ന്യൂസ് ഡെസ്ക് മലയാളം യുകെ ന്യൂസ്

യു കെ :- ബ്രിട്ടനിൽ നിലവിൽ ഉണ്ടായിരിക്കുന്ന സാമ്പത്തിക പ്രതിസന്ധി പരിഹരിക്കുന്നതിന്റെ ഭാഗമായി, ഇനിമുതൽ ഇലക്ട്രിക് കാർ ഉടമകൾക്കും ടാക്സ് അടയ്ക്കണമെന്ന നിബന്ധന ഉടൻ നിലവിൽ വരും. വ്യാഴാഴ്ച നടത്തുന്ന പ്രസ്താവനയിൽ ചാൻസലർ ജെറെമി ഹണ്ട് ഈ തീരുമാനം ഔദ്യോഗികമായി പ്രഖ്യാപിക്കും എന്നാണ് റിപ്പോർട്ടുകൾ വ്യക്തമാക്കുന്നത്. ഇലക്ട്രിക് വാഹനങ്ങളിലേക്കുള്ള മാറ്റം ദ്രുതഗതിയിൽ ആയതോടെ , റോഡ് നികുതിയിൽ ഉണ്ടായിരിക്കുന്ന 7 ബില്യൺ പൗണ്ടിന്റെ കുറവ് നികത്താനാണ് ഈ നീക്കം. എന്നാൽ ഈ തീരുമാനം കടുത്ത വിമർശനങ്ങൾക്ക് വിധേയമാകുമെന്ന മുന്നറിയിപ്പുകളും ഉയർന്നു കഴിഞ്ഞു.

നിലവിൽ ഇന്ധന വിലയിൽ ഉണ്ടായിരിക്കുന്ന ക്രമാതീതമായ വർദ്ധന ജനങ്ങളെ ഇലക്ട്രിക് വാഹനങ്ങളിലേക്ക് നയിക്കുമ്പോൾ, അതിൽ സർക്കാർ ഏർപ്പെടുത്തുന്ന ടാക്സ് കൂടുതൽ പ്രതിഷേധങ്ങൾക്ക് വഴിതെളിക്കും. എന്നാൽ പൊതു ധനകാര്യത്തിന്റെ ദയനീയാവസ്ഥ അടുത്ത ആഴ്ചത്തെ ബജറ്റിൽ കടുത്ത തീരുമാനങ്ങളുടെ ഒരു നീണ്ട നിര തന്നെ എടുക്കേണ്ടിവരുമെന്ന് മിസ്റ്റർ ഹണ്ട് ഇന്നലെ മുന്നറിയിപ്പ് നൽകി കഴിഞ്ഞിരുന്നു. രണ്ട് വർഷം നീണ്ട സാമ്പത്തിക മാന്ദ്യത്തിലേക്ക് ബ്രിട്ടൻ പ്രവേശിക്കുമെന്ന് ബാങ്ക് ഓഫ് ഇംഗ്ലണ്ട് കഴിഞ്ഞ ആഴ്ച മുന്നറിയിപ്പ് നൽകിയിരുന്നു.

നിലവിൽ ബ്രിട്ടന്റെ പൊതു ധനകാര്യത്തിൽ ഉണ്ടായിരിക്കുന്ന വിടവ് ഏകദേശം 54 മില്യൺ പൗണ്ടാണെന്നാണ് ഏകദേശം കണക്കുകൾ വ്യക്തമാക്കുന്നത്. എന്നാൽ നിലവിലെ സാഹചര്യത്തിൽ ടാക്സുകൾ വർദ്ധിപ്പിക്കുന്നതും പൊതു ചെലവുകൾ കുറയ്ക്കുന്നതും കൂടുതൽ സാമ്പത്തിക മാന്ദ്യത്തിലേക്ക് നയിക്കുമെന്ന് ചില കൺസർവേറ്റീവ് എംപിമാർ ഭയപ്പെടുന്നുണ്ട്. യുകെയിലെ റോഡുകളിൽ ഏകദേശം 600,000 ഇലക്ട്രിക് വാഹനങ്ങൾ ഉണ്ടെന്നും, ഇപ്പോൾ വിൽക്കുന്ന ആറ് പുതിയ കാറുകളിൽ ഒന്ന് അവയാണെന്നും കണക്കുകൾ സൂചിപ്പിക്കുന്നു. അത്തരമൊരു സാഹചര്യത്തിൽ ടാക്സുകൾ ഏർപ്പെടുത്തിയില്ലെങ്കിൽ അത് സാമ്പത്തിക രംഗത്തെ കൂടുതൽ തകരാറിലാക്കും എന്ന വിലയിരുത്തലാണ് ഇത്തരം ഒരു തീരുമാനത്തിലേക്ക് സർക്കാരിനെ നയിച്ചിരിക്കുന്നത്.

ന്യൂസ് ഡെസ്ക് മലയാളം യുകെ ന്യൂസ്

ലണ്ടൻ: കുട്ടികൾക്കെതിരെയുള്ള ലൈംഗിക അതിക്രമങ്ങൾ രാജ്യത്ത് വർദ്ധിച്ചു വരികയാണ്. ഇതിന്റെ ഒരു കണക്ക് വെളിപ്പെടുത്തി ഇപ്പോൾ രംഗത്ത് വന്നിരിക്കുകയാണ് ദേശീയ ക്രൈം ഏജൻസി. ബ്രിട്ടനിൽ കുട്ടികൾക്കെതിരെ ഇത്തരത്തിൽ അക്രമം നടത്തുന്നവർ 85000ത്തിലധികം ആളുകൾ ഉണ്ടെന്നാണ് ഞെട്ടിക്കുന്ന വാർത്ത. ഇതിന്റെ ഭാഗമായി മാസം തോറും 800 ആളുകൾ അറസ്റ്റിലാകുന്നുണ്ടെന്നും അധികൃതർ വ്യക്തമാക്കുന്നു. എന്നാൽ ഇത്തരം കുറ്റകൃത്യത്തിൽ ഏർപ്പെടുന്നവരെ പിന്തിരിപ്പിക്കാൻ സമൂഹവും അധികാരികളും ശ്രദ്ധിക്കണമെന്നും ഈ കണക്കുകൾ പറയുന്നു.

