ബേസില്‍ ജോസഫ്
പാച്ചോര്‍ എന്നാല്‍ ഓരോ മലയാളിയുടെയും ഗൃഹാതുരത്വം ആണ്. ആരാധനാലയങ്ങളില്‍ നേര്‍ച്ചയായി പാച്ചോര്‍ കഴിക്കാത്തവര്‍ വളരെ ചുരുക്കമായിരിക്കും. പല സ്ഥലങ്ങളിലും പല രീതിയില്‍ ഇത് ഉണ്ടാക്കാറുണ്ട്. മലയാളം യു കെ യില്‍ മെയ് ഒന്നാം തീയതി മുതല്‍ എല്ലാ ദിവസങ്ങളിലും മാതാവിന്റെ അത്ഭുതകരമായ അനുഭവങ്ങള്‍ ലഭിച്ചവര്‍ അവരുടെ സന്തോഷം എല്ലാവരും ആയി പങ്കു വയ്ക്കുന്ന ഒരു പംക്തി എല്ലാവരും കണ്ടിട്ടുണ്ട് എന്ന് കരുതുന്നു. മാതാവിന്റെ വണക്ക മാസം അവസാനിക്കുന്ന ഈയാഴ്ച നിങ്ങള്‍ക്കായി വീക്കെന്‍ഡ് കുക്കിംഗ് പാച്ചോര്‍ എങ്ങനെ ഉണ്ടാക്കാം എന്ന് പരിചയപ്പെടുത്തുന്നു
ചേരുവകള്‍
മട്ട അരി – 2 ഗ്ലാസ്
ശര്‍ക്കര – 400 ഗ്രാം
തേങ്ങ – 1 മുറി ചിരകിയത്
ഏലക്ക – 5-6 എണ്ണം
ജീരകം – 1 നുള്ള്
നെയ്യ് – 1 സ്പൂണ്‍
തേങ്ങക്കൊത്ത് – 1/4 മുറി തേങ്ങയുടെ
പാചകം ചെയ്യുന്ന വിധം
ശര്‍ക്കര ഉരുക്കി പാനിയാക്കി മാറ്റി വയ്ക്കുക. അരി കഴുകി 4 ഗ്ലാസ് വെള്ളം ഒഴിച്ച് തിളപ്പിക്കുക. പകുതി വേവ് ആവുമ്പോള്‍ ശര്‍ക്കര പാനി ഇതിലേയ്ക്ക് ഒഴിക്കുക. മുക്കാല്‍ വേവ് ആവുമ്പോള്‍ തേങ്ങാ ചിരകിയത് കൂടി ചേര്‍ത്ത് നന്നായി മിക്‌സ് ചെയ്യുക. ഇതിലേയ്ക്ക് ആവശ്യത്തിന് ഉപ്പ് ഏലക്ക ജീരകം എന്നിവ ചതച്ച് ചേര്‍ത്തിളക്കുക. തീ കുറച്ചുവെച്ചു 5 മിനിട്ട് കൂടി കവര്‍ ചെയ്തു കുക്ക് ചെയ്യുക. ഒരു പാനില്‍ നെയ്യ് ചൂടാക്കി തെങ്ങക്കൊത്ത് വറത്തു ചേര്‍ത്തിളക്കി ചൂടോടെ കഴിക്കുക. (വേണമെങ്കില്‍ കശുവണ്ടിയും കിസ്മിസ്സും കൂടി വറത്തു ചേര്‍ക്കാവുന്നതാണ്)
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
ബേസില്‍ ജോസഫ്
കഴിഞ്ഞ 52 ആഴ്ച്ചകളിലായി പുതിയതും പഴയതും ആയ ഏകദേശം 60ഓളം റെസിപികള്‍ നിങ്ങള്‍ക്ക് മുന്‍പില്‍ അവതരിപ്പിക്കാന്‍ കഴിഞ്ഞതില്‍ അതിയായ സന്തോഷം ഉണ്ട്. നിങ്ങള്‍ തന്ന പ്രോത്സാഹനം ആണ് വീക്കെന്‍ഡ് കുക്കിംഗിനെ ഇതുവരെ എത്തുവാന്‍ സഹായിച്ചത്. എല്ലാവര്‍ക്കും നന്ദി. മലയാളം യുകെയിലെ ജനപ്രിയ കോളം ആയ വീക്കെണ്ട് കുക്കിംഗില്‍ ഈയാഴ്ചയും പതിവുപോലെ മറ്റൊരു വിഭവം പരിചയപ്പെടുത്തുന്നു.
മട്ടണ്‍ ചാപ്‌സ്
ചേരുവകള്‍
മട്ടന്‍ – 500 ഗ്രാം
സബോള- 2 എണ്ണം നീളത്തില്‍ അഞ്ഞത്
വെളുത്തുള്ളി / ഇഞ്ചി – 1 ടി സ്പൂണ്‍ വീതം ചതച്ചത്
കുരുമുളകുപൊടി – 1 ടി സ്പൂണ്‍
മുളകുപൊടി – 1 ടീസ്പൂണ്‍
മഞ്ഞള്‍പൊടി -1 ടി സ്പൂണ്‍
നാരങ്ങാ നീര് -1 ടേബിള്‍ സ്പൂണ്‍
ജീരകം -1/ 2 ടി സ്പൂണ്‍
ഗ്രാമ്പൂ -3 എണ്ണം
കറുവാപട്ട – 1 പീസ്
ഏലക്ക – 2 എണ്ണം
ഓയില്‍ -50 ml
ഉപ്പ് – ആവശ്യത്തിന്
പാചകം ചെയ്യുന്ന വിധം
മട്ടണ്‍ കഴുകി വൃത്തിയാക്കുക. അല്പം വെള്ളവും, ഉപ്പും പകുതി മസാലയും ചേര്‍ത്ത് ചെറിയ തീയില്‍ മട്ടണ്‍ കുക്ക് ചെയ്യുക. 75 %വെന്തു കഴിയുമ്പോള്‍ വെള്ളം ഊറ്റിയെടുത്ത് ഒരു കപ്പ് മാറ്റി വയ്ക്കുക. ഒരു പാനില്‍ ഓയില്‍ ചൂടാക്കി സബോള വഴറ്റി എടുക്കുക. ബ്രൌണ്‍ നിറമായിക്കഴിയുംബോള്‍ ഇതിലേയ്ക്ക് ഇഞ്ചി വെളുത്തുള്ളി കുരുമുളകുപൊടി മഞ്ഞള്‍പൊടി, മുളകുപൊടി എന്നിവ ചേര്‍ത്ത് വീണ്ടും കുക്ക് ചെയ്യുക ഒരു പേസ്റ്റ് പരുവത്തില്‍ ആയിക്കഴിയുമ്പോള്‍ വേവിച്ചു വച്ച മട്ടന്‍ ചേര്‍ത്ത് മിക്‌സ് ചെയ്യുക കൂടെ മാറ്റി വച്ച സ്റ്റോക്കും നാരങ്ങാ നീരും ചേര്‍ക്കുക. വളരെ തീ കുറച്ചു മട്ടണ്‍ ബാക്കി കൂടി കുക്ക് ചെയ്യുക. ഇതിലേയ്ക്ക് ജീരകം,ഗ്രാമ്പൂ,ഏലക്ക, പട്ട എന്നിവ പൊടിച്ച് ചേര്‍ത്ത് ചാറു കുറുകുമ്പോള്‍ വാങ്ങി ചൂടോടെ വിളമ്പുക.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
കേരളത്തില്‍ വളരെ പ്രചാരമേറിയ ഒരു വിഭവമാണ് ഉഴുന്ന് വട. സാമ്പാറും തേങ്ങ ചട്ട്ണിയും കൂട്ടി നല്ല ചൂടന്‍ ഉഴുന്നു വട കഴിക്കാന്‍ ഇഷ്ടമില്ലാത്തവര്‍ ചുരുക്കമാണ്. രുചിയുള്ള ഉഴുന്ന് വട എങ്ങനെ ഉണ്ടാക്കാമെന്ന് നോക്കാം.
ചേരുവകള്‍
ഉഴുന്ന് – 2 കപ്പ്
സവാള – 1 എണ്ണം
ഇഞ്ചി – ഒരു ടീസ്പൂണ്‍ (അരിഞ്ഞത്)
കറിവേപ്പില – ആവശ്യത്തിന് (അരിഞ്ഞത്)
കുരുമുളക് – 1 ടേബിള്‍ സ്പൂണ്‍
സോഡാ പൊടി – 1/4 ടീസ്പൂണ്‍
പച്ചമുളക് – 5 എണ്ണം (അരിഞ്ഞത്)
വെളിച്ചെണ്ണ – 3 കപ്പ്
ഉപ്പ് ആവശ്യത്തിന്
പാചകം ചെയ്യുന്ന വിധം
ഉഴുന്ന് കഴുകി 5 മണിക്കൂര്‍ വെള്ളത്തില്‍ കുതിരാനിടണം.5 മണിക്കൂര്‍ കഴിഞ്ഞ്, വെള്ളം ഇല്ലാതെ കുറച്ച് വീതം മിക്‌സിയില്‍ ഇട്ട് അരച്ച് എടുക്കണം. ഒരു പാത്രത്തില്‍, അരച്ച ഉഴുന്ന്, പച്ചമുളക്, ഇഞ്ചി, സവാള, സോഡാ പൊടി, കുരുമുളക്, കറിവേപ്പില, ഉപ്പ് എന്നിവ ചേര്‍ത്തിളക്കുക.ചീനച്ചട്ടിയില്‍ എണ്ണ ഒഴിച്ച് ചൂടാകുമ്പോള്‍, കയ്യില്‍ അല്പം വെള്ളം പുരട്ടി, കുറച്ച് മാവ് എടുത്ത് നടുവില്‍ തുളയിട്ട് വട പരുവപെടുത്തി എണ്ണയിലിടുക.ഇരു വശവും നന്നായി പൊരിഞ്ഞു,ഗോള്‍ഡന്‍ നിറമാകുമ്പോള്‍ കോരിയെടുത്ത് എണ്ണ വാലാന്‍ വെയ്ക്കാം.രുചിയുള്ള ചൂടന്‍ ഉഴുന്ന് വട റെഡി.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
കേരളീയര്‍ക്ക് ഏറെ സുപരിചിതമായ നാലുമണി പലഹാരമാണ് സുഹിയന്‍. വളരെ രുചികരവും ആരോഗ്യകരവുമായ പലഹാരമാണിത്. ചെറുപയര്‍ ഉപയോഗിച്ചാണ് സുഹിയന്‍ ഉണ്ടാക്കുന്നത്. സ്വാദിഷ്ടമായ ചെറുപയര്‍ സുഹിയന്‍ എങ്ങനെ ഉണ്ടാക്കാമെന്ന് നോക്കാം.
ചേരുവകള്‍
ചെറുപയര്‍ – 2 കപ്പ്
ശര്‍ക്കര – 1 1/2 കപ്പ്
തേങ്ങ – 1/2 കപ്പ്
ഏലക്ക പൊടി – ഒരു നുള്ള്
മൈദ – 1 കപ്പ്
മഞ്ഞള്‍ പൊടി – 1 നുള്ള്
വെള്ളം – 2 1/2 കപ്പ്
വെളിച്ചെണ്ണ – 3 കപ്പ്
ഉപ്പ് – ആവശ്യത്തിന്
നെയ്യ് – ഒരു സ്പൂണ്‍
പാചകം ചെയ്യുന്ന വിധം
ചെറുപയര്‍ കുറച്ചു ഉപ്പ്, ഒരു നുള്ള് മഞ്ഞള്‍പൊടി, വെള്ളം 2 കപ്പ് ഒഴിച്ച് നന്നായി വേവിച്ചു എടുക്കുക.ശര്‍ക്കര 1/4 കപ്പ് വെള്ളം ഒഴിച്ച് ഉരുക്കി എടുക്കുക. ഒരു പാനില്‍ ഒരു സ്പൂണ്‍ നെയ്യ് ഒഴിച്ച് അതിലേക്ക് വേവിച്ച ചെറുപയര്‍, തേങ്ങ ചിരവിയത്, ഏലക്ക പൊടിച്ചത്, ശര്‍ക്കര പാനി എന്നിവ ഇട്ടു വഴറ്റുക.എല്ലാം കൂടി പാനില്‍ നിന്ന് വിട്ടു വരുന്ന പാകത്തിന് വാങ്ങി തണുക്കാന്‍ വെക്കുക. തണുക്കുമ്പോള്‍ ചെറിയ ഉരുള ആക്കി വെക്കുക. മൈദ, /4 കപ്പ് വെള്ളം, കുറച്ചു ഉപ്പ് എന്നിവ മിക്‌സ് ചെയ്തു ഒരു ബാറ്റെര്‍ തയ്യാറാക്കി വെക്കുക. ഒരു പാനില്‍ ആവശ്യത്തിനു എണ്ണ ഒഴിച്ച് തിളക്കുമ്പോള്‍, തയ്യാറാക്കി വച്ച ചെറുപയര്‍ ഉരുളകള്‍ ബാറ്റെറില്‍ മുക്കി എണ്ണയില്‍ ഇട്ടു വറുത്തു കോരുക. രുചിയുള്ള ചെറുപയര്‍ സുഹിയന്‍ റെഡി
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
നെയ്മീന്‍ – 1/ 2 കിലോ
സബോള -2 എണ്ണം നീളത്തില്‍ അരിഞ്ഞത്
ഇഞ്ചി – 1 പീസ് ചതച്ചത്
വെളുത്തുള്ളി – 1 കുടം ചതച്ചത്
പച്ചമുളക് – 4 എണ്ണം നീളത്തില്‍ കീറിയത്
കുഞ്ഞുള്ളി – 6 എണ്ണം
ഏലക്ക – 4 എണ്ണം
ഗ്രാമ്പൂ – 4 എണ്ണം
കറുവ പട്ട – 1 കഷണം
തക്കാളി – 2 എണ്ണം
തേങ്ങാപ്പാല്‍ -ഒന്നാം പാല്‍ -1 കപ്പ, രണ്ടാം പാല്‍ – 1 കപ്പ, മൂന്നാം പാല്‍ 1/ 2 കപ്പ്
കറിവേപ്പില – 1 തണ്ട്
കുരുമുളകു പൊടി – 1 ടി സ്പൂണ്‍
മഞ്ഞള്‍പൊടി 1/ 2 ടീ സ്പൂണ്‍
നാരങ്ങ നീര് – പകുതി നാരങ്ങയുടെ
ഓയില്‍ – 1 ടേബിള്‍ സ്പൂണ്‍
ഉപ്പ് ആവശ്യത്തിന്
പാചകം ചെയ്യുന്ന വിധം
മീന്‍ നന്നായി കഴുകി എടുത്ത് കുരുമുളകുപൊടി, മഞ്ഞള്‍പൊടി, നാരങ്ങ നീര്, ഉപ്പ് എന്നിവ പുരട്ടി 1/ 2 മണിക്കൂര്‍ വയ്ക്കുക. ഓയില്‍ ചൂടാക്കി മീന്‍ പൊടിയാതെ 2-3 മിനുട്ട് വറുത്ത് എടുക്കുക. ഒരു പാനില്‍ ബാക്കിയുള്ള ഓയില്‍ ചൂടാക്കി കറി വേപ്പില വഴറ്റി എടുക്കുക. ഇതിലേയ്ക്ക് ഏലക്ക, ഗ്രാമ്പു, കറുവപ്പട്ട എന്നിവ മൂപ്പിച്ച ശേഷം ഇഞ്ചി, വെളുത്തുള്ളി, പച്ചമുളക് എന്നിവ ചേര്‍ത്ത് നന്നായി വഴറ്റുക. ഓയില്‍ വിട്ടു തുടങ്ങുമ്പോള്‍ സബോള, കുഞ്ഞുള്ളി ചേര്‍ത്ത് വീണ്ടും വഴറ്റുക. സബോള ലൈറ്റ് ഗോള്‍ഡന്‍ നിറമാകുമ്പോള്‍ മീനും മൂന്നാം പാലും ചേര്‍ത്ത് തിളപ്പിക്കുക. ഗ്രേവി ചെറുതായി കുറുകി വരുമ്പോള്‍ രണ്ടാം പാലും തക്കാളിയും ചേര്‍ത്ത് വീണ്ടും തിളപ്പിക്കുക. തക്കാളി കുക്ക് ആയി കഴിയുമ്പോള്‍ ഒന്നാം പാലും ചേര്‍ത്ത് ചെറു തീയില്‍ ചൂടാക്കി വാങ്ങുക.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
ചേരുവകള്‍
മട്ടന്‍ – 1 കിലോ
സവാള – 1
കുഞ്ഞുള്ളി – 100 ഗ്രാം
വെളുത്തുള്ളി – 1തുടം
ഇഞ്ചി – ഒരു ചെറിയ കഷണം
പച്ചമുളക് -3 എണ്ണം
മുളകുപൊടി -2 ടേബിള്‍സ്പൂണ്‍
മല്ലിപ്പൊടി-2 ടേബിള്‍സ്പൂണ്‍
മഞ്ഞള്‍പ്പൊടി – അര ടീസ്പൂണ്‍
കുരുമുളകുപൊടി – ഒന്നര ടേബിള്‍സ്പൂണ്‍
ഇറച്ചി മസാല – 2 ടീസ്പൂണ്‍
ബീഫ് ഉലര്‍ത്ത് മസാല – 1ടേബിള്‍സ്പൂണ്‍
ഗരംമസാല – അര ടേബിള്‍സ്പൂണ്‍
പെരും ജീരകം പൊടിച്ചത് – 1 ടീസ്പൂണ്‍
കറിവേപ്പില, കടുക്
ഉപ്പ്, എണ്ണ – ആവശ്യത്തിന്
പാചകം ചെയ്യുന്ന വിധം
മട്ടന്‍ വൃത്തിയായി കഴുകിയതില്‍ ഒരു ടേബിള്‍സ്പൂണ്‍ മുളകുപൊടി, ഒരു ടേബിള്‍സ്പൂണ്‍ മല്ലിപ്പൊടി, അര ടീസ്പൂണ്‍ മഞ്ഞള്‍പ്പൊടി, അര ടേബിള്‍സ്പൂണ്‍ കുരുമുളകുപൊടി, ഉപ്പ്, എന്നിവ പുരട്ടി ഒരു മണിക്കൂര്‍ വെച്ചതിനുശേഷം നന്നായി വേവിച്ചു മാറ്റി വെക്കുക. ഫ്രയിംഗ്പാനില്‍ എണ്ണ ഒഴിച്ച് കടുക് പൊട്ടിച്ചു അതില്‍ സവാള, കുഞ്ഞുള്ളി, വെളുത്തുള്ളി , ഇഞ്ചി, പച്ചമുളക്, കറിവേപ്പില എന്നിവ നന്നായി വഴറ്റിയെടുക്കുക. അതിനുശേഷം ബാക്കിയിരിക്കുന്ന എല്ലാ മസാലകളും ചേര്‍ത്ത് നന്നായി മൂപ്പിച്ചെടുക്കുക. അതിലേക്കു വേവിച്ചു വെച്ചിരിക്കുന്ന മട്ടന്‍ ചേര്‍ത്ത് ഇളക്കി യോജിപ്പിച്ചെടുക്കുക. തീ കുറച്ച് വച്ച് നന്നായി വരട്ടിയെടുക്കുക.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
ബേസില്‍ ജോസഫ്
ഒരു മാഗ്ലൂരിയന്‍ സ്ട്രീറ്റ് ഫുഡ് ആണ് ഈയാഴ്ച വീക്കെന്‍ഡ് കുക്കിംഗ് പരിചയപ്പെടുത്തുന്നത്. ചിക്കന്‍ 65 പോലെ ഒരു സ്റ്റാര്‍ട്ടര്‍ ആയോ സ്‌നാക് ആയോ അല്ലെങ്കില്‍ വീക്കെന്‍ഡില്‍ രണ്ട് പെഗ് അടിക്കുന്നവര്‍ക്ക് ഒരു ‘ടച്ചിങ്ങ്‌സ്’ ആയോ ഒക്കെ നമുക്ക് വളരെ എളുപ്പത്തില്‍ ഉണ്ടാക്കാവുന്ന ഒരു ഡിഷ് ആണ്. (ഈ ഡിഷിന്റെ പേരില്‍ ഇനി എല്ലാ വീക്കെന്‍ഡിലും 2 എണ്ണം അടിച്ചോ എന്ന് ഞാന്‍ പറഞ്ഞിട്ടില്ല കേട്ടോ!) കുക്കിംഗ് എളുപ്പത്തില്‍ എന്ന് പറഞ്ഞു എങ്കിലും മസാല ചിക്കനില്‍ നന്നായി പിടിക്കാന്‍ അല്പം കാത്തിരിക്കണം കേട്ടോ.
ചേരുവകള്‍
1 ചിക്കന്‍ -500 ഗ്രാം (ബോണ്‍ ഉള്ളതോ ബോണ്‍ലെസോ)
2 മല്ലിയില -1 ചെറിയ കെട്ട്
കറിവേപ്പില – 2 തണ്ട്
ഇഞ്ചി – 1 പീസ്
വെളുത്തുള്ളി -5 അല്ലി
പച്ചമുളക് -3 എണ്ണം
3 ഗരം മസാല – 1 ടീസ്പൂണ്‍
4 മുളകുപൊടി -1 ടേബിള്‍ സ്പൂണ്‍
5 റെഡ് ഫുഡ് കളര്‍ – 2 തുള്ളി (optional )
6 നാരങ്ങാനീര് 1 നാരങ്ങയുടെ
7 കട്ടത്തൈര്- 1 ടീസ്പൂണ്‍
8 അരിപ്പൊടി – 1 ടി സ്പൂണ്‍
9 പ്ലയിന്‍ ഫ്‌ലൗര്‍ -1 ടീസ്പൂണ്‍
10 ഉപ്പ് – ആവശ്യത്തിന്
11 ഓയില്‍ -വറക്കുവാന്‍ ആവശ്യത്തിന്
പാചകം ചെയ്യുന്ന വിധം
ചിക്കന്‍ ചെറിയ പീസായി മുറിച്ച് നന്നായി കഴുകി എടുക്കുക. രണ്ടാമത്തെ ചേരുവകള്‍ ഒരു മിക്‌സിയില്‍ അരച്ച് എടുക്കുക. അരച്ചെടുത്ത മിശ്രിതത്തിലേയ്ക്ക് ഗരം മസാല, മുളകുപൊടി, റെഡ് ഫുഡ് കളര്‍ (optional) ഉപ്പ്, കട്ടത്തൈര്, നാരങ്ങാനീര് എന്നിവ ചേര്‍ത്ത് നല്ല പേസ്റ്റ് ആക്കി എടുക്കുക. ചിക്കനിലേയ്ക്ക് ഈ മസാല നന്നായി തേച്ചുപിടിപ്പിച്ച് കുറഞ്ഞത് 2 മണിക്കൂര്‍ എങ്കിലും ഫ്രിഡ്ജില്‍ വയ്ക്കുക. കൂടുതല്‍ സമയം വച്ചാല്‍ അത്രക്കും നല്ലത്. ചിക്കന്‍ പുറത്തെടുത്ത് അതിലേയ്ക്ക് അരിപ്പൊടിയും പ്ലയിന്‍ ഫ്‌ലൗറും കൂടി ചേര്‍ത്ത് നന്നായി മിക്‌സ് ചെയ്യുക. ഒരു ഫ്രയിംഗ് പാനില്‍ ഓയില്‍ നന്നായി ചൂടാക്കി വറത്ത് കോരി ഓണിയന്‍ റിങ്ങ്‌സ് കൊണ്ടോ മുളക് വറത്തത് വച്ചോ ഗാര്‍നിഷ് ചെയ്ത് ഒരു ലെമണ്‍ വെഡ്ജും വച്ച് ചൂടോടെ വിളമ്പുക.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
ജാപ്പനീസ് ഭക്ഷണം രുചിലോകത്ത് പേരുകേട്ടതാണ് ;എന്നാല്‍ ജാപ്പനീസ് ഭക്ഷണങ്ങളില്‍ താരം ആകുകയാണ് ഒരു മഴത്തുള്ളി ഡെസേര്‍ട്ട്.ഇതിന്റെ ചേരുവകള്‍ മിനറല്‍ വാട്ടറും അഗറുമാണ്(ആല്‍ഗയില്‍ നിന്നെടുക്കുന്ന ജെല്ലി പോലുള്ള വസ്തു) എന്നതാണ് ഏറ്റവും രസകരം .
സാധാരണ കേക്ക് എന്ന് കേള്‍കുമ്പോള്‍ മൈദാ ,ധന്യപൊടി പഞ്ചസാര, മുട്ട, വെമ്ണ എന്നൊക്കെയാണ് മനസില്‍ വരിക. എന്നാല്‍ ജപ്പാനിലെ ഈ മഴത്തുള്ളി കേക്ക് വായില്‍ വെച്ചാല്‍ അലിയുന്ന മട്ടിലുള്ള കട്ടിയാക്കപ്പെട്ട അല്ലെങ്കില്‍ ജെല്ലിയാക്കപ്പെട്ട വെള്ളമാണ്.മിഷു ഷിംഗന്‍ മോച്ചി എന്നാണ് ജപ്പാനില്‍ ഈ കേക്ക് അറിയപെടുന്നത് . ചൂടാക്കിയ ശേഷം വെള്ളം പ്രത്യേക ആകൃതിയിലുള്ള പാത്രങ്ങളില്‍ വെച്ച് ഫ്രിഡ്ജില്‍ വെച്ച് തണുപ്പിച്ച് ജെല്ലിയാക്കിയെടുക്കുന്നു. ഇതിന് ശേഷമാണ് ചക്കരപ്പാവ് പോലെ പഞ്ചസാരയും സോയാബീന്‍ മാവും ഇതിന് മുകളിലേക്ക് സെര്‍വിങ്ങിന് മുമ്പ് മാത്രം ചേര്‍ക്കുന്നു. കേക്ക് വാങ്ങും മുന്പ് ഒരു കാര്യം മാത്രം ശ്രദ്ധിക്കണം സംഭവം ഓര്‍ഡര്‍ ചെയ്തു അരമണിക്കൂറിനുള്ളില്‍ തീര്‍ത്തില്ലെങ്കില്‍ വെള്ളമായി പോകുമെന്ന് മാത്രം.
വളരെ സ്‌പൈസി അയ ഒരു ഗോവന്‍ ഡിഷ് ആണ് ചിക്കന്‍ കഫ്‌റിയല്‍. ആഫ്രിക്കന്‍ ഭൂഖണ്ഡത്തിലെ പോര്‍ച്ചുഗീസ് കോളനീകളില്‍ ആണ് ഈ ഡിഷിന്റെ ഉത്ഭവം. ഗോവയില്‍ പോര്‍ച്ചുഗീസ് ഭരണകാലത്ത് ആഫ്രിക്കന്‍ / പോര്‍ച്ചുഗീസ് സൈനികര്‍ ആണ് ഈ ഡിഷ് ഇവിടെ അവതരിപ്പിച്ചത്. ഗോവയിലെ ഒട്ടു മിക്ക ഭോജനശാലകളിലെയും മെനുവിലെ ഒരു മുഖ്യ ഇനം ആണ് ചിക്കന്‍ കഫ്‌റിയല്‍. അല്പം ഡ്രൈ ആയ ഒരു ഡിഷ് ആണ ഇത്.
ചേരുവകള്‍
1 ചിക്കന്‍ 500 ഗ്രാം (ബ്രെസ്റ്റ്/ലെഗ്‌സ് )
2 മല്ലിയില 1 കെട്ട്
3 പുതിനയില 1/4 കെട്ട്
4 ഇഞ്ചി 2 പീസ്
5 വെളുത്തുള്ളി 5 അല്ലി
6 കുരുമുളകുപൊടി 1 ടീസ്പൂണ്‍
7 കറുവപ്പൊടി 1/ 2 ടീസ്പൂണ്‍
8 ഗ്രാമ്പൂ 5 എണ്ണം
9 ഏലക്ക 4 എണ്ണം
10 നാരങ്ങ 1 എണ്ണം പിഴിഞ്ഞത്
11 ഉപ്പ്
12 ഓയില്‍ 50 ml
പാചകം ചെയ്യുന്ന വിധം
ചിക്കന്‍ നന്നായി കഴുകി ഡ്രൈ ആക്കി എടുക്കുക. 2 മുതല്‍ 11 വരെ ഉള്ള ചേരുവകള്‍ ഒരു മിക്‌സിയില്‍ നന്നായി അരച്ച് എടുക്കുക. ചിക്കന്‍ നന്നായി വരഞ്ഞ് ഈ അരപ്പ് പീസുകളില്‍ തേച്ചു പിടിപ്പിച്ച് കുറഞ്ഞത് 2 മണിക്കൂര്‍ വയ്ക്കുക. ഒരു ഫ്രൈയിംഗ് പാനില്‍ ഓയില്‍ ചൂടാക്കി മസാല തേച്ച ചിക്കന്‍ നന്നായി വറുത്തെടുക്കുക (ഷാലോ ഫ്രൈയിംഗ്). ഒരു സെര്‍വിംഗ് പ്ലേറ്റിലേയ്ക്ക് മാറ്റി ഒനിയന്‍ റിംഗ്‌സും നാരങ്ങ വെഡ്ജ്‌സും കൂട്ടി വിളമ്പുക.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
ചിക്കന്‍ കബാബ്, ബീഫ് കബാബ് തുടങ്ങി കബാബ് ഇനങ്ങള്‍ നിരവധിയാണ് . എന്നാല്‍ ഐഫോണിനേക്കാള്‍ വിലയുള്ള ലോകത്തിലെ ഏറ്റവും വിലപിടിപ്പുള്ള കബാബിനേ പറ്റി കേട്ടിട്ടുണ്ടോ .’റോയല്‍ വണ്‍’ എന്ന ഇരട്ടപ്പേരില്‍ അറിയപെടുന്ന കബാബ് ആണ് ലോകത്തിലെ ഏറ്റവും മുന്തിയ ഇനം കബാബ് . ഇതിലെ ചേരുവകളാണ് റോയല്‍ വണ്ണിനെ വിലപിടിച്ചതാക്കുന്നത്. ലണ്ടനിലെ കനാറി വാര്‍ഫിലെ ഹവസ് റസ്റ്റോറന്റിലെ ഹെഡ് ചെഫ് ഒണ്‍ഡര്‍ സഹാന്‍ ആണ് റോയല്‍ വണ്‍ കബാബിന് പിന്നില്‍. ഏറ്റവും വിലപിടിപ്പുള്ളത് മാത്രമല്ല കൃത്രിമമായ ഒന്നും ചേരാത്തത് കൂടിയാണ് ഈ കബാബ്. 925 പൗണ്ടാണ് ലണ്ടനില്‍ ഇതിന്റെ വില (87,119 രൂപ). ഐഫോണ്‍ സിക്‌സ് എപ്പോഴേ വാങ്ങാമല്ലേ ഇത്രയും രൂപയുണ്ടെങ്കില്‍!
ഗ്രേഡ് നൈന്‍ ജാപ്പനീസ് വാഗ്യു ബീഫാണ് കബാബ് ഉണ്ടാക്കാന്‍ ഉപയോഗിക്കുന്നത്. മോറല്‍ മഷ്‌റൂമിനൊപ്പം 25 വര്‍ഷം പഴക്കമുള്ള ഇറ്റാലിയന്‍ വിനാഗിരിയാണ് ഇതിന്റെ പ്രത്യേകത. ഒരു മില്ലി ലിറ്ററിന് 1.84 പൗണ്ടാണ് ഇതിന്റെ വില.
