യുകെകെസിഎയുടെ ഏറ്റവും ശക്തമായ യൂണിറ്റായ ബര്‍മിംഗ്ഹാം യൂണിറ്റിന്റെ ക്രിസ്റ്റല്‍ ജൂബിലി ആഘോഷങ്ങള്‍ക്ക് ഈ ഞായറാഴ്ച ഉച്ചകഴിഞ്ഞ് യുകെകെസിഎ കമ്മ്യൂണിറ്റി സെന്ററില്‍ തുടക്കം കുറിക്കും. അതോടൊപ്പം ഈസ്റ്റര്‍ ആഘോഷവും നടത്തപ്പെടുന്നതാണ്. ക്രിസ്റ്റല്‍ ജൂബിലി സുവനീറിന്റെ കവര്‍ പേജ് പ്രകാശനം ശ്രീ ജോസ് കെ. മാണി എംപി തദവസരത്തില്‍ നിര്‍വഹിക്കും. ബികെസിഎയുടെ 2002ല്‍ ആരംഭിച്ച പ്രയാണം ഇന്നും അതിശക്തമായി മുന്നോട്ടു പോകുന്നു. ഈ ആഘോഷങ്ങളിലേക്ക് എല്ലാ അംഗങ്ങളെയും സ്വാഗതം ചെയൂന്നുന്നതായി കമ്മറ്റി അംഗങ്ങള്‍ അറിയിക്കുന്നു. ഈ ആഘോഷങ്ങള്‍ക്ക് ചുക്കാന്‍ പിടിക്കുന്നത് പ്രസിഡന്റ് ജെസിന്‍ ജോണ്‍, സെക്രട്ടറി അജേഷ് കടുതോടിലിന്റെയും നേതൃത്വത്തില്‍ ഉള്ള കമ്മറ്റി ആണ്.