ന്യൂസ് ഡെസ്ക് മലയാളം യുകെ

പിൻകാലുകളുള്ള ഒരു വലിയ മനുഷ്യന്റെയും ആടിൻെറയും ആകൃതിയിലുള്ള ജീവിയെ രാത്രി വൈകുന്നേരം മിഡ്‌ലാൻഡ്‌സ് റോഡ് മുറിച്ചുകടക്കുന്നത് കണ്ടതായി ഒരു ഡ്രൈവർ റിപ്പോർട്ട് ചെയ്തു. ഫെബ്രുവരി 20 ന് അതിരാവിലെ അപ്പർ ഷക്ക്ബർഗിലെ വാർവിക്ഷെയറിനും നോർത്താംപ്ടൺഷെയറിലെ സ്റ്റാവർട്ടണിനുമിടയിൽ A425-ൽ വച്ചാണ് ഈ വിചിത്ര കാഴ്ച നടന്നത്. ഇത് എന്തായിരിക്കാം എന്നതിനെക്കുറിച്ചുള്ള ചർച്ചകൾ ഇപ്പോൾ ഓൺലൈനിൽ സജീവമാണ്. രാത്രി വൈകി ഏകദേശം രണ്ടു മണിയോടെ റോഡിലൂടെ ഡ്രൈവ് ചെയ്യുമ്പോൾ തന്റെ ഹെഡ് ലൈറ്റിന്റെ മുമ്പിലൂടെ വിചിത്ര ജീവി റോഡ് മുറിച്ചു കടക്കുന്നതായി കണ്ടു എന്ന് വാഹനം ഓടിച്ച ആൾ പറഞ്ഞു.

ഏകദേശം 6 അടിയോ അതിൽ കൂടുതലോ ഉള്ള ഒരു മനുഷ്യന്റെ പൊക്കം അതിന് ഉണ്ടായിരുന്നു. വൃത്താകൃതിയിൽ ദ്രാവക രൂപത്തിൽ ചലിക്കുന്നതായി തോന്നുന്ന ശക്തമായ കാലുകളും ഇടുപ്പുകളും അതിനുണ്ടായിരുന്നു. രണ്ട് കാലിൽ നിൽക്കുന്നതു കൊണ്ട് അത് മാനായിരുന്നില്ല. മിഡ്‌ലാൻഡിൽ പരമ്പരാഗത വയലുകളും വനപ്രദേശവും ആണ് കൂടുതൽ ഉള്ളത്. ഈ സ്ഥലത്ത് വീടുകളോ കെട്ടിടങ്ങളോ ഇല്ല. സംഭവ സ്ഥലത്തിനു ഏറ്റവും അടുത്ത് കെട്ടിടങ്ങളും വീടുകളും ഉള്ളത് ഒരു മൈലോളം അകലെയാണ്. പ്രദേശവാസികൾ ആയ ഒന്നിലധികം പേർ വിചിത്ര ജീവിയെ കണ്ടതായി റിപ്പോർട്ടുകൾ ഉണ്ട് .