കുട്ടികൾക്കെതിരെ ഇത്തരം ആക്രമണങ്ങൾ പ്രധാനമായും വരുന്നത് ഓൺലൈനിലൂടെയാണ്. ഇന്റർനെറ്റിൽ ഒളിച്ചിരിക്കുന്ന ക്രിമിനലുകൾ കുട്ടികളെ യഥാർത്ഥത്തിൽ ചൂഷണം ചെയ്യുകയാണ് ചെയ്യുന്നത്. 12 വയസ്സുള്ള പെൺകുട്ടികളെ തന്റെ ലൈംഗിക അടിമകളാക്കാൻ ബ്ലാക്ക് മെയിൽ ചെയ്ത സൈബർ സുരക്ഷാ വിദഗ്‌ദ്ധന് 26 വർഷം തടവ് ശിക്ഷ ലഭിച്ച സാഹചര്യത്തിലാണ് എൻ സി എ ഡയറക്ടർ ക്രിസ് ഫാരിമോണ്ടിന്റെ ഞെട്ടിക്കുന്ന മുന്നറിയിപ്പ്. ഓൺലൈനിലൂടെ പരിചയപ്പെട്ട ശേഷം കുട്ടികളുടെ നഗ്ന ചിത്രങ്ങളും വീഡിയോകളും കൈവശപ്പെടുത്തുകയും പിന്നീട് ഇതുപയോഗിച്ച് അവരെ ഭീഷണിപ്പെടുത്തുകയും ചെയ്യന്നതാണ് അവരുടെ ശൈലി.

ഇത്തരത്തിലുള്ള സംഘങ്ങൾ രാജ്യത്തിന്റെ വിവിധ ഭാഗങ്ങളിൽ പ്രവർത്തിക്കുന്നുണ്ട്. കുട്ടികളെ ഉപയോഗിച്ചുകൊണ്ട് പ്രവർത്തിക്കുന്ന ഇവർ, കെണിയുണ്ടാക്കി വലയിൽ വീഴ്ത്തുകയാണ് ചെയ്യുന്നത്. മാതാപിതാക്കൾ കുട്ടികളെ പ്രത്യേകം ശ്രദ്ധിക്കേണ്ട സമയം കൂടിയാണിത്. ഇന്റർനെറ്റ്‌ എന്ന കടലിന്റെ പല ഇടങ്ങളും അജ്ഞാതമാണ്. അത് നീന്തികയറാനും ഇത്തരം ചതിക്കുഴികളെ കുറിച്ച് അവരെ ബോധവാന്മാരാക്കാനും ശ്രദ്ധിക്കണം

ന്യൂസ് ഡെസ്ക് മലയാളം യുകെ ന്യൂസ്

ഗ്രേറ്റ് ബ്രിട്ടൻ രൂപത അധ്യക്ഷൻ മാർ ജോസഫ് സ്രാമ്പിക്കലിന്റെ അമ്മ ഏലിക്കുട്ടി മാത്യു (89 ) നിര്യാതയായി. പൂവരണി പൂവത്താനിക്കൽ കുടുംബാംഗമാണ്. ഭർത്താവ്  പരേതനായ മാത്യു മത്തായിയാണ് .

സംസ്കാര ശുശ്രൂഷകൾ നാളെ (13/11/2022,ഞായർ ) ഉച്ചകഴിഞ്ഞ് 2 : 30ന് ഉരുളിക്കുന്നത്തുള്ള സ്വഭവനത്തിൽ പാലാ രൂപതാ മെത്രാൻ മാർ ജോസഫ് കല്ലറങ്ങാട്ടിന്റെ കാർമികത്വത്തിൽ ആരംഭിച്ച് ഉരുളികുന്നം സെന്റ് ജോർജ് ദേവാലയത്തിൽ സീറോ മലബാർ സഭയുടെ മേജർ ആർച്ച് ബിഷപ്പ് കർദിനാൾ മാർ ജോർജ് ആലഞ്ചേരി പിതാവിന്റെ മുഖ്യ കാർമ്മികത്വത്തിൽ കുടുംബകല്ലറയിൽ സംസ്കരിക്കുന്നതുമാണ്.പരേത പൂവരണി പൂവത്താനിക്കൽ കുടുംബാംഗമാണ്.

സ്രാമ്പിക്കല്‍ പിതാവിന്‍റെ അമ്മയുടെ വിയോഗത്തില്‍ ലെസ്റ്റര്‍ ഇടവകയിലെ വിശ്വാസി സമൂഹത്തിന്‍റെ അനുശോചനങ്ങള്‍ ലെസ്റ്റര്‍ ഇടവക വികാരിയും ഗ്രേറ്റ് ബ്രിട്ടന്‍ സീറോമലബാര്‍ രൂപത വികാരി ജനറാള്‍ മോണ്‍സിഞ്ഞോര്‍ ഫാ. ജോര്‍ജ്ജ് ചേലക്കല്‍ അറിയിച്ചു.

മറ്റു മക്കൾ : പരേതനായ അഡ്വ. മാത്യു, ജോൺസ് മാത്യു, ഷാജി മാത്യു ,ബിജു മാത്യു, ജിപ്സൺ മാത്യു ( സെൻറ് ജോസഫ് എൻജിനീയറിങ് കോളേജ് പാലാ) മരുമക്കൾ : ഫിലോമിന തൊടുകയിൽ (വലിയ കൊട്ടാരം), ആഗ്നസ് ഇടയാടിയിൽ (പൂഞ്ഞാർ), ബിജി പുരയിടത്തിൽ (കൊല്ലപ്പള്ളി ), ദീപ മടുക്കാവിൽ ( ഉരുളികുന്നം), പഴയിടം പാമ്പൂരിക്കൽ ജിഷ (അധ്യാപിക, സെന്റ് തോമസ് ഹൈസ്കൂൾ, പാലാ).

ഗ്രേറ്റ് ബ്രിട്ടൻ രൂപതാ അധ്യക്ഷൻ മാർ ജോസഫ് സ്രാമ്പിക്കലിന്റെ മാതാവിൻെറ നിര്യാണത്തിൽ മലയാളംയുകെ ന്യൂസിന്റെ അനുശോചനം ബന്ധുക്കളെയും സുഹൃത്തുക്കളെയും അറിയിക്കുന്നു.

