പാലക്കാട് വടകരപ്പതിയിൽ അഞ്ചും മൂന്നും വയസ്സുള്ള സഹോദരങ്ങളെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തി. വടകരപ്പതി മണൽകാട് സ്വദേശികളായ ജോൺ കുമാർ–നിവേദ്യ ദമ്പതികളുടെ മക്കളായ ജെന്നിഫർ ജൂലിയേറ്റ് (5), റോബിൻ ക്രിസ്റ്റോഫർ (3) എന്നിവരാണ് മരിച്ചത്. മേനോൻപാറ കൂരാങ്കാട് പ്രദേശത്തെ വാടകവീട്ടിലായിരുന്നു കുടുംബം താമസിച്ചിരുന്നത്.
ചൊവ്വാഴ്ച രാവിലെ 11 മണിയോടെയാണ് ദാരുണമായ സംഭവം നടന്നത്. കുട്ടികൾ വീട്ടിൽ കളിച്ചുകൊണ്ടിരിക്കുകയായിരുന്നു. പിന്നീട് ഇരുവരെയും കാണാതായതിനെ തുടർന്ന് നടത്തിയ തിരച്ചിലിലാണ് കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയത്. ഉടൻ തന്നെ രക്ഷാപ്രവർത്തനം നടത്തിയെങ്കിലും കുട്ടികളുടെ ജീവൻ രക്ഷിക്കാനായില്ല.
ഇരുവരും കളിക്കുന്നതിനിടെ അബദ്ധത്തിൽ കുളിമുറിയിലെ വെള്ളത്തൊട്ടിയിൽ വീണതാകാമെന്നാണ് പ്രാഥമിക നിഗമനം. സംഭവത്തിൽ കൂടുതൽ വിവരങ്ങൾ ലഭ്യമാകുന്നതിനായി അധികൃതരുടെ നേതൃത്വത്തിൽ പരിശോധനകൾ നടക്കുകയാണ്. കുട്ടികളുടെ മരണത്തെ തുടർന്ന് കുടുംബത്തിലും പ്രദേശത്തും കടുത്ത ദുഃഖമാണ്.
Leave a Reply