പൂള്‍ ഡോര്‍സെറ്റ്: സെന്റ് തോമസ് ഇന്ത്യന്‍ ഓര്‍ത്തോഡോക്‌സ് ഇടവകയില്‍ ആണ്ടുതോറും നടത്തിവരാറുള്ള മാര്‍ത്തോമാ ശ്ലീഹായുടെ ദുക്‌റാനാ പെരുന്നാള്‍ ഈ വര്‍ഷവും സമുചിതമായി കൊണ്ടാടുവാന്‍ തീരുമാനിച്ചിരിക്കുന്നു. ജൂലൈ ഒന്നാം തിയതി ശനിയാഴ്ച്ച രാവിലെ 8:15ന് പ്രഭാത നമസ്‌കാരവും തുടര്‍ന്ന് വികാരി, ബഹു: അനൂപ് മലയില്‍ എബ്രഹാം അച്ചന്റെ മുഖ്യ കാര്‍മികത്വത്തില്‍ വിശുദ്ധ കുര്‍ബാനയും നടക്കും. ശേഷം, മുത്തുക്കുട, കൊടി, പൊന്‍,വെള്ളി കുരിശിന്റെ അകമ്പടികളോടെ നടത്തുന്ന ഭക്തിനിര്‍ഭരമായ റാസയും തുടര്‍ന്ന് മദ്ധ്യസ്ഥ പ്രാര്‍ത്ഥനയും ആശീര്‍വാദവും ശേഷം നേര്‍ച്ച വിളമ്പും ഉണ്ടായിരിക്കുന്നതാണ്.
മുന്‍പതിവ് പോലെ ലേലം വിളിയും സ്‌നേഹവിരുന്നും ഒരുക്കിയിട്ടുണ്ട്. പരിശുദ്ധന്റെ നാമത്തില്‍ മദ്ധ്യസ്ഥതയില്‍ അഭയം പ്രാപിച്ച് അനുഗ്രഹം നേടുന്നതിനായി ഏവരെയും പൂള്‍ സെന്റ് തോമസ് ഇന്ത്യന്‍ ഓര്‍ത്തോഡോക്‌സ് പള്ളിയിലേക്ക് സ്വാഗതം ചെയ്യുന്നുവെന്ന് ഇടവകക്ക് വേണ്ടി വികാരി ഫാ. അനൂപ് മലയില്‍ എബ്രഹാം, ട്രസ്റ്റി അനോജ് ചെറിയാന്‍, സെക്രട്ടറി മാര്‍ട്ടിന്‍ തെനംങ്കാലയില്‍ എന്നിവര്‍ അറിയിച്ചു.
Leave a Reply