മാർ തോമ്മാ ശ്ലീഹായുടെ ദുക്റാനയോടനുബന്ധിച്ച് സ്റ്റോക്ക്-ഓൺ-ട്രെന്റിലെ നിത്യസഹായ മാതാവിന്റെ ദൈവാലയത്തിൽ ജൂൺ 28 മുതൽ ജൂലൈ 5 വരെ നിത്യസഹായ മാതാവ്, വിശുദ്ധ യൗസേപ്പ് പിതാവ്, മാർ തോമ്മാ ശ്ലീഹാ, വിശുദ്ധ സെബസ്ത്യാനോസ്, വിശുദ്ധ ഗീവർഗീസ്, വിശുദ്ധ അൽഫോൻസാമ്മ, എന്നിവരുടെ സംയുക്ത തിരുനാൾ ഭക്തിനിർഭരമായി ആഘോഷിക്കുന്നു.

ജൂൺ 28, ഞായറാഴ്ച ഉച്ചകഴിഞ്ഞ് 3.00 മണിക്ക്, ഗ്രേറ്റ് ബ്രിട്ടൻ രൂപതയുടെ ഫിനാൻസ് ഓഫീസർ റവ. ഫാ. ജോസഫ് മൂലേച്ചേരിയും ഇടവക വികാരി റവ. ഫാ. ജോർജ് എട്ടുപറയിലും സംയുക്തമായി തിരുനാൾ കൊടിയേറ്റിന് നേതൃത്വം വഹിച്ചു. കൊടിയേറ്റിനുശേഷം ആഘോഷമായ വിശുദ്ധ കുർബാനയും പാച്ചോർ നേർച്ചയും ഭക്തിപൂർവം നടത്തപ്പെട്ടു. ഇതോടെ എട്ട് ദിവസത്തെ തിരുനാൾ ആഘോഷങ്ങൾക്ക് ആത്മീയ പ്രഭയേകുന്ന ഔപചാരിക തുടക്കം കുറിച്ചു.

ജൂൺ 29, തിങ്കളാഴ്ച വൈകിട്ട് 6.00 മണിക്ക് റംശ (സായാഹ്ന നമസ്കാരം) ചൊല്ലുന്നതോടെ അന്നത്തെ തിരുക്കർമങ്ങൾ ആരംഭിക്കും. തുടർന്ന് 6.30-ന്, കോവൻട്രി സെന്റ് ജോസഫ് മിഷൻ ഡയറക്ടർ റവ. ഫാ. ആൻ്റണി തയ്യിലിന്റെ മുഖ്യകാർമികത്വത്തിൽ ആഘോഷമായ വിശുദ്ധ കുർബാനയും നൊവേനയും ഭക്തിപൂർവം നടത്തപ്പെടും.

ജൂൺ 30, ചൊവ്വാഴ്ച വൈകിട്ട് 6.00 മണിക്ക് റംശ (സായാഹ്ന നമസ്കാരം) ആരംഭിക്കും. തുടർന്ന് സാൾട്ട്‌ലി സെന്റ് ബെനഡിക്ട് മിഷൻ ഡയറക്ടർ റവ. ഫാ. ഫ്രാൻസ്വാ പത്തിലിന്റെ കാർമികത്വത്തിൽ വിശുദ്ധ കുർബാനയും നൊവേനയും ഭക്തിപൂർവം നടത്തപ്പെടും.

ജൂലൈ 1, ബുധനാഴ്ച രാവിലെ 9.30-ന് സപ്ര (പ്രഭാത നമസ്കാരം) ആരംഭിക്കും. തുടർന്ന് 9.45-ന്, വാൾസാൾ സെന്റ് മേരീസ് ദ മൗണ്ട് ദൈവാലയത്തിലെ ഫാ. ജോബിൻ കൊല്ലപ്പള്ളിൽ എസ്.വി.ഡി. മുഖ്യകാർമികനായി വിശുദ്ധ കുർബാനയും നൊവേനയും ഭക്തിപൂർവം അർപ്പിക്കും.

ജൂലൈ 2, വ്യാഴാഴ്ച വൈകിട്ട് 6.00 മണിക്ക് റംശ ആരംഭിക്കും. തുടർന്ന് ബർമിംഗ്ഹാമിലെയും ത്രീ കൗണ്ടിയിലെയും ക്‌നാനായ കത്തോലിക്ക മിഷനുകളുടെ ഡയറക്ടർ റവ. ഫാ. ലൂക്ക് കൊച്ചുപറമ്പിലിന്റെ കാർമികത്വത്തിൽ വിശുദ്ധ കുർബാനയും നൊവേനയും ഭക്തിപൂർവം നടത്തപ്പെടും..

ജൂലൈ 3, വെള്ളിയാഴ്ച മാർ തോമ്മാ ശ്ലീഹായുടെ ദുക്റാന ഭക്തിനിർഭരമായി ആചരിക്കും. ഭാരതസഭയുടെ വിശ്വാസപാരമ്പര്യത്തിന്റെയും അപ്പസ്തോലിക വേരുകളുടെയും സ്മരണ പുതുക്കുന്ന ഈ വിശുദ്ധ ദിനത്തിൽ വൈകിട്ട് 6.00 മണിക്ക് പുറത്തു നമസ്കാരമായ റംശയോടെ തിരുക്കർമങ്ങൾ ആരംഭിക്കും. തുടർന്ന് റവ. ഫാ. ജോർജ് എട്ടുപറയിലിന്റെ കാർമികത്വത്തിൽ വിശുദ്ധ കുർബാന, പ്രത്യേക പ്രാർത്ഥനകൾ എന്നിവ ഭക്തിപൂർവം നടത്തപ്പെടും.

