യുഎസിലെ ടെക്സസ് സംസ്ഥാനത്തുള്ള ഫോർട്ട് ബെൻഡ് കൗണ്ടിയിൽ ജഡ്ജിമാരായി മലയാളികളായ ജൂലി എ. മാത്യു, കെ.പി.ജോർജ്, സുരേന്ദ്രൻ കെ.പട്ടേൽ എന്നിവർ സ്ഥാനമേറ്റു. ജൂലിയും ജോർജും രണ്ടാം വട്ടമാണു തിരഞ്ഞെടുക്കപ്പെടുന്നത്. തിരുവല്ല വെണ്ണിക്കുളം സ്വദേശിയായ ജൂലിയുടെ ശ്രമഫലമായാണു മാനസിക വെല്ലുവിളി നേരിടുന്ന കുട്ടികളുടെ പ്രശ്നപരിഹാരത്തിനായി കൗണ്ടിയിൽ പ്രത്യേക കോടതി ആരംഭിച്ചത്. 15 വർഷം അറ്റോർണിയായിരുന്നു.
കോന്നി കൊക്കാത്തോട് സ്വദേശിയായ കെ.പി.ജോർജ് ഫിനാൻഷ്യൽ കൺസൽറ്റന്റായി പ്രവർത്തിച്ചിട്ടുണ്ട്. കാസർകോട് ബളാൽ സ്വദേശിയായ സുരേന്ദ്രൻ ടെക്സസിൽ 25 വർഷം അറ്റോർണിയായിരുന്നു. ഗ്രേറ്റർ ഹൂസ്റ്റൺ മലയാളി അസോസിയേഷൻ പ്രസിഡന്റായും സേവനമനുഷ്ഠിച്ചു. നവംബറില് നടന്ന തിരഞ്ഞെടുപ്പിൽ ഡെമോക്രാറ്റിക് പാർട്ടി സ്ഥാനാർഥികളായാണ് 3 പേരും ജയിച്ചത്.
യുഎസ് കൗണ്ടി ജഡ്ജിയായി വീണ്ടും തിരഞ്ഞെടുക്കപ്പെട്ട് മലയാളിയായ ജൂലി എ. മാത്യു. കാസര്കോട് വീട്ടില് വച്ചായിരുന്നു ജൂലിയുടെ സത്യപ്രതിജ്ഞ.രണ്ടാംതവണയാണ് ജൂലി എ. മാത്യു യുഎസ് കൗണ്ടി ജഡ്ജിയാവുന്നത്. സത്യപ്രതിജ്ഞ ചടങ്ങ് ഓണ്ലൈനായിട്ടായിരുന്നു നടത്തിയിരുന്നത്. കാസര്കോട് ഭീമനടിയില് ഭര്ത്താവിന്റെ വീട്ടില് വച്ചായിരുന്നു സത്യപ്രതിജ്ഞ ചെയ്തത്. 15 വര്ഷം അറ്റോര്ണിയായിരുന്നു ജൂലി.
തിരുവല്ല സ്വദേശിയാണ് ജൂലി. ഭര്ത്താവ് ജിമ്മി മാത്യു യുഎസില് ഇന്റീരിയര് ഡിസൈനിങ് കമ്പനി നടത്തുകയാണ്. കഴിഞ്ഞ ദിവസമാണ് ഇരുവരും നാട്ടിലെത്തിയത് ജൂലിക്ക് പുറമെ കാസര്കോട് ബളാല് സ്വദേശി സുരേന്ദ്രന് കെ.പട്ടേല്, കോന്നി കൊക്കാത്തോട് സ്വദേശി കെ.പി.ജോര്ജ് എന്നിവരും ഫോര്ട്ട് ബെന്ഡ് കൗണ്ടിയില് ജഡ്ജിമാരായി തിരഞ്ഞെടുക്കപ്പെട്ടിട്ടുണ്ട്.
മദ്യലഹരിയിൽ വിമാനത്തിലെ വനിത യാത്രക്കാരിയ്ക്കു നേരെ മൂത്രമൊഴിച്ച് സഹയാത്രികൻ. ന്യൂയോര്ക്കില്നിന്ന് ഡല്ഹിയിലേക്കുള്ള എയര് ഇന്ത്യയുടെ എഐ-102 വിമാനത്തിലെ ബിസിനസ് ക്ലാസിലാണ് സംഭവം. സംഭവം ജീവനക്കാരുടെ ശ്രദ്ധയില് പെടുത്തിയിട്ടും ഒരു നടപടിയും ഉണ്ടായില്ലെന്ന് യാത്രക്കാരി പരാതിപ്പെട്ടു. വിമാനം ഡല്ഹിയില് ഇറങ്ങിയപ്പോള് അക്രമം നടത്തിയയാള് യാതൊരു നടപടിയും നേരിടാതെ വിമാനത്താവളത്തില്നിന്നു പുറത്തുപോയി.
യാത്രക്കാരി ടാറ്റാ ഗ്രൂപ്പ് ചെയര്മാന് എന്. ചന്ദ്രശേഖരന് പരാതി നല്കിയതിനു ശേഷം മാത്രമാണ് വിമാനക്കമ്പനി അന്വേഷണം ആരംഭിച്ചതെന്നും പരാതിയുണ്ട്. അപമര്യാദയായി പെരുമാറിയ യാത്രക്കാരന് യാത്രാ നിരോധനം ഏർപ്പെടുത്തണമെന്ന് സർക്കാരിനോട് എയർ ഇന്ത്യ ആവശ്യപ്പെട്ടു. സംഭവത്തിൽ ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ റിപ്പോർട്ട് തേടി.