ന്യൂസ് ഡെസ്ക് മലയാളം യുകെ ന്യൂസ്

ലണ്ടൻ: സാമ്പത്തികരംഗത്തെ പ്രതിസന്ധി പഴയത് പോലെ തുടരുകയാണ്. മാറ്റങ്ങൾ കൊണ്ടുവരുമെന്നും, നിലവിലെ പ്രതിസന്ധികൾക്ക് പരിഹാരം കണ്ടെത്തുമെന്നും പറഞ്ഞ് അധികാരത്തിൽ വന്ന പുതിയ ഗവണ്മെന്റ് വാഗ്ദാനം മറന്നുപോയോ എന്നും വിമർശനം ഉയരുന്നുണ്ട്. സമ്പദ് വ്യവസ്ഥ തിരിച്ചുവരുമെന്ന് ജെറമി ഹണ്ട് നടത്തിയ പരാമർശം ഏറെ ചർച്ചയായിരുന്നു.

എന്നാൽ അദ്ദേഹം ഇപ്പോൾ നിർണായക മുന്നറിയിപ്പുമായി രംഗത്ത് വന്നിരിക്കുകയാണ്. മുൻപോട്ടുള്ളത് കഠിനമായ പാതയാണെന്നും ജൂലൈ മുതൽ സെപ്തംബർ വരെയുള്ള കാലയളവിൽ ജിഡിപിയിൽ 0.2 ശതമാനം ഇടിവുണ്ടായത് നിലവിൽ സാമ്പത്തിക രംഗത്ത് വലിയ പ്രഹരമാണ് ഏൽപ്പിച്ചത്. ഇത് പരിമിതപെടുത്താൻ അടിയന്തിര ഇടപെടൽ നടത്തുകയാണെന്നും അദ്ദേഹം വ്യക്തമാക്കി.

വളരെ വേഗത്തിൽ ഇത് പരിഹരിക്കാനാണ് അധികൃതർ ശ്രമിക്കുന്നത്. കണക്കുകൾ ആശങ്കയ്ക്ക് കാരണം ആകുന്നുണ്ടെങ്കിലും വലിയൊരു മാന്ദ്യത്തിലേക്ക് പോകില്ലെന്നാണ് വിദഗ്ധർ അഭിപ്രായപ്പെടുന്നത്. എന്നാൽ രണ്ടാം പാദത്തിൽ 0.2 ശതമാനം വളർച്ചയാണെന്ന് കാണിച്ചിരുന്നു. ആ സാഹചര്യത്തിൽ രാജ്യം ഒരു നൂറ്റാണ്ടിലെ ഏറ്റവും വലിയ തകർച്ചയിലേക്ക് വീഴുമെന്ന് ബാങ്ക് ഓഫ് ഇംഗ്ലണ്ട് കഴിഞ്ഞ ആഴ്ച മുന്നറിയിപ്പുമായി രംഗത്ത് വന്നിരുന്നു. പണപ്പെരുപ്പം നിയന്ത്രണവിധേയമാക്കേണ്ടതിന്റെയും സർക്കാർ കടം കുറയ്ക്കുന്നതിന്റെയും ആവശ്യകതയാണ് ജിഡിപി കണക്കുകൾ ഉയർത്തിക്കാട്ടുന്നതെന്ന് ചാൻസിലർ പറഞ്ഞു.

ന്യൂസ് ഡെസ്ക് മലയാളം യുകെ ന്യൂസ്

നേഴ്സുമാർക്ക് പിന്നാലെ പബ്ലിക് ആൻഡ് കൊമേഴ്സ്യൽ സർവീസ് യൂണിയനും സമരം പ്രഖ്യാപിച്ചത് ഭരണനേതൃത്വത്തെ ഞെട്ടിച്ചിരിക്കുകയാണ്. പിസിഎസിലെ ഒരു ലക്ഷത്തോളം അംഗങ്ങളാണ് സമരത്തിന് അനുകൂലമായി വോട്ട് ചെയ്തിരിക്കുന്നത്. പണപ്പെരുപ്പത്തിനും ജീവിത ചിലവ് വർദ്ധനവിനും ആനുപാതികമായിട്ടുള്ള മെച്ചപ്പെട്ട ശമ്പള വർദ്ധനവിന് വേണ്ടിയാണ് സമരപ്രഖ്യാപനമെന്ന് പബ്ലിക് ആൻഡ് കൊമേഴ്സ് സർവീസ് യൂണിയൻ അറിയിച്ചു.

പി സി എസിയുടെ സമരപ്രഖ്യാപനം രാജ്യത്തെ ഒട്ടുമിക്ക ഓഫീസുകളുടെയും പ്രവർത്തനങ്ങളെ ബാധിക്കുമെന്നാണ് പുറത്തുവരുന്ന വിവരങ്ങൾ സൂചിപ്പിക്കുന്നത്. ബോർഡർ ഫോഴ്സ് ഉദ്യോഗസ്ഥർ മുതൽ ഡ്രൈവിംഗ് ടെസ്റ്റ് എക്സാമിനർ വരെയുള്ള 126 വിവിധ മേഖലകളിലെ ജീവനക്കാരാണ് പബ്ലിക് ആൻഡ് കൊമേഴ്സ്യൽ സർവീസ് യൂണിയനിൽ അംഗങ്ങളായിട്ടുള്ളത്. 10 ശതമാനം ശമ്പള വർദ്ധനവാണ് യൂണിയൻറെ പ്രധാന ആവശ്യങ്ങളിൽ ഒന്ന്. ഇത് കൂടാതെ മെച്ചപ്പെട്ട പെൻഷനും തൊഴിൽ സുരക്ഷയുമാണ് യൂണിയൻ മുന്നോട്ട് വയ്ക്കുന്ന മറ്റ് ആവശ്യങ്ങൾ .

അടുത്ത രണ്ട് വർഷത്തേയ്ക്ക് രാജ്യം കടുത്ത സാമ്പത്തിക മാന്ദ്യത്തിലേയ്ക്ക് കൂപ്പുകുത്തുമെന്നുള്ള റിപ്പോർട്ടുകൾ പുറത്തുവന്നിരുന്നു. പണപ്പെരുപ്പവും ജീവിത ചിലവിലെ വർദ്ധനവും രാജ്യമൊട്ടാകെയുള്ള ജനങ്ങളെ വീർപ്പുമുട്ടിക്കുകയാണ്. രാജ്യം ഇതുവരെ അഭിമുഖീകരിച്ചിട്ടില്ലാത്ത സമര പ്രഖ്യാപനങ്ങൾ ഋഷി സുനക് സർക്കാരിന് ഒരു വെല്ലുവിളി തന്നെയാണ്.