ജൂലൈ 4, ശനിയാഴ്ച മരിച്ചവരുടെ ഓർമ്മദിനമായി ഭക്തിപൂർവം ആചരിക്കും. വിശ്വാസത്തിൽ നമ്മെ മുൻപേ കടന്നുപോയ പ്രിയപ്പെട്ടവരെ സ്നേഹാദരങ്ങളോടെ അനുസ്മരിച്ചും നിത്യജീവന്റെ പ്രത്യാശ പുതുക്കിയും രാവിലെ 9.30-ന് സപ്രയും (പ്രഭാത നമസ്കാരം) ആരംഭിക്കും. തുടർന്ന് റവ. ഫാ. ജോർജ് എട്ടുപറയിലിന്റെ കാർമികത്വത്തിൽ വിശുദ്ധ കുർബാന, നൊവേന, ഒപ്പീസ് (മരിച്ചവർക്കായുള്ള പ്രത്യേക പ്രാർത്ഥന) എന്നിവ നടത്തപ്പെടും.

ജൂലൈ 5, ഞായറാഴ്ച തിരുനാളിന്റെ പ്രധാന ആഘോഷദിനമാണ്. രാവിലെ 8.30-ന് വിശുദ്ധ കുർബാനയോടെ ദിനാചരണത്തിന് തുടക്കമാകും. തുടർന്ന് 9.30-ന് തിരുസ്വരൂപ പ്രതിഷ്ഠയും. രാവിലെ 10.00 മണിക്ക് ഗ്രേറ്റ് ബ്രിട്ടൻ രൂപതാ വൈദികസമിതി സെക്രട്ടറി സെക്രട്ടറി റവ. ഫാ. ജോസഫ് അഞ്ചാനിക്കൽ മുഖ്യകാർമികനായി ആഘോഷമായ തിരുനാൾ വിശുദ്ധ കുർബാന അർപ്പിക്കപ്പെടുകയും, തുടർന്ന് തിരുനാൾ സന്ദേശവും ലദീഞ്ഞും ഭക്തിപൂർവം നടത്തപ്പെടുകയും ചെയ്യും.

വിശുദ്ധ കുർബാനാനന്തരം ഉച്ചയ്ക്ക് 12.30-ന് ഭക്തിനിർഭരമായ തിരുനാൾ പ്രദക്ഷിണം നടക്കും. പ്രാർത്ഥനാഗീതങ്ങളുടെയും ധൂപസുഗന്ധത്തിന്റെയും ഇടയിൽ വിശ്വാസത്തിന്റെ പരസ്യസാക്ഷ്യമായി വിശ്വാസസമൂഹം ദൈവസന്നിധിയിലേക്ക് പ്രാർത്ഥനാപൂർവം പ്രദക്ഷിണം അർപ്പിക്കും.

വിശുദ്ധ കുർബാനയിൽ ഒന്നാകുന്ന ദൈവജനവും, പ്രാർത്ഥനയിൽ കൈകോർക്കുന്ന കുടുംബങ്ങളും, സേവനത്തിൽ മുന്നിട്ടിറങ്ങുന്ന യുവജനങ്ങളും, അനുഭവങ്ങളുടെ സമ്പത്ത് പകരുന്ന മുതിർന്നവരും ചേർന്ന് സ്നേഹപൂർവം ഒരുക്കുന്ന ഇടവക ഐക്യത്തിന്റെ സ്നേഹവിരുന്ന്, ഉച്ചയ്ക്ക് 1.30-ന് തുടർന്ന് വൈകിട്ട് 3.00 മണിക്ക് സംഗീതവിരുന്നും അരങ്ങേറും.

“എന്റെ കർത്താവും എന്റെ ദൈവവും” എന്ന വിശ്വാസസാക്ഷ്യം ക്രിസ്തുവിലുള്ള സമ്പൂർണ സമർപ്പണമായി ജീവിതത്തിൽ അന്വർത്ഥമാക്കുവാൻ, തിരുനാൾ തിരുക്കർമ്മങ്ങളിൽ ഭക്തിപൂർവ്വം പങ്കാളികളായി വിശുദ്ധരുടെ മാധ്യസ്ഥത്തിലൂടെ ദൈവാനുഗ്രഹങ്ങൾ പ്രാപിക്കുന്നതിനായി എല്ലാ വിശ്വാസികളെയും ഈ അനുഗ്രഹസമൃദ്ധമായ തിരുനാൾ ആഘോഷങ്ങളിലേക്ക് സ്നേഹപൂർവ്വം ക്ഷണിക്കുന്നതായി ഇടവക വികാരിയായ റവ. ഫാ. ജോർജ് എട്ടുപറയിൽ അറിയിച്ചു.