വിമാന ജീവനക്കാര് യാതൊരു തരത്തിലും സഹകരിച്ചില്ലെന്ന് പരാതിക്കാരി എന്. ചന്ദ്രശേഖരനുള്ള കത്തില് പറയുന്നു. ‘ഉച്ചയ്ക്ക് ആഹാരം നല്കിയ ശേഷം വിളക്കുകള് അണച്ച ശേഷമായിരുന്നു സംഭവം. പൂര്ണമായും മദ്യലഹരിയിലായിരുന്ന ഒരു യാത്രക്കാരന് എന്റെ സീറ്റിനടുത്തേക്ക് വരികയായിരുന്നു. തുടര്ന്ന് പാന്റിന്റെ സിപ്പ് അഴിച്ച ശേഷം സ്വകാര്യ ഭാഗങ്ങള് എന്റെ നേരെ പ്രദര്ശിപ്പിച്ചു. തുടര്ന്ന് മൂത്രമൊഴിച്ച ശേഷം അവിടെ തന്നെ നില്ക്കുകയായിരുന്നു. മറ്റൊരു യാത്രക്കാരനെത്തി മാറാന് പറഞ്ഞപ്പോള് മാത്രമാണ് അയാള് അവിടെനിന്നു പോയത്.
എന്റെ വസ്ത്രവും ഷൂവും ബാഗും മുഴുവനും മൂത്രം വീണ് നനഞ്ഞു. തുടര്ന്ന് വിമാനജീവനക്കാരെത്തി അണുനാശിനിയും മറ്റും തളിക്കുകയായിരുന്നു.’– പരാതിക്കാരിയുടെ കത്തില് പറയുന്നു. ക്യാബിന് ക്രൂവാണ് പിന്നീട് യാത്രക്കാരിക്ക് പൈജാമയും ചെരിപ്പും നല്കിയത്. നനഞ്ഞ സീറ്റില് ഇരിക്കാന് കഴിയാത്തതിനാല് ജീവനക്കാരുടെ സീറ്റ് നല്കുകയായിരുന്നു. വിമാനത്തിന്റെ ഫസ്റ്റ് ക്ലാസില് സീറ്റുകള് ഒഴിവുണ്ടായിട്ടും നനഞ്ഞ സീറ്റില് ഇരിക്കാന് ജീവനക്കാര് നിര്ബന്ധിച്ചുവെന്നും പരാതിയില് പറയുന്നു. രണ്ട് മണിക്കൂറിനു ശേഷമാണ് മറ്റൊരു സീറ്റ് നല്കിയത്.
ലഹരി മാഫിയായുടെ കുരുക്കിൽ അറിയാതെ വീണുപോകുന്ന കൗമാരങ്ങളുടെ പ്രതീകാത്മകമായ പാത്രസൃഷ്ടിയിലൂടെ ജീവിത വഴിയിൽ വീട് നഷ്ടപ്പെടുന്നവരുടെ കഥ പറയുന്നു ഒറ്റവരി ജീവിതം.
മാസ്ലൈവ് പ്രൊഡക്ഷൻസിന്റെ ബാനറിൽ ലോങ് സൈറ്റ് മീഡിയാ റിലീസ് ചെയ്ത ഒറ്റവരി ജീവിതത്തിന്റെ കഥകവിത തിരക്കഥ സംഗീതം സംവിധാനം നിർവ്വഹിച്ചത് അഭിലാഷ്.കെ.വി യാണ്.
ഗാനരചന മുരളീദേവ്, കൊറിയോഗ്രാഫി ശാലിനി രാജേഷ്, യൂണീറ്റ് ക്യാമറാ ആർട്ട്, മേക്കപ്പ് ക്ലിന്റ് പവിത്രൻ , ഡിസൈൻ രാജേന്ദ്രൻ ചിറക്കടവ്, ആർട്ട് വിജയകൃഷ്ണൻ , സ്റ്റിൽസ് ഷാനവാസ് വാഴൂർ , അസോസിയേറ്റ് ഡയറക്ടർ അഭിജിത് മണിമല ,ക്യാമറാ അബിൻ ഐസക് , പാടിയത് രൂപേഷ് എം ബി , നയനാ സിബി, എഡിറ്റിംഗ് ശ്രീജേഷ് ബാക്ക്ഗ്രൗണ്ട് സ്കോർ റോബിൻ .സി . ജോസഫ് ജയദേവ് ആലക്കൽ, പള്ളിക്കത്തോട് അരവിന്ദാ വിദ്യാമന്ദിരത്തിൽ വച്ച് നടന്ന ചടങ്ങിൽ വച്ച് പ്രശസ്ത ചലച്ചിത്ര നിർമ്മാതാവും സാംസ്ക്കാരിക പ്രവർത്തകനുമായ സജി നന്ത്യായാട്ട് ഒറ്റവരി ജീവിതം യൂട്യൂബിൽ റിലീസ് ചെയ്തു നിർമ്മാതാവ് രഞ്ജിത്ത് . ആർ, കവി രാജു.എൻ. വാഴൂർ എന്നിവർ പങ്കെടുത്തു. ഗോപിനാഥ് വെൺ കുറിഞ്ഞി ,സുനിൽ സുരേഷ്, മഹേഷ് കെ.എം, സ്നേഹ, ശാലിനിരാജേഷ്, വിജയകൃഷ്ണൻ ,രഞ്ജിത്ത് R, ബാലാജി മണർകാട് , ജയൻ ചേനപ്പാടി, മനു പൊൻകുന്നം സ്മിതാ സിബി ദിയാബിജു, ജയൻ ഏന്തയാർ എന്നിവർ കഥാപാത്രങ്ങളായ് വേഷമിട്ടു.