ന്യൂസ് ഡെസ്ക് മലയാളം യുകെ ന്യൂസ്

ലണ്ടൻ: പ്രമേഹരോഗം പലരെയും അലട്ടുന്ന ഒരു പ്രധാന പ്രശ്നമാണ്. പ്രമേഹരോഗികളിൽ വിരൽ വികസിക്കാനുള്ള സാധ്യത കൂടുതലാണെന്നുള്ള ഏറ്റവും പുതിയ പഠനം ഇപ്പോൾ ചർച്ചയാവുകയാണ്. സ്വീഡനിലെ ലണ്ട് യൂണിവേഴ്സിറ്റി നടത്തിയ പഠനത്തിലാണ് ഇക്കാര്യം പറയുന്നത്. ട്രിഗർ ഫിംഗർ എന്നത് കൈയുടെ ഒന്നോ അതിലധികമോ ടെൻഡോണുകളെ ബാധിക്കുന്ന ഒരു അവസ്ഥയാണ്, ഇത് ബാധിച്ച വിരലോ തള്ളവിരലോ വളയ്ക്കുന്നതിന് ബുദ്ധിമുട്ടാണ്.

ട്രിഗർ വിരൽ ഉള്ള ആളുകൾക്ക് സാധാരണയായി കോർട്ടിസോൺ കുത്തിവെപ്പ് ഉപയോഗിച്ച് ഈ അവസ്ഥയെ ചികിത്സിക്കാൻ കഴിയും, എന്നാൽ ചില സന്ദർഭങ്ങളിൽ, ശസ്ത്രക്രിയ ആവശ്യമായി വന്നേക്കാം. ഇത്തരം സാഹചര്യങ്ങളിൽ അത് തന്നെയാണ് മുഖ്യപരിഹാരമെന്നും പഠനം പറയുന്നുണ്ട്. എന്നാൽ വിഷയത്തിൽ വിദഗ്ധർ പലരീതിയിലാണ് അഭിപ്രായപ്പെടുന്നത്. മുതിർന്ന എഴുത്തുകാരനായ മത്തിയാസ് റൈഡ്‌ബെർഗിന്റെ വാക്കുകൾ, ടൈപ്പ് 1, ടൈപ്പ് 2 പ്രമേഹമുള്ള ആളുകൾക്ക് ട്രിഗർ വിരലുകൾ കൂടുതലായി ബാധിക്കുന്നുവെന്നും, ശസ്ത്രക്രിയ ആവശ്യമായി വരുന്നവരിൽ 20 ശതമാനത്തിലധികം പേരും പ്രമേഹമുള്ളവരാണെന്നും പറയുന്നു.

ഗവേഷണത്തിൽ ആളുകൾ ഔദ്യോകിക കണക്കുകളെയും കേന്ദ്രങ്ങളെയും ഉപയോഗിച്ചാണ് പഠനം നടത്തിയത്. ആരോഗ്യസംവിധാനത്തിന്റെ കേന്ദ്രങ്ങൾ അവർ ഇതിനായി ഉപയോഗപ്പെടുത്തി. കണക്കുകൾ അനുസരിച്ച് സ്വീഡിഷ് ജനസംഖ്യയുടെ ഒരു ശതമാനത്തോളം പേരിൽ ട്രിഗർ വിരൽ ബാധിക്കുന്നുണ്ടെന്നും, പ്രമേഹമുള്ളവരിൽ 10 മുതൽ 15 ശതമാനം വരെ ഈ അവസ്ഥ സ്ഥിരീകരിച്ചിട്ടുണ്ടെന്നും പഠനം വ്യക്തമാക്കുന്നു.

ന്യൂസ് ഡെസ്ക് മലയാളം യുകെ ന്യൂസ്

രാജ്യം സമര തീച്ചൂളയിലേയ്ക്ക് എറിയപ്പെടുകയാണ് . റോയൽ കോളേജ് ഓഫ് നേഴ്സിംഗിലെ അംഗങ്ങൾ സമരം പ്രഖ്യാപിച്ചത് എൻഎച്ച്എസ്സിന്റെ പ്രവർത്തനങ്ങളെ കാര്യമായി ബാധിക്കുമെന്ന് ഉറപ്പായി. ഇത് എത്രമാത്രം രോഗി പരിപാലനത്തെ ബാധിക്കുമെന്ന ആശങ്കയിലാണ് ഭരണനേതൃത്വം . സമരം നീണ്ടുനിൽക്കുകയാണെങ്കിൽ അത്യാവശ്യ സർവീസുകൾ ഉൾപ്പെടെ മുടങ്ങുമെന്നാണ് വിലയിരുത്തപ്പെടുന്നത്.

ഇതിനിടെ തങ്ങളുടെ സമരത്തിന് പൊതുജന പിന്തുണ നേടി നേഴ്സുമാർ രംഗത്തെത്തി. റോയൽ കോളേജ് ഓഫ് നേഴ്സിങ്ങിനെ പ്രതിനിധീകരിച്ച് പാറ്റ് കുള്ളൻ ആണ് പൊതുജനത്തിനായി തുറന്ന കത്ത് എഴുതിയിരിക്കുന്നത്. 166 വർഷത്തെ ചരിത്രത്തിൽ ഇതാദ്യമായാണ് റോയൽ കോളേജ് ഓഫ് നേഴ്സിങ്ങിലെ എല്ലാ അംഗങ്ങളും സമരത്തിനോട് അനുകൂലമായി വോട്ട് ചെയ്യുന്നത്. മറ്റ് നേഴ്സിംഗ് യൂണിയനുകളായ റോയൽ കോളേജ് ഓഫ് മിഡ്‌വൈഫറി , ജി എം പി, യുണൈറ്റി, യൂണിയൻ എന്നീ സംഘടനയുടെ സമര പ്രഖ്യാപനവും ഉടൻ ഉണ്ടാകുമെന്നാണ് പുറത്തുവരുന്ന വിവരങ്ങൾ സൂചിപ്പിക്കുന്നത്.

