കിണറ്റില്‍ കോളേജ് വിദ്യാര്‍ത്ഥിയെ മരിച്ച നിലയില്‍ കണ്ടെത്തി. വയനാട്ടിലാണ് സംഭവം. വയനാട് മീനങ്ങാടിയില്‍ വട്ടത്തുവയല്‍ കോളനിയിലെ ഉണ്ണികൃഷ്ണന്റെ മകന്‍ അക്ഷയ് ആണ് മരിച്ചത്.
കണ്ണൂര്‍ എസ്എന്‍ കോളേജിലെ വിദ്യാര്‍ത്ഥിയാണ്. മൃതദേഹം മാര്‍ക്കറ്റ് റോഡിലെ കിണറ്റിലാണ് കണ്ടെത്തിയത്. കിണറിന് സമീപം സംശയാസ്പദമായ സാഹചര്യത്തില്‍ മൊബൈലും ചെരുപ്പും കണ്ടതിനെ തുടര്‍ന്ന് നാട്ടുകാര്‍ പരിശോധന നടത്തുകയായിരുന്നു.
തുടര്‍ന്നാണ് കിണറ്റിനുള്ളില്‍ മൃതദേഹം കണ്ടെത്തിയത്. മൃതദേഹം ബത്തേരി താലൂക്ക് ആശുപത്രി മോര്‍ച്ചറിയിലേക്ക് മാറ്റി. സംഭവത്തില്‍ പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.
Leave a Reply