ജസ്റ്റിസ് കര്‍ണന്‍ കോയമ്പത്തൂരില്‍ അറസ്റ്റിലായി. ഒന്നരമാസത്തെ ഒളിവ് ജീവിതത്തിന് ശേഷമാണ് പിടിയിലാകുന്നത്. സുപ്രീം കോടതിയുടെ ശിക്ഷാവിധിപ്രകാരമാണ് അറസ്റ്റ്. ആദ്യമായാണ് ഒരു സിറ്റിങ് ജഡ്ജി തടവ് ശിക്ഷക്ക് വിധിക്കപ്പെടുന്നത്.

സ്വാമി ഗംഗേശാനന്ദയുടെ ജനനേന്ദ്രിയും മുറിച്ച സംഭവത്തില്‍ ഉള്‍പ്പെട്ട പെണ്‍കുട്ടിയെ സ്വാമിയെ കാണാന്‍ ആശുപത്രിയിലെത്തി. അമ്മയ്ക്കൊപ്പമാണ് പെണ്‍കുട്ടി ആശുപത്രിയിലെത്തിയത്. താന്‍ വീട്ടുതടവിലല്ലെന്നും കുടുംബത്തിന്റെ സംരക്ഷണയിലാണെന്നും പെണ്‍കുട്ടി പറഞ്ഞു. കാമുകനായ അയ്യപ്പദാസ് വിവാഹവാഗ്ദാനം നല്‍കി തന്നെ പീഡിപ്പിച്ചെന്നും തന്റേയും സ്വാമിയുടേയും പക്കല്‍ നിന്ന് 14 ലക്ഷം രൂപയോളം തട്ടിയെടുത്തെന്നും പെണ്‍കുട്ടി പേട്ട പൊലീസില്‍ പരാതി നല്‍കി.

കാമുകന്‍ അയ്യപ്പദാസിന്റെ പ്രേരണയിലാണ് താന്‍ കൃത്യം ചെയ്തതെന്നും ഇത് കോടതിയെ ബോധിപ്പിക്കുമെന്നും പെണ്‍കുട്ടി വ്യക്തമാക്കി. പീഡനശ്രമത്തിനിടെ സ്വാമിയുടെ ജനനേന്ദ്രിയം താന്‍ മുറിക്കുകയായിരുന്നുവെന്നായിരുന്നു പെണ്‍കുട്ടിയുടെ ആദ്യ മൊഴി.

പെണ്‍കുട്ടി മൊഴി മാറ്റിയ സാഹചര്യത്തില്‍ നുണപരിശോധനയ്ക്ക് വിധേയയാക്കണമെന്ന് പൊലീസ് ആവശ്യപ്പെട്ടതിനെ തുടര്‍ന്ന് തിരുവനന്തപുരം പോക്‌സോ കോടതിയുടെ അനുമതി നല്‍കിയിട്ടുണ്ട്. ബ്രെയിന്‍ മാപ്പിംഗിനും പെണ്‍കുട്ടിയെ വിധേയമാക്കും.

ഈ മാസം 26ന് കോടതിയില്‍ ഹാജരായി, നുണപരിശോധനയ്ക്ക് വിധേയയാകുവാന്‍ കഴിയുമോ എന്ന് വ്യക്തമാക്കണമെന്നും പെണ്‍കുട്ടിയോട് കോടതി ആവശ്യപ്പെട്ടു. താന്‍ നിയമപ്രകാരം മുന്നോട്ട് പോകുമെന്നും നിലപാട് കോടതിയെ അറിയിക്കുമെന്നും പെണ്‍കുട്ടി വ്യക്തമാക്കിയിട്ടുണ്ട്.

അതേസമയം, ഹരിസ്വാമി സമര്‍പ്പിച്ച ജാമ്യാപേക്ഷ പോക്‌സോ കോടതി തള്ളി. അന്വേഷണം പുരോഗമിക്കുമ്പോള്‍ സ്വാമിക്ക് ജാമ്യം നല്‍കിയാല്‍ കേസിനെ ബാധിക്കുമെന്നും അതിനാല്‍ ജാമ്യം അനുവദിക്കില്ലെന്നും കോടതി വ്യക്തമാക്കി.

എവിടെ ചെന്നാലും മലയാളികള്‍ തനി സ്വഭാവം കാണിക്കുമെന്നതില്‍ ഒരു സംശയവും വേണ്ട. കൊച്ചി മെട്രോ ഓടി തുടങ്ങിയതിന്റെ ആദ്യ ദിവസം തന്നെ മെട്രോയുടെ വിന്‍ഡ് ഗ്ലാസിനിടയില്‍ പേപ്പറുകള്‍ തിരുകി വച്ചും, ഗ്ലാസ് ഭിത്തികളില്‍ പോറല്‍ വീഴ്ത്തിയും മെട്രോ റെയില്‍ കോര്‍പ്പറേഷനു മലയാളികള്‍ പണി കൊടുത്തിരിക്കുകയാണ്.

കൂടാതെ ട്രെയിനിനുള്ളില്‍ പേപ്പറുകള്‍ വലിച്ചു കീറി ഇടുകയും ചെയ്തിട്ടുണ്ട് . വിന്‍ഡ് ഗ്ലാസിനിടയില്‍ പേപ്പര്‍ തിരുകി കയറ്റിയ യുവാവിനെ കണ്ടെത്താന്‍ മെട്രോ അധികൃതര്‍ പരിശോധന ആരംഭിച്ചിട്ടുണ്ട് . മെട്രോ റെയില്‍ ഉദ്ഘാടനത്തിനു ശേഷം തിങ്കളാഴ്ച മുതലാണ് യാത്രക്കാര്‍ക്കായി മെട്രോ യാത്ര ആരംഭിച്ചത്.  ഇന്നലെ രാവിലെ മുതല്‍ യാത്രക്കാരുടെ തിരക്കായിരുന്നു. മെട്രോയില്‍ യാത്ര ചെയ്യുന്നതിന്  വന്‍ സുരക്ഷാ സംവിധാനവും, നിര്‍ദ്ദേശങ്ങളും ഒരുക്കിയിരുന്നു. എന്നാല്‍ ഈ നിര്‍ദ്ദേശങ്ങളെല്ലാം നിരുപാധികം ലംഘിച്ചാണ് യാത്രക്കാര്‍ ട്രെയിനിലേക്ക് ഇടിച്ചു കയറിയത്.

മെട്രോയുടെ കര്‍ശന നിര്‍ദ്ദേശങ്ങള്‍ ലംഘിച്ചാണ് മലയാളികള്‍ ആദ്യ ദിനം തന്നെ ട്രെയിന്‍ വൃത്തികേടാക്കിയത്.  ട്രെയിന്‍ വൃത്തികേടാക്കിയവരെ കണ്ടെത്തി കര്‍ശന നടപടി എടുക്കുമെന്ന് കൊച്ചി മെട്രോ റെയില്‍ കോര്‍പ്പറേഷന്‍ അറിയിച്ചു. ഇതിന്റെ ഭാഗമായി സിസിടിവി ദൃശ്യങ്ങള്‍ പരിശോധിച്ചു പ്രതികളെ കണ്ടെത്തി നോട്ടീസ് അയയ്ക്കുമെന്നും അധികൃതര്‍ അറിയിച്ചു.

മെട്രോ ഉദ്ഘാടനത്തിനെത്തിയ പ്രധാനമന്ത്രി നരേന്ദ്ര മോദിക്കു കൊച്ചിയിൽ തീവ്രവാദ ഭീഷണിയുണ്ടായിരുന്നുവെന്ന് ഡിജിപി ടി.പി.സെൻകുമാർ. പുതുവൈപ്പ് ഐഒസി ടെർമിനൽ വിരുദ്ധ ജനകീയ സമരസമിതിയുടെ നേതൃത്വത്തിൽ സമരക്കാർ പ്രതിഷേധിച്ചത് പ്രധാനമന്ത്രി പോകേണ്ട വഴിയിലാണ്. ഈ സാഹചര്യത്തിൽ ഡിസിപി യതീഷ് ചന്ദ്ര ചെയ്തത് ശരിയെന്നും ഡിജിപി കൊച്ചിയിൽ മാധ്യമങ്ങളോട് പറഞ്ഞു.

പ്രധാനമന്ത്രി മോദി എത്തിയപ്പോള്‍ കൊച്ചിയില്‍ ഒരു ടെറര്‍ മോഡ്യൂള്‍ ഉണ്ടായിരുന്നു. അതുകൊണ്ട് തന്നെ എന്‍എസ്ജി പിടിമുറുക്കുകയും ചെയ്തു. ഈ സാഹചര്യത്തിലാണ് പൊലീസിന് ഇടപെടല്‍ നടത്തേണ്ടി വന്നത്. പുതുവൈപ്പിനില്‍ സമരം നടക്കുന്ന സ്ഥലത്ത് ഒരിക്കലും യതീഷ് ചന്ദ്ര പോയിട്ടില്ല. പ്രധാനമന്ത്രിയുടെ യാത്ര അട്ടിമറിക്കാനുള്ള ശ്രമങ്ങള്‍ക്ക് തടയിടുകയാണ് യുവ ഓഫീസര്‍ ചെയ്തെന്നാണ് സെന്‍കുമാര്‍ പറയുന്നത്.

യതീഷ് ചന്ദ്രയെ സസ്പെന്റ് ചെയ്യണമെന്ന് വി എസ് അച്യുതാനന്ദന്‍ സര്‍ക്കാരിനോട് ആവശ്യപ്പെട്ടിരുന്നു. ഇതിനിടെയാണ് യതീഷ് ചന്ദ്രയെ ശക്തമായി പിന്തുണച്ച്‌ ഡിജിപി എത്തുന്നത്. ഇന്നലെ എറണാകുളം റൂറല്‍ എസ് പി എവി ജോര്‍ജും തീവ്രവാദ ബന്ധം ഇന്നലെ ആരോപിച്ചിരുന്നു. ഇതും സെന്‍കുമാര്‍ ശരിവയ്ക്കുകയായിരുന്നു.

മെട്രോ ഉദ്ഘാടനത്തിനെത്തിയ പ്രധാനമന്ത്രി നരേന്ദ്ര മോദിക്കു കൊച്ചിയില്‍ തീവ്രവാദ ഭീഷണിയുണ്ടായിരുന്നു. പുതുവൈപ്പ് ഐഒസി ടെര്‍മിനല്‍ വിരുദ്ധ ജനകീയ സമരസമിതിയുടെ നേതൃത്വത്തില്‍ സമരക്കാര്‍ പ്രതിഷേധിച്ചത് പ്രധാനമന്ത്രി പോകേണ്ട വഴിയിലാണ്. ഈ സാഹചര്യത്തില്‍ ഡിസിപി യതീഷ് ചന്ദ്ര ചെയ്തത് ശരിയെന്നും ഡിജിപി കൊച്ചിയില്‍ വിശദീകരിച്ചു. മുന്‍കൂട്ടി പ്രഖ്യാപിച്ച സമരമല്ല നടന്നത്. ഈ സമരത്തെ നേരിടാന്‍ യതീഷ് ചന്ദ്ര അവിടെ എത്തി. സമരക്കാരെ ഒഴിവാക്കുക മാത്രമായിരുന്നു ഓഫീസറുടെ മുന്നിലുള്ള വഴി. സമരത്തിന് പിന്നില്‍ തീവ്രസംഘടനകളുണ്ടായിരുന്നുവെന്നും സെന്‍കുമാര്‍ പറഞ്ഞു. പ്രധാനമന്ത്രിക്ക് നേരയുണ്ടായ ഭീഷണി ഏത് തരത്തിലുള്ളതാണെന്ന് സെന്‍കുമാര്‍ വിശദീകരിച്ചില്ല. പൊലീസിന്റെ പേരില്‍ വിമര്‍ശനം നേരിടുന്ന മുഖ്യമന്ത്രി പിണറായി വിജയനും ആശ്വാസമാണ് സെന്‍കുമാറിന്റെ പ്രതികരണം.

പ്രധാനമന്ത്രിയുടെ കൊച്ചി സന്ദര്‍ശന സമയത്ത് തീവ്രവാദ ഭീഷണിയുണ്ടായിരുന്നതിനാലാണ് പുതുവൈപ്പിന്‍ സമരക്കാര്‍ക്കെതിരെ നടപടിയെടുത്തത്. ഇക്കാര്യത്തില്‍ പൊലീസ് അവരുടെ ഉത്തരവാദിത്വമാണ് നിറവേറ്റിയതെന്നും അദ്ദേഹം പറഞ്ഞു. സമരത്തിന് പിന്നില്‍ തീവ്രവാദി സംഘടനകളുണ്ടെന്ന് പറഞ്ഞ ഡിജിപി സമരത്തില്‍ സ്ഥലവാസികളല്ലാത്തവരും പങ്കെടുക്കുന്നുണ്ടെന്നും പറഞ്ഞു. ഡിസിപി യതീഷ് ചന്ദ്ര പുതുവൈപ്പിനില്‍ പോയിട്ടില്ല. അദ്ദേഹം ഹൈക്കോടതി ജംഗ്ഷനിലായിരുന്നു. അവിടുത്തെ ദൃശ്യങ്ങള്‍ പുതുവൈപ്പിനിലേതെന്ന രീതിയില്‍ മാധ്യമങ്ങള്‍ കാണിക്കുകയാണ്. സമരക്കാരെ യതീഷ് ചന്ദ്ര മര്‍ദിക്കുന്നതിന്റെ ദൃശ്യങ്ങളില്ല. അത് കാണിച്ചാല്‍ അദ്ദേഹത്തിനെതിരെ നടപടി എടുക്കുമോ എന്ന ചോദ്യത്തിന് മറുപടി പറയാമെന്നും ഡിജിപി പറഞ്ഞു. പ്രധാനമന്ത്രിയുടെ വഴിയില്‍ തടസമുണ്ടാക്കാന്‍ സമരക്കാര്‍ ശ്രമിച്ചു. സമരക്കാരെ നേരിടുന്ന കാര്യത്തില്‍ പൊലീസ് അവരുടെ കടമയാണ് ചെയ്തത്. പൊലീസ് ഒരു ലബോറട്ടറിയല്ലെന്നും അദ്ദേഹം കൂട്ടിച്ചേര്‍ത്തു.

ജെ​​റ്റ് എ​​യ​​ർ​​വേ​​സ് വി​​മാ​​ന​​ത്തി​​നു​​ള്ളി​​ൽ കു​​ഞ്ഞി​​നു ജ​ന്മം ​ന​​ൽ​കി​യ മ​ല​യാ​ളി യു​വ​തി തൊ​ടു​പു​ഴ​ക്കാ​രി. അ​​മ്മ​​യും കു​ഞ്ഞും മും​​ബൈ അ​​ന്ധേ​​രി​​യി​​ലെ ഹോ​​ളി സ്പി​​രി​​റ്റ് ആ​​ശു​​പ​​ത്രി​​യി​​ൽ സു​​ഖ​​മാ​​യി​​രി​​ക്കു​​ന്നു. വി​​വ​​ര​​മ​​റി​​ഞ്ഞു യു​​വ​​തി​​യു​​ടെ ബ​​ന്ധു​​ക്ക​​ൾ മും​​ബൈ​​യി​​ൽ എ​​ത്തി​യി​ട്ടു​ണ്ട്. കു​​ഞ്ഞി​​നു ജീ​​വി​​ത​​കാ​​ലം മു​​ഴു​​വ​​ൻ ജെ​​റ്റ് എ​​യ​​ർ​​വേ​​സി​​ൽ സൗ​​ജ​​ന്യ​​യാ​​ത്ര പ്ര​ഖ്യാ​പി​ച്ചാ​ണ് വി​മാ​ന​കമ്പനി സ​ന്തോ​ഷം പ​ങ്കു​വ​ച്ച​ത്.

വി​മാ​ന​ത്തി​ൽ ജ​നി​ക്കു​ന്ന കു​ഞ്ഞു​ങ്ങ​ൾ​ക്കു വി​മാ​ന​കമ്പനി​ക​ൾ ഇ​ത്ത​രം സൗ​ജ​ന്യ​ങ്ങ​ൾ ന​ൽ​കാ​റു​ണ്ട്. ദ​​മാ​​മി​​ൽ​നി​​ന്നു കൊ​​ച്ചി​​യി​​ലേ​​ക്കു​​ള്ള ജെ​​റ്റ് എ​​യ​​ർ​​വെ​​യ്സ് വി​​മാ​​ന​​ത്തി​​ൽ കയറുമ്പോള്‍  ന​ഴ്സ് ആ​യ യു​വ​തി ഒ​​രി​​ക്ക​​ലും ക​രു​തി​യി​രു​ന്നി​ല്ല വി​​മാ​​ന​​ത്തി​​ൽ​നി​​ന്ന് ഇ​​റ​​ങ്ങു​​ന്ന​​തു ത​​ന്‍റെ കു​​ഞ്ഞി​​നെ​​യും കൊ​​ണ്ടാ​​കു​​മെ​​ന്ന്. ഒ​രു മാ​സ​ത്തി​നു ശേ​ഷ​മു​ള്ള പ്ര​സ​വ​തീ​യ​തി ക​ണ​ക്കി​ലെ​ടു​ത്തു ദ​​മാ​​മി​​ൽ​നി​​ന്നു നാ​​ട്ടി​​ലേ​​ക്കു തി​​രി​​ക്കു​​ക​​യാ​​യി​​രു​​ന്നു ഇ​വ​ർ. വി​ദേ​ശ​ത്തു ജോ​ലി​യു​ള്ള ഭ​ർ​ത്താ​വ് കൂ​ടെ ഉ​ണ്ടാ​യി​രു​ന്നി​ല്ല. ഇ​​ന്ത്യ​​യോ​​ട​​ടു​​ത്ത​​പ്പോ​​ൾ 35,000 അ​​ടി ഉ​​യ​​ര​​ത്തി​​ൽ വെച്ചാണ് യു​​വ​​തി​​ക്കു പ്ര​​സ​​വ വേ​​ദ​​ന അ​​നു​​ഭ​​വ​​പ്പെ​​ട്ടത്.

ജെ​​റ്റ് എ​​യ​​ർ​​വെ​​യ്സി​​ന്‍റെ 9ഡ​​ബ്ല്യൂ569 വി​​മാ​​ന​​ത്തി​​ലാ​യി​രു​ന്നു ഇ​വ​ർ. പ്ര​​സ​​വ​​വേ​​ദ​​ന അ​​നു​​ഭ​​വ​​പ്പെ​​ട്ട​​തി​​നെ​ത്തു​ട​​ർ​​ന്നു വി​​മാ​​നം മും​​ബൈ​​യി​​ൽ ഇ​​റ​​ക്കു​​ക​​യാ​​ണെ​​ന്നു ജീ​​വ​​ന​​ക്കാ​​ർ ആ​​ദ്യം പ്ര​​ഖ്യാ​​പി​​ച്ചു. എ​​ന്നാ​​ൽ, അ​തു​വ​രെ കാ​ത്തി​രി​ക്കാ​നാ​വി​ല്ലെ​ന്നു വ്യ​ക്ത​മാ​യ​തോ​ടെ യാ​​ത്ര​​ക്കാ​​രി​​ൽ ഡോ​​ക്ട​​ർ​​മാ​​രോ ന​ഴ്സു​മാ​രോ ഉ​ണ്ടോ​യെ​ന്ന് അ​​ന്വേ​​ഷി​​ച്ചു. മ​​ല​​യാ​​ളി​​യും ദ​​മാ​​മി​​ൽ ന​​ഴ്സു​​മാ​​യ വി​​ൽ​​സ​​ണ്‍ സ​ഹാ​യി​ക്കാ​ൻ മു​ന്നോ​ട്ടു​വ​ന്നു. എ​ന്നാ​ൽ, വി​ൽ​സ​നു ലേ​ബ​ർ റൂ​മി​ൽ ജോ​ലി ചെ​യ്തു പ​രി​ച​യം കു​റ​വാ​യ​തി​നാ​ൽ ന​ഴ്സാ​യ യു​വ​തി​ത​ന്നെ വേ​ണ്ട നി​ർ​ദേ​ശ​ങ്ങ​ൾ ന​ൽ​കി. വി​മാ​ന ജീ​വ​ന​ക്കാ​രും മ​റ്റു സൗ​ക​ര്യ​ങ്ങ​ൾ ഒ​രു​ക്കി.

വി​​മാ​​നം മും​​ബൈ​​യി​​ൽ ലാ​​ൻ​​ഡ് ചെ​​യ്ത ഉ​​ട​​ൻ യു​​വ​​തി​​യെ​​യും ആ​​ണ്‍​കു​​ഞ്ഞി​​നെ​​യും കാ​​ത്തു​​നി​​ന്ന ആം​​ബു​​ല​​ൻ​​സി​​ൽ അ​​ന്ധേ​​രി​​യി​​ലെ ഹോ​​ളി സ്പി​​രി​​റ്റ് ആ​​ശു​​പ​​ത്രി​​യി​​ലെ​​ത്തി​​ച്ചു. അ​​പ്ര​​തീ​​ക്ഷി​​ത സാ​​ഹ​​ച​​ര്യ​​മാ​​യി​​രു​​ന്നെ​​ന്നും ജെ​​റ്റ് എ​​യ​​ർ​​വേ​സി​ൽ ആ​​ദ്യ​​മാ​​യാ​​ണ് ഇ​​ത്ത​​ര​​ത്തി​​ലൊ​ന്നു സം​​ഭ​​വി​​ക്കു​​ന്ന​​തെ​​ന്നും വ​​ക്താ​​വ് അ​​റി​​യി​​ച്ചു. ര​​ണ്ട​​ര മ​​ണി​​ക്കൂ​​ർ വൈ​​കി​​യാ​​ണ് വി​​മാ​​നം കൊ​​ച്ചി​​യി​​ലെ​​ത്തി​​യ​​ത്.

35 ആ​​ഴ്ച വ​​രെ ഗ​​ർ​​ഭി​​ണി​​ക​​ളാ​​യ​​വ​​ർ​​ക്കാ​ണു വി​​മാ​​ന​​ത്തി​​ൽ യാ​​ത്ര അ​​നു​​വ​​ദി​​ച്ചി​​ട്ടു​​ള്ള​​ത്. ഇ​​ങ്ങ​​നെ​​യൊ​​രു പ്ര​​സ​​വം അ​​ദ്ഭു​​ത​​ക​​ര​​മാ​​യാ​​ണു തോ​​ന്നു​​ന്ന​​തെ​ന്നു ഹോ​​ളി സ്പി​​രി​​റ്റ് ആ​​ശു​​പ​​ത്രി ഡ​​യ​​റ​​ക്ട​​റും മ​​ല​​യാ​​ളി​​യു​​മാ​​യ സി​​സ്റ്റ​​ർ സ്നേ​​ഹ ജോ​​സ​​ഫ് പ​​റ​​യു​​ന്നു. ചെ​​റി​​യ അ​​ണു​​ബാ​​ധ​​യു​​ള്ള​​തു​​കൊ​​ണ്ട് അ​​ഞ്ചു​ ദി​​വ​​സ​​ത്തി​​നു ശേ​​ഷ​മേ ഡി​​സ്ചാ​​ർ​​ജ് ചെ​​യ്യു​ക​യു​ള്ളൂ​വെ​ന്നു കു​​ഞ്ഞി​​നെ ചി​​കി​​ത്സി​​ക്കു​​ന്ന ഡോ​​ക്ട​​ർ ദേ​​വീ​​ദാ​​സ് ച​​വാ​​നും അ​​റി​​യി​​ച്ചു. ദ​​മാ​​മി​​ൽ​നി​ന്നു കൊ​​ച്ചി​​യി​​ലേ​​ക്കു​​ള്ള യാ​​ത്രാ​​മ​​ധ്യേ ഞാ​​യ​​റാ​​ഴ്ച രാ​​വി​​ലെ​​യാ​​യി​​രു​​ന്നു പ്ര​​സ​​വം. വി​മാ​ന​ത്തി​ൽ പി​റ​ന്ന കു​ഞ്ഞി​ന് എ​ന്തു പേ​രി​ടു​മെ​ന്ന മാ​ധ്യ​മ​പ്ര​വ​ർ​ത്ത​ക​രു​ടെ ചോ​ദ്യ​ത്തി​നു പു​ഞ്ചി​രി​യാ​യി​രു​ന്നു അ​മ്മ​യു​ടെ മ​റു​പ​ടി. എ​ല്ലാം കു​ഞ്ഞി​ന്‍റെ പി​താ​വ് കൂ​ടി എ​ത്തി​യ ശേ​ഷം തീ​രു​മാ​നി​ക്കും. സ്വ​കാ​ര്യ​ത​യെ മാ​നി​ച്ച് അ​മ്മ​യു​ടെ പേ​രും ചി​ത്ര​വും പു​റ​ത്തു​വി​ട്ടി​ട്ടി​ല്ല.

