര്‍ പരിപാടിയുടെ മികച്ച വിജയത്തിനായി മുന്നില്‍ നിന്ന് പ്രവര്‍ത്തിച്ചു.
