ബർമിംഗ്ഹാം .ഗ്രേറ്റ് ബ്രിട്ടൻ രൂപത കുടുംബ കൂട്ടായ്മ  വാർഷിക സമ്മേളനം  ബർമിംഗ് ഹാമിൽ  വച്ച്  നടന്നു . രൂപതയുടെ ഇടവക മിഷൻ പ്രൊപ്പോസഡ്‌ മിഷനുകളിൽ നിന്നുള്ള പ്രതിനിധികൾ പങ്കെടുത്ത സമ്മേളനം രാവിലെ ഫാ ജെബിൻ പതിപറമ്പിൽ എം സി ബി എസ്  നടത്തിയ പ്രെയിസ് ആൻഡ് വർഷിപ്പോടെ  ആണ് ആരംഭിച്ചത് , തുടർന്ന് നടന്ന ഖത്വാ  പ്രാർഥനക്ക് രൂപതാധ്യക്ഷൻ മാർ ജോസഫ് സ്രാമ്പിക്കൽ കാർമികത്വം വഹിച്ചു , തുടർന്ന് തലശ്ശേരി മുൻ അതിരൂപതാധ്യക്ഷൻ മാർ ജോർജ്  വലിയമറ്റം ,മാർ ജോസഫ് സ്രാമ്പിക്കൽ ,രൂപതയുടെ വിവിധ ഇടവക മിഷനുകളിൽ നിന്നെത്തിയ വൈദികർ എന്നിവരുടെ  കാർമികത്വത്തിൽ വിശുദ്ധ കുർബാന അർപ്പിച്ചു .തുടർന്ന് നടന്ന ഉത്‌ഘാടന സമ്മേളനം മാർ ജോർജ് വലിയമറ്റം ഉത്‌ഘാടനം ചെയ്തു . സഭയുടെ അടിസ്ഥാനം കുടുംബം ആണെന്നും ,കുടുംബം എന്നാൽ ത്രിത്വത്തിന്റെ പ്രതീകമാണെന്നും അതിനാൽ തന്നെ കുടുംബങ്ങൾ ത്രിത്വത്തിന്റെ ഇരിപ്പിടമാകണം എന്നും മാർ ജോർജ് വലിയമറ്റം വിശുദ്ധ കുർബാന മദ്ധ്യേ ഉള്ള വചന സന്ദേശത്തിൽ വിശ്വാസികളെ ഉത്‌ബോധിപ്പിച്ചു  . സ്നേഹമായ ദൈവത്തിന്റെ കൂട്ടായ്മയിലേക്ക് വരുക എന്നതാണ് ഓരോ കുടുംബങ്ങളുടെയും ദൗത്യം എന്നും അദ്ദേഹം കൂട്ടിച്ചേർത്തു , വിശുദ്ധ കുർബാനക്ക് ശേഷം സ്കാഞ്ഞിരപ്പള്ളി രൂപത മുൻ പാസ്റ്ററൽ കൗൺസിൽ സെക്രെട്ടറിയും രൂപത റിസോഴ്സ് പേഴ്സണും ,പ്രശസ്ത വാഗ്മിയുമായ ജോർജ് കുട്ടി ആഗസ്തി  ക്ലാസ് നയിച്ചു . കുടുംബ കൂട്ടായ്മയുടെ പ്രാധാന്യത്തെ  സംബന്ധിച്ചും ,പ്രവർത്തന രീതികളെ  സംബന്ധിച്ചും , സഭ കുടുംബ കൂട്ടായ്മക്ക് നൽകുന്ന പ്രാധാന്യത്തെ സംബന്ധിച്ചും , ജീവിതാനുഭവങ്ങളുടെ വെളിച്ചത്തിൽ അദ്ദേഹം നടത്തിയ ക്ലാസ് ഏറെ ശ്രദ്ധേയമായി , . തുടർന്ന് രൂപതാധ്യക്ഷൻ മാർ ജോസഫ് സ്രാമ്പിക്കൽ പിതാവുമായി പ്രതിനിധികൾ  വിവിധ വിഷയങ്ങൾ സംബന്ധിച്ച് ചോദ്യോത്തര പരിപാടിയും നടന്നു .തുടർന്ന് പന്ത്രണ്ട് റീജിയനുകളായി തിരിഞ്ഞു നടത്തിയ ചർച്ചയും തുടർന്ന് നടന്ന റിപ്പോർട്ട് അവതരണവും , രൂപതാധ്യക്ഷൻ മാർ ജോസഫ് സ്രാമ്പിക്കൽ നടത്തിയ ആശിർ വാദത്തോടും കൂടിയാണ് പരിപാടികൾ അവസാനിച്ചത് , കുടുംബ കൂട്ടായ്മ കമ്മീഷൻ  ചെയർമാൻ റെവ ഫാ ജിബിൻ വാമറ്റത്തിലിന്റെ നേതൃത്വത്തിൽ സെക്രെട്ടറി ജെയിനി ചാക്കോച്ചൻ . ട്രെഷറർ ജിനു പോൾ ,വൈസ് പ്രസിഡന്റ് ഷീബ ബാബു ,ജോയിന്റ് സെക്രെട്ടറി സീന തോമസ് , റീജിയണൽ പ്രസിഡന്റുമാർ മറ്റ്  ഭാരവാഹികൾ എന്നിവർ സമ്മേളനത്തിന് നേതൃത്വം നൽകി .