അഭിമാന നേട്ടം ; കൊക്കോഫീന സ്ഥാപകനായ ജേക്കബ് തുണ്ടിലിനു മെമ്പർ ഓഫ് ദി ബ്രിട്ടീഷ് എംപയർ അവാർഡ്. പ്രവാസി മലയാളികൾക്ക് അഭിമാനമായി ഈ കൊല്ലം സ്വദേശി

അഭിമാന നേട്ടം ; കൊക്കോഫീന സ്ഥാപകനായ ജേക്കബ് തുണ്ടിലിനു മെമ്പർ ഓഫ് ദി ബ്രിട്ടീഷ് എംപയർ അവാർഡ്. പ്രവാസി മലയാളികൾക്ക് അഭിമാനമായി ഈ കൊല്ലം സ്വദേശി
October 20 05:50 2020 Print This Article

സ്വന്തം ലേഖകൻ

ലണ്ടൻ : ബ്രിട്ടീഷ് രാജ്ഞിയുടെ ജന്മദിനത്തോട് അനുബന്ധിച്ച് നൽകുന്ന പരമോന്നത ദേശീയ ബഹുമതി കരസ്ഥമാക്കി ജേക്കബ്‌ തുണ്ടിൽ. അന്തർദേശീയ വ്യാപാരത്തിനും കയറ്റുമതിക്കുമാണ് കൊല്ലം സ്വദേശിയായ ജേക്കബ് തുണ്ടിലിനു മെമ്പർ ഓഫ് ദി ബ്രിട്ടീഷ് എംപയർ (എം.ബി.ഇ) അവാർഡ് ലഭിച്ചത്. നാളികേരം അടിസ്ഥാനമാക്കിയുള്ള ജൈവ – ഭക്ഷ്യ ബ്രാൻഡ്‌ ആയ കൊക്കോഫീനയുടെ സ്ഥാപകനാണ് ജേക്കബ്‌. നാളീകേരത്തിന്റെ വിവിധ ഉൽപ്പന്നങ്ങൾ നൂതനമായ രീതിയിൽ കൊക്കോഫീന കടകൾ വഴി വിപണനം ചെയ്യുന്നു. നിലവിൽ 28 രാജ്യങ്ങളിൽ ബ്രാഞ്ചുകളുള‌ള കൊക്കോഫീന കടകൾക്കും ഉൽപന്നങ്ങൾക്കും ഓൺലൈനായും വലിയ വിപണനമാണ് നടത്തിയത്. 2005ലാണ് ജേക്കബ് തന്റെ വ്യവസായസംരംഭം ആരംഭിക്കുന്നത്. നാളികേരത്തിൽ നിന്ന് 32ഓളം മൂല്യവർധിത ഉത്പന്നങ്ങൾ കൊക്കോഫീന ഉത്പാദിപ്പിക്കുന്നുണ്ട്.

ബ്രിട്ടീഷ് ടെലികോം, എച്ച്.എസ്.ബി.സി. അക്‌സെഞ്ചർ, ലോയ് ഡ്‌സ് എച്ച് ബി ഒ എസ് തുടങ്ങിയ ബഹുരാഷ്ട്ര കമ്പനികളിൽ ജോലി ചെയ്ത ശേഷമാണ് അദ്ദേഹം കൊക്കോഫീനയ്ക്ക് തുടക്കം കുറിക്കുന്നത്. 2017ൽ ബ്രണൽ യൂണിവേഴ് സിറ്റിയിൽ നിന്നുള്ള ‘ബെസ്റ്റ് എംപ്ലോയർ’ അവാർഡും കൊക്കോഫീന നേടിയിരുന്നു. എം.ബി.ഇ. ബഹുമതി ഒരു ആദരമാണെന്നും ബ്രിട്ടീഷ് ഭക്ഷ്യവ്യവസായത്തിന്റെ ഭാഗമാകാനും രാജ്യത്തിന്റെ കയറ്റുമതി വർധനയിൽ സഹായിക്കാൻ കഴിഞ്ഞതിലും അഭിമാനമുണ്ടെന്നും ജേക്കബ് പറഞ്ഞു. ബ്രിട്ടനിലെത്തുന്ന വ്യവസായികൾക്ക് വളരാൻ താൻ അവസരമുണ്ടാക്കുമെന്നും തുടർന്നും കൂടുതൽ ഊർജസ്വലതയോടെ പ്രവർത്തിക്കുമെന്നും അദ്ദേഹം കൂട്ടിച്ചേർത്തു. ബക്കിംഗ്ഹാം കൊട്ടാരത്തിൽ നടക്കുന്ന ചടങ്ങിൽ ബ്രിട്ടീഷ് രാജ്ഞിയോ രാജകുടുംബാംഗങ്ങളിൽ ആരെങ്കിലുമോ ആണ് ബഹുമതി സമ്മാനിക്കുക.

  Categories:


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

Comments
view more articles

Related Articles