ഇംഗ്ലണ്ടിലെ 130 എൻഎച്ച് എസ് ട്രസ്റ്റുകളാണ് നിലവിൽ സമരത്തിനായി തിരഞ്ഞെടുക്കപ്പെട്ടിരിക്കുന്നത്. വെയിൽസിൽ 12 ഉം സ്കോഡ്ലൻഡിൽ 23 ഉം നോർത്തേൺ ഐർലൻഡിൽ 11 ഉം എൻ എച്ച് എസ് ട്രസ്റ്റുകളെ സമരം ബാധിക്കും . റോയൽ കോളേജ് ഓഫ് നേഴ്സിംഗിലെ അംഗങ്ങൾ പണിമുടക്കുന്നത് ബാധിക്കുന്ന എൻ എച്ച് എസ് ട്രസ്റ്റുകളുടെ വിവരങ്ങളാണ് ഇത് . എന്നാൽ മറ്റു യൂണിയനുകൾ പണിമുടക്ക് പ്രഖ്യാപിക്കുകയാണെങ്കിൽ സമരം കൂടുതൽ ഹോസ്പിറ്റലുകളെ ബാധിക്കും. നേഴ്സുമാരുടെ സമര പ്രഖ്യാപനത്തിന് തുടർച്ചയായി പബ്ലിക് ആൻഡ് കൊമേഴ്സ്യൽ സർവീസസും സമരം മുഖത്തേയ്ക്കെന്ന റിപ്പോർട്ടുകൾ പുറത്തുവന്നിരുന്നു .ഇത് രാജ്യത്തെ വിവിധ മേഖലകളെ ബാധിക്കും.

ന്യൂസ് ഡെസ്ക് മലയാളം യുകെ ന്യൂസ്

ലണ്ടൻ: അടിസ്ഥാനമായ വിവിധ ആവശ്യങ്ങളും, വേതന വർധനവും ആവശ്യപ്പെട്ടു നേഴ്സുമാർ സംഘടിപ്പിക്കുന്ന പണിമുടക്ക് പുരോഗമിക്കുകയാണ്. സർക്കാരിന് മുൻപിൽ വെച്ച ആവശ്യങ്ങൾ അംഗീകരിക്കാതെ മുൻപോട്ട് പോകാൻ കഴിയില്ലെന്ന അവസ്ഥയിലാണ് നിലവിൽ കാര്യങ്ങൾ പോകുന്നത്. വാക്ക്-ഔട്ടുകൾ ഉൾപ്പെടെ നടക്കുമെന്ന മുന്നറിയിപ്പുകൾക്കിടയിൽ സർക്കാരും ‘മിലിറ്റന്റ്’ നേഴ്സിംഗ് യൂണിയനും തമ്മിലുള്ള നിർണായക ചർച്ചകൾ ഇന്ന് നടക്കുകയാണ്.

ഹെൽത്ത് സെക്രട്ടറി സ്റ്റീവ് ബാർക്ലേ, തൊഴിലാളികൾ ഒന്നാകെ മുൻപോട്ട് വെച്ചിരിക്കുന്ന സമരത്തിൽ നിർണായക ഇടപെടലുമായി രംഗത്ത് വന്നിരിക്കുകയാണ്. ഇതിന്റെ ഭാഗമായി അദ്ദേഹം റോയൽ കോളേജ് ഓഫ് നേഴ്‌സിംഗിന്റെ മേധാവി പാറ്റ് കുള്ളനെ കാണുമെന്ന് വ്യക്തമാക്കിയിട്ടുണ്ട്. മുൻപെങ്ങും ഇല്ലാത്ത രീതിയിൽ, യൂണിയന്റെ ഭാഗമായ മുഴുവൻ ആളുകളും സമരത്തെ അനുകൂലിച്ചു വോട്ട് രേഖപ്പെടുത്തിയത് ഭരണകേന്ദ്രങ്ങളെ അക്ഷരാർത്ഥത്തിൽ ഞെട്ടിച്ചിരിക്കുകയാണ്. അവരുടെ ഐക്യത്തിന് മുന്നിൽ സർക്കാർ മുട്ട് മടക്കേണ്ടി വരുമെന്നാണ് നിലവിലെ സംഭവവികാസങ്ങൾ പറയുന്നത്.

ജീവിതചിലവുകൾ ദിനതോറും വർധിക്കുകയാണ്. ആരോഗ്യമേഖലയിൽ ഏറ്റവും കൂടുതൽ തൊഴിൽ ചെയ്യേണ്ടത് നേഴ്സുമാരാണ്. എന്നാൽ അവർക്ക് നാളിതുവരെയായി വേതനം വർധിപ്പിച്ചു നൽകിയിട്ടില്ല. 35,000 പൗണ്ട് സമ്പാദിക്കുന്ന ഒരു ശരാശരി നേഴ്‌സിന് 6,000 പൗണ്ടിന് തുല്യമായി ഏകദേശം 17 ശതമാനം ശമ്പള വർദ്ധനവിന് വേണ്ടിയാണ് നിലവിൽ സമരം നടത്തുന്നത്. എന്നാൽ ഈ ആവശ്യത്തെ നിരാകരിച്ചു സ്റ്റീവ് ബാർക്ലേ നേരത്തെ രംഗത്ത് വന്നിരുന്നു.

ന്യൂസ് ഡെസ്ക് മലയാളം യുകെ ന്യൂസ്

സ്വകാര്യതയ്ക്കും വ്യക്തിഗത വിവരങ്ങൾക്കും വളരെ പ്രാധാന്യം കൊടുക്കുന്ന രാജ്യമാണ് ബ്രിട്ടൻ . അതുകൊണ്ടുതന്നെ വ്യക്തികളുടെ സ്വകാര്യവിവരങ്ങൾ വാണിജ്യ താൽപര്യങ്ങൾക്കായി നൽകുന്നതിനെയും അതുവഴി ലാഭം കൊയ്യുന്നതിനെയും ശക്തമായ നിയമങ്ങൾ വഴി ശിക്ഷ അർഹിക്കുന്ന കുറ്റങ്ങളാണ്. കലണ്ടർ തുടങ്ങി സമ്മാനങ്ങൾ പോസ്റ്റലിൽ അയക്കുന്നതിനായി മേൽവിലാസം ശേഖരിക്കുന്നതിന്റെ പുറകിൽ ഒളിഞ്ഞിരിക്കുന്ന കച്ചവട കണ്ണിനെ കുറിച്ച് യുകെ മലയാളികളിൽ പലരും അത്ര ബോധവാന്മാരല്ല. നിങ്ങളുടെ സ്വകാര്യ വിവരങ്ങൾ പല ബിസിനസ് സ്ഥാപനങ്ങൾക്കും നൽകി ലാഭം കൊയ്യുന്ന പ്രക്രിയയിൽ അറിയാതെ നമ്മൾ കണ്ണികൾ ആകുന്ന കാര്യം വിസ്മരിക്കരുത്. ചെറിയ ഇരയെ കാട്ടി ചൂണ്ടയിട്ട് വൻ മത്സ്യങ്ങളെ വേട്ടയാടുന്ന നയം തന്നെയാണ് ഇവിടെ കച്ചവട കണ്ണോടെ ഇവർ പയറ്റുന്നത്.