പാട്‌ന: യൂണിഫോമിന്റെ പണം അടക്കാന്‍ കഴിയാതെ വന്നതോടെ അച്ഛന്റെ മുന്നില്‍ വെച്ച് രണ്ടു പെണ്‍മക്കളുടെ യൂണിഫോം പ്രിന്‍സിപ്പാള്‍ ഊരി വാങ്ങി. സാമ്പത്തികമായി ഏറെ പിന്നോക്കം നില്‍ക്കുന്ന കുടുംബമാണ് കുട്ടികളുടേത്. സ്‌കൂളില്‍ നിന്നായിരുന്നു യൂണിഫോം വിതരണം. പണം അടക്കാനുള്ള തിയതി കഴിഞ്ഞതോടെ പ്രിന്‍സിപ്പള്‍ കുട്ടികളുടെ അച്ഛനെ വിളിച്ചു വരുത്തി.

ക്രൂരമായ ലൈംഗിക പീഡനത്തിനിരയായ പതിനെട്ടുകാരന്‍ മരിച്ചു. മണിക്കൂറുകളോളം ക്രൂരമായ പ്രകൃതിവിരുദ്ധ പീഡനത്തിനിരയായ ഇന്ത്യന്‍ വിദ്യാര്‍ത്ഥി ടി. നവീന്‍ എന്ന 18കാരനാണ് മരിച്ചത്. മലേഷ്യയിലാണ് സംഭവം. സുഹൃത്തിനൊപ്പം ബര്‍ഗര്‍ ഷോപ്പിലെത്തിയ നവീനെ അക്രമികള്‍ തട്ടിക്കൊണ്ടു പോയി പീഡിപ്പിക്കുകയായിരുന്നു. ബര്‍ഗര്‍ ഷോപ്പിന് മുന്നില്‍ നിന്ന പ്രവീണിനെയും സുഹൃത്തിനെയും സ്വവര്‍ഗാനുരാഗിയെന്ന് വിളിച്ച് കളിയാക്കുകയും ഉപദ്രവിക്കാന്‍ ശ്രമിക്കുകയും ചെയ്തു.

തിരുവനന്തപുരം: സ്വാമി ഗംഗേശാനന്ദയുടെ ജനനേന്ദ്രിയം ഛേദിച്ച കേസില്‍ യുവതിയെ നുണ പരിശോധനയ്ക്ക് വിധേയമാക്കും. പോലീസിന്റെ ആവശ്യം തിരുവനന്തപുരം പോക്‌സോ കോടതി അംഗീകരിച്ചു. ബ്രെയിന്‍ മാപ്പിംഗും ആകാമെന്നും കോടതി നിര്‍ദേശിച്ചു. ഇക്കാര്യത്തില്‍ നിലപാട് അറിയിക്കാന്‍ യുവതി ഈ മാസം 22ന് ഹാജരാകണമെന്നും കോടതി അറിയിച്ചു.

അഞ്ചോളം യുവാക്കളെ കബളിപ്പിച്ച വിവാഹത്തട്ടിപ്പുകാരി യുവതിയെ വിവാഹവേദിയില്‍വച്ചു തന്നെ പോലീസ് പിടികൂടി.  കൊട്ടാരക്കര ഷിബുവിലാസത്തില്‍ വി. ശാലിനി(32)യാണ് അറസ്റ്റിലായത്. പത്രത്തില്‍ വിവാഹപരസ്യം നല്‍കി വിവാഹം ചെയ്ത് യുവാക്കളുടെ സ്വര്‍ണവും പണവും കവര്‍ന്നുകടക്കുകയാണു ശാലിനിയുടെ രീതി.

മലപ്പുറം കൊണ്ടോട്ടി ചീക്കോട്ട് കോളാമ്പലത്ത് മണ്ണാറയ്ക്കല്‍ വീട്ടിലാണു നിലവില്‍ ശാലിനിയുടെ താമസം. വിവാഹപരസ്യം കണ്ടു ഫോണില്‍ വിളിക്കുന്നവരെയാണ് ഇവര്‍ ഇരയാക്കുന്നത്. ഇത്തരത്തില്‍ ഇന്നലെ രാവിലെ 11 മണിയോടെ ശാലിനിയും പത്തനംതിട്ട ജില്ലയിലുള്ള യുവാവും വിവാഹത്തിനായി പന്തളത്തിനു സമീപമുള്ള കുളനട ഉള്ളന്നൂര്‍ വിളയാടിശേരില്‍ ക്ഷേത്രത്തില്‍ എത്തിയിരുന്നു. ഉച്ചയ്ക്ക് 12 മണിയോടെ വിവാഹചടങ്ങ് പൂര്‍ത്തിയാക്കി ഇരുവരും സുഹൃത്തുക്കളുമായി സംസാരിച്ച് നില്‍ക്കുന്നതിനിടെ ശാലിനി കബളിപ്പിപ്പിച്ച കിടങ്ങന്നൂര്‍ സ്വദേശിയായ യുവാവിന്റെ സുഹൃത്തും ക്ഷേത്രത്തിലെ സെക്രട്ടറിയുമായ പി.എസ്. അഭിലാഷ്, സുഹൃത്തായ വി.മനു എന്നിവര്‍ പ്രതിയെ തിരിച്ചറിഞ്ഞു.

തുടര്‍ന്ന് ഇവര്‍ പോലീസില്‍ വിവരമറിയിച്ചു. സംഭവമറിഞ്ഞ് നേരത്തെ തട്ടിപ്പിനിരയായ കിടങ്ങന്നൂര്‍ സ്വദേശിയും സ്ഥലത്തെത്തി. ഇതോടെ യുവതി രക്ഷപെടാന്‍ ശ്രമം നടത്തിയെങ്കിലും വിഫലമായി. അടൂര്‍ ഡിെവെ.എസ്.പി എസ്. റഫീക്കിന്റെ നിര്‍ദേശ പ്രകാരം സി.ഐ ആര്‍. സുരേഷ്, എസ്.ഐ എസ്.സനൂജ് എന്നിവരുടെ നേതൃത്വത്തിലുള്ള പോലീസ് സംഘമെത്തി ഉച്ചകഴിഞ്ഞ് രണ്ടുമണിയോടെ ശാലിനിയെ കസ്റ്റഡിയിലെടുക്കുകയായിരുന്നു.

ഏതാനും ആഴ്ചകള്‍ക്ക് മുമ്പാണ് വരനെ ആവശ്യമുണ്ടെന്ന് കാട്ടിയുള്ള ശാലിനിയുടെ പത്രപരസ്യം കണ്ടു പത്തനംതിട്ട സ്വദേശി വിളിക്കുന്നത്. തുടര്‍ന്നു ശാലിനിയുടെ സഹോദരന്റെ ഭാര്യയെന്ന് പറഞ്ഞ് ഒരു യുവതി ഫോണില്‍ വിളിച്ചു. പിന്നീട് മറ്റൊരു നമ്പറില്‍നിന്ന് ശാലിനിയും വിളിച്ചു. തുടര്‍ന്നു ശാലിനിയുടെ ആവശ്യത്തേത്തുടര്‍ന്നു മണ്ണാറശാല ക്ഷേത്രത്തിലെത്തിയ ഇരുവരും നേരിട്ടുകണ്ടു. ബന്ധുക്കളുമായി ആലോചിച്ചശേഷം വിവാഹം നടത്താമെന്ന് യുവാവ് അറിയിക്കുകയും ചെയ്തു. എന്നാല്‍, വിവാഹം ഉടന്‍ വേണമെന്ന നിലപാടിലായിരുന്നു ശാലിനി.

ആദ്യം മടിച്ചെങ്കിലും ശാലിനിയുടെ നിര്‍ബന്ധത്തിനു യുവാവ് വഴങ്ങി. ബംഗളുരുവില്‍ ജോലിയുണ്ടായിരുന്ന തനിക്ക് അടുത്ത സമയത്ത് കേരളാ െഹെക്കോടതിയില്‍ ജോലി ലഭിച്ചെന്നും താന്‍ എല്‍.എല്‍.എം ബിരുദധാരിയാണെന്നും ശാലിനി യുവാവിനോട് പറഞ്ഞിരുന്നു. 50 പവനോളം തൂക്കം വരുന്ന സ്വര്‍ണാഭരണങ്ങള്‍ ഇവര്‍ ധരിച്ചിരുന്നതായി പോലീസ് പറഞ്ഞു. പ്രതിയെ അടൂര്‍ കോടതിയില്‍ ഹാജരാക്കി.