2020 ലെ മിസ് യൂണിവേഴ്സ് കിരീടം ചൂടി മിസ് മെക്സിക്കോ ആൻഡ്രിയ മെസ. മുൻ മിസ് യൂണിവേഴ്സ് സോസിബിനി തുൻസി ആൻഡ്രിയായെ കിരീടം ചൂടിച്ചു. ബ്രസീലിന്റെ ജൂലിയ ഗാമ ഫസ്റ്റ് റണ്ണറപ്പും മിസ് പെറു ജാനിക്ക് മസെറ്റ സെക്കൻഡ് റണ്ണർ അപ്പുമായി. ഇന്ത്യയെ പ്രതിനിധീകരിച്ച അഡ്‌ലിൻ കാസ്റ്റിലിനോ നാലാം സ്ഥാനത്തെത്തി. അഡ്‌ലിൻ മിസ് ഡിവ യൂണിവേഴ്സ് 2020 ആയി തിരഞ്ഞെടുക്കപ്പെട്ടു.

ഫ്ലോറിഡയിൽ നടന്ന മത്സരത്തിൽ 73 പേരാണ് പങ്കെടുത്തത്. അവസാന റൗണ്ടിൽ 26 കാരിയായ മെസയോട് നിങ്ങൾ രാജ്യത്തിന്റെ നേതാവായിരുന്നെങ്കിൽ കോവിഡ് 19 മഹാമാരിയെ എങ്ങനെ നേരിടുമെന്നായിരുന്നു ചോദിച്ചത്.

  ആക്രമിക്കാനെത്തിയ തെരുവ് നായയെ തിരിച്ച് ആക്രമിച്ച് പത്താം ക്ലാസുകാരന്‍; നായ ചത്തു, നിരവധി പേർക്ക് പരുക്ക്

കോവിഡ് പോലുള്ള ഈ വിഷമകരമായ സാഹചര്യം കൈകാര്യം ചെയ്യാൻ കൃത്യമായൊരു മാർഗ്ഗമില്ലെന്ന് ഞാൻ വിശ്വസിക്കുന്നതായി മെസ പറഞ്ഞു. എന്നിരുന്നാലും, തുടക്കത്തിൽതന്നെ ലോക്ക്ഡൗൺ ഞാൻ ഏർപ്പെടുത്തുമായിരുന്നെന്ന് കരുതുന്നു, കാരണം ഞങ്ങൾക്ക് വളരെയധികം ജീവൻ നഷ്ടപ്പെട്ടു, അത് താങ്ങാൻ കഴിയില്ല. നമ്മുടെ ജനങ്ങളെ പരിപാലിക്കണമെന്നും മെസ പറഞ്ഞു.

സോഫ്റ്റ്‌വെയർ എൻജിനീയറാണ് മെസ. സ്ത്രീകളുടെ അവകാശങ്ങൾക്കുവേണ്ടി പോരാടുന്ന ആക്ടിവിസ്റ്റുമാണ്. കൂടാതെ മുനിസിപ്പൽ ഇൻസ്റ്റിറ്റ്യൂട്ട് ഫോർ വുമൻ എന്ന സംഘടനയുമായി ചേർന്ന് പ്രവർത്തിക്കുന്നു.

 

 

View this post on Instagram

 

A post shared by Miss Universe (@missuniverse)