മേൽവിലാസവും ഫോൺ നമ്പറും ഈമെയിൽ ഐഡിയും കൊടുക്കുമ്പോൾ നൈറ്റ് ഷിഫ്റ്റ് കഴിഞ്ഞ് കിടന്നുറങ്ങുന്ന നമ്മുടെ ഉറക്കം കെടുത്തുന്ന മാർക്കറ്റിംഗ് ഫോൺ കോളുകൾക്ക് പിന്നിലുള്ളത് നമ്മൾ കൊടുത്ത ഈ വിവരങ്ങൾ ആണെന്നുള്ളത് നമ്മൾ മനസ്സിലാക്കുന്നില്ല. അതുപോലെ തന്നെ നമ്മുടെ ഈമെയിൽ ഐഡിയിലേക്ക് വരുന്ന പ്രമോഷണൽ, മാർക്കറ്റിംഗ് മെയിലുകളുടെ പിന്നിലുള്ളതും നമ്മൾ ഇങ്ങനെ കൊടുക്കുന്ന വിവരങ്ങൾ ആണെന്നുള്ളതാണ് സത്യം. ഒരാളുടെ ഈമെയിൽ ഐഡിയും ഫോൺ നമ്പറും കൊടുക്കുകയാണെങ്കിൽ ചെറിയ കമ്പനികൾ വരെ നാല് പൗണ്ട് വരെ കൊടുക്കുന്നുണ്ട്. എത്തിനിക് വിവരങ്ങൾ, പ്രായം എന്നിവയൊക്കെ കൊടുക്കുകയാണെങ്കിൽ കിട്ടുന്ന തുക വളരെ വലുതാണ് . യുകെയിലെ മലയാളി സമൂഹത്തെ കേന്ദ്രീകരിച്ചുള്ള ഒട്ടുമിക്ക മാർക്കറ്റിങ്ങുകൾക്കും പിന്നിലും നമ്മൾ കൊടുക്കുന്ന ഇത്തരം വിവരങ്ങളാണുള്ളത്.

ഏതെങ്കിലും മാധ്യമങ്ങൾക്കോ സ്ഥാപനങ്ങൾക്കോ വ്യക്തിഗത വിവരങ്ങൾ കൈമാറുമ്പോൾ അവരുടെ ഉദ്ദേശശുദ്ധിയെക്കുറിച്ച് നാം ബോധവാന്മാരാകണം. നിസ്സാരമെന്ന് പ്രഥമദൃഷ്ടിയിൽ തോന്നാമെങ്കിലും പിന്നീട് ലഭിക്കുന്ന മാർക്കറ്റിംഗ് ഫോൺകോളുകളിൽ നിന്ന് മാത്രം നമ്മുടെ വിവരങ്ങൾ വൻ ലാഭത്തിൽ കൈമാറിയതിന്റെ കച്ചവട കണ്ണുകളുടെ നേർചിത്രം മനസ്സിലാക്കാൻ സാധിക്കുകയുള്ളൂ.

ഇന്ന് ലോകത്ത് ഏറ്റവും കൂടുതൽ വിലമതിക്കുന്ന ഒന്നാണ് ഡേറ്റയും അതിൽ നിന്ന് ഒരുത്തിരിയുന്ന വിവരങ്ങളും. പ്രത്യേകിച്ച് വ്യക്തിഗത വിവരങ്ങൾ പല രീതിയിലും പ്രാധാന്യം ഏറിയവയാണ്. വ്യക്തിഗത വിവരങ്ങളിലൂടെ അഭിരുചികളിലൂടെ നമ്മുടെ ആവശ്യങ്ങൾ മനസ്സിലാക്കി ലാഭം കൊയ്യാൻ മത്സരിക്കുകയാണ് വൻകിട കമ്പനികൾ . ഗൂഗിളും ഫേസ്ബുക്കും ഉൾപ്പെടെയുള്ള ടെക്നോളജി ഭീമന്മാരുടെയും വൻ ലാഭത്തിന്റെ അടിസ്ഥാനം ഉപഭോക്താക്കളുടെ വിവരങ്ങളും അവരുടെ ആവശ്യങ്ങളെയും അടിസ്ഥാനമാക്കിയുള്ള ബിസിനസ് തന്ത്രങ്ങളാണ്. ഏതെങ്കിലും ആവശ്യങ്ങൾക്കായോ പ്രോഡക്റ്റിനായോ ഗൂഗിൾ സെർച്ച് ചെയ്യുമ്പോൾ അനുബന്ധമായി ലഭിക്കുന്ന പ്രോഡക്റ്റ് റെക്കമെന്റേഷനിൽ നിന്ന് നമ്മുടെ ഓരോ ചലനങ്ങളും കമ്പനികൾ എങ്ങനെ ഉപയോഗിക്കുന്നു എന്നതിൻറെ ചെറിയൊരു ഉദാഹരണം മാത്രമാണ്.

ന്യൂസ് ഡെസ്ക് മലയാളം യുകെ ന്യൂസ്

ലണ്ടൻ: നേഴ്സുമാരുടെ സമരത്തിനിടയിൽ വാക് ഔട്ട്‌ നടത്തിയ ആശുപത്രികളുടെ പേര് വിവരങ്ങൾ വെളിപ്പെടുത്തി യൂണിയൻ രംഗത്ത് വന്നിരിക്കുകയാണ്. 106 വർഷം പഴക്കമുള്ള യൂണിയന്റെ നിർണായകമായ ഇടപെടലാണിത്. സമരത്തെ അനുകൂലിച്ചു മുഴുവൻ ആളുകളും വോട്ട് രേഖപ്പെടുത്തി രംഗത്ത് വന്നു എന്നുള്ളതും ശ്രദ്ധേയമാണ്.

