ജോൺസൺ കളപ്പുരയ്ക്കൽ

യുകെ : ഇന്ന് 26/6/21 സ്വിൻഡനിൽ നടത്താനിരുന്ന പതിമൂന്നാമത് കുട്ടനാട് സംഗമം മാറ്റിവെച്ചതായി സംഘാടകസമിതി അറിയിച്ചു. യുകെയിലെ കുട്ടനാട്ടുകാർക്ക് ഗൃഹാതുരത്വത്തിൻ്റെ ഇന്നലെകൾ സമ്മാനിച്ചു കൊണ്ട് കഴിഞ്ഞ പതിനൊന്ന് വർഷക്കാലം യുകെയിലെ വിവിധ പ്രദേശങ്ങളിൽ എല്ലാ വർഷവും ജൂണിലെ അവസാന ശനിയാഴ്ച അഭംഗുരമായി നടന്നുകൊണ്ടിരുന്ന കുട്ടനാട് സംഗമം യുകെയിലെ കോവിഡ് 19 മഹാമാരിയുടെ പശ്ചാത്തലം നിലനിൽക്കുന്ന സാഹചര്യം മുൻനിർത്തിയാണ് മാറ്റി വച്ചത്. കഴിഞ്ഞ വർഷം സ്വിൻഡനിൽ നടത്താനിരുന്ന പന്ത്രണ്ടാമത് കുട്ടനാട് സംഗമവും കോവിഡ് 19 മുൻനിർത്തി മാറ്റി വച്ചിരുന്നു. പതിമൂന്നാമത് കുട്ടനാട് സംഗമവും സ്വിൻഡനിൽ നടത്താൻ ആയിരുന്നു തീരുമാനിച്ചിരുന്നത്.

സാഹചര്യങ്ങൾ അനുകൂലമായാൽ വരുന്ന വർഷം ജൂണിലെ അവസാന ശനിയാഴ്ച സ്വിൻഡനിൽ തന്നെ കൂടുതൽ ഉൾക്കരുത്തോടെ യാഥാർത്ഥ ബോധത്തോടെ 14 മത് കുട്ടനാട് സംഗമം 2022 അണിയിച്ചൊരുക്കുo. ഒരിറ്റു വെള്ളം പൊങ്ങിയാൽ മുങ്ങുന്ന, വർഷാ വർഷം പാലായനം ചെയ്യപ്പെടുന്ന, ജലത്താൽ മുറിവേൽക്കപ്പെടുന്ന ഒരു ജനതയുടെ സ്വയരക്ഷയ്ക്കായുള്ള പ്രവർത്തനങ്ങൾക്ക് പിന്തുണ നൽകാനും, രാഷ്ട്രീയ നിറം നോക്കാതെ കുട്ടനാടൻ ജനതയുടെ സമന്വയ മുന്നേറ്റങ്ങൾക്കൊപ്പം നിൽക്കാനും, യുകെയും മറ്റ് യുറോപ്യൻ രാജ്യങ്ങളും സാങ്കേതികവിദ്യയുടെ സഹായത്താൽ വെള്ളപ്പൊക്കങ്ങളെ അതിജീവിക്കുന്നത് സമഗ്ര റിപ്പോർട്ടായി കേരള ഗവൺമെൻറിൻ്റെ ശ്രദ്ധയിൽ പെടുത്തുമെന്നും, കുട്ടനാടിൻെറ സംസ്കാരികതനിമയുടെ വിനിമയം അടുത്ത തലമുറയിലേക്ക് എത്തിക്കുന്ന പാലമായി വർത്തിക്കാൻ കുട്ടനാട് സംഗമം യുകെ പ്രതിജ്ഞാബദ്ധമാണെന്നും കുട്ടനാട് സംഗമം യുകെ സംഘാടക സമിതി കൺവീനർമാരായ സോണി പുതുക്കരിയും റ്റോമി കൊച്ചുതെള്ളിയും അറിയിച്ചു.

രാജി രാജൻ

കോവിഡ് മഹാമാരിയുടെ വിഷമതകളിലൂടെ കടന്നു പോകുന്ന കേരളത്തിലെ സഹോദരങ്ങൾക്ക് സ്വാന്ത്വന സ്പർശമേകുവാനായി മുഖ്യമന്ത്രിയുടെ ദുരിതാശ്വാസനിധിയിലേക്ക് ഒരു തുക സമാഹരിച്ച് നൽകുന്നതിനു വേണ്ടി മലയാളം മിഷൻ യുകെ ചാപ്റ്ററിന്റെ നേതൃത്വത്തിൽ കുട്ടികളെയും മുതിർന്നവരെയും പങ്കെടുപ്പിച്ചുകൊണ്ട് വെർച്യുൽ പ്ലാറ്റ്ഫോമിലൂടെ നൂതന ശൈലിയിൽ നടത്തിയ കഹൂട്ട് ക്വിസ് മത്സരത്തിൽ പങ്കെടുത്ത മുഴുവൻ ആളുകൾക്കും നവ്യാനുഭവമായിമാറി.

കേരളത്തെക്കുറിച്ചും മലയാള ഭാഷയെക്കുറിച്ചുമുള്ള വിജ്ഞാനപ്രദമായ ചോദ്യങ്ങൾ ഉൾക്കൊള്ളിച്ചു നടത്തിയ ആവേശം നിറഞ്ഞ മത്സരത്തിൽ ഒന്നാം സമ്മാനം ബിജു ഗോപിനാഥും രണ്ടാം സമ്മാനം ആനി അലോഷ്യസും ടോണി അലോഷ്യസും മൂന്നാം സമ്മാനം സോജൻ വാസുദേവനും കരസ്ഥമാക്കി. വിജയികളാ യവർ അവർക്ക് ലഭിച്ച സമ്മാനത്തുക മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകി ഏവർക്കും മാതൃകയായി.

അതിവേഗം ശരി ഉത്തരം നൽകുന്ന വിജയികൾക്ക് ഒന്നാം സമ്മാനമായി £100, രണ്ടാം സമ്മാനം £75 , മൂന്നാം സമ്മാനം £50 എന്നീ ക്രമത്തിലായിരുന്നു സമ്മാനങ്ങൾ നൽകുവാൻ സംഘാടക സമിതി തീരുമാനിച്ചത്. കർമ്മ കലാകേന്ദ്ര, ഇൻഫിനിറ്റി ഫൈനാൻഷ്യൽസ് ലിമിറ്റഡ്, നിള ഫുഡ്‌സ് തുടങ്ങിയവരാണ് സമ്മാനങ്ങൾ സ്പോൺസർ ചെയ്തിരുന്നത്.

കഹൂട്ട് ക്വിസ് മത്സരത്തിന്റെ ഔപചാരികമായ ഉദ്ഘാടനം മലയാളം മിഷൻ ഡയറക്ടർ പ്രൊഫ.സുജ സൂസൻ ജോർജ് നിർവ്വഹിച്ചു. വിപരീത പ്രശ്നോത്തരി അവതരിപ്പിച്ച് ലിംക ബുക് ഓഫ് റെക്കോർഡ്സിൽ ഇടം നേടിയ പ്രതിഭയും കൈരളി ടിവിയിലെ അശ്വമേധം, ജയ്ഹിന്ദ് ടിവിയിയിലെ രണാങ്കണം എന്നീ പ്രോഗ്രാമുകളിലൂടെ മലയാളികൾക്ക് ഏറെ സുപരിചിതനുമായ ഗ്രാൻറ് മാസ്റ്റർ ജി എസ് പ്രദീപ് മുഖ്യ പ്രഭാഷണം നടത്തി. മലയാളം മിഷൻ യുകെ ചാപ്റ്റർ പ്രസിഡന്റ് സി. എ. ജോസഫ് അധ്യക്ഷത വഹിച്ചു. യുകെ സൗത്ത് ഈസ്ററ് റീജിയണൽ കോർഡിനേറ്റർ ബേസിൽ ജോൺ ആശംസയർപ്പിച്ചു. സെക്രട്ടറി ഏബ്രഹാം കുര്യൻ സ്വാഗതവും കഹൂട്ട് ക്വിസ് മത്സരത്തിന്റെ കോർഡിനേറ്റർ ആഷിക്ക് മുഹമ്മദ് നാസർ നന്ദിയും പറഞ്ഞു.

ഒന്നാം സമ്മാന ജേതാവായ യുകെയിലെ ന്യൂകാസിലിൽ താമസിക്കുന്ന ബിജു ഗോപിനാഥ് ന്യൂകാസിലിൽ പ്രവർത്തിക്കുന്ന സമീക്ഷ മലയാളം സ്കൂളിന്റെ മുഖ്യസംഘാടകരിൽ ഒരാളാണ് . രണ്ടാം സമ്മാനം ലഭിച്ച ലണ്ടനിലെ ലൂട്ടനിൽ താമസിക്കുന്ന സഹോദരങ്ങളായ ആനി അലോഷ്യസും & ടോണി അലോഷ്യസും ആയിൽസ്ബറി ഗ്രാമർ സ്കൂളിലെ വിദ്യാർഥികളാണ്. ഇക്കഴിഞ്ഞ യുക്മ ദേശീയ കലാമേളയിൽ യഥാക്രമം കലാതിലകവും കലാപ്രതിഭയും ആയി തിരഞ്ഞെടുക്കപ്പെട്ടിട്ടുള്ള ഇവർ മാതൃഭാഷയായ മലയാളവും പഠിക്കുന്നുണ്ട് . മുതിർന്നവരോടൊപ്പം മത്സരിച്ച് രണ്ടാം സമ്മാനം കരസ്ഥമാക്കിയ ഈ കുട്ടികൾ വളർന്നു വരുന്ന തലമുറയ്ക്കും ഒരു പ്രചോദനമായി മാറി. മൂന്നാം സമ്മാനം കരസ്ഥമാക്കിയ സ്കോട്ട്‌ലൻഡിലെ അബർഡീനിൽ താമസിക്കുന്ന സോജൻ വാസുദേവൻ അബർഡീനിലെ പ്രമുഖ സാംസ്കാരിക സംഘടനയായ ‘ശ്രുതി’ യുടെ സജീവ പ്രവർത്തകനുമാണ്.

മത്സരത്തിൽ പങ്കെടുത്തവർ നൽകിയ രജിസ്ട്രേഷൻ ഫീസും സമ്മാനം ലഭിച്ചവർ നൽകിയ തുകയും ചേർത്ത് 1,00,970 രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവനയായി നൽകുവാൻ മലയാളം മിഷൻ യുകെ ചാപ്റ്ററിന് കഴിഞ്ഞു.

ജൻമനാടിനെ മാറോട് ചേർത്ത് കോവിഡ് ദുരിതത്തിൽ വിഷമിക്കുന്ന നമ്മുടെ സഹോദരങ്ങൾക്ക് സ്വാന്ത്വനമേകുവാനായി കേരളത്തെക്കുറിച്ചുള്ള വിജ്ഞാനത്തിന്റെ വെളിച്ചം പകർന്ന് മലയാളം മിഷൻ യുകെ ചാപ്റ്റർ നടത്തിയ ഈ ക്വിസ് മത്സരത്തിൽ പങ്കെടുത്തു വിജയിപ്പിച്ച എല്ലാ സുമനസ്സുകൾക്കും മലയാളം മിഷൻ യുകെ ചാപ്റ്റർ പ്രസിഡന്റ് സി എ ജോസഫ് , സെക്രട്ടറി ഏബ്രഹാം കുര്യൻ, വിദഗ്ദ്ധ സമിതി ചെയർമാൻ എസ് എസ് ജയപ്രകാശ്, കഹൂട്ട് ക്വിസ് മത്സരം കോർഡിനേറ്റർ ആഷിക് മുഹമ്മദ് നാസർ എന്നിവർ നന്ദിയും പ്രകാശിപ്പിച്ചതിനോടൊപ്പം വിജയികളെ അഭിനന്ദനവും അറിയിച്ചു.

സമീക്ഷ യുകെ എന്ന ഇടതുപക്ഷ പുരോഗമന കലാസാംസ്‌കാരിക സംഘടനയുടെ നേതൃത്വത്തിൽ കേരളത്തിന്റെ കോവിഡ് പ്രതിരോധ പ്രവർത്തനങ്ങൾക്കായി മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള പണ സമാഹരണം നടന്നു വരികയാണ് . ഇതിനായി ബ്രാഞ്ച് തലത്തിൽ ബിരിയാണി മേളകൾ നടന്നു വരുന്നു . ഒരു മാസമായി നടന്നു വരുന്ന പ്രവർത്തനങ്ങൾ ഈ മാസം 25 നു അവസാനിക്കും .

സമീക്ഷ കോവെന്ററി ആൻഡ് വാർവിക്ക് ബ്രാഞ്ചിൽ നടന്ന ബിരിയാണി മേള ജാതി വംശ വ്യത്യാസമില്ലാതെ ആളുകൾ നെഞ്ചേറ്റി. സമീക്ഷ പ്രവർത്തകർക്കൊപ്പം കൊവെൻട്രിയിലെ ഏഴുവയസ്സുകാരൻ ആദി, പുലർച്ചെ 6 മണി മുതൽ കൂടിയത് ഏവർകും ആവേശമായി. ബ്രിട്ടീഷ് വംശജ ഡെബ്ബി വില്യംസും സമീക്ഷ പ്രവർത്തകർക്കൊപ്പം കേരളത്തിനായി കൈകോർത്തു .

സമീക്ഷ യുടെ ബിരിയാണി ചലഞ്ചിനായി സ്വന്തം ഹോട്ടലും കിച്ചനും തുറന്നു കൊടുത്ത ഡോക്ടർ ബാൽ സിധുവും പത്നി ചരൺ സിധുവും പ്രവർത്തകർക്ക് നൽകിയ സപ്പോർട്ട് എടുത്ത് പറയേണ്ടതാണ് . ഷെഫ് ഓൺ ക്ലൗഡ് കാറ്ററിംഗ് സ്ഥാപനത്തിൻ്റെ ഉടമ വിവേക് ജയരാജ്, സമീക്ഷയുടെ നാഷണൽ കമ്മിറ്റി അംഗം പ്രവീൺ, ക്ലിന്റ് തോമസ് , സമീക്ഷ യൂണിറ്റ് അംഗങ്ങളും യൂണിവേഴ്സിറ്റി സ്റ്റുഡന്റസും ആയ ഷിനു ഷിബു, നൗഫൽ സുൽത്താൻ, അജ്മൽ മുഹമ്മദ്‌സലീം, നെബിൽ അഫി എന്നിവരും ലിജു തോമസ്, വിശാൽ പട്ടേൽ സമീക്ഷ കൊവെൻട്രി ആൻഡ് വാർവിക്ക് ബ്രാഞ്ച് പ്രസിഡന്റ് ഏബ്രഹാം കുര്യൻ, ജുബിൻ അയ്യാരി, നാഷണൽ പ്രസിഡന്റ് സ്വപ്ന പ്രവീൺ, ലെസ്റ്റർഷെയറിലെ അജീഷ് കൃഷ്ണൻ, സുബിൻ സുഗുണൻ, അനീഷ് ജോസ്, അനു അംബി തുടങ്ങിയ പ്രവർത്തകരുടെ ഒരാഴ്ചയോളം നീണ്ട കഠിന പ്രയത്നമാണ് ഈ ബിരിയാണി മേളയെ ഒരു വൻ വിജയമാക്കി മാറ്റിയത്.

ഏകദേശം 570 ഓളം ബിരിയാണികൾ ആണ് കൊവെൻട്രിയിലും സമീപ പ്രദേശങ്ങളിലും ആയി ഇവർ വിതരണം ചെയ്തത്. ലഭിച്ച തുകയിൽ നിന്നും ചിലവുകൾ കുറച്ച്, മിച്ചം വന്ന 1600 പൗണ്ട് കൊവെൻട്രി ആൻഡ് വാർവിക്ക് ബ്രാഞ്ച് സമീക്ഷ ദേശീയ കമ്മറ്റിക്ക് കൈമാറും . ബിരിയാണി ചലഞ്ചുമായി സഹകരിച്ച എല്ലാ നല്ലവരായ കൊവെൻട്രി-വാർവിക് ഏരിയയിലെ ജനങ്ങൾക്കും, ആദ്യം മുതൽ അവസാനം വരെ ബിരിയാണി ചലഞ്ചിനായി പ്രയത്നിച്ച സമീക്ഷ പ്രവർത്തകരോടും മറ്റു സന്നദ്ധ പ്രവർത്തകരോടും ബ്രാഞ്ച് പ്രസിഡന്റ് എബ്രഹാം കുര്യൻ, സെക്രട്ടറി ശ്രീജിത്ത് ഗംഗാധര പണിക്കർ എന്നിവർ നന്ദി അറിയിച്ചു.

ന്യൂസ് ഡെസ്ക് മലയാളം യുകെ

രാജ്യത്ത് ജനിതകമാറ്റം വന്ന ഇന്ത്യൻ വൈറസ് വകഭേദം വൻ ഭീഷണി ഉയർത്തുന്ന സാഹചര്യത്തിൽ ലോക് ഡൗൺ നിയന്ത്രണങ്ങൾ പിൻവലിക്കുന്നത് 4 ആഴ്ച കൂടി വൈകിപ്പിക്കാൻ തീരുമാനമായി. ജൂൺ 21-ന് നിയന്ത്രണങ്ങൾ പിൻവലിക്കാനാണ് നേരത്തെ പദ്ധതി തയ്യാറാക്കിയിരുന്നത്. രണ്ടാഴ്ച കഴിഞ്ഞ് വീണ്ടും സ്ഥിതിവിശേഷം വിലയിരുത്തുമെന്നും നിലവിലെ സാഹചര്യത്തിൽ 4 ആഴ്ചയിൽ കൂടുതൽ നിയന്ത്രണങ്ങൾ വേണ്ടി വരില്ല എന്ന് കരുതുന്നതായി പ്രധാനമന്ത്രി ബോറിസ് ജോൺസൺ പറഞ്ഞു. ലോക് ഡൗൺ നീട്ടുന്നതിലൂടെ കൂടുതൽ ആളുകൾക്ക് പ്രതിരോധ കുത്തിവെയ്പ്പ് നൽകാൻ എൻഎച്ച്എസിന് കഴിയുമെന്ന് പ്രധാനമന്ത്രി പറഞ്ഞു.

ബ്രിട്ടനിൽ ലോക്ക് ഡൗൺ പിൻവലിച്ചാൽ ജൂലൈ മാസത്തോടെ പ്രതിദിന കോവിഡ് കേസുകളുടെ എണ്ണം ഒരു ലക്ഷം ആയേക്കാം എന്ന റിപ്പോർട്ടുകൾ നേരത്തെ പുറത്തുവന്നിരുന്നു . ജനിതകമാറ്റം വന്ന ഇന്ത്യൻ വൈറസ് വകഭേദത്തിൽനിന്ന് രാജ്യം നേരിടുന്നത് കടുത്ത ഭീഷണി ആണ് . ഇന്ത്യയിൽ ആദ്യം പ്രത്യക്ഷപ്പെട്ട ഡെൽറ്റാ വേരിയന്റാണ് നിലവിൽ യുകെയിലെ 90% കോവിഡ് രോഗികളെയും ബാധിച്ചിരിക്കുന്നത്. കെന്റ്,ആൽഫാ വേരിയന്റിനേക്കാൾ 60 ശതമാനം കൂടുതൽ വ്യാപന ശേഷിയുള്ളതാണ് ഡെൽറ്റാ വേരിയന്റ് എന്നുള്ളതാണ് യുകെയിൽ ഇത്രമാത്രം രോഗവ്യാപനം ഉണ്ടാകാനുള്ള കാരണം. മറ്റു വൈറസ് വകഭേദങ്ങളെക്കാൾ ഡെൽറ്റാ വേരിയന്റ് ബാധിച്ചവർ ഹോസ്പിറ്റലിൽ പ്രവേശിക്കാനുള്ള സാധ്യത രണ്ടിരട്ടിയാണ്.

രാജി രാജൻ

കോവിഡ് മഹാമാരിയിൽ ഉഴലുന്ന കേരളത്തിന് വൈദ്യസഹായോപകരണങ്ങൾ വാങ്ങുവാനായി മുഖ്യമന്ത്രിയുടെ ദുരിതാശ്വാസനിധിയിലേക്ക് ഒരു തുക സമാഹരിച്ച് നൽകുന്നതിനുവേണ്ടി മലയാളം മിഷൻ യുകെ ചാപ്റ്ററിന്റെ നേതൃത്വത്തിൽ പ്രായഭേദമന്യേ കുട്ടികളെയും മുതിർന്നവരെയും പങ്കെടുപ്പിച്ചുകൊണ്ട് ജൂൺ 13 വൈകുന്നേരം 4 മണിക്ക് വെർച്യുൽ പ്ലാറ്റ്ഫോമിലൂടെ നൂതന ശൈലിയിൽ നടത്തുന്ന കഹൂട്ട് ക്വിസ് മത്സരത്തിന് യുകെ മലയാളികളിൽ നിന്നും ആവേശകരമായ പ്രതികരണമാണ് ലഭിച്ചത് . നിരവധി കുട്ടികളും മുതിർന്നവരുമുൾപ്പെടെയുള്ള ആളുകൾ മത്സരത്തിൽ പങ്കെടുക്കുന്നതിനായി ഇതിനോടകം പേരുകൾ രജിസ്റ്റർ ചെയ്തു കഴിഞ്ഞു. ഇനിയും മത്സരത്തിൽ പങ്കെടുക്കുവാൻ ആഗ്രഹിക്കുന്നവർക്ക് ഇന്ന് (ശനി) രാത്രി 12 ന് മുൻപായി താഴെ കൊടുത്തിരിക്കുന്ന ലിങ്ക് ഉപയോഗിച്ച് രജിസ്ട്രേഷൻ നടത്തി മത്സരത്തിൽ പങ്കെടുക്കുവാൻ അവസരം നൽകുന്നതാണ്.

https://forms.gle/MGJHS7dZ5mCUoLsx8

നൂതനമായ ആശയത്തോടെ വ്യത്യസ്തതയാർന്ന രീതിയിൽ ജന്മനാടിന് സഹായം നൽകുവാനായി നടത്തുന്ന കഹൂട്ട് ക്വിസ് മത്സരത്തിന്റെ ഉദ്ഘാടനം ജൂൺ 13 ഞായർ യുകെ സമയം 4 പി എം ന് മലയാളം മിഷൻ ഡയറക്ടർ പ്രൊഫ.സുജ സൂസൻ ജോർജ് നിർവ്വഹിക്കും. കൈരളി ടിവിയിൽ അശ്വമേധം എന്ന പരിപാടിയിലൂടെ ഓർമ്മശക്തിയും വിശകലന പാടവവും കൊണ്ട് ശ്രദ്ധേയനായ ഗ്രാന്റ് മാസ്റ്റർ ജി എസ് പ്രദീപ് മുഖ്യാതിഥിയായി പങ്കെടുക്കും. മലയാളം മിഷൻ യുകെ ചാപ്റ്റർ പ്രസിഡൻറ് സി. എ ജോസഫ് അധ്യക്ഷത വഹിക്കും. മലയാളം മിഷൻ യുകെ സൗത്ത് ഈസ്റ്റ് കോർഡിനേറ്റർ ബേസിൽ ജോൺ ആശംസയർപ്പിക്കും. മലയാളം മിഷൻ യുകെ ചാപ്റ്റർ സെക്രട്ടറി എബ്രഹാം കുര്യൻ സ്വാഗതവും കഹൂട്ട് ക്വിസ് കോഡിനേറ്റർ ആഷിക് മുഹമ്മദ് നാസർ നന്ദിയും പറയും.

വിപുലമായ വിജ്ഞാനത്തിനുടമയും വിപരീത പ്രശ്നോത്തരി അവതരിപ്പിച്ച് ലിംക ബുക് ഓഫ് റെക്കോർഡ് സിൽ ഇടം നേടിയ പ്രതിഭയും കൈരളി ടിവിയിലെ അശ്വമേധം, ജയ്ഹിന്ദ് ടിവിയിയിലെ രണാങ്കണം എന്നീ പ്രോഗ്രാമുകളിലൂടെ മലയാളികൾക്ക് ഏറെ സുപരിചിതനായ ഗ്രാൻറ് മാസ്റ്റർ ശ്രീ ജി എസ് പ്രദീപിന്റെ സാന്നിദ്ധ്യത്തിലാണ് കഹൂട്ട് ക്വിസ് മത്സരം നടത്തുന്നത്.

പ്രവാസിസമൂഹം ഒരേ മനസ്സോടെ ഏറ്റെടുത്ത വാക്‌സിൻ ചലഞ്ച് നെഞ്ചിലേറ്റി മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക് നൂതനമായ രീതിയിൽ ഫണ്ട് കണ്ടെത്താനൊരുങ്ങുകയാണ് മലയാളം മിഷൻ യുകെ ചാപ്റ്റർ. ജന്മനാടിന്റെ ഓർമ്മകൾ ഹൃദയത്തിലേറ്റി ജീവിക്കുന്ന യുകെയിലെ മലയാളി സമൂഹത്തിന് നാടിന്റെ ഓർമ്മകൾ അയവിറക്കും വിധം കേരളത്തെക്കുറിച്ചും മലയാള ഭാഷയെക്കുറിച്ചുമുള്ള ചോദ്യങ്ങൾ ഉൾക്കൊള്ളിച്ച് ഓൺലൈനിലൂടെ യാതൊരു വിധ സങ്കീർണ്ണതകളുമില്ലാതെ എല്ലാവരെയും പങ്കെടുപ്പിച്ചുകൊണ്ട് ക്വിസ് മത്സരം നടത്തി ഫണ്ട് സ്വരൂപിക്കുക എന്ന ഉദ്യമമാണ് മലയാളം മിഷൻ യുകെ ചാപ്റ്റർ ഏറ്റെടുത്തിരിക്കുന്നത്. 10 പൗണ്ട് മാത്രം പ്രവേശന ഫീസായി ഈടാക്കുന്ന ഈ ക്വിസ് മത്സരത്തിൽ നിന്നും ലഭിക്കുന്ന തുക പൂർണ്ണമായും മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകുവാനാണ് മലയാളം മിഷൻ യുകെ ചാപ്റ്റർ പ്രവർത്തകസമിതി തീരുമാനിച്ചിരിക്കുന്നത്.

സ്മാർട്ട് ഫോൺ ഉപയോഗിച്ച് പ്രായപരിധിയില്ലാതെ ആർക്കും ഈ മത്സരത്തിൽ പങ്കെടുക്കാം. അതിവേഗം ഏറ്റവും കൂടുതൽ ഉത്തരം നൽകുന്നവരാണ് വിജയികളാകുന്നത്. സൂമിൽ പ്രവേശിക്കുന്നതിനായി ഉപയോഗിക്കുന്ന സ്മാർട്ട് ഡിവൈസിന് പുറമെ ക്വിസ് മത്സരത്തിൽ പങ്കെടുക്കുന്നതിന് മറ്റൊരു ഇന്റർനെറ്റ് എനേബിൾഡ് സ്മാർട്ട് ഡിവൈസ് കൂടി ആവശ്യമാണ്.

അതിവേഗം ശരിയുത്തരം നൽകുന്ന വിജയികൾക്ക് ഒന്നാം സമ്മാനം £100, രണ്ടാം സമ്മാനം £75 , മൂന്നാം സമ്മാനം £50 എന്നീ ക്രമത്തിൽ സമ്മാനങ്ങളും നൽകുന്നതാണ്. കർമ്മ കലാകേന്ദ്ര, ഇൻഫിനിറ്റി ഫൈനാൻഷ്യൽസ് ലിമിറ്റഡ്, നിള ഫുഡ്‌സ് തുടങ്ങിയവരാണ് സമ്മാനങ്ങൾ സ്പോൺസർ ചെയ്യുന്നത്.

ദൈവത്തിന്റെ സ്വന്തം നാടിനെ മാറോട് ചേർത്ത് കോവിഡ് ദുരിതത്തിൽ വിഷമിക്കുന്ന നമ്മുടെ സഹോദരങ്ങൾക്ക് സ്വാന്ത്വനമേകുവാനായി കേരളത്തെക്കുറിച്ചുള്ള വിജ്ഞാനത്തിന്റെ വെളിച്ചം പകർന്ന് മലയാളം മിഷൻ യുകെ ചാപ്റ്റർ നടത്തുന്ന ഈ ക്വിസ് മത്സരത്തിൽ എല്ലാ സുമനസ്സുകളും പങ്കെടുത്ത് വിജയിപ്പിക്കണമെന്ന് മലയാളം മിഷൻ യുകെ ചാപ്റ്റർ പ്രസിഡന്റ് സി എ ജോസഫ് , സെക്രട്ടറി ഏബ്രഹാം കുര്യൻ, വിദഗ്ദ്ധ സമിതി ചെയർമാൻ എസ് എസ് ജയപ്രകാശ്, കഹൂട്ട് ക്വിസ് മത്സരം കോർഡിനേറ്റർ ആഷിക് മുഹമ്മദ് നാസർ എന്നിവർ അഭ്യർത്ഥിച്ചു.

മത്സര സംബന്ധമായ കൂടുതൽ വിവരങ്ങൾക്ക് താഴെപ്പറയുന്ന സംഘാടക സമിതി അംഗങ്ങളെ ബന്ധപ്പെടാവുന്നതാണ്.

രാജി രാജൻ: 07940 355689
ദീപ സുലോചന:07715299963
ബിന്ദു കുര്യൻ: 07734 697927
വിനീത ചുങ്കത്ത്.07799382259

സുനിൽ വർഗീസ്

വിറാൽ മലയാളി സമൂഹത്തിന്റെ നീണ്ടകാലത്തെ അഭിലാഷ൦ പൂവണിഞ്ഞു. വിറാൽ മലയാളി കമ്മ്യൂണിറ്റി എന്ന പുതിയ അസോസിയേഷനു തുടക്കമായി . ജൂൺ ആറാം തിയതി വീരാളിലെ വാൾക്കർ പാർക്കിൽ കോവിഡ് പ്രോട്ടോകോൾ പാലിച്ചു നടന്ന പൊതുയോഗമാണ് ഇത്തരം ഒരു അസോസിയേഷനു തുടക്കമിട്ടത്.
വിറാൽ മലയാളികൾക്ക് ഒരു പൊതു വേദി എന്ന ആശയം മുൻനിർത്തിയാണ് ലിവർപൂൾ മേഴ്സി നദിയുടെ മറുകരയിൽ വിറാൽ മലയാളി കമ്മ്യൂണിറ്റി( W M C)എന്ന അസോസിയേഷനു തുടക്കംകുറിക്കാൻ കാരണമെന്നു തിരഞ്ഞെടുക്കപ്പെട്ട ഭാരവാഹികൾ പറഞ്ഞു.

വിറാൽ മലയാളി കമ്മ്യൂണിറ്റിയുടെ – പ്രസിഡന്റായി ജോഷി ജോസഫ് തിരഞ്ഞെടുത്തു , സെക്രട്ടറിയായി ആൻ്റണി പ്രാക്കുഴി,, ട്രഷറർ അനീഷ് ജേക്കബ്, ഡാറ്റ കട്രോളർ & പിആർഒ സുനിൽ വർഗീസ്, സ്പോർടസ് കോഡിനേറ്റർ ദിലീപ് ചന്ദ്രൻ, ആർട് സ് കോഡിനേറ്റർ സാബു ജോൺ.എന്നിവരെയും തിരഞ്ഞെടുത്തു .

ബിജു പീറ്റർ മലയാളി കമ്മ്യൂണിറ്റി എന്ന പേരു നിർദ്ദേശിക്കുകയും എല്ലാവരും അതിനെ സ്വാഗതം ചെയ്യുകയും ചെയ്തു. കൂടാതെ ആൻ്റോ ജോസ്, ബിനുകുരിയൻ, ബിജു ജോർജ്ജ്, ബിജൂ അബ്രാഹം ,സജി, റോയ്, സിനി , ജിബു, ജോബി, തുടങ്ങിയവർ ഒരു പാട് നല്ല നിർദ്ദേശങ്ങൾ മുന്നോട്ടു വയക്കുകയും ചെയ്തു. ഡബ്ല്യൂ എം സി യുടെ ലോഗോ ബെർക്കൻ ഹെഡിൽ ഉള്ള മലയാളി സമൂഹത്തിൽ ഉള്ളവരിൽ നിന്ന്. മൽസരത്തിലൂടെ തിരഞ്ഞെടുക്കുവാൻ തീരുമാനിച്ചു. വിജയിക്ക് ജെസ്‌വിൻ കുളങ്ങര കൊടുക്കുന്ന 50 പൗണ്ട് ക്യാഷ് അവാർഡ് നൽകുവാൻ തീരുമാനിച്ചു.

കോട്ടയം: വോക്കിങ് കാരുണ്യയുടെ എൺപതിനാലാമത് സഹായമായ എൺപത്തിരണ്ടായിരം രൂപ കുഞ്ഞുമോന് കല്ലറ പഞ്ചായത്ത് വൈസ് പ്രസിഡന്റ് ഷൈനി ബൈജു കൈമാറി. രണ്ടു പെൺകുട്ടികളും ഭാര്യയും അടങ്ങുന്ന സന്തുഷ്ട കുടുംബമായിരുന്നു കുഞ്ഞുമോന്റേത്. കൂലിപ്പണി ചെയ്തായിരുന്നു കുഞ്ഞുമോൻ കുടുംബം പോറ്റിയിരുന്നത്. വിധിയുടെ ക്രൂരതയെന്നോണം തേങ്ങാ പറിക്കാൻ കയറിയ കുഞ്ഞുമോൻ കാൽ വഴുതി നിലത്തു വീഴുകയായിരുന്നു. വീഴ്ചയുടെ ഫലമായി നട്ടെല്ലിന് പൊട്ടൽ സംഭവിക്കുകയും ഞരമ്പുകൾക്കു തകരാറുകൾ പറ്റുകയും ചെയ്തു. ഹോസ്പിറ്റലിൽ അഡ്മിറ്റ് ചെയ്ത കുഞ്ഞുമോന് ഉടൻതന്നെ ഒരു ശസ്ത്രക്രീയയ്ക്കു വിധായനാകേണ്ടിവന്നു. നിരവധി ചികിത്സകൾക്ക് ശേഷവും കുഞ്ഞുമോൻ നടു തളർന്നു കിടപ്പിലാണ്. ഇനിയും നിരവധി തുടർ ചികിത്സകൾ നടത്തിയാൽ മാത്രമേ കുഞ്ഞുമോന് എണീറ്റ് നടക്കാനെങ്കിലും സാധിക്കുകയുള്ളു.

കുഞ്ഞുമോൻ കൂലിവേല ചെയ്തായിരുന്നു കുടുംബം പോറ്റിയിരുന്നത്, കുഞ്ഞുമോൻ കിടപ്പിലായതുമൂലം നിത്യച്ചിലവുകൾക്കുപോലും നിവൃത്തിയില്ലാത്ത അവസ്ഥയിലാണ്. വളരെ പ്രതീക്ഷകളോടെ നേഴ്‌സിങ് പഠനത്തിനയച്ച മകളുടെ പഠനം പോലും വഴിമുട്ടിനിൽക്കുന്ന അവസ്‌ഥയിലാണ്‌. ഇതുവരെ കുഞ്ഞുമോന്റെ ചികിത്സ ചിലവുകൾ പലരുടെയും സഹായം കൊണ്ടാണ് മുൻപോട്ടു കൊണ്ടുപോയത്. ഇനിയും എങ്ങനെ ജീവിതം മുൻപോട്ടു പോകും എന്നറിയാതെ പകച്ചു നിൽക്കുകയാണ് കുഞ്ഞുമോനും നിസ്സഹായരായ കുടുംബവും. പ്രിയമുള്ളവരേ ഈ കുടുംബത്തിന് തകർന്നിരിക്കുന്ന ഈ അവസ്‌ഥയിൽ ഒരു കൈത്താങ്ങാകുവാൻ വോക്കിങ് കാരുണ്യയോടൊപ്പം സഹകരിച്ച എല്ലാ നല്ലവരായ സുഹൃത്തുക്കൾക്കും വോക്കിങ് കാരുണ്യയുടെ അകമഴിഞ്ഞ നന്ദി അറിയിക്കുന്നു.

Registered Charity Number 1176202
https://www.facebook.com/…/Woking-Karunya-Charitable…/posts/
Charitties Bank Account Details
Bank Name: H.S.B.C.
Account Name: Woking Karunya Charitable Society.
Sort Code:404708
Account Number: 52287447

കുടുതല്‍വിവരങ്ങള്‍ക്ക്
ജെയിൻ ജോസഫ് : 07809702654
ബോബൻ സെബാസ്റ്റ്യൻ : 07846165720
സാജു ജോസഫ് : 07507361048

ഉണ്ണികൃഷ്ണൻ ബാലൻ

ദുരിത കാലത്ത് കേരളത്തിന് കൈത്താങ്ങാകുവാൻ ബിരിയാണി മേളകളും ഭഷ്യ മേളകളുമായി സമീക്ഷ യുകെയുടെ വിവിധ ബ്രാഞ്ചുകൾ മുന്നോട്ടു പോവുകയാണ് . ഇതിലൂടെ സമാഹരിക്കുന്ന തുക കോവിഡ്പ്രതിരോധ പ്രവർത്തനങ്ങൾക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകും. ബെർമിംഗ്ഹാം സമീക്ഷ ബ്രാഞ്ച് ഈ മാസം 19 ന് നടത്തുന്ന ബിരിയാണിമേളയിലേക്കു ബുക്കിംഗ് നടന്നു വരുന്നു. സമീക്ഷ പ്രവർത്തകർ എല്ലാവരും സജീവമായി രംഗത്തുണ്ട്. ദേശത്തിനും ഭാഷയ്ക്കും രാഷ്ട്രീയത്തിനും അതീതമായി വളരെ നല്ല പ്രതികരണമാണ് ജനങ്ങളിൽ നിന്നും ലഭിക്കുന്നതെന്ന്‌ പ്രവർത്തനങ്ങൾക്ക് നേതൃത്വം നൽകുന്ന സമീക്ഷയുടെ ബ്രാഞ്ച് പ്രസിഡന്റ് ജോബി കോശിയും സെക്രട്ടറി മാർട്ടിൻ ജോസും അറിയിച്ചു.

സമീക്ഷ പീറ്റർബോറോ & ബോസ്റ്റൺ ബ്രാഞ്ചിൽ ഈ മാസം 20 നു ആകും ബിരിയാണിമേള നടക്കുക. ഉച്ചക്ക് ഒരുമണി മുതൽ വൈകിട്ട് ആറുമണി വരെ ആകും വിതരണം നടക്കുക. ബ്രാഞ്ച് പ്രസിഡന്റ് ബാബു, സെക്രട്ടറി ചിഞ്ചു, ഭാസ്കർ പുരയിൽ എന്നിവരുടെ നേതൃത്വത്തിൽ പ്രവർത്തനങ്ങൾ സജീവമായി മുമ്പോട്ട് പോകുന്നു. ബ്രിസ്റ്റോൾ &വെസ്റ്റൺ സൂപ്പർ മെയറിലേ സമീക്ഷ ബ്രാഞ്ചിലും 20 നു തന്നെ ആണ് ബിരിയാണിമേള. സമീക്ഷ യുടെ ബ്രാഞ്ച് ഭാരവാഹികളായ ജാക്‌സൺ, ജിമ്മി, ബിജു, ജോൺസൻ എന്നിവരാണ് നേതൃത്വം നൽകുന്നത്.

കോവിഡ് പ്രതിരോധ പ്രവർത്തനങ്ങളിൽ ജന്മ നാടിന് തങ്ങളാൽ കഴിയുന്ന സഹായം നൽകുവാൻ മുന്നിട്ടിറങ്ങിയ സമീക്ഷ പ്രവർത്തകർക്ക് നല്ല പിന്തുണയാണ് ജനങ്ങളിൽ നിന്നും ലഭിച്ചുവരുന്നത്. ബിരിയാണി മേള നടത്തിയ എല്ലാ സ്ഥലങ്ങളിലും ലഭിച്ച പിന്തുണ ഇതിനു തെളിവാണ്. കഴിഞ്ഞ ആഴ്ച മാഞ്ചസ്റ്ററിൽ നടന്ന ബിരിയാണി മേളയിൽ 650 ഓളം ബിരിയാണി ആണ് സമീക്ഷ പ്രവർത്തകർ വിതരണം ചെയ്തത്. ഈ മാസം 25 നു സമാപിക്കുന്ന അപ്പീലിലേയ്ക്കായി മറ്റു ബ്രാഞ്ചുകൾ ഭവന സന്ദർശനം നടത്തിയും പണ സമാഹരണം നടത്തുന്നു. തിരക്കേറിയ യുകെ ജീവിതത്തിനിടയിലും ജന്മ നാടിനായി സമീക്ഷ പ്രവർത്തകർ നടത്തുന്ന പരിശ്രമങ്ങൾക്ക് കേരളത്തിലെ പല രാഷ്ട്രീയ സാംസ്‌കാരിക നായകരും അഭിനന്ദനം അറിയിച്ചു കഴിഞ്ഞു. എന്ന് സമീക്ഷ യുകെ നാഷണൽ പ്രസിഡൻറ് സ്വപ്ന പ്രവീൺ അറിയിച്ചു.

ലണ്ടൻ : കെന്റിനടുത്തുള്ള ഗ്രേവ് സെന്റ് എന്ന സ്ഥലത്തു താമസിച്ചിരുന്ന വേൾഡ് മലയാളി കൗൺസിൽ യുകെ വൈസ് ചെയർമാനായ പോൾ വർഗീസിന്റെ ഭാര്യയുടെ അകാല വേർപാടിൽ വേൾഡ് മലയാളി കൗൺസിൽ ആഗാധമായ ദു:ഖo രേഖപ്പെടുത്തി.

ആറു മാസമായി ക്യാൻസർ ബാധിതയായി ചികിത്സയിൽ ആയിരുന്നു. പോൾ വർഗീസ് നാട്ടിൽ ചാലക്കുടി ചൗക്ക സ്വദേശിയും, വടക്കുംപാടെൻ കുടുബംഗാമാണ്. ചാവക്കാട്, പേരകം സ്വദേശിനിയാണ് പരേതയായ ഷെറിൻ. സംസ്‌കാരം സംബന്ധിച്ച തീരുമാനം നാട്ടിൽ നിന്നു ബന്ധുക്കൾ യുകെയിൽ വന്ന ശേഷം തീരുമാനിക്കും എന്നാണ് അറിയാൻ കഴിഞ്ഞത്.

ഷെറിൻ പോളിന്റെ നിര്യാണത്തിൽ വേൾഡ് മലയാളി കൗൺസിൽ യുകെ പ്രസിഡന്റ്‌ സൈബിൻ പാലാട്ടി, ചെയർമാൻ ഡോ.ജിമ്മി ലോനപ്പൻ മൊയ്‌ലൻ, ജനറൽ സെക്രട്ടറി ജിമ്മി ഡേവിഡ്, വൈസ് പ്രസിഡന്റ്‌ അജി അക്കരകാരൻ, ജോയിന്റ് സെക്രട്ടറി വേണുഗോപാൽ, ട്രഷറർ ടാൻസി പാലാട്ടി, ഗ്ലോബൽ ചെയർമാൻ ഡോ. പി എ ഇബ്രാഹിം ഹാജി (ദുഭായ് ), ഗ്ലോബൽ ചെയർമാൻ ഗോപാല പിള്ള (അമേരിക്ക), ഗ്ലോബൽ ജനറൽ സെക്രട്ടറി ഗ്രിഗറി മേടെയിൽ (ജർമ്മനി ),ഗ്ലോബൽ വൈസ്പ്രസിഡന്റ്‌ പി സി മാത്യു (അമേരിക്ക ),ഗ്ലോബൽ അഡ്മിനിസ്ട്രേട്ടർ ജോൺ മത്തായി (ദുഭായ് ), ഗ്ലോബൽ വൈസ് പ്രസിഡന്റ്‌ ഡോ. വിജയലക്ഷ്മി (തിരുവനന്തപുരം ), യൂറോപ്പ്‌ ചെയർമാൻ ജോളി തടത്തിൽ (ജർമ്മനി ), യൂറോപ്പ് പ്രസിഡന്റ് ജോളി എം പടയാട്ടിൽ(ജർമനി ), ജർമൻ ചെയർമാൻ ജോസ് കുബ്ലുവേലിൽ(ജർമനി ), ഫ്ലോറിഡാ, ന്യൂയോർക്ക് റീജിയൻ ഭാരവാഹികൾ, കൂടാതെ മറ്റ് ഭാരവാഹികൾ, മെംബേഴ്സ് തുടങ്ങിയവർ അനുശോചനം രേഖപ്പെടുത്തി.

ഷെറിന്റെ ആകസ്മിക നിര്യാണത്തിൽ വേൾഡ് മലയാളി കൗൺസിൽ യുകെയുടെ ആദരാഞ്ജലികൾ അർപ്പിക്കുന്നതോടൊപ്പം ബന്ധുക്കളുടെ ദു:ഖത്തിൽ പങ്കുചേരുകയും ചെയ്യുന്നു.

മെയ് 27ന് ഓക്ക്ഫീൽഡ് വാരിയേഴ്‌സ് സി.സി. യുടെ നേതൃത്വത്തിൽ ഡാർട്ട്ഫോർഡ് ക്ലബ് ഹൗസ് ഗ്രൗണ്ടിൽ വെച്ച് നടന്ന ടി 20 ക്രിക്കറ്റിന് ആവേശജ്ജ്വലമായ പര്യാവസാനം. യുകെയിലെ ഏറ്റവും മികച്ച 12 ടീമുകൾ അണിനിരന്ന മത്സരങ്ങളിൽ നിറഞ്ഞു നിന്നത് അത്യന്തം ആവേശം വാരിവിതറിയ മത്സരങ്ങളായിരുന്നു. രാവിലെ 9 മണി മുതൽ വൈകുന്നേരം 7.30 വരെ ബാറ്റുകൊണ്ടും ബോൾ കൊണ്ടും കാഴ്ചകളുടെ ഇന്ദ്രാജാലം തീർത്താണ് പലരും മടങ്ങിയത് . ഏകദേശം 200 ഓളം ആളുകൾ ഒത്തുകൂടിയപ്പോൾ പങ്കുവെച്ചത് കഴിഞ്ഞ ഒരു വർഷത്തിലേറെയായി കൊറോണയിൽ വീടിനുള്ളിൽ തളച്ചിട്ട മലയാളി വിശേഷങ്ങളാണ് . ലോക്ക്ഡൗൺ മൂലം കഴിഞ്ഞ വർഷം നടത്തുവാൻ സാധിക്കാതെ പോയ മത്സരങ്ങളുടെ കണക്കു തീർത്താണ് ഇത്തവണ കളിക്കാർ ഈ വേദിയിലേക്ക് കൂട്ടമായി എത്തിചേർന്നത്.മത്സരങ്ങളിൽ, യുകെയിലെ തന്നെ കരുത്തരായ ഫിയോണിക്സ് നോർത്തംപ്റ്റനെ ഞെട്ടിച്ചു കൊണ്ടാണ് യുകെയിൽ ഇദംപ്രദമായി ഒരു ടൂർണമെന്റിൽ പങ്കെടുക്കുന്ന ഈസ്റ്റ്ബൗണിലെ സൗഹൃദം കേന്ദ്രീകരിച്ചു ഉടലെടുത്ത ടീം 28 അരങ്ങേറ്റം നടത്തിയത് . തുടർ മത്സരങ്ങളിൽ ജയിച്ച ടീം 28,  ഫൈനലിലെ ആവേശം അവസാന ഓവർ വരെ നീണ്ടു നിന്നപ്പോൾ, ഓൾ സ്റ്റാർ ക്രിക്കറ്റ് ക്ലബ്ബിനെ തോൽപ്പിച്ചു കൊണ്ടാണ് യുകെയുടെ ടി20 ചരിത്രത്തിൽ ശ്രീ ജിമ്മി ആന്റണിയുടെ ഉടമസ്ഥയിൽ ക്യാപ്റ്റൻ അനിൽ ജോസ് നയിച്ച ടീം 28 ഒന്നാം സ്ഥാനം കരസ്ഥമാക്കിയത് ടൂർണമെന്റിലെ മികച്ച ബാറ്റസ് മാൻ ആയി ടീം 28 യിലെ വരുണിനേയും ബൗളർ ആയി ഓൾ സ്റ്റാർ ക്രിക്കറ്റ് ക്ലബ്ബിലെ ജൂബിനെയും തിരഞ്ഞെടുത്തു.