യുഡിഎഫ് അധികാരത്തിലേറിയാൽ ആദ്യ മന്ത്രിസഭാ യോഗത്തിൽ തന്നെ റബറിന്റെ താങ്ങുവില 250 രൂപയായി നിശ്ചയിക്കുമെന്ന് രാഹുൽ ഗാന്ധി പ്രഖ്യാപിച്ചു. തുടർന്ന് ഇത് ഘട്ടംഘട്ടമായി 300 രൂപയിലേക്ക് ഉയർത്തുമെന്നും ഉറപ്പ് നൽകി. മുൻ മുഖ്യമന്ത്രി ഉമ്മൻചാണ്ടിയുടെ തട്ടകമായ പുതുപ്പള്ളിയിൽ നടന്ന പൊതുയോഗത്തിൽ സംസാരിക്കുകയായിരുന്നു അദ്ദേഹം.
റബർ കർഷകർക്ക് നൽകിയ വാഗ്ദാനങ്ങൾ പാലിക്കാത്തതായി ആരോപിച്ച് സംസ്ഥാന സർക്കാരിനെ രാഹുൽ കടന്നാക്രമിച്ചു. 10 വർഷത്തെ ഭരണത്തിനിടയിൽ കർഷകർക്ക് യാതൊരു നേട്ടവും ലഭിച്ചില്ലെന്ന് അദ്ദേഹം വിമർശിച്ചു. കൂടാതെ, പ്രധാനമന്ത്രി നരേന്ദ്ര മോദിയും മുഖ്യമന്ത്രി പിണറായി വിജയനും തമ്മിൽ രഹസ്യ ധാരണയുണ്ടെന്നാരോപിച്ച് ശക്തമായ രാഷ്ട്രീയ വിമർശനങ്ങളും ഉയർത്തി.
കേന്ദ്ര സർക്കാരിന്റെ നയങ്ങളെയും രാഹുൽ വിമർശിച്ചു. വിദേശനയങ്ങളിലും സാമ്പത്തിക വിഷയങ്ങളിലും ഗുരുതരമായ പിഴവുകളുണ്ടെന്നും, കർഷകരുടെ താൽപര്യങ്ങൾ സംരക്ഷിക്കുന്നതിൽ പരാജയപ്പെട്ടുവെന്നും അദ്ദേഹം ആരോപിച്ചു. കേരളത്തിൽ വനിതാ മുഖ്യമന്ത്രിയെ കാണണമെന്നത് തന്റെ ആഗ്രഹമാണെന്നും, സ്ത്രീശാക്തീകരണമാണ് കോൺഗ്രസിന്റെ പ്രധാന ലക്ഷ്യമെന്നും രാഹുൽ ഗാന്ധി കൂട്ടിച്ചേർത്തു.
Leave a Reply