യൂണിയന്റെ 106 വർഷത്തെ ചരിത്രത്തിൽ വ്യാവസായിക പ്രവർത്തനങ്ങളെക്കുറിച്ചുള്ള ആദ്യ വോട്ടെടുപ്പിൽ 300,000-ത്തിലധികം അംഗങ്ങൾ റോയൽ കോളേജ് ഓഫ് നേഴ്‌സിംഗിൽ വോട്ട് ചെയ്തതിനു പിന്നാലെയാണിത്. ഏകദേശം 100 എൻ എച്ച് എസ് ട്രസ്റ്റുകളിലെ നേഴ്‌സുമാർ ഇംഗ്ലണ്ടിലെ സ്ട്രൈക്കുകൾക്ക് അനുകൂലമായി വോട്ട് രേഖപ്പെടുത്തിയപ്പോൾ ചെറിയ ആംബുലൻസ് ട്രസ്റ്റുകളും അതിൽ പങ്കാളികളായി. ആവശ്യങ്ങൾ നേടിയെടുക്കാൻ ഒത്തൊരുമയോടെ ചേർന്ന് നിന്ന് പ്രവർത്തിക്കുന്ന, ഐക്യത്തിന്റെ പുതിയ സന്ദേശമാണ് ഇതിലൂടെ തുറന്ന് കാട്ടുന്നത്.

ദൈവത്തിന്റെ മാലാഖമാർ എന്ന് നിരന്തരം വാഴ്ത്തുപാട്ടുകൾ ഉരുവിടുന്ന മനുഷ്യർ ഇവരുടെ അവസ്ഥകളെ കണ്ടില്ലെന്ന് നടിക്കുകയാണ് ചെയ്യുന്നത്. അർഹമായ ആനുകൂല്യങ്ങൾ നൽകാതെയും, അടിസ്ഥാന ശമ്പളത്തിനെതിരെ കണ്ണടയ്ക്കുകയും ചെയ്യുന്ന സമീപനം തിരുത്തപ്പെടേണ്ടത് തന്നെയാണ്. ഇതിനെതിരെയാണ് ഐക്യത്തോടെ നേഴ്സുമാർ ഇപ്പോൾ രംഗത്ത് വന്നിരിക്കുന്നത്.

RCN-ന്റെ ശമ്പള അഭ്യർത്ഥന പാലിക്കാൻ മന്ത്രിമാർ വിസമ്മതിച്ചതും പ്രതിഷേധത്തിനു കാരണമായി. എന്നാൽ ഈ നടപടിക്ക് എതിരെ രൂക്ഷ വിമർശനവുമയാണ് ടോറി നേതൃത്വം എത്തിയത്. ഇത് ക്രിമിനൽ നടപടിയാണെന്നും ഇതിലൂടെ ധാരാളം മനുഷ്യർക്ക് ജീവൻ നഷ്ടപ്പെടുമെന്നും മുന്നറിയിപ്പ് നൽകി.

വാക് ഔട്ട്‌ നടത്തിയ ആശുപത്രികൾ..

ഈസ്റ്റ് മിഡ്‌ലാൻഡ്‌സ്

ഈസ്റ്റ് മിഡ്‌ലാൻഡ്സ് ആംബുലൻസ് സർവീസ് NHS ട്രസ്റ്റ്

എൻഎച്ച്എസ് ഡെർബിയും ഡെർബിഷെയർ ഐസിബിയും (ജോയിൻഡ് അപ്പ് കെയർ ഡെർബിഷെയർ)

എൻഎച്ച്എസ് നോട്ടിംഗ്ഹാം, നോട്ടിംഗ്ഹാംഷെയർ ഐ സി ബി

ഡെർബിഷയർ ഹെൽത്ത് കെയർ എൻഎച്ച്എസ് ഫൗണ്ടേഷൻ ട്രസ്റ്റ്

നോർത്താംപ്ടൺഷയർ ഹെൽത്ത്കെയർ എൻഎച്ച്എസ് ഫൗണ്ടേഷൻ ട്രസ്റ്റ്

ഡെർബിഷയർ കമ്മ്യൂണിറ്റി ഹെൽത്ത് സർവീസസ് എൻഎച്ച്എസ് ഫൗണ്ടേഷൻ ട്രസ്റ്റ്

നോട്ടിംഗ്ഹാംഷെയർ ഹെൽത്ത്കെയർ എൻഎച്ച്എസ് ഫൗണ്ടേഷൻ ട്രസ്റ്റ്

നോട്ടിംഗ്ഹാം യൂണിവേഴ്സിറ്റി ഹോസ്പിറ്റൽസ് എൻഎച്ച്എസ് ട്രസ്റ്റ്

കെറ്ററിംഗ് ജനറൽ ഹോസ്പിറ്റൽ NHS ഫൗണ്ടേഷൻ ട്രസ്റ്റ്

ഈസ്റ്റ് ഓഫ് ഇംഗ്ലണ്ട്

കേംബ്രിഡ്ജ്ഷെയർ ആൻഡ് പീറ്റർബറോ എൻഎച്ച്എസ് ഫൗണ്ടേഷൻ ട്രസ്റ്റ്

നോർഫോക്ക് ആൻഡ് നോർവിച്ച് യൂണിവേഴ്സിറ്റി ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ്

