ക്രോളി: വെസ്റ്റ് സസ്സെക്സിലെ മലങ്കര സഭയുടെ ഏക ദേവാലയമായ ക്രോളി ഹോളി ട്രിനിറ്റി ഇന്ത്യൻ ഓർത്തഡോക്സ് പള്ളിയിൽ പരിശുദ്ധ പത്രോസ് പൗലോസ് ശ്ലീഹന്മാരുടെ ഓർമ്മ പെരുന്നാളും അഭിവന്ദ്യ ഇടവക മെത്രാപ്പോലീത്ത തിരുമേനിക്ക് സ്വീകരണവും, ഇടവകയുടെ മുൻ വികാരി ബഹുമാനപെട്ട ബോബി അച്ചന് യാത്രയയപ്പും 2023 ജൂലൈ 1, 2 തീയതികളിൽ നടത്തപ്പെടുന്നു.

അഭിവന്ദ്യ എബ്രഹാം മാർ സ്റ്റേഫാനോസ് തിരുമനസിന്റെ മുഖ്യ കാർമികത്വത്തിൽ ജൂലൈ 2 ഞായറാഴ്ച്ച രാവിലെ 9.30 ന് പ്രഭാത പ്രാർത്ഥനയെ തുടർന്ന് വി:കുർബാനയും തുടർന്ന്, മുൻ വികാരി ബോബി അച്ചന് യാത്ര അയപ്പ് സമ്മേളനം, പ്രദക്ഷിണം, നേർച്ച, ഉത്പന്ന ലേലം, പെരുന്നാൾ സദ്യ, അദ്ധ്യാന്മിക സംഘടനകളുടെ യോഗങ്ങൾ എന്നിവ നടത്തുവാൻ കർത്താവിൽ പ്രത്യാശിക്കുന്നു.

വെസ്റ്റ് സസ്സെക്സിലും സമീപ സ്ഥലങ്ങളിലും ഉള്ളവരായ എല്ലാ മലങ്കര സഭാ വിശ്വാസികളും നേർച്ച കാഴ്ചകളോടെ വന്ന് പെരുന്നാളിൽ സംബന്ധിച്ച് അനുഗ്രഹം പ്രാപിക്കുവാൻ കതൃ നാമത്തിൽ സാദരം ക്ഷണിച്ചുകൊള്ളുന്നു

കൂടുതൽ വിവരങ്ങൾക്ക് ഫാ: മോബിൻ വർഗീസ് – 07388397988 , ഡിനു ബേബി – 07506678952 ഷൈൻ ജോസഫ് – 07737644539 എന്നിവരെ ബന്ധപ്പെടേണ്ടതാണ്.

പള്ളിയുടെ വിലാസം

Holy Trinity Indian Orthodox Church
1 Ashdown Dr, Crawley RH10 5DY