യുവജനങ്ങൾക്ക് തങ്ങളുടെ യുവത്വവും അതുല്യമായ വ്യക്തിത്വവും ആഘോഷിക്കാനും ഒത്തുചേരാനുമായി മികച്ച അവസരമൊരുക്കി എസ്എംവൈഎം യുകെ. റസിഡൻഷ്യൽ ക്യാമ്പിലൂടെ യുവജനങ്ങൾക്ക് ഒത്തുചേരാനും അവരുടെ കാഴ്ചപ്പാടുകളും അനുഭവങ്ങളും പങ്കിടാനും തങ്ങളുടെ വിശ്വാസവും ഐക്യവും ആഘോഷിക്കാനും വേദിയൊരുക്കുന്നു. സ്റ്റാഫോർഡ്ഷയറിലെ യാൺഫീൽഡ് പാർക്ക്, ST15 0NL ഇത് വച്ചാണ് ക്യാമ്പ് നടത്തപ്പെടുന്നത്.

ജൂൺ 24 വൈകുന്നേരം 4 മണിക്ക് തുടങ്ങുന്ന ക്യാമ്പ് ജൂൺ 26 വൈകുന്നേരം 5 മണിക്ക് സമാപിക്കും. യൂണിവേഴ്സിറ്റിയിൽ പഠിക്കുന്നതോ ജോലി ചെയ്യുന്ന അവിവാഹിതരായുള്ളവർക്കോ ക്യാമ്പിൽ പങ്കെടുക്കാം. ക്യാമ്പിൻെറ പ്രവേശന തുക 150 പൗണ്ടാണ്. ചോദ്യോത്തര സെക്ഷനുകളും വർക്ക്ഷോപ്പുകളും, ഗെയിമുകളും, ക്യാമ്പ് ഫയർ, സംഗീതക്കച്ചേരി തുടങ്ങിയവയോടൊപ്പം പ്രത്യേക പ്രാർത്ഥനയും ആരാധനയും അടങ്ങിയതാണ് ക്യാമ്പ് സെക്ഷനുകൾ.