കേംബ്രിഡ്ജ് യൂണിവേഴ്സിറ്റി ഹോസ്പിറ്റൽ എൻഎച്ച്എസ് ഫൗണ്ടേഷൻ ട്രസ്റ്റ്

റോയൽ പാപ്വർത്ത് ഹോസ്പിറ്റൽ എൻഎച്ച്എസ് ഫൗണ്ടേഷൻ ട്രസ്റ്റ്

ഈസ്റ്റ് സഫോക്ക് ആൻഡ് നോർത്ത് എസെക്സ് എൻഎച്ച്എസ് ഫൗണ്ടേഷൻ ട്രസ്റ്റ്

നോർഫോക്ക് കമ്മ്യൂണിറ്റി ഹെൽത്ത് ആൻഡ് കെയർ എൻഎച്ച്എസ് ട്രസ്റ്റ്

നോർഫോക്ക് ആൻഡ് സഫോക്ക് എൻഎച്ച്എസ് ഫൗണ്ടേഷൻ ട്രസ്റ്റ്

കേംബ്രിഡ്ജ്ഷയർ കമ്മ്യൂണിറ്റി സർവീസസ് എൻഎച്ച്എസ് ട്രസ്റ്റ്

ഹെർട്ട്ഫോർഡ്ഷയർ കമ്മ്യൂണിറ്റി NHS ട്രസ്റ്റ്

വെസ്റ്റ് സഫോക്ക് എൻഎച്ച്എസ് ഫൗണ്ടേഷൻ ട്രസ്റ്റ്

എൻഎച്ച്എസ് ഹെർട്ട്ഫോർഡ്ഷെയറും വെസ്റ്റ് എസെക്സ് ഐസിബിയും

എൻഎച്ച്എസ് മിഡ് ആൻഡ് സൗത്ത് എസെക്സ് ഐസിബി

എൻഎച്ച്എസ് നോർഫോക്കും വേവെനി ഐസിബിയും

എൻഎച്ച്എസ് സഫോൾക്കും നോർത്ത് ഈസ്റ്റ് എസെക്സ് ഐസിബിയും

ലണ്ടൻ

ഇംപീരിയൽ കോളേജ് ഹെൽത്ത് കെയർ എൻഎച്ച്എസ് ട്രസ്റ്റ്

ഗയ്‌സും സെന്റ് തോമസ് എൻഎച്ച്എസ് ഫൗണ്ടേഷൻ ട്രസ്റ്റും

കുട്ടികൾക്കുള്ള ഗ്രേറ്റ് ഓർക്കണ്ട് സ്ട്രീറ്റ് ഹോസ്പിറ്റൽ എൻഎച്ച്എസ് ഫൗണ്ടേഷൻ ട്രസ്റ്റ്

ഹൗൺസ്ലോയുംറിച്ച്മണ്ട് കമ്മ്യൂണിറ്റി ഹെൽത്ത് കെയർ എൻഎച്ച്എസ് ട്രസ്റ്റും

സെന്റ് ജോർജ്ജ് യൂണിവേഴ്സിറ്റി ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ്

കിംഗ്സ് കോളേജ് ഹോസ്പിറ്റൽ എൻഎച്ച്എസ് ഫൗണ്ടേഷൻ ട്രസ്റ്റ്

റോയൽ മാർസ്ഡൻ എൻഎച്ച്എസ് ഫൗണ്ടേഷൻ ട്രസ്റ്റ്

ടാവിസ്റ്റോക്കും പോർട്ട്മാൻ എൻഎച്ച്എസ് ഫൗണ്ടേഷൻ ട്രസ്റ്റും

യൂണിവേഴ്സിറ്റി കോളേജ് ലണ്ടൻ ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ്

എൻഎച്ച്എസ് നോർത്ത് സെൻട്രൽ ലണ്ടൻ ഐസിബി

എൻഎച്ച്എസ് സൗത്ത് വെസ്റ്റ് ലണ്ടൻ ഐസിബി

എൻഎച്ച്എസ് റെസല്യൂഷൻ

നോർത്ത് വെസ്റ്റ്

മെർസി കെയർ എൻഎച്ച്എസ് ഫൗണ്ടേഷൻ ട്രസ്റ്റ്

ടാംസൈഡ് ആൻഡ് ഗ്ലോസോപ്പ് ഇന്റഗ്രേറ്റഡ് കെയർ എൻഎച്ച്എസ് ഫൗണ്ടേഷൻ ട്രസ്റ്റ്

ലിവർപൂൾ ഹാർട്ട് ആൻഡ് ചെസ്റ്റ് ഹോസ്പിറ്റൽ എൻഎച്ച്എസ് ട്രസ്റ്റ്

ലങ്കാഷയർ ടീച്ചിംഗ് ഹോസ്പിറ്റൽസ് NHS

ഫൗണ്ടേഷൻ ട്രസ്റ്റ് ക്ലാറ്റർബ്രിഡ്ജ് കാൻസർ സെന്റർ എൻഎച്ച്എസ് ട്രസ്റ്റ്

ക്രിസ്റ്റി എൻഎച്ച്എസ് ഫൗണ്ടേഷൻ ട്രസ്റ്റ്

റൈറ്റിംഗ്ടൺ വിഗാനും ലെയ് എൻഎച്ച്എസ് ഫൗണ്ടേഷൻ ട്രസ്റ്റും

ചെസ്റ്റർ ഹോസ്പിറ്റൽ എൻഎച്ച്എസ് ഫൗണ്ടേഷൻ ട്രസ്റ്റിന്റെ കൗണ്ടസ്

നോർത്ത് വെസ്റ്റ് ആംബുലൻസ് സർവീസ് NHS ട്രസ്റ്റ്

ലിവർപൂൾ യൂണിവേഴ്സിറ്റി ഹോസ്പിറ്റൽസ് NHS ഫൗണ്ടേഷൻ ട്രസ്റ്റ്

മിഡ് ചെഷയർ ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ്

ബ്രിഡ്ജ് വാട്ടർ കമ്മ്യൂണിറ്റി ഹെൽത്ത് കെയർ NHS ഫൗണ്ടേഷൻ ട്രസ്റ്റ്

വിറൽ കമ്മ്യൂണിറ്റി ഹെൽത്ത് ആൻഡ് കെയർ എൻഎച്ച്എസ് ഫൗണ്ടേഷൻ ട്രസ്റ്റ്

മിഡ്‌ലാൻഡ്‌സ്, ലങ്കാഷയർ സിഎസ്‌യു

വിറൽ യൂണിവേഴ്സിറ്റി ടീച്ചിംഗ് ഹോസ്പിറ്റൽ എൻഎച്ച്എസ് ട്രസ്റ്റ് 

ലിവർപൂൾ വിമൻസ് എൻഎച്ച്എസ് ഫൗണ്ടേഷൻ ട്രസ്റ്റ്

സെൻട്രൽ ചെഷയർ ഇന്റഗ്രേറ്റഡ് കെയർ പാർട്ണർഷിപ്പ്

സെന്റ് ഹെലൻസ് ആൻഡ് നോസ്ലി ടീച്ചിംഗ് ഹോസ്പിറ്റൽസ് എൻഎച്ച്എസ് ട്രസ്റ്റ്

ആൽഡർ ഹേ ചിൽഡ്രൻസ് NHS ഫൗണ്ടേഷൻ ട്രസ്റ്റ്

വാൾട്ടൺ സെന്റർ NHS ഫൗണ്ടേഷൻ ട്രസ്റ്റ്

ആരