സ്വന്തം ലേഖകൻ

തേംസ് നദിയിൽ നീന്തലിനിടെ കാണാതായെന്ന് സംശയിക്കുന്ന വ്യക്തിയുടെ മൃതശരീരം കണ്ടെത്തി. ചൊവ്വാഴ്ച ബെർക്ഷെയറിലെ കുക്ക്ഹാമിലുള്ള വെള്ളക്കെട്ടിൽ ആണ് വ്യക്തിയെ കാണാതായത്.

ബുധനാഴ്ച വൈകിട്ട് നാലരയോടെയാണ് 30 വയസ്സ് പ്രായം വരുന്ന ആളിന്റെ മൃതശരീരം കണ്ടെത്തിയതെന്ന് തെയിംസ് വാലി പോലീസ് പറഞ്ഞു. മരണകാരണം വ്യക്തമല്ലെങ്കിലും ദുരൂഹതകൾ ഒന്നും ഇല്ലെന്നും അവർ കൂട്ടിച്ചേർത്തു. മൃതശരീരം ആരുടേതാണെന്ന് ഇതുവരെ ഔദ്യോഗികമായി സ്ഥിതീകരിച്ചിട്ടില്ല.

ചൊവ്വാഴ്ച നദിയിൽ നീന്തുകയായിരുന്ന രണ്ടുപേർ അപകടത്തിൽപ്പെട്ടു എന്ന് എമർജൻസി സർവീസിന് സന്ദേശം എത്തിയിരുന്നു. കൂടെയുണ്ടായിരുന്ന വ്യക്തിയെ രക്ഷപ്പെടുത്തി ആശുപത്രിയിൽ എത്തിക്കാൻ കഴിഞ്ഞിരുന്നു, അദ്ദേഹം ഗുരുതരാവസ്ഥ തരണം ചെയ്തിട്ടില്ല. ഇവരെ രക്ഷപ്പെടുത്താനായി നദിയിലേക്ക് ചാടിയ മൂന്നാമത്തെ വ്യക്തിക്ക് അപായമില്ല.