ബംഗ്ലാദേശിന്റെ ദേശീയ ബോഡിബിൽഡിംഗ് ചാമ്പ്യൻഷിപ്പ് അടുത്തിടെ ഒരു വിചിത്ര സംഭവത്തിന് വാർത്തകളിൽ ഇടം നേടിയിരുന്നു. രണ്ടാം സ്ഥാനക്കാരനായ ജാഹിദ് ഹസൻ ഷുവോ സമ്മാനദാന ചടങ്ങിനിടെ സമ്മാനം ചവിട്ടിയെറിഞ്ഞതാണ് സംഭവം. റിപ്പോർട്ടുപ്രകാരം, ഷുവോയ്ക്ക് പ്രതിഫലമായി “ഒരു ബ്ലെൻഡർ” ലഭിച്ചു, അത് അവനെ സന്തോഷിപ്പിച്ചില്ല.
നിരാശനായ അദ്ദേഹം ബോഡി ബിൽഡിങ് ഫെഡറേഷനെ വിമർശിച്ചുകൊണ്ട് ബോക്സ് ചവിട്ടി എറിഞ്ഞു , എന്നാൽ ഫെഡറേഷൻ സംഭവത്തിന്മേലുള്ള കാരണം ചോദിച്ചപ്പോൾ ഷുവോ തന്റെ തെറ്റ് സമ്മതിച്ചു. ഫെഡറേഷനോടുള്ള അതൃപ്തിയാണ് തന്റെ നഗ്നമായ വിയോജിപ്പിന് കാരണമെന്ന് അദ്ദേഹം പറഞ്ഞു. നെറ്റിസൺസ് അദ്ദേഹത്തിന്റെ കോപത്തെ വിമർശിക്കുകയും നിയന്ത്രണമില്ലായ്മ ചൂണ്ടിക്കാണിക്കുകയും ചെയ്തു. മറ്റുചിലർ അഴിമതിക്കെതിരെ ശബ്ദിച്ചതിന് അദ്ദേഹത്തെ പിന്തുണച്ചു.
ജാഹിദ് ഹസൻ ഷുവോ എന്ന 28 കാരനായ ബോഡി ബിൽഡർ 2022 BBF നാഷണൽ ബോഡിബിൽഡിംഗ് ചാമ്പ്യൻഷിപ്പിൽ പങ്കെടുത്തു. പുരുഷന്മാരുടെ ഫിസിക് 170 സെന്റീമീറ്റർ പ്ലസ് വിഭാഗത്തിൽ മത്സരിച്ച് വെള്ളി മെഡൽ നേടാനായി. വ്യക്തമായും, ഫലങ്ങളിൽ അദ്ദേഹം തൃപ്തനായില്ല, “ഒരു കുട്ടിക്ക് പോലും ഞാനും വിജയിയും തമ്മിലുള്ള ശരീരഘടനയിലെ വ്യത്യാസം തിരിച്ചറിയാൻ കഴിയും.”എന്നാണു ഷുവോ പറഞ്ഞത്.
2020 മുതൽ തുടർച്ചയായി രണ്ട് വർഷം ഷുവോ കിരീടം നേടി. ഈ വർഷം ഫെഡറേഷന്റെ പക്ഷപാതപരമായ തീരുമാനമാണ് തനിക്കെതിരായ കളി നിശ്ചയിച്ചതെന്ന് അദ്ദേഹം കരുതുന്നു. തന്റെ പെരുമാറ്റത്തെക്കുറിച്ച് സംസാരിച്ച അദ്ദേഹം മാധ്യമങ്ങളോട് പറഞ്ഞു, “ഇത് അഴിമതിക്കെതിരായ ഒരു കിക്ക് ആയിരുന്നു. നമ്മുടെ രാജ്യത്തെ ഏത് സ്ഥലത്തും ഏത് തരത്തിലുള്ള അഴിമതിക്കും എതിരെ ”
എന്നിരുന്നാലും, ഒരു “ബ്ലെൻഡർ” ലഭിക്കുന്നത് ബംഗ്ലാദേശിൽ വളരെ വിചിത്രമല്ല. മുമ്പ്, ക്രിക്കറ്റ് താരം ലൂക്ക് റൈറ്റിനും 2013-ൽ DPL (ധാക്ക പ്രീമിയർ ലീഗ്) ലെ പ്ലെയർ ഓഫ് ദ മാച്ച് ആയതിന് സമാനമായ ഒരു സമ്മാനം ലഭിച്ചിരുന്നു .
എന്നാൽ ഈ സംഭവത്തിൽ ഫെഡറേഷൻ, വിമർശകരെ പ്രതിരോധിക്കാൻ സ്പോൺസർമാർ ആണ് “ബ്ലെൻഡർ” ടോക്കണായും മറ്റ് സമ്മാനങ്ങളായും നൽകിയതെന്നു പറഞ്ഞു.. സമ്മാനങ്ങൾ ഇനിയും വരാനിരിക്കുകയായിരുന്നു. നിർഭാഗ്യവശാൽ അതിനു മുമ്പ് പ്രതിഷേധം ആരംഭിച്ചു. ഷുവോയുടെ ആജീവനാന്ത വിലക്കോടെയാണ് മുഴുവൻ പ്രശ്നവും അവസാനിച്ചത്. തന്റെ പ്രതികരണത്തിൽ, അദ്ദേഹം കുറ്റസമ്മതം നടത്തുകയും തന്റെ പ്രതികരണത്തിന് ക്ഷമ ചോദിക്കുകയും ചെയ്തു. അഴിമതിക്കെതിരെ പ്രതിഷേധിച്ചതിനാണ് താൻ ചെയ്തതെന്നും ഫെഡറേഷനോടുള്ള അനാദരവ് കൊണ്ടല്ലെന്നും ഷുവോ വ്യക്തമാക്കി.
ജാഹിദ് ഹസൻ ഷുവോയുടെ വിഷയം അതൃപ്തിയുടെയും അംഗീകരിക്കപ്പെടാത്തതിലും ഉള്ള ഉദാഹരണമാണ്. ഇനി കാണാനുള്ളത് ആജീവനാന്ത വിലക്ക് തന്റെ കരിയറിനെ ബാധിക്കുമോ അതോ അതിൽ നിന്ന് രക്ഷപ്പെടുമോ എന്നതാണ്.
ചൈനയിൽ നിന്ന് ബ്രിട്ടനിലേക്ക് എത്തുന്ന യാത്രക്കാർക്ക് ചൈനയിൽ അണുബാധകൾ വർദ്ധിച്ചതിനെ തുടർന്ന് നെഗറ്റീവ് കോവിഡ്-19 പരിശോധന ആവശ്യമായി വരുമെന്ന് യുകെ വെള്ളിയാഴ്ച അറിയിച്ചു.ജനുവരി 5 മുതൽ, ചൈനീസ് യാത്രക്കാർ പുറപ്പെടുന്നതിന് രണ്ട് ദിവസത്തിൽ കൂടുതൽ മുമ്പ് എടുത്ത കോവിഡ്-19 ടെസ്റ്റ് നെഗറ്റീവ് കാണിക്കേണ്ടിവരുമെന്ന് യുകെ ആരോഗ്യ സാമൂഹിക പരിപാലന വകുപ്പ് പ്രസ്താവനയിൽ പറഞ്ഞു.
ചൈനയിൽ നിന്നുള്ള എല്ലാ യാത്രക്കാരെയും പരിശോധനകൾക്കായി എയർലൈനുകൾ പരിശോധിക്കേണ്ടതുണ്ട്, കൂടാതെ നെഗറ്റീവ് പരിശോധനാ ഫലത്തിന്റെ തെളിവുകൾ നൽകാതെ യാത്രക്കാരെ വിമാനത്തിൽ കയറാൻ അനുവദിക്കില്ല, അത് കൂട്ടിച്ചേർത്തു.
ചൈനയിൽ നിന്നുള്ള യാത്രക്കാർക്ക് COVID-19 ടെസ്റ്റുകൾ ഏർപ്പെടുത്താൻ യുണൈറ്റഡ് സ്റ്റേറ്റ്സും ഇന്ത്യയും ഉൾപ്പെടെയുള്ള മറ്റ് രാജ്യങ്ങളുമായി യുകെ ചേരുന്നു. ഫ്രാൻസ്, ദക്ഷിണ കൊറിയ, സ്പെയിൻ എന്നിവരും അങ്ങനെ ചെയ്തിട്ടുണ്ട്.
ബ്രിട്ടീഷ് പ്രധാനമന്ത്രി ഋഷി സുനാക്ക് നടപടിയെടുക്കാൻ തീരുമാനിച്ചതായി ടൈംസും ദി ടെലിഗ്രാഫും വെള്ളിയാഴ്ച റിപ്പോർട്ട് ചെയ്തു.
ബീജിംഗിൽ നിന്നുള്ള ഔദ്യോഗിക ഡാറ്റയുടെ സുതാര്യതയെക്കുറിച്ചുള്ള സംശയങ്ങൾ അണുബാധകളുടെ തരംഗത്തെക്കുറിച്ചുള്ള ആശങ്കകൾ ഉയർത്തിയതിനെ തുടർന്നാണ് ഈ നീക്കം.
കടുത്ത പാൻഡെമിക് നിയന്ത്രണങ്ങൾ അവസാനിപ്പിക്കാനുള്ള ബീജിംഗിന്റെ പെട്ടെന്നുള്ള തീരുമാനത്തിന് ശേഷം ചൈനയിൽ കോവിഡ് കേസുകൾ വർദ്ധിച്ചുകൊണ്ടിരിക്കുകയാണ്. പുറപ്പെടുന്നതിന് മുമ്പ് ചൈനയിൽ നിന്നുള്ള യാത്രക്കാർക്ക് കോവിഡ് പരിശോധന നെഗറ്റീവ് ആണെന്ന് എയർലൈനുകൾ പരിശോധിക്കേണ്ടതുണ്ടെന്നും യാത്രക്കാർ അവരുടെ നെഗറ്റീവ് ഫലത്തിന്റെ തെളിവുകൾ കാണിക്കണമെന്നും യുകെ സർക്കാർ അറിയിച്ചു.യുകെ ഹെൽത്ത് സെക്യൂരിറ്റി ഏജൻസിയും ജനുവരി 8 മുതൽ നിരീക്ഷണം ആരംഭിക്കും, അതിൽ ചൈനയിൽ നിന്ന് ഇംഗ്ലണ്ടിലേക്ക് വരുന്ന യാത്രക്കാരുടെ സാമ്പിൾ അവർ വരുമ്പോൾ വൈറസിനായി പരിശോധിക്കും.
കോവിഡിന് പോസിറ്റീവ് പരീക്ഷിച്ച ചൈനയിൽ നിന്ന് യുകെയിൽ എത്തുന്ന യാത്രക്കാർ ക്വാറന്റൈൻ ചെയ്യേണ്ടതുണ്ടോ എന്ന് ചൊവ്വാഴ്ച ചോദിച്ചപ്പോൾ, ഗതാഗത സെക്രട്ടറി മാർക്ക് ഹാർപ്പർ എൽബിസിയോട് പറഞ്ഞു: “ഇല്ല, കാരണം ഞങ്ങൾ ചെയ്യുന്നത് ഞങ്ങൾ ശേഖരിക്കുകയാണ്.“എന്നാൽ, യുണൈറ്റഡ് കിംഗ്ഡത്തിലെ 45 പേരിൽ ഒരാൾക്ക് ഇപ്പോൾ കോവിഡ് ബാധിച്ചിട്ടുണ്ട്.”
അദ്ദേഹം കൂട്ടിച്ചേർത്തു: “ഞങ്ങൾക്ക് വളരെ ഉയർന്ന തോതിലുള്ള വാക്സിനേഷൻ ലഭിച്ചുവെന്ന് ഉറപ്പാക്കിക്കൊണ്ട് ഞങ്ങൾ ഇപ്പോൾ കോവിഡ് നിയന്ത്രിക്കുന്നു, അതുകൊണ്ടാണ് അപകടസാധ്യതയുള്ള ആളുകൾ, സമൂഹത്തിലെ മുതിർന്ന അംഗങ്ങൾ, ഉദാഹരണത്തിന്, ഈ ശൈത്യകാലത്ത് അവർക്ക് നാലാമത്തെ ബൂസ്റ്റർ ഷോട്ട് ലഭിക്കുന്നുണ്ടെന്ന് ഉറപ്പാക്കണം. അങ്ങനെയാണ് നമ്മൾ ആളുകളെ കോവിഡിൽ നിന്ന് സംരക്ഷിക്കുന്നത്, അതാണ് നമ്മുടെ പ്രാഥമിക പ്രതിരോധ മാർഗം.
കേസുകള് വര്ദ്ധിക്കുന്ന സാഹചര്യത്തില് നിയമങ്ങള് കര്ശനമാക്കി കൂടുതല് രാജ്യങ്ങള്. ചൈനയില് നിന്നുള്ള യാത്രക്കാരില് കോവിഡ് പരിശോധന നടത്തുമെന്ന് സ്പെയിന്, ദക്ഷിണ കൊറിയ, ഇസ്രായേല് എന്നീ രാജ്യങ്ങള് പ്രഖ്യാപിച്ചു. സന്ദര്ശകരില് കോവിഡ് പരിശോധന പ്രഖ്യാപിക്കുന്ന രണ്ടാമത്തെ യൂറോപ്യന് യൂണിയന് രാജ്യമാണ് സ്പെയിന്.
യുഎസ്, ഇന്ത്യ, ഇറ്റലി എന്നിവയ്ക്കു പിന്നാലെയാണ് കൂടുതല് രാജ്യങ്ങള് കോവിഡ് നിയമങ്ങള് കര്ശനമാക്കുന്നത്. പൂര്ണമായും വാക്സിനേഷന് സ്വീകരിച്ചവര്ക്ക് പരിശോധനകള് ഒഴിവാക്കാം. എന്നാല് സ്പെയിനില് ചില ചൈനീസ് വാക്സിനുകള് അംഗീകരിക്കില്ല. ചൈനയില് നിന്ന് യുകെയില് പ്രവേശിക്കണമെങ്കില് കൊവിഡ് നെഗറ്റീവ് സര്ട്ടിഫിക്കറ്റ് ആവശ്യമാണ്.
ചൈനയില് നിന്നുള്ള യാത്രക്കാര് ദക്ഷിണ കൊറിയയിലേക്കുള്ള വിമാനങ്ങളില് കയറുന്നതിന് മുമ്പ് നെഗറ്റീവ് പിസിആര് അല്ലെങ്കില് ആന്റിജന് ടെസ്റ്റ് സര്ട്ടിഫിക്കറ്റ് വേണമെന്ന് ദക്ഷിണ കൊറിയന് പ്രധാനമന്ത്രി ഹാന് ഡക്ക്-സൂ പറഞ്ഞു. കൂടാതെ ദക്ഷിണ കൊറിയയില് എത്തി ആദ്യ ദിവസം തന്നെ ഇവര് പിസിആര് ടെസ്റ്റിന് വിധേയരാകേണ്ടി വരുമെന്നും അദ്ദേഹം കൂട്ടിച്ചേര്ത്തു.
അതേസമയം പരിശോധനാ ഫലം നെഗറ്റീവായില്ലെങ്കില് ചൈനയില് നിന്ന് ആളുകളെ യാത്ര ചെയ്യാന് അനുവദിക്കരുതെന്ന് വിദേശ വിമാനക്കമ്പനികളോട് ഇസ്രായേല് ഉത്തരവിട്ടു. കൂടാതെ ചൈനയിലുള്ള സ്വന്തം പൗരന്മാരോട് അനാവശ്യ യാത്രകള് ഒഴിവാക്കാനും ആവശ്യപ്പെട്ടിട്ടുണ്ട്. എല്ലാ രാജ്യങ്ങളും നിയന്ത്രണങ്ങള് പ്രഖ്യാപിച്ചിട്ടില്ല. ജര്മ്മനി, ഓസ്ട്രേലിയ, ഫ്രാന്സ്, പോര്ച്ചുഗല് തുടങ്ങിയ രാജ്യങ്ങള് ഇതുവരെ മാര്ഗ നിര്ദേശങ്ങള് പുറപ്പെടുവിച്ചിട്ടില്ലെന്നാണ് റിപ്പോര്ട്ടുകള്.
ക്രിസ്ത്യൻ വിരുദ്ധ അക്രമങ്ങൾക്കിടയിൽ, ഛത്തീസ്ഗഡിലെ ഗോത്രവർഗ ബസ്തർ മേഖലയിലെ നാരായൺപൂർ ജില്ലയിൽ ഒരു പള്ളി തകർത്ത അക്രമാസക്തരായ ജനക്കൂട്ടത്തെ അടിച്ചമർത്താൻ ശ്രമിക്കുന്നതിനിടെ തിങ്കളാഴ്ച ഒരു പോലീസ് സൂപ്രണ്ടിന് തലയ്ക്ക് പരിക്കേൽക്കുകയും മറ്റ് സുരക്ഷാ ഉദ്യോഗസ്ഥർക്ക് പരിക്കേൽക്കുകയും ചെയ്തു.
ഡിസംബർ പകുതി മുതൽ നാരായൺപൂർ ജില്ലയിൽ ആദിവാസികളും ക്രിസ്ത്യൻ ഗോത്രവർഗക്കാരും തമ്മിൽ സംഘർഷം നടക്കുന്നതിനാൽ, ക്രിസ്ത്യാനികളുമായുള്ള ഏറ്റുമുട്ടലിനെത്തുടർന്ന് ഒരു വിഭാഗം ആളുകൾ ബന്ദിന് ആഹ്വാനം ചെയ്യുകയും പ്രകടനം നടത്തുകയും ചെയ്തിരുന്നു.
തിങ്കളാഴ്ച നാരായൺപൂരിലെ ഒരു പള്ളി ആക്രമിക്കാൻ ഒരു കൂട്ടം പ്രാദേശിക ആദിവാസികൾ പോയിരുന്നുവെന്നും എസ്പി സദാനന്ദ് കുമാറിനെ പിന്നിൽ നിന്ന് ആക്രമിച്ചപ്പോൾ പോലീസ് സേനയും ജില്ലാ ഭരണകൂടവും സ്ഥലത്തുണ്ടായിരുന്നുവെന്നും പരിക്കേറ്റുവെന്നും ഛത്തീസ്ഗഡ് ആഭ്യന്തര മന്ത്രി താംസ്വജ് സാഹു പറഞ്ഞു.
കുമാറിനെ ചികിത്സയ്ക്കായി ആശുപത്രിയിൽ എത്തിച്ചു, തലയിൽ തുന്നലുകൾ ഇട്ടതിനെത്തുടർന്ന് അദ്ദേഹത്തിന്റെ നില തൃപ്തികരമാണെന്ന് അറിയിച്ചു, മറ്റ് പത്തോളം പോലീസുകാർക്ക് പരിക്കേറ്റു.സ്ഥിതിഗതികൾ നിയന്ത്രിക്കാൻ സൈന്യത്തിനും ഭരണകൂടത്തിനും കുറച്ച് സമയമെടുത്തു, പ്രതിഷേധക്കാർ പിരിഞ്ഞുപോയി.
തിങ്കളാഴ്ച ബഖ്രുപാറയിലെ ഒരു പള്ളിക്കുള്ളിൽ നൂറുകണക്കിന് ആദിവാസികളുടെ സംഘം ബഹളം സൃഷ്ടിക്കുകയും പോലീസ് ഇടപെട്ടപ്പോൾ അവർ മുദ്രാവാക്യം വിളിക്കുകയും കല്ലേറിൽ ഏർപ്പെടുകയും പോലീസിന് നേരെ ആക്രമണം നടത്തുകയും ചെയ്തു.
എസ്പി കുമാർ മാധ്യമപ്രവർത്തകരോട് പറഞ്ഞു: “തിങ്കളാഴ്ച ആദിവാസി സമൂഹങ്ങൾ യോഗം വിളിച്ചിരുന്നു, പരിപാടി സമാധാനപരമായി നടത്താൻ അവരുടെ നേതാക്കൾ എന്നെയും കളക്ടറെയും സന്ദർശിച്ചിരുന്നു. എന്നാൽ കുറച്ച് ആളുകൾ പെട്ടെന്ന് ഒരു പള്ളി ആക്രമിക്കാൻ പോയി, പോലീസ് സംഘങ്ങൾ സംഭവസ്ഥലത്തേക്ക് ഓടി. സ്ഥിതി നിയന്ത്രണവിധേയമായി, പിന്നിൽ നിന്ന് എന്നെ തലയ്ക്ക് നേരെ ആക്രമിച്ചു. നിയമലംഘകർക്കെതിരെ അന്വേഷണം നടത്തും.
ആദിവാസി ഗ്രൂപ്പുകൾ സംഘടിപ്പിച്ച പ്രകടനമാണ് അവിടെ നടന്നതെന്നും സംഘത്തിലെ കുറച്ച് പേർ പെട്ടെന്ന് അക്രമാസക്തരാവുകയും പള്ളിക്ക് കേടുപാടുകൾ വരുത്തുകയും ചെയ്തു. ഞങ്ങൾ ഇടപെട്ട് അവരെ ശാന്തമാക്കാൻ ശ്രമിച്ചു, ഞങ്ങൾ സമാധാനപരമായി സ്ഥിതിഗതികൾ കൈകാര്യം ചെയ്തുവെന്ന് നാരായൺപൂർ കളക്ടർ അജിത് വസന്ത് പറഞ്ഞു.
നാരായൺപൂർ ജില്ലയിലെ പല ഗ്രാമങ്ങളിലും ക്രിസ്ത്യാനികൾക്കെതിരായ ആക്രമണങ്ങളിൽ സംഘർഷാവസ്ഥ നിലനിന്നിരുന്നു, ഈ ഗ്രാമങ്ങളിൽ നിന്നുള്ള പ്രതിഷേധക്കാർ ഒരു മെമ്മോറാണ്ടം സമർപ്പിച്ചു, തങ്ങളെ ആക്രമിക്കുകയും വീടുകളിൽ നിന്ന് പുറത്താക്കുകയും ചെയ്തു.
അറസ്റ്റിലായ അഭിഭാഷകന് മുഹമ്മദ് മുബാറക്ക് പോപ്പുലര് ഫ്രണ്ടിന്റെ കൊലയാളി സംഘത്തിലെ പ്രധാനിയായിരുന്നുവെന്ന് എ്ന് ഐ എ കോടതിയില്. പോപ്പുലര് ഫ്രണ്ടിന്റെ പ്രധാന ആയുധ പരിശോധകന് ആയിരുന്നു മുബാറക്കെന്നും എന് ഐ എ കോടതിയില് പറഞ്ഞു. മുബാറിക്കിന്രെ റിമാന്ഡ് റിപ്പോര്ട്ടിലാണ് ഈ വിവരങ്ങളുള്ളത്.
നേരത്തെ അറസ്റ്റിലായ പോപ്പുലര് ഫ്രണ്ടിന്റെ പ്രമുഖ നേതാക്കളെ ചോദ്യം ചെയ്തതില് നിന്നാണ് വിവിധ സംസ്ഥാനങ്ങളിലെ പ്രമുഖരെ വധിക്കാന് ഹിറ്റ് ലിസ്റ്റ് തയാറാക്കിയെന്നും അതിനായി കൊലയാളി സംഘത്തെ നിയോഗിച്ചെന്നും അറിയുന്നത്. അത്തരമൊരു കൊലയാളി സംഘത്തിലെ പ്രധാനിയായിരുന്നു മുബാറക്കെന്നാണ് എന് ഐ എ പറയുന്നത്. ഇയാളുടെ വീട്ടില് നിന്ന് കണ്ടെത്തിയ മഴു എന്ന് തോന്നിപ്പിക്കും വിധമുളള ആയുധങ്ങള് തീവ്രവാദ ശക്തികള് ആയുധ പരിശീലനത്തിന് കാലങ്ങളായി ഉപയോഗിക്കുന്നതാണെന്നും തിരിച്ചറിഞ്ഞിട്ടുണ്ട്.
കുംഫു അടക്കമുള്ള ആയോധനകലകളില് ഇയാള് വിദഗ്ധനായിരുന്നുവെന്നും എന് ഐ എ പറഞ്ഞു. അഭിഭാഷകനായിരുന്നുവെങ്കിലും ആയോധനകല പഠിപ്പിക്കുന്നതിലായിരുന്നു ഇയാള്ക്ക്താല്പര്യമെന്നും എന് ഐ എ പറയുന്നു. കൊച്ചി നഗരത്തില് മുബാറക്കുമായി സൗഹൃദമുണ്ടായിരുന്ന ചില യുവ അഭിഭാഷകരും ചില ഓണ് ലൈന് മാധ്യമപ്രവര്ത്തകരും എന് ഐ എയുടെ അന്വേഷണ പരിധിയിലുണ്ട്.
നാട്ടില് ചികിത്സയ്ക്കായി പുറപ്പെട്ട പ്രവാസിയെ എയര്പോര്ട്ടിന് മുന്നില് വെച്ച് വാഹനമിടിച്ചു. തമിഴ്നാട് തിരിച്ചിറപ്പള്ളി സിമിലി സ്വദേശി പാണ്ടിയന് വീരമണിയാണ് അപകടത്തില്പ്പെട്ടത്. ഇയാളെ മലയാളി സാമൂഹികപ്രവര്ത്തകര് ഏറ്റെടുത്ത് സംരക്ഷിച്ച് നാട്ടിലേക്ക് അയച്ചു.
നവംബര് 24ന് പാണ്ടിയന് വീരമണി സൗദിയിലെ നജ്റാനില് ഒരു പുതിയ വാട്ടര് കമ്പനിയില് പ്ലാന്റ് എന്ജിനീയറായി എത്തിയതായിരുന്നു . ഫാക്ടറിക്കുള്ളില് ജോലി ചെയ്യുന്നതിനിടെ മൂന്നാം ദിവസം തലകറങ്ങി വീണു. വലതു തോളിനും കൈക്കും ഗുരുതര പരിക്കേറ്റു.
വീഴ്ചയില് തോളെല്ലിന് സ്ഥാനചലനമുണ്ടായി. ജോലി ചെയ്യാന് കഴിയാത്ത സ്ഥിതിയായതോടെ നാട്ടിലേക്ക് തിരിച്ചയക്കാന് കമ്പനി അധികൃതര് തീരുമാനിച്ചു. 28-ാം തീയതി ചെന്നൈയിലേക്കുള്ള ശ്രീലങ്കന് എയര്ലൈന്സ് വിമാനത്തില് പോകാന് നജ്റാനില്നിന്ന് റിയാദിലെത്തി.
രാത്രിയില് ഡൊമസ്റ്റിക് ടെര്മിനലില്നിന്ന് ഇന്റര്നാഷനല് ടെര്മിനലിലേക്ക് നടക്കുന്നതിനിടയില് വഴിതെറ്റി എയര്പോര്ട്ടിന് പുറത്തെ ഹൈവേയിലേക്ക് പ്രവേശിച്ചു. അതിനിടെ പാഞ്ഞുപോകുന്ന വാഹനങ്ങള്ക്കിടയില്പെട്ട്, ഒരു വാഹനത്തിന്റെ ഇടിയേറ്റ് തെറിച്ചുവീണു.
വീരമണി കൈകാലുകള് ഒടിഞ്ഞും തലക്കും വാരിയെല്ലിനും ഗരുതര പരിക്കേറ്റും അബോധാവസ്ഥയില് റോഡരികില് കിടന്നു. തുടര്ന്ന് പോലീസെത്തിയാണ് ആശുപത്രിയിലെത്തിച്ചത്. സാമൂഹികപ്രവര്ത്തകന് ശിഹാബ് കൊട്ടുകാട് ഇടപെട്ടാണ് ഇദ്ദേഹത്തെ നാട്ടിലെത്തിച്ചത്.
യുകെയിൽ വാഹന ഉടമകളിൽ പലരും ഉപയോഗിക്കാന് കഴിയാതെ കാറുകള് പലയിടങ്ങളിലായി സൂക്ഷിക്കുകയാണ്. എന്നാല് അങ്ങനെ ചെയ്യുന്നവർ കാര് ഉപയോഗിക്കുന്നില്ല എന്ന കാര്യം ഔദ്യോഗികമായി തന്നെ അറിയിക്കേണ്ടതുണ്ട്.ഇതിനായി സ്റ്റാറ്റ്യുട്ടറി ഓഫ് റോഡ് നോട്ടിഫിക്കേഷന് നല്കിയിരിക്കണം.
നികുതി അടക്കാത്ത കാറുകള് ഗ്യാരേജുകളിലോ അല്ലെങ്കില് നിരത്തു വക്കിലോ ഉപയോഗിക്കാതെ കിടന്നാലും 1000 പൗണ്ട് വരെ പിഴ കൊടുക്കേണ്ടിവരും. ഇന്ധന വിലയും ജീവിത ചെലവുകളും കുതിച്ചു ഉയർന്നത്തോടെ പലയാളുകള്ക്കും തങ്ങളുടെ കാര് പരിപാലിക്കാന് കഴിയാത്ത സാഹചര്യമാണ് നിലവില് ഉള്ളത്.
നികുതി അടക്കാത്ത ഒരു വാഹനം റോഡില് ഉപയോഗിക്കാതെ സൂക്ഷിച്ചിരിക്കുകയാണെന്ന് ഡിവിഎല്എക്ക് അറിയുവാന് കഴിയും. എന്നാല് ഇക്കാര്യം അറിയിക്കാതെ നിങ്ങള് കാര് ഉപയോഗശൂന്യമാക്കി ഇടുകയും എന്നാല് നികുതി അടക്കാതിരിക്കുകയും ചെയ്താല് 1000 പൗണ്ട് വരെ പിഴ നൽകേണ്ടി വരും. കാര് ‘ഓഫ് റോഡ്’ ആണെന്നത് ഡിവിഎല്എയെ ഓണ്ലൈന് വഴിയും അറിയിക്കുവാന് സാധിക്കും.
എസ്ഒആര്എന് അഥവാ സ്റ്റാറ്റിയുട്ടറി ഓഫ് റോഡ് നോട്ടിഫിക്കേഷന് ഒരിക്കല് മാത്രമേ നല്കേണ്ടതുള്ളു. പിന്നീട് റോഡ് നികുതി അടക്കുമ്പോള് സ്വമേധയാ ആ നോട്ടിഫിക്കേഷന് അസാധുവാകും. ഇക്കാര്യം അറിയിച്ചു കൊണ്ട് ഡിവിഎല്എയില് നിന്നു സന്ദേശം ലഭിക്കുകയും ചെയ്യും. എസ്ഒആര്എന് ഇല്ലാത്ത എല്ലാ കാറുകളും നിരത്തുകളില് ഉപയോഗിക്കുന്നതായി കണക്കാക്കി നികുതി ഈടാക്കുമെന്ന് സര്ക്കാര് വ്യക്തമാക്കിയിട്ടുണ്ട്.
എസ് ഒ ആര് എന് നല്കാതെ കാര് പിടിക്കുകയും അതിന് ഇന്ഷുറന്സ് ഇല്ലെന്ന് കണ്ടെത്തുകയും ചെയ്താല് 100 പൗണ്ടാണ് പിഴ. റോഡ് ടാക്സ് അടച്ചിട്ടില്ലെങ്കില് 40 പൗണ്ട് മുതല് 200 പൗണ്ട് വരെ പിഴ ഈടാക്കിയേക്കും. ഇതിനെതിരെ കോടതിനടപടികള്ക്ക് തുനിഞ്ഞാല് പിഴ 1000 പൗണ്ട് വരെ ആകാം.
പത്തനംതിട്ടയില് അയ്യപ്പന്റെ ശില്പ്പം ഒരുങ്ങുന്നു. 133 അടി ഉയരത്തിലുള്ള ശില്പ്പം പത്തനംതിട്ട നഗരത്തിലെ പ്രധാന കാഴ്ചയാവും. ചുട്ടിപ്പാറയുടെ മുകളില് അയ്യപ്പ വിഗ്രഹം സ്ഥാപിക്കാനാണ് പദ്ധതി.
ഈ ശില്പ്പം 34കിലോമീറ്റര് അകലെ നിന്നു വരെ കാണാവുന്ന രീതിയിലായിരിക്കുമെന്ന് സംഘാടകര് പറയുന്നു. സമുദ്ര നിരപ്പില് നിന്ന് 400 അടി ഉയരത്തിലാണ് ചുട്ടിപ്പാറ. യോഗനിദ്രയിലുള്ള അയ്യപ്പന്റെ രൂപം ഇവിടെ നിര്മ്മിക്കാനാണ് പദ്ധതി.
ഇതിന് 25 കോടിയാണ് ചെലവ് പ്രതീക്ഷിക്കുന്നത്. 600മീറ്റര് ചുറ്റളവാണ് പദ്ധതി. അയ്യപ്പ ഭക്തരുടെ കൂട്ടായ്മ രൂപികരിച്ചാണ് പദ്ധതിയൊരുങ്ങുന്നത്. പന്തളത്ത് നിന്നു നോക്കിയാല് കാണാവുന്ന പോലെയെന്ന് സംഘാടകര് പറയുന്നു. കോണ്ക്രീറ്റിലാവും ശില്പം.
ചുട്ടിപ്പാറ മഹാദേവക്ഷേത്രത്തിന്റെ ഭാഗമായ സ്ഥലത്താണ് ശില്പ്പം നിര്മ്മിക്കുക. ക്ഷേത്ര ട്രസ്റ്റാണ് നിര്മാണം ആലോചിക്കുന്നത്. ആഴിമലയിലെ ശിവശില്പം നിര്മിച്ച ശില്പി ദേവദത്തന്റെ നേതൃത്വത്തിലാകും ശില്പ നിര്മാണം.
