മെട്രിസ് ഫിലിപ്പ്
ലോകം ഇപ്പോൾ ചർച്ച ചെയ്യപ്പെട്ടുകൊണ്ടിരിക്കുന്ന അതിപ്രധാനമായ ഒരു വിഷയം, സൂയസ് കനാലിൽ തടഞ്ഞു നിൽക്കുന്ന വലിയ ഒരു കണ്ടൈനർ ഷിപ്പിനെകുറിച്ചാണ്.
ഇപ്പോൾ(23/03/2021) മണ്ണിൽ ഇടിച്ചു നിൽക്കുന്ന ഈ ചരക്കു കപ്പലിൽ (Vessel Evergreen (Ever Given), നീളം 400 മീറ്റർ, വീതി ഏകദേശം 60 മീറ്റർ., 20000 TEU) നു മുകളിൽ കണ്ടെയ്നർ അടുക്കി വെച്ചിട്ടുണ്ട്. ഇവ മറ്റൊരു കപ്പലിലേയ്ക്ക് മാറ്റുകയും, അടിഞ്ഞു കൂടിയ 30000 ക്യുബിക് മീറ്റർ മണ്ണ്, ഡ്രഡ്ജിങ് ചെയ്തു നീക്കുവാൻ ഉള്ള ജോലി തുടങ്ങി കഴിഞ്ഞു. ഏതാണ്ട് 3 മുതൽ 5 ദിവസം വരെ എടുക്കും ഈ ജോലി പൂർത്തിയാക്കുവാൻ. സാരമായ കേടുപാടുകൾ സംഭവിച്ചിരിക്കുന്ന ഈ കപ്പൽ നീക്കുവാൻ കുറേ സമയം വേണ്ടി വരും എന്നുള്ള റിപ്പോർട്ട് ഉണ്ട്.
ഇവിടേക്ക് ദിവസേന കപ്പലുകൾ വന്നുകൊണ്ടിരിക്കുന്നു. മറ്റ് പാതയിലൂടെ, കപ്പലുകൾക്കു പോകുവാൻ സാധിക്കും, എങ്കിലും, ആ യാത്ര ദിവസങ്ങൾ നീണ്ടു നിൽക്കും എന്നറിയുന്നതുകൊണ്ട്, സൂയസ് കനാലിന്റെ സമീപത്ത്, 300 നു മുകളിൽ കപ്പലുകൾ ഇപ്പോൾ തന്നെക്യുവിൽ ഉണ്ട്. ഇന്ത്യ ഉൾപ്പടെയുള്ള ലോക രാജ്യങ്ങൾ ഈ തടസ്സം നീക്കുവാൻ കഠിനപരിശ്രമത്തിൽ ആണ്.
എന്റെ വിശുദ്ധമീ യാത്രയുടെ ഭാഗമായി ഇസ്രയേലിൽ നിന്നും ഈജിപ്തിലെ, കയ്റോയിലേയ്ക്ക് പോകുന്ന,14 മണിക്കൂർനീണ്ടു നിൽക്കുന്ന റോഡ് യാത്രയിൽ, വെച്ചാണ്, സൂയസ് കനാൽ എനിക്ക് കാണുവാൻ സാധിച്ചത്.
ഈജിപ്തിനോട് ചേർന്ന് കിടക്കുന്ന മെഡിറ്ററേനിയൻ കടലും, ചെങ്കടലും തമ്മിൽ വേർതിരിക്കപ്പെട്ടു കിടക്കുന്ന, ഇടുങ്ങിയ കടലിടുക്കിൽ, മനുഷ്യനിർമ്മിതിയാൽ പണിത ഈ കനാൽ 17 Nove. 1869 (1859-1869)ൽ Isthmus of Asia എന്ന പേരിൽ, കപ്പലുകൾക്ക് സഞ്ചരിക്കാൻ തുറന്നു കൊടുത്തു. ആഫ്രിക്ക – ഏഷ്യ ഭൂഖണ്ഡങ്ങളെ തമ്മിൽ ബന്ധിക്കുന്ന ഈ കനാലിന്റെ നീളം 193.3 കിലോമീറ്റർ ആണ്. ബ്രിട്ടീഷ്- ഫ്രഞ്ച് രാജ്യങ്ങൾ സംയുകതമായി 87 വർഷങ്ങൾ ഈ കനാൽ പ്രവർത്തിപ്പിച്ചു.
1888 കോൺസ്റ്റാന്റിനോപ്പിൾ കൺവെൻഷനിൽ വെച്ച് ആംഗ്ലോ-ഫ്രഞ്ച് കരാർ തയ്യാർ ആക്കി, ഈ കനാൽ പ്രവർത്തിച്ചു വന്നു. 1904 ൽ നിയമത്തിൽ മാറ്റങ്ങൾ വരുത്തി, International water way for war and Peace എന്ന പേരിൽ എല്ലാ രാജ്യങ്ങളിലെയും കപ്പലുകൾക്ക്, ഈ വഴി കടന്ന് പോകുവാൻ അവസരം നൽകിവന്നു. 1956 ൽ ബ്രിട്ടൻ ഇവിടെ നിന്നും പിൻമാറുകയും, തുടർന്ന് ഈ കനാൽ ഈജിപ്ഷ്യൻ ഗവൺമെന്റിന്റെ സ്വന്തം അസറ്റ് ആക്കി മാറ്റുകയും, ഈ വഴി കടന്നുപോകുന്ന എല്ലാ കപ്പലുകളും, ടാക്സ് നൽകണം എന്നുള്ള നിയമം കൊണ്ടുവന്നു. ഈ കനാൽ പിടിച്ചെടുക്കുവാൻ, അമേരിക്ക ഉൾപ്പടെയുള്ള രാജ്യങ്ങൾ ശ്രമിക്കുകയും, അന്നത്തെ, ഇന്ത്യൻ പ്രധാനമന്ത്രി ജവഹർലാൽ നെഹ്റു, ഈജിപ്തിനു വേണ്ടി, ഇന്ത്യൻ യുദ്ധക്കപ്പലുകൾ അയച്ചു സംരകഷണ വലയം തീർത്തു. അതിന് പ്രത്യപകരമായി, ഇന്ത്യൻ കപ്പലുകൾക്കു ടാക്സ് ഒഴിവാക്കി കൊടുത്തു. 1967-1975 വർഷങ്ങളിൽ ഈ കനാൽ അടച്ചിട്ടു. 1976 മുതൽ പുതിയ നിയമത്തോടെ തുറന്നു കൊടുത്തു. ഈജിപ്തിന്റെ ഒരു പ്രധാന വരുമാന മാർഗ്ഗമാണ് സൂയസ് കനാൽ.
ഇസ്രയേലിൽ നിന്നും ഈജിപ്തിലേയ്ക്ക് പോകുന്ന വഴിയിൽ, സൂയസ് കാനാലിൻെറ അടിയിൽ കൂടിയാണ് ഈ റോഡ് പണിതിരിക്കുന്നത്. അതായത് കടലിനടിയിലൂടെ പോകുന്ന വഴി. ദൈവം ചെങ്കടൽ മുറിച്ച്, ഇസ്രയേൽ ജനതയെ രക്ഷിച്ചപോലെ ഉള്ള ഒരു വഴി. വഴിയുടെ മുകളിൽ കൂടി, വലിയ വലിയ കപ്പലുകൾ കടന്ന് പോകുന്നത് ഓർക്കുമ്പോൾ തന്നെ ഭയം ഉണ്ടാക്കും. 100 കണക്കിന് മീറ്റർ താഴ്ച്ചയിൽ ആണ് ഈ വഴി പണിതിരിക്കുന്നത്. വർഷങ്ങൾ കൊണ്ട് പിരമിഡ് പണിയാമെങ്കിൽ, ഇതും അവർക്ക് നിസ്സാരം തന്നെ. കർശനമായ സുരക്ഷാ നിയമങ്ങൾ പാലിച്ചു മാത്രമേ, വാഹനങ്ങൾക് ഈ വഴി പ്രവേശിക്കാൻ സാധിക്കു. ഈ അണ്ടർപാസിൽ ഫോട്ടോ, വിഡിയോ ഉപയോഗിക്കാൻ പാടില്ല. ഈ റോഡിന്റെ ആരംഭ ഭാഗത്ത് നിന്ന് നോക്കിയാൽ വലിയ കപ്പലുകൾ ഈ കനാലിൽ കൂടി പോകുന്നത് കാണുവാൻ സാധിക്കും.
ഇപ്പോൾ ഉണ്ടായിരിക്കുന്ന ഈ തടസ്സം പരിഹരിച്ച്, കപ്പലുകൾക്ക് ലക്ഷ്യസ്ഥലങ്ങളിൽ എത്തിചേരുവാൻ സാധിക്കട്ടെ എന്ന് പ്രാർത്ഥിക്കാം…
പ്രേക്ഷക മനസ്സുകളെ ആവേശം കൊള്ളിച്ച മോഹന്ലാല് സിനിമകളിലൊന്നാണ് സ്ഫടികം. കാലമെത്ര കഴിഞ്ഞാലും മലയാളി പ്രേക്ഷകര്ക്കിടയില് ആടുതോമയും ചാക്കോ മാഷും തിളങ്ങി നില്ക്കുന്ന കഥാപാത്രങ്ങളാണ്. ചിത്രം പുറത്തിറങ്ങി 26 വര്ഷത്തിനു ശേഷവും ആടുതോമയും സ്ഫടികവും ആഘോഷിക്കപ്പെടുന്നതിന്റെ സന്തോഷം പങ്കുവെച്ചിരിക്കുകയാണ് സംവിധായകന് ഭദ്രന്.
‘മലയാളം കണ്ട ഏറ്റവും വലിയ തെമ്മാടിക്ക് ഇന്നേക്ക് 26 വയസ്’ എന്ന് എന്നെ ഓര്മ്മപ്പെടുത്തിയപ്പോള് ഒരു സമുദ്രം നീന്തിക്കടക്കാനുള്ള ആവേശം തോന്നി. ആടുതോമയെ വീണ്ടും സ്ക്രീനിലേക്ക് എത്തിക്കാനുള്ള ശ്രമം തുടരുകയാണ്. പിറന്നാളിനോട് അനുബന്ധിച്ച് പുറത്തിറക്കാനിരുന്ന ടീസര് തിരഞ്ഞെടുപ്പ് കഴിയുന്നതോടെ എത്തുന്നതായിരിക്കും എന്നാണ് ഭദ്രന് ഫെയ്സ്ബുക്കില് കുറിച്ചിരിക്കുന്നത്.
സംവിധായകന്റെ കുറിപ്പ്:
ആടുതോമയെ ഒരു നിധി പോലെ ഹൃദയത്തില് സൂക്ഷിച്ച ലാല് ‘മലയാളം കണ്ട ഏറ്റവും വലിയ തെമ്മാടിക്ക് ഇന്നേക്ക് 26 വയസ് ‘എന്ന് എന്നെ ഓര്മപ്പെടുത്തിയപ്പോള് ഒരു സമുദ്രം നീന്തിക്കടക്കാനുള്ള ആവേശം തോന്നി.
കോവിഡ് ഉണ്ടാക്കിവച്ച തടസങ്ങള് ഭേദിച്ചുകൊണ്ട് ആടുതോമയെ വീണ്ടും ബിഗ് സ്ക്രീനിലേക്ക് എത്തിക്കാന് ഒരുക്കി കൊണ്ടിരിക്കുകയാണ് ജിയോമെട്രിക് ഫിലിം ഹൗസ്. പിറന്നാളിനോടാനുബന്ധിച്ചു ഇറക്കാനിരുന്ന ഡിജിറ്റല് 4കെ ടീസര് തിരഞ്ഞെടുപ്പ് ചൂട് ആറി രണ്ട് മഴക്കു ശേഷം കുളിരോടെ കാണിക്കാന് എത്തുന്നതായിരിക്കും.
ആടുതോമയെ ഒരു നിധിപോലെ ഹൃദയത്തിൽ സൂക്ഷിച്ച ലാൽ “മലയാളം കണ്ട ഏറ്റവും വലിയ തെമ്മാടിക്ക് ഇന്നേക്ക് 26 വയസ് “എന്ന് എന്നെ…
Posted by Bhadran Mattel on Tuesday, 30 March 2021
കേരളത്തിൽ ബി.ജെ.പി എന്ത് കൊണ്ട് വരുന്നില്ല എന്നതിന് മികച്ച ഉത്തരം നൽകിയത് ബി.ജെ.പി നേതാവ് ഒ. രാജഗോപാൽ തന്നെയാണെന്ന് മുതിർന്ന മാധ്യമ പ്രവർത്തകൻ പി. സായ്നാഥ്.
90 ശതമാനം ആളുകൾ സാക്ഷരരായതു കൊണ്ടാണെന്ന രാജഗോപാലിന്റെ ആ നിരീക്ഷണത്തെ ഞാൻ വളരെയധികം അംഗീകരിക്കുന്നെന്ന് മാതൃഭൂമി ഡോട്ട് കോമിന് നൽകിയ അഭിമുഖത്തിൽ അദ്ദേഹം പറഞ്ഞു.
കർണാടകത്തെ മാറ്റി നിർത്തിയാൽ ദക്ഷിണേന്ത്യയിൽ ഏറ്റവും കൂടുതൽ ആർ.എസ്.എസ് അടിത്തറയുള്ള സംസ്ഥാനം കേരളമായിരുന്നു. എന്നാൽ അതിനപ്പുറം ബി.ജെ.പിക്ക് വോട്ട് ചെയ്യുന്നതിലേക്ക് ആ അടിത്തറ വളർന്നിട്ടില്ല.
അതെന്തുകൊണ്ട് എന്നതിന് ഏറ്റവും മികച്ച ഉത്തരം നൽകിയത് ബി.ജെ.പി നേതാവ് ഒ. രാജഗോപാൽ തന്നെയാണ്. കേരളത്തിലെ 90 ശതമാനം ആളുകൾ സാക്ഷരരായതു കൊണ്ടാണ് കേരളത്തിൽ ബി.ജെ.പിക്ക് വോട്ട് കിട്ടാതിരിക്കാനുള്ള കാരണമെന്നാണ് അദ്ദേഹം പറഞ്ഞതെന്ന് സായ്നാഥ് ഓർമ്മിപ്പിച്ചു.
ബിജെപി കേരളത്തിൽ ഒരു എതിരാളി പോലുമല്ല. കേരളീയ ജനതയ്ക്ക് ബിജെപിയിൽ ഒരിക്കലും താത്പര്യമുണ്ടായിട്ടില്ലെന്നും പി. സായ്നാഥ് പറഞ്ഞു.
അതേസമയം ഉത്തരേന്ത്യയുമായി താരതമ്യം ചെയ്യുമ്പോൾ ബിജെപി വിരുദ്ധ വികാരം ദക്ഷിണേന്ത്യയിൽ വളരെ കൂടുതലാണെന്നും അദ്ദേഹം പറഞ്ഞു.
ആദ്യ കേള്വിയില് തന്നെ യെസ് പറയുകയും, എന്നാല് ഒരുപാട് ചിന്തിച്ചിട്ടും പറ്റില്ല എന്നു പറഞ്ഞ സിനിമകളെ കുറിച്ചും തുറന്നു പറഞ്ഞ് നടന് കുഞ്ചാക്കോ ബോബന്. ആദ്യ കേള്വിയില് തന്നെ കുഞ്ചാക്കോ ബോബന് യെസ് പറഞ്ഞ ചിത്രങ്ങളില് ഒന്നാണ് അഞ്ചാം പാതിര. ചിത്രത്തിന്റെ കഥ കേട്ട ഉടനെ ഓകെ പറയുകയായിരുന്നു.
പാട്ടില്ല, ഡാന്സില്ല, പ്രണയമില്ല, വലിയ താരനിരയില്ല എങ്കിലും വണ് ലൈന് ത്രില്ലടിപ്പിച്ചു. അഞ്ചാം പാതിരയുടെ കഥ കേട്ടു കഴിഞ്ഞ ഉടനെ ഞാന് സംവിധായകനോട് ചോദിച്ചത് ഇത് ഏത് കൊറിയന് സിനിമയില് നിന്ന് അടിച്ചെടുത്തതാ എന്നാണ് എന്ന് കുഞ്ചാക്കോ ബോബന് പ്രമുഖ മാധ്യമത്തിന് നൽകിയ അഭിമുഖത്തില് പറഞ്ഞു.
എന്നാല്, ഒരുപാട് ചിന്തിച്ചിട്ടും പറ്റില്ല എന്നു് പറഞ്ഞ സിനിമയാണ് അനിയത്തിപ്രാവ്. ആ കഥാപാത്രത്തിന് താന് പറ്റുമോ എന്ന ചിന്തയാണ് നോ പറയാന് പ്രേരിപ്പിച്ചത്. ഏറെ ആലോചനകള്ക്ക് ശേഷമാണ് സമ്മതം മൂളിയതെന്നും താരം പറയുന്നു. ചിത്രത്തിന്റെ കഥ പറയാന് എത്തുന്നവര് മുന്നോട്ടുവെക്കുന്ന ആത്മവിശ്വാസം പ്രധാനമാണ്.
ആദ്യ കേള്വിയില് തന്നെ നമ്മള് എത്രത്തോളം കഥയുമായി അടുക്കുന്നു എന്നതിലും കാര്യമുണ്ട്. ചില കഥകള് കേള്ക്കുമ്പോള് തന്നെ യെസ് പറയാന് കൂടുതലായൊന്നും ആലോചിക്കേണ്ടി വരില്ല. മോഹന്കുമാര് ഫാന്സ് സിനിമയുടെ കഥ അത്തരത്തിലൊന്നാണെന്നും കുഞ്ചാക്കോ ബോബന് വ്യക്തമാക്കി.
തിരുവനന്തപുരം മണ്ഡലത്തിലെ എൻഡിഎ സ്ഥാനാർത്ഥിയായ നടൻ കൃഷ്ണകുമാറിന്റെ ബീഫ് നിരോധനമെന്ന പരാമർശത്തിന് മകൾ നൽകിയ മറുപടിയെന്ന തരത്തിൽ പ്രചരിക്കുന്ന ട്രോളുകളോട് പ്രതികരിച്ച് അഹാന കൃഷ്ണ.താൻ ബീഫ് കഴിക്കാറില്ലെന്നും ബീഫ് വീട്ടിൽ കയറ്റാറില്ലെന്നുമുള്ള കൃഷ്ണകുമാറിന്റെ അഭിപ്രായപ്രകടനത്തിന് പിന്നാലെയാണ് ട്രോളുകൾ പിറന്നത്. മകളായ അഹാന വീഫ് വിഭവത്തിന്റെ ചിത്രം മുമ്പ് സോഷ്യൽമീഡിയയിൽ പങ്കുവെച്ചത് കുത്തിപ്പൊക്കിയായിരുന്നു ട്രോളുകൾ അധികവും. ‘കൃഷ്ണകുമാറിന്റെ വാദം പൊളിച്ചടുക്കി അഹാന’ എന്ന രീതിയിലായി പിന്നത്തെ പ്രചരണം.
മീമുകളും വാർത്തകളും നല്ലതാണ് പക്ഷേ ഒരൽപം മര്യാദ വേണമെന്നാണ് അഹാന ഇൻസ്റ്റഗ്രാമിലൂടെ പ്രതികരിച്ചത്. അന്ന് പങ്കുവെച്ച ബീഫ് വിഭവത്തെക്കുറിച്ചും അഹാന വിശദീകരിച്ചു. തന്റെ സിനിമയുടെ പ്രൊഡക്ഷൻ ടീമിലെ ഭക്ഷണമാണ് അതെന്നും അമ്മ ഉണ്ടാക്കിത്തന്ന ഭക്ഷണമല്ലെന്നും അഹാന വ്യക്തമാക്കി.
താനും തന്റെ അച്ഛനും രണ്ട് വ്യക്തികളാണെന്നും വ്യത്യസ്തമായ അഭിപ്രായങ്ങൾ വെച്ചുപുലർത്താൻ തങ്ങൾക്ക് അവകാശമുണ്ടെന്നും പറയുന്നു. എന്നാൽ കുറച്ചു കാലമായി താനെന്ത് പറഞ്ഞാലും അത് തന്റെ കുടുംബത്തിന്റെ അഭിപ്രായമാക്കി മാറ്റുന്നു, തന്റെ അച്ഛന്റെ അഭിപ്രായം തന്റെ അഭിപ്രായം ആക്കി മാറ്റുന്നുവെന്നും ഇതെന്ത് ഭ്രാന്താണെന്നും അഹാന കുറിച്ചു.
പ്രമുഖ ബോളിവുഡ് നടൻ അജാസ് ഖാൻ അറസ്റ്റിലായി. ലഹരി മരുന്നുമായി ബന്ധപ്പെട്ട കേസിലാണ് അജാസ് ഖാനെ മുംബൈ എയർപോർട്ടിൽ വെച്ച് അറസ്റ്റ് ചെയ്തിരിക്കുന്നത്. നാർക്കോട്ടിക്സ് കൺട്രോൾ ബ്യൂറോ നടനെ അറസ്റ്റ് ചെയ്യുകയായിരുന്നു. കേസുമായി ബന്ധപ്പെട്ട് മുംബൈയിലെ മറ്റ് രണ്ട് കേന്ദ്രങ്ങളിൽ കൂടി റെയ്ഡ് നടക്കുന്നുണ്ടെന്ന് നാർകോട്ടിക്സ് കൺട്രോൾ ബ്യൂറോ അറിയിച്ചു.
നിരവധി സിനിമകളിലും സീരിയലുകളിലും അഭിനയിച്ച അജാസ് ഖാൻ ബിഗ് ബോസിലൂടെയാണ് കൂടുതൽ വാർത്തകളിൽ നിറയുന്നത്. ബിഗ് ബോസ് സീസൺ ഏഴിലും എട്ടിലും മത്സരാർത്ഥിയായിരുന്ന അജാസ് ഖാൻ നിരവധി വിവാദങ്ങളും സൃഷ്ടിച്ചിരുന്നു.
രക്തചരിത, ഭോണ്ഡു, അള്ളാഹ് കേ ബന്ദേ, റക്ത ചരിത 2. ഹാ തുജേ സലാം ഇന്ത്യ തുടങ്ങിയ സിനിമകളിലെയും സീരിയലുകളിലെയും അജാസ് ഖാന്റെ പ്രകടനം ശ്രദ്ധിക്കപ്പെട്ടിരുന്നു. അജാസ് ഖാനെ അറസ്റ്റ് ചെയ്തിരിക്കുന്ന കേസിനെ കുറിച്ച് കൂടുതൽ വിവരങ്ങൾ പുറത്തുവിട്ടിട്ടില്ല.
നേരത്തെ നടൻ സുശാന്ത് സിങ് രജ്പുതിന്റെ മരണത്തിന് പിന്നാലെ നിരവധി ബോളിവുഡ് താരങ്ങൾക്കെതിരെ ലഹരിമരുന്ന് ആരോപണങ്ങളുയർന്നിരുന്നു. ചിലർ അറസ്റ്റിലാവുകയും ചെയ്തു. ദീപിക പദുകോൺ ഉൾപ്പടെയുള്ള പ്രമുഖരെ ചോദ്യം ചെയ്യുകയും ചെയ്തിരുന്നു.
ന്യൂഡൽഹി: കടുത്ത ജാഗ്രത പുലർത്തണമെന്ന മുന്നറിയിപ്പുമായി സംസ്ഥാനങ്ങളിൽ കോവിഡ്-19 കൂടിവരുന്നു. രണ്ടാം തരംഗത്തിൽ രോഗവ്യാപനവും മരണനിരക്കും ആദ്യത്തേതിനേക്കാൾ ഉയർന്നു. തിരഞ്ഞെടുപ്പു നടക്കുന്ന സംസ്ഥാനങ്ങളിൽ അത് കഴിയുന്നതോടെ രോഗം വർധിക്കുമെന്ന് ആരോഗ്യവിദഗ്ധർ നേരത്തേതന്നെ മുന്നറിയിപ്പു നൽകിയിട്ടുണ്ട്.
ആരോഗ്യമന്ത്രാലയം തിങ്കളാഴ്ച പുറത്തുവിട്ട കണക്കനുസരിച്ച് 24 മണിക്കൂറിൽ 68,020 പുതിയ കേസുകളാണ് റിപ്പോർട്ട് ചെയ്തത്. ഈ വർഷത്തെ ഏറ്റവും വലിയ പ്രതിദിന കണക്കാണിത്. 291 പേർ മരിച്ചു. രോഗം പുതുതായി സ്ഥിരീകരിച്ചതിൽ 84 ശതമാനവും മഹാരാഷ്ട്ര, കർണാടക, പഞ്ചാബ്, മധ്യപ്രദേശ്, ഗുജറാത്ത്, കേരളം, തമിഴ്നാട്, ഛത്തീസ്ഗഢ് സംസ്ഥാനങ്ങളിലാണ്. മഹാരാഷ്ട്രയിൽ മാത്രം 40,414 പുതിയ കേസുകളുണ്ടായി. നിലവിൽ ചികിത്സയിലുള്ള രോഗികളുടെ എണ്ണം 5,21,808 ആണ്.
കഴിഞ്ഞ ഒറ്റയാഴ്ചയിൽ 1,78,000-ത്തിലധികം പേർ പുതുതായി രോഗബാധിതരായി. കഴിഞ്ഞ മാർച്ചിൽ ആദ്യമായി കോവിഡ് റിപ്പോർട്ട് ചെയ്തതിനുശേഷം ഒറ്റയാഴ്ചയിൽ ഇത്രയധികം രോഗികൾ ഉണ്ടാവുന്നത് ഇതാദ്യമാണ്. രോഗവ്യാപനത്തിന്റെ ഈ നിരക്കാണ് ആശങ്കയ്ക്ക് കാരണമാകുന്നത്. കഴിഞ്ഞ ജൂലായ്, ഓഗസ്റ്റ് മാസങ്ങളിൽ രോഗം പുതുതായി ബാധിക്കുന്നവരുടെ എണ്ണം 30,000-ത്തിൽനിന്ന് 60,000 ആയത് 23 ദിവസങ്ങൾകൊണ്ടാണ്. എന്നാൽ, രണ്ടാംതരംഗത്തിൽ പത്തുദിവസങ്ങൾകൊണ്ടുതന്നെ ദിവസേനയുള്ള രോഗികളുടെ എണ്ണം 30,000-ത്തിൽനിന്ന് 60,000 ആയി. ഇപ്പോൾ ദിവസേന ഈ സംഖ്യ 68,000-ത്തിനു മുകളിലാണ്. നേരത്തേ ഒറ്റദിവസം 98,000 പുതിയ കേസുകൾവരെ എത്തിയിരുന്നു. എന്നാൽ, പിന്നീട് രോഗം താഴോട്ടുപോയി.
പ്രതിരോധ കുത്തിവെപ്പ് രാജ്യത്ത് അതിവേഗം പുരോഗമിക്കുകയാണ്. തിങ്കളാഴ്ച രാവിലെ ഏഴുവരെയുള്ള കണക്കുപ്രകാരം 6.05 കോടി വാക്സിൻ ഡോസ് വിതരണം ചെയ്തു.
2020 സെപ്റ്റംബർ ഒന്നുമുതൽ 90 ദിവസം തിരിച്ചടവ് മുടങ്ങിയ വായ്പകളെ കിട്ടാക്കടമായി പ്രഖ്യാപിക്കും. കോവിഡ് കാലത്ത് മൊറട്ടോറിയം പ്രയോജനപ്പെടുത്തിയാലും ഇല്ലെങ്കിലും അക്കാലത്തെ തിരിച്ചടവിലെ വീഴ്ച ബാങ്കുകൾ കണക്കിലെടുക്കില്ല.
മൊറട്ടോറിയം സംബന്ധിച്ച കേസിൽ സുപ്രീംകോടതി അടുത്തിടെ അന്തിമവിധി പ്രഖ്യാപിച്ചിരുന്നു. ഇതിനുശേഷം ഇന്ത്യൻ ബാങ്ക്സ് അസോസിയേഷൻ ബാങ്കുകൾക്ക് നൽകിയ നിർദേശത്തിലാണ് ഈ തീരുമാനം.
രണ്ടുകോടി രൂപവരെയുള്ള വായ്പകൾക്ക് പിഴപ്പലിശയും കൂട്ടുപലിശയും ഒഴിവാക്കിയിരുന്നു. അതിന് സർക്കാർ ബാങ്കുകൾക്ക് 6500 കോടി രൂപ നൽകിയിരുന്നു. എന്നാൽ, ഈ ആനുകൂല്യം മറ്റ് വായ്പകൾക്കും നൽകണമെന്നും സുപ്രീംകോടതി നിർദേശിച്ചു. അതിന് ഇനിയും ഏകദേശം ഏഴായിരം കോടി രൂപവേണം. ഇത് സർക്കാർ നൽകണമെന്ന് ബാങ്കുകൾ ആവശ്യപ്പെടും.
മൊറട്ടോറിയം കാലത്ത് പലിശയിളവ് കിട്ടാത്ത വായ്പകൾക്ക് അക്കാലത്ത് ഈടാക്കിയ പിഴപ്പലിശയും കൂട്ടുപലിശയും നിശ്ചിത കാലത്തിനുള്ളിൽ തിരിച്ചുനൽകുകയോ അടുത്ത ഗഡുവിൽ ക്രമീകരിക്കുകയോ ചെയ്യും.
മൊറട്ടോറിയം കാലയളവിനുശേഷം വായ്പാകുടിശ്ശികകളിൽ നടപടി ഊർജിതമാക്കി ബാങ്കുകൾ. നിശ്ചിത തീയതിക്കുള്ളിൽ പണം അടച്ചില്ലെങ്കിൽ റവന്യൂറിക്കവറി നടപടികളിലേക്ക് കടക്കുമെന്നാണ് ബാങ്കുകൾ ഇടപാടുകാർക്ക് നൽകുന്ന മുന്നറിയിപ്പ്.
കുടിശ്ശികത്തുക മുഴുവനും തിരിച്ചടയ്ക്കണമെന്ന് ആവശ്യപ്പെടുന്നത് മൊറട്ടോറിയത്തിന്റെ ആനുകൂല്യം ഉപയോഗപ്പെടുത്തിയവരെ പ്രതിസന്ധിയിലേക്ക് തള്ളിവിടുന്നതാണ്.
തിരിച്ചടവ് മുടങ്ങിയ വായ്പകൾ പുനഃക്രമീകരിക്കാൻ അവസരം നൽകുന്നതുമായി ബന്ധപ്പെട്ട് വിവിധ ബാങ്കുകൾ വ്യത്യസ്ത നയമാണ് സ്വീകരിക്കുന്നത്. ചില പൊതുമേഖലാബാങ്കുകൾ തിരിച്ചടവ് മുടങ്ങിയ വായ്പകൾ പുനഃക്രമീകരിക്കുന്നതിന് ഇപ്പോഴും അവസരം നൽകുന്നുണ്ട്. എന്നാൽ, പല പുത്തൻ തലമുറ ബാങ്കുകളും സ്വകാര്യ ബാങ്കുകളും കുടിശ്ശിക വന്ന മുഴുവൻ തുകയും ഉടൻതന്നെ അടയ്ക്കണമെന്ന് ആവശ്യപ്പെടുന്നതായാണ് ആക്ഷേപം.
പത്തനാപുരത്തെ എല്ഡിഎഫ് സ്ഥാനാര്ത്ഥിയും നടനുമായ കെബി ഗണേഷ് കുമാറിന് വേണ്ടി വോട്ട് അഭ്യര്ത്ഥിച്ച് നടന് മോഹന്ലാല്. ഗണേഷ് കുമാറിന്റെ വികസനസ്വപ്നങ്ങള് പൂര്ത്തീകരിക്കുവാന് ജനങ്ങള് ഒപ്പമുണ്ടാകണമെന്നും നാടിന്റെ വികസനമാണ് നമുക്ക് വേണ്ടതെന്നും മോഹന്ലാല് പറഞ്ഞു.
മോഹന്ലാലിന്റെ വാക്കുകള്
‘മറ്റുള്ളവരെ കേള്ക്കാനുള്ള കഴിവാണ് ഒരു ജനപ്രതിനിധിക്ക് ഉണ്ടാവേണ്ട അത്യാവശ്യ ഗുണം. ദുഃഖം കേള്ക്കുകയും പരിഹാരം കാണുകയും ചെയ്യുന്ന ശൈലിയാണ് ഗണേഷ് കുമാറിനുള്ളത്. പത്തനാപുരത്തെ കുറിച്ച് പറയുമ്പോള് നൂറു നാവാണ്. സ്വകാര്യ സംഭാഷണങ്ങളില് പോലും പത്തനാപുരം കടന്നുവരുന്നത് അതിശയത്തോടെ ഞങ്ങളും കേട്ടിരിക്കാറുണ്ട്.
പുതിയ വികസന ആശയങ്ങളും സ്വപ്നങ്ങളും പങ്കുവയ്ക്കുമ്പോള് അഭിനയത്തേക്കാള് ഉപരി പത്തനാപുരത്തോടുള്ള വല്ലാത്ത അഭിനിവേശം ഞങ്ങള് കേള്ക്കാറുണ്ട്, കാണാറുണ്ട്. നിങ്ങള് ഇന്ന് കാണുന്ന പത്തനാപുരത്തെ, പത്തനാപുരം ആക്കിയതില് ഗണേഷ്കുമാറിന്റെ സംഭാവന എന്നേക്കാള് നന്നായി നിങ്ങള്ക്ക് അറിയാം. പ്രിയ സഹോദരന് ഗണേഷ് കുമാറിന്റെ വികസനസ്വപ്നങ്ങള് പൂര്ത്തീകരിക്കുവാന് നിങ്ങള് ഒപ്പമുണ്ടാകുമെന്ന് എനിക്കറിയാം. മറക്കരുത്, വികസനമാണ് നമുക്ക് വേണ്ടത്.”
രാഹുൽ ഗാന്ധിയെ അധിക്ഷേപിച്ച് സ്ത്രീ വിരുദ്ധ പരാമർശം നടത്തി മുൻ എം.പി ജോയ്സ് ജോർജ്. രാഹുൽ ഗാന്ധി വിവാഹിതൻ അല്ലാത്തതിനാൽ അദ്ദേഹത്തോട് ഇടപെടുമ്പോൾ വിദ്യാർത്ഥിനികൾ സൂക്ഷിക്കണം എന്ന സ്ത്രീ വിരുദ്ധ പരാമർശമാണ് ജോയ്സ് ജോർജ് നടത്തിയത്. പെണ്കുട്ടികള് രാഹുല് ഗാന്ധിയുടെ മുന്നില് വളഞ്ഞും കുനിഞ്ഞും നില്ക്കരുതെന്ന് ജോയ്സ് ജോർജ് പറഞ്ഞു.
മന്ത്രി എം.എം മണിയുടെ ഇരട്ടയാറിലെ തിരഞ്ഞെടുപ്പ് പ്രചാരണയോഗത്തിലായിരുന്നു ഇടുക്കി മുൻ എം.പിയുടെ പരാമർശം. പ്രസ്താവനയെ കൂട്ടചിരിയിൽ സദസ്സ് പിൻതാങ്ങി.
അതേസമയം ജോയ്സ് ജോർജിന്റേത് തരംതാണ പ്രസ്താവന ആണെന്ന് ഡീൻ കുര്യാക്കോസ് പറഞ്ഞു. ജോയ്സ് മ്ലേച്ഛനാണെന്ന് തെളിയിച്ചു. അവനവന്റെ ഉള്ളിലുള്ള അശ്ലീലമാണ് പുറത്ത് വരുന്നതെന്നും ഡീന് പറഞ്ഞു. ജോയ്സ് ജോർജിന്റെ പരാമർശത്തിൽ തിരഞ്ഞെടുപ്പ് കമ്മീഷന് പരാതി നൽകുമെന്ന് കോൺഗ്രസ് അറിയിച്ചു.