കൂടുതൽ വിവരങ്ങൾക്ക് ബന്ധപ്പെടുക:
തിരുനാൾ കൺവീനർ അനൂപ് പി ജേക്കബ് 07533714251
ജോയിന്റ് കൺവീനർമാർ, ജിയോ ടോം ജോസഫ് 07741419647,
ജോൺസ് ജോസഫ്
07799 978616,
ജോസ് ജോൺ
07423 633266

കൈക്കാരൻമാർ:
സോണി ജോൺ: 07403320346,
സജി ജോസഫ്: 07506010956,
ഫെനിഷ് വിൽസൺ: 07419826717

ലണ്ടനിൽ ഒരു ഗുരുവായൂരപ്പ ക്ഷേത്രം എന്ന സാക്ഷാത്കാരത്തിമായി പ്രവർത്തിച്ച് കൊണ്ടിരിക്കുന്ന , മോഹൻജി ഫൗണ്ടേഷനും, ലണ്ടൻ ശ്രീ ഗുരുവായൂരപ്പ സേവാ സംഘവും സംയുക്തമായി ഗുരുപൂർണിമ ആഘോഷങ്ങൾ സംഘടിപ്പിച്ചു . 2026 ജൂൺ 27 ശനിയാഴ്ച വൈകുന്നേരം 6:00 മണി മുതൽ തോണ്ടൻ ഹീത്തിലുള്ള വെസ്റ്റ് തോണ്ടൻ കമ്മ്യൂണിറ്റി സെന്ററിൽ വച്ചാണ് ചടങ്ങുകൾ നടത്തപ്പെട്ടത് .അന്നേ ദിവസം വൈകിട്ട് 6:00 മണി മുതൽ ഗുരുവായൂർ വാസുദേവൻ തിരുമേനിയുടെ കാർമികത്വത്തിൽ നടന്ന വിഷ്ണുപൂജ,ഗുരുപാദവന്ദനം, നാമ സങ്കീർത്തനം, ദീപാരാധനയും ഭക്തി സാന്ദ്രമായി. പൂജകൾക്ക് ശേഷം അന്നദാനവും നടത്തപ്പെട്ടു. ഗുരുപൂർണ്ണിമ ആഘോഷങ്ങളിൽ പങ്കെടുത്ത എല്ലാവർക്കും ലണ്ടൻ ഗുരുവായൂരപ്പ സേവാ സമിതി നന്ദി അറിയിച്ചു.

അപ്പച്ചൻ കണ്ണഞ്ചിറ

കേംബ്രിഡ്ജ്: ഗ്രേറ്റ് ബ്രിട്ടൻ സീറോ മലബാർ രൂപതയുടെ ആഭിമുഖ്യത്തിൽ വർഷം തോറും ഭക്ത്യാഘോഷമായി നടത്തപ്പെടുന്ന വാത്സിങ്ങാം മരിയൻ തീർത്ഥാടനവും തിരുന്നാളും ജൂലൈ 18 ന് ശനിയാഴ്ച്ച ഭക്തിനിർഭരമായി കൊണ്ടാടും. തീർത്ഥാടന ശുശ്രുഷകളുടെയും തിരുക്കർമ്മങ്ങളുടെയും സമയക്രമം പ്രസിദ്ധീകരിച്ചു. പ്രസുദേന്തിമാരാകുവാൻ ആഗ്രഹിക്കുന്നവർക്ക് പോസ്റ്ററിലെ QR കോഡ് സ്കാൻ ചെയ്ത് രെജിസ്റ്റർ ചെയ്യാവുന്നതാണ്.

ജൂലൈ 18 ന് ശനിയാഴ്ച്ച രാവിലെ ഒമ്പതരയ്ക്ക് സപ്രാ പ്രാർത്ഥനയോടെ തിരുന്നാൾ തിരുക്കർമ്മങ്ങൾ ആരംഭിക്കും. ഗ്രേറ്റ് ബ്രിട്ടൻ സീറോമലബാർ എപ്പാർക്കിയുടെ പ്രോട്ടോ സിഞ്ചെല്ലൂസ്‌ റവ. ഡോ. ആൻറണി ചുണ്ടെലിക്കാട്ട് മരിയൻ പ്രഭാഷണം നൽകും. (10:15 ). പതിനൊന്നു മണിക്ക് തിരുന്നാൾ കൊടിയേറ്റ്.തുടർന്ന് 12:30 ന് ആഘോഷമായ ദിവ്യകാരുണ്യ പ്രദക്ഷിണത്തിന് ശേഷം ഒന്നേമുക്കാലിന് അഭിവന്ദ്യ മാർ ജോസഫ് സ്രാമ്പിക്കൽ പിതാവിന്റെ മുഖ്യകാർമ്മികത്വത്തിൽ ആഘോഷമായ തിരുന്നാൾ സമൂഹബലി അർപ്പിക്കും.

ഗ്രേറ്റ് ബ്രിട്ടൻ സീറോ മലബാർ രൂപതയുടെ ആഭിമുഖ്യത്തിൽ ഇത് പത്താം തവണയാണ് തീർത്ഥാടനം നടക്കുന്നത്. യുറോപ്പിലെമ്പാടുമുള്ള സീറോ മലബാർ വിശ്വാസികളുടെ ഏറ്റവും വലിയ മരിയൻ സംഗമവേദിയായാണ് വാത്സിങ്ങാം തീർത്ഥാടനം ശ്രദ്ധിക്കപ്പെടുന്നത്. ഈ വർഷം വാത്സിങ്ങാം തീർത്ഥാടനത്തിന് നേതൃത്വവും ആതിഥേയത്വവും വഹിക്കുന്നത് ഗ്രേറ്റ് ബ്രിട്ടൻ സീറോ മലബാർ രൂപതയുടെ കേംബ്രിഡ്ജ് റീജിയണിലെ സീറോമലബാർ വിശ്വാസസമൂഹമാണ്.

വർദ്ധിച്ചു വരുന്ന വിശ്വാസികളുടെ ബാഹുല്യത്തെ മുന്നിൽക്കണ്ടു കൊണ്ട് തീർത്ഥാടനസ്ഥലത്തെത്തുന്ന വാഹനങ്ങളുടെ എണ്ണം പരമാവധി നിയന്ത്രിക്കുന്നതിനായി ഇടവകകളുടെ നേതൃത്വത്തിൽ സജ്ജീകരിച്ചിട്ടുള്ള കോച്ചുകളിൽ പ്രാർത്ഥനയുടെ അന്തരീക്ഷത്തിൽ ഒരുമിച്ചു യാത്ര ചെയ്തു എത്തുവാൻ നിർദ്ദേശം നൽകിയിട്ടുണ്ട്. അതിനാൽ തന്നെ വാത്സിങ്ങാം പുണ്യകേന്ദ്രം സ്ഥിതിചെയ്യുന്ന ഗ്രാമത്തിന്റെ പരിപാവനതയും, ശാന്തതയും ഭക്തിപാരമ്യവും അങ്ങേയറ്റം കാത്തുപരിപാലിച്ചുകൊണ്ടുള്ള ഒരു തീർത്ഥാടനമാവും ഇത്തവണ ഉണ്ടാവുക.

ഇംഗ്ലണ്ടിലെ സീറോ മലബാർ തനയരായ ഭക്തജനങ്ങളുടെ ബാഹുല്യം കൊണ്ടും മരിയ ഭക്തിയുടെ പ്രഘോഷണപ്പൊലിമ കൊണ്ടും അത്യാഘോഷപൂർവ്വം നടത്തപ്പെടുന്ന ഈ മഹാ മരിയൻ സംഗമം സഭയുടെ പാശ്ചാത്യ നാടുകളിലെ വളർച്ചയുടെ ചരിത്രവഴിയിലെ വലിയ നാഴികക്കല്ലായി വിലയിരുത്തപ്പെടുന്നു.

തീർത്ഥാടനത്തിന്റെ സമയക്രമം താഴെപ്പറയുന്ന രീതിയിലാണ് ക്രമീകരിച്ചിരിക്കുന്നത്.

9:30 AM – സപ്രാ, ആരാധന
10:15 – മരിയൻ പ്രഭാഷണം – റവ. ഡോ. ആന്റണി ചുണ്ടെലിക്കാട്ട് ( പ്രോട്ടോ സിഞ്ചെല്ലൂസ്‌)
11:00 – കൊടിയേറ്റ്
12:00 – പ്രസുദേന്തി വാഴിയ്ക്കൽ .
12:30 – ആഘോഷമായ ദിവ്യകാരുണ്യ പ്രദക്ഷിണം.
13:45 – ആഘോഷമായ പരിശുദ്ധ കുർബ്ബാന- മാർ ജോസഫ് സ്രാമ്പിക്കൽ.
15:45 – നന്ദി പ്രകാശനം

തീർത്ഥാടന കേന്ദ്രത്തിന്റെ വിലാസം:

Catholic National Shrine of Our Lady
Walshingham, Houghton St. Giles
Norfolk,NR22 6AL

അപ്പച്ചൻ കണ്ണഞ്ചിറ

അബർഡീൻ: ആത്മീയ നവീകരണത്തിനും, മാതൃ മാദ്ധ്യസ്ഥത്തിനും, അനുഗ്രഹീത സന്നിധിയായ ‘കൃപാസനം മരിയൻ സെന്റർ’ ഈ വർഷവും യുകെ യിൽ കൃപാസനം ഉടമ്പടി ധ്യാനം സംഘടിപ്പിക്കുന്നു. യു കെ യിൽ കഴിഞ്ഞ വർഷം നടത്തപ്പെട്ട മരിയൻ കൃപാസന ഉടമ്പടി ധ്യാനങ്ങളിലൂടെ ലഭിച്ച പ്രാർത്ഥനാ സാഫല്യങ്ങൾക്കുള്ള നന്ദി സൂചകമായും, അന്ന് പങ്കുചേരുവാൻ കഴിയാതെ പോയ നിരവധിയായ മാതൃഭക്തരുടെ അഭ്യർത്ഥന പരിഗണിച്ചുമാണ്‌ കൃപാസനം ഉടമ്പടി ധ്യാനം ഈ വർഷവും ഒരുക്കുന്നത്.

അബർഡീൻ കത്തോലിക്കാ രൂപതയുടെ അഭിവന്ദ്യ അദ്ധ്യക്ഷൻ ബിഷപ്പ് ഹ്യൂഗ് ഗിൽബർട്ട്, കാലിക്കറ്റ് റോമൻ കത്തോലിക്കാ അതിരൂപതയുടെ മെട്രോപൊളിറ്റൻ ആർച്ച് ബിഷപ്പ് മാർ വർഗീസ് ചക്കാലക്കൽ, കൃപാസനം മരിയൻ റിട്രീറ്റ് സെന്ററിന്റെ സ്ഥാപകനും, ഡയറക്ടറുമായ റവ .ഡോ ജോസഫ് വലിയവീട്ടിൽ, കദോഷ് മരിയൻ മിനിസ്ട്രികളുടെ സ്‌പിരിച്ച്വൽ ഡയറക്ടറും, സെന്റ് ജോർജ്ജ് കത്തീഡ്രലിന്റെ സബ് ഡീനുമായ ഫാ. ജാക്‌സൺ സെബാസ്റ്റ്യൻ, കദോഷ് മരിയൻ മിനിസ്ട്രീസ് ചെയർമാൻ ബ്രദർ തോമസ് ജോർജ്ജ് എന്നിവരാവും പ്രധാനമായും സ്കോട്ലൻഡിലെ അബർഡീനിൽ കൃപാസനം ഉടമ്പടി ധ്യാനത്തിന് നേതൃത്വം നൽകുക.

പരിശുദ്ധ കന്യാമറിയത്തോടുള്ള പ്രാർത്ഥനയിൽ വെളിവായ അമ്മയുടെ അഭിലാഷം മനസ്സിലാക്കി ആരംഭിച്ച കൃപാസനം മരിയൻ റിട്രീറ്റ് സെന്ററിൽ, പരിശുദ്ധ അമ്മയുമായി ചേർന്ന് എടുക്കുന്ന ഉടമ്പടിയിലൂടെ ജീവിതം ക്രമീകരിക്കുമ്പോൾ ലഭിക്കുന്ന അത്ഭുതാനുഭവങ്ങൾക്കും രോഗശാന്തികൾക്കും അനുഗ്രഹസാഫല്യങ്ങൾക്കും നിത്യേന ലഭിക്കുന്ന അനുഭവസാക്ഷ്യങ്ങൾ അനവധിയാണ്.

സ്കോട്ട്ലൻഡിലെ അബർഡീൻ സെന്റ് മേരീസ് കത്തീഡ്രലിൽ വെച്ച് ആഗസ്റ്റ്‌ മാസം 25,26,27 തീയതികളിലാവും കൃപാസനം ഉടമ്പടി ത്രിദിന ധ്യാനം നടത്തപ്പെടുക. രാവിലെ എട്ടുമണിക്ക് ജപമാല സമർപ്പണത്തോടെ ആരംഭിക്കുന്ന പ്രതിദിന ശുശ്രൂഷകളിൽ തുടർന്ന് ആരാധന, സ്തുതിപ്പ്, വിശുദ്ധ കുർബാന, തിരുവചന ശുശ്രൂഷ, അനുരഞ്ജന ശുശ്രൂഷ എന്നിവ ഉണ്ടായിരിക്കും. ദിവ്യകാരുണ്യ ആരാധനയോടെ പ്രതിദിന ധ്യാന ശുശ്രുഷകൾ വൈകുന്നേരം അഞ്ചു മണിയോടെ സമാപിക്കുന്നതാണ്.

കൃപാസനം മരിയൻ ഉടമ്പടി ധ്യാനത്തിൽ പങ്കെടുക്കുവാൻ ലഭിക്കുന്ന ഈ അവസരം ഉപയോഗിക്കുവാനും, അനുഗ്രഹങ്ങളുടെ വാതായനങ്ങൾ തുറന്നു കിട്ടുന്ന തിരുവചന ശുശ്രൂഷയിലും തിരുക്കർമ്മങ്ങളിലും പങ്കുചേരുവാനും, കാദോഷ് മരിയൻ മിനിസ്ട്രീസ് ഏവരെയും സ്നേഹപൂർവ്വം ക്ഷണിക്കുന്നു. കൃപാസന ഉടമ്പടി ധ്യാനത്തിൽ പങ്കെടുക്കുവാൻ ആഗ്രഹിക്കുന്നവർ മുൻകൂറായി പേരുകൾ രെജിസ്റ്റർ ചെയ്തു സീറ്റുകൾ ഉറപ്പാക്കുവാൻ അഭ്യർത്ഥിക്കുന്നു.

Abredeen – https://www.tickettailor.com/events/kadoshmarianministries/2083917

For More Details: 07770 730769, 07459 873176

St Mary’s R C Cathedral, 16-20 Huntly St, Aberdeen AB10 1SH, Scotland

റോബിൻ ജോസഫ്

ഇംഗ്ലണ്ടിലെ ബേസിംഗ്സ്റ്റോക്ക് സെന്റ് അഗസ്റ്റിൻസ് സീറോ മലബാർ നിർദ്ദിഷ്ട മിഷനിൽ എല്ലാ വർഷവും നടത്തി വരുന്ന മർത്ത് മറിയത്തിന്റെയും, ഈശോയുടെ ശിഷ്യനും മാർത്തോമ്മാ നസ്രാണികളുടെ വിശ്വാസതാതനുമായ മാർ തോമാശ്ലീഹായുടെയും, നിർദ്ദിഷ്ട ഇടവക മധ്യസ്ഥനുമായ വിശുദ്ധ അഗസ്തീനോസിന്റെയും, മർത്ത് അൽഫോൻസാമ്മയുടെയും സംയുക്ത തിരുനാൾ നാളെ (2026 ജൂൺ 27) സെന്റ് ബീഡ്‌സ് ദേവാലയത്തിൽ ഭക്ത്യാദരപൂർവ്വം ആഘോഷിക്കുന്നു.

ഉച്ചകഴിഞ്ഞ് 2 .30 ന് കൊടിയേറ്റുന്നതോടുകൂടി തിരുനാൾക്കർമ്മങ്ങൾക്ക് തുടക്കം കുറിക്കും. തുടർന്ന് രൂപം ആശിർവ്വദിക്കൽ, വാഹന വെഞ്ചരിപ്പ് എന്നിവക്കുശേഷം മൂന്നുമണിക്ക് റെഡ്ഹിൽ സെന്റ് ക്ലയർ മിഷൻ വികാരി റവ. ഫാ. ജിമ്മി മറ്റത്തിലിന്റെ മുഖ്യകാർമ്മികത്വത്തിൽ ആഘോഷമായ തിരുനാൾ വിശുദ്ധ കുർബാന അർപ്പിക്കും. അദ്ദേഹം തിരുവചന സന്ദേശവും നൽകുന്നതാണ്. പരിശുദ്ധ കുർബാനയ്ക്കുശേഷം നേർച്ച വെഞ്ചരിപ്പും നടത്തും. തിരുനാളിനോടനുബന്ധിച്ചുള്ള ഉണ്ണിയപ്പം നേർച്ച ഇവിടുത്തെ പ്രത്യേകതയാണ്.

തുടർന്ന് നടക്കുന്ന ലദീഞ്ഞിന് ശേഷം തിരുനാൾ കൊടികളും സംവഹിച്ച് വാദ്യമേളങ്ങളുടെയും മുത്തുക്കുടകളുടെയും അകമ്പടിയോടെ വിശുദ്ധരുടെ തിരുസ്വരൂപങ്ങളും വഹിച്ചുകൊണ്ട് വിശ്വാസികൾ അണിചേരുന്ന ഭക്തിസാന്ദ്രമായ തിരുനാൾ പ്രദക്ഷിണം ബേസിംഗ്‌സ്‌റ്റോക്ക് സീറോ മലബാർ സമൂഹത്തിന്റെ വിശ്വാസ സാക്ഷ്യത്തിന്റെയും ഐക്യത്തിന്റെയും പ്രതിഫലനമായി മാറും. പ്രദക്ഷിണം തിരികെ ദൈവാലയത്തിൽ പ്രവേശിച്ചതിനുശേഷം സമാപന ആശീർവ്വാദം നൽകും. നിർദിഷ്ട മിഷൻ ഡയറക്ടർ റവ. ഡോ. ബിനോയ് കുര്യൻ കൊടിയിറക്കുന്നതോടുകൂടി തിരുക്കർമ്മങ്ങൾ അവസാനിക്കും.

തിരുനാൾ ദിനത്തിൽ പങ്കെടുക്കുന്ന വിശ്വാസികൾക്കായി സ്നേഹവിരുന്നും ഒരുക്കിയിട്ടുണ്ട്.. തിരുനാൾ ആഘോഷങ്ങളുടെ ഭാഗമായി കുട്ടികൾക്കും മുതിർന്നവർക്കും വിനോദം പകരുന്നതിനുവേണ്ടിയുള്ള വൈവിധ്യമാർന്ന കലാപരിപാടികളും ഉണ്ടായിരിക്കുന്നതാണ് .

തിരുനാളിന്റെ വിജയകരമായ നടത്തിപ്പിനായി മെൻസ് ഫോറം, വുമൻസ് ഫോറം, സൺഡേ സ്‌കൂൾ അധ്യാപകർ, കുടുംബകൂട്ടായ്മ ഭാരവാഹികൾ, പ്രതിനിധിയോഗാംഗങ്ങൾ എന്നിവരുടെ നേതൃത്വത്തിൽ വിവിധ കമ്മിറ്റികൾ സജീവമായി പ്രവർത്തിച്ചുവരികയാണ്.

തിരുനാൾ ദിവസം നേർച്ചക്കാഴ്ചകൾ സമർപ്പിക്കുന്നതിനും അടിമവയ്ക്കുന്നതിനും വിശ്വാസികൾക്ക് സൗകര്യമൊരുക്കിയിട്ടുണ്ടെന്നും സംഘാടകർ അറിയിച്ചു.

പരിശുദ്ധ അമ്മയുടെയും വിശുദ്ധരായ മാർ തോമാശ്ലീഹാ, അഗസ്തീനോസ്, അൽഫോൻസാമ്മ എന്നിവരുടെയും മധ്യസ്ഥം തേടി, അവരുടെ വിശുദ്ധ ജീവിതമാതൃക പിന്തുടർന്ന് ദൈവാനുഭവത്തിൽ വളരുവാനും ജീവിതം രക്ഷാകരമാക്കുവാനും ഈ പുണ്യാചരണത്തിൽ പങ്കുചേർന്ന് ദൈവകൃപയിൽ പൂരിതരാകുവാൻ ഏവരെയും സ്നേഹപൂർവ്വം ക്ഷണിക്കുന്നതായി നിർദ്ദിഷ്ട മിഷൻ ഡയറക്ടർ റവ. ഡോ. ബിനോയ് കുര്യൻ, കൈക്കാരൻമാരായ രാജു തോമസ് അമ്പാട്ട്, റോബിൻ ജോസഫ് മുണ്ടുചിറ എന്നിവർ അറിയിച്ചു.

തിരുനാൾ തിരുക്കർമ്മങ്ങൾ നടക്കുന്ന ദേവാലയത്തിന്റെ വിലാസം:

St. Bede’s Catholic Church, Popley Way, Basingstoke, RG24 9DX.

റോച്ചസ്റ്ററിലെ കെന്റ് അയ്യപ്പ ക്ഷേത്രത്തിൽ 2026 ജൂൺ 27, ശനിയാഴ്ച, വൈകിട്ട് 6.30 മുതൽ 8 മണി വരെ ഭക്തർക്കായി ശുക്ല പക്ഷ പ്രദോഷ പൂജ (വെളുത്ത പക്ഷത്തിലേത്) നടത്തപ്പെടും. പ്രദോഷവ്രതം കൊണ്ട് ദോഷങ്ങളെ ഇല്ലായ്‌മ ചെയ്യുക എന്നതാണ് അർത്ഥമാക്കുന്നത്. ഓരോ ചന്ദ്രന്റെയും പതിമൂന്നാം ചന്ദ്രദിനത്തിൽ, അതായത് ത്രയോദശി തിഥിയിൽ, ശിവന് സമർപ്പിച്ചിരിക്കുന്ന ഒരു പ്രത്യേക ദ്വൈമാസ ആരാധനയാണ് പ്രദോഷ പൂജ. ഒരു മാസത്തിൽ പ്രധാനമായും രണ്ട് പ്രദോഷ വ്രതമാണ് ഉണ്ടാകുന്നത്. ഇതിനെ കറുത്ത പക്ഷത്തിലേത് എന്നും വെളുത്ത പക്ഷത്തിലേത് എന്നും പറയപ്പെടുന്നു.പ്രദോഷ കാലയളവിൽ (സൂര്യാസ്തമയത്തിന് മുമ്പും ശേഷവും ഏകദേശം 90 മിനിറ്റ്) ചെയ്യുന്നപൂജകളും പ്രാർഥനകളും തടസ്സങ്ങൾ നീക്കുകയും മനസ്സിനെ ശുദ്ധീകരിക്കുകയും ആരോഗ്യം, സമൃദ്ധി, ആത്മീയ പുരോഗതി എന്നിവയ്ക്കായി അനുഗ്രഹങ്ങൾ നൽകുകയും ചെയ്യുമെന്ന് വിശ്വസിക്കപ്പെടുന്നു. ശിവനും പാർവതിയും ഒരുമിച്ച് ഭക്തരെ അനുഗ്രഹിക്കുന്ന ഒരു ശുഭകരമായ സമയമായി പ്രദോഷം കണക്കാക്കപ്പെടുന്നു. ഇത് ആചരിക്കുന്നത് കർമ്മഭാരങ്ങൾ കുറയ്ക്കുകയും ആന്തരിക ശാന്തതയും സംരക്ഷണവും പ്രോത്സാഹിപ്പിക്കുകയും ചെയ്യുന്നു. പ്രദോഷവ്രതം അനുഷ്ഠിച്ചാൽ ദശാ ദോഷവും ജാതകദോഷവും മൂലം ഉണ്ടാകുന്ന ദോഷകാഠിന്യം കുറയുമെന്നാണ് വിശ്വാസം.

ക്ഷേത്രത്തിൽ എത്തുന്നവർക്ക് ചെയ്യാവുന്ന പൂജകൾ: ശിവലിംഗത്തിന് അഭിഷേകം, രുദ്രജപം
അർച്ചന, നൈവേദ്യം. പ്രത്യേക പാക്കേജുകളിൽ ഹോമ/ഹവനം അല്ലെങ്കിൽ അന്നദാനം എന്നിവ ഉൾപ്പെടുത്താം. സമയക്രമത്തിനും ബുക്കിംഗിനും www.kentayyappatemple.org എന്ന വെബ് സൈറ്റിൽ ഓൺലൈൻ ആയി ബുക്ക് ചെയ്യുകയോ, ക്ഷേത്രഭാരവാഹികളുമായി നേരിട്ട് ബന്ധപ്പെടുകയോ ചെയ്യുക.

ആഘോഷമായ മലയാളം പാട്ടു കുർബാനയിൽ ഫാദർ ഫെബിൻ പുത്തൻപുരയ്ക്കൽ സി . എം. ഐ യ ഫാദർ ജോൺസൺ കാട്ടിപറമ്പിൽ സി. എം ഐ ഫാദർ ജോർജ് അരിക്കുഴിയിൽ സി എം ഐ എന്നിവർ പങ്കുചേരുന്നു. പ്രത്യേക നിയോഗത്തോടെ തിരുന്നാൾ പ്രെസുധേതിമാർ അവസരം ഉണ്ട് താല്പര്യം ഉള്ളവരും തോമസ് നാമധാരികൾ ആയവർക്കും കമ്മിറ്റി അംഗങ്ങൾക്ക് നിങ്ങളുടെ പേരുകൾ കൊടുക്കാവുന്നതാണ്. കുർബാനയെ തുടർന്ന് തിരുനാൾ സന്ദേശം, ലദീഞ്ഞ്, പ്രദീഷണം, തോമാ സ്ലീഹയുടെ മദ്യസ്ഥ പ്രാർത്ഥന , സമാപന പ്രാത്ഥനയുടെ ആശീർവാദം തുടർന്ന് നേർച്ച പാച്ചോർ വിതരണവും കോഫീ സൽക്കാരം ഉണ്ടായിരിക്കുന്നതാണ്.

ഭാരതഅപ്പസ്തോലൻ വിശുദ്ധ തോമാശ്ലീഹയുടെ തിരുനാളിൽ പങ്കു ചേർന്ന് വിശുദ്ധന്റെ അനുഗ്രഹം പ്രാപിക്കാൻ എല്ലാ വിശ്വാസികളേയും ഏറ്റവും സ്നേഹത്തോടെ റെക്സം ഹോളി ട്രിനിറ്റി പള്ളിയിലേക്ക് സ്വാഗതം ചെയ്യുന്നു.

പള്ളിയുടെ പോസ്റ്റ്‌ കോഡ്.

Holy Trinity Church, Wrexmham Road.

LL14 4DN.

കൂടുതൽ വിവരത്തിന്

Contact – Fr Johnson Kattiparampil CMI – 0749441108.

Jisha Charles -07747183465

George Thomas_ 0755453141

Jose Bosco – 07741370123

Anu Thomas – 07587377767

Mobin Baby – 07553990542

Ancy Thomas – 757066 4957

Yahoo Mail: Search, organise, conquer

ലണ്ടനിൽ ഒരു ഗുരുവായൂരപ്പ ക്ഷേത്രം എന്ന സാക്ഷാത്കാരത്തിമായി പ്രവർത്തിച്ച് കൊണ്ടിരിക്കുന്ന , മോഹൻജി ഫൗണ്ടേഷനും, ലണ്ടൻ ശ്രീ ഗുരുവായൂരപ്പ സേവാ സംഘവും സംയുക്തമായി ഗുരുപൂർണിമ ആഘോഷങ്ങൾ സംഘടിപ്പിക്കുന്നു. 2026 ജൂൺ 27 ശനിയാഴ്ച വൈകുന്നേരം 6:00 മണി മുതൽ തോണ്ടൻ ഹീത്തിലുള്ള വെസ്റ്റ് തോണ്ടൻ കമ്മ്യൂണിറ്റി സെന്ററിൽ വച്ചാണ് ചടങ്ങുകൾ സഘടിപ്പിച്ചിരിക്കുന്നത്.അന്നേ ദിവസം വൈകിട്ട് 6:00 മണി മുതൽ ഗുരുവായൂർ വാസുദേവൻ തിരുമേനിയുടെ കാർമികത്വത്തിൽ വിഷ്ണുപൂജ,ഗുരുപാദവന്ദനം, നാമ സങ്കീർത്തനം, ദീപാരാധനയും, ഉണ്ടായിരിക്കും. പൂജകൾക്ക് ശേഷം അന്നദാനവും ഉണ്ടാകും.

കൂടുതൽ വിവരങ്ങൾക്ക് താഴെ കൊടുത്തിരിക്കുന്ന നമ്പറുകളിൽ ബന്ധപ്പെടാവുന്നതാണ്

സുരേഷ് ബാബു – 07828137478
അനൂപ് ശശി -07743024090
രമ രാജൻ – 07576492822
ശാലിനി രവി – 07529394745

ഇംഗ്ലണ്ടിലെ കെന്റ് അയ്യപ്പ ക്ഷേത്രത്തിൽ മിഥുനമാസ പൂജ 2026 ജൂൺ 20-ാം തീയതി ശനിയാഴ്ച നടക്കും. അന്നേ ദിവസം രാവിലെ 8:30 ന് ഗണപതി ഹോമം, വൈകുന്നേരം 6 മുതൽ അഭിഷേകം, ധാര, ദീപാരാധന, വിളക്ക് പൂജ, ലളിത സഹസ്ര നാമ അർച്ചന, ഭജന, നീരാഞ്ജനം, പടിപൂജ, ഹരിവരാസനം എന്നിവ നടത്തപ്പെടുന്നതാണ്. വിളക്ക് പൂജയിൽ പങ്കെടുക്കുന്ന ഭക്തർ അതിനു ആവശ്യമായ പൂക്കളും, ഒരു നിലവിളക്കും, നീരാഞ്ചനത്തിന് ഒരു നാളികേരവും കൊണ്ട് വരേണ്ടതാണ്.പൂജകൾക്ക് ശ്രീ അഭിജിത്ത്, താഴൂർ മന ഹരിനാരായണൻ നമ്പിടിശ്വർ എന്നിവർ പ്രധാന കാർമികത്വവും വെള്ളിയോട്ടില്ലം ശ്രീ അദ്രിത് വാസുദേവ് സഹ കർമികത്വവും വഹിക്കും.

അമ്പലത്തിന്റെ വിലാസം
KENT AYYAPPA TEMPLE
1 Northgate, Rochester ME1 1LS

കൂടുതൽ വിവരങ്ങൾക്ക് ബന്ധപെടുക
07838170203, 07985245890, 07507766652, 07906130390,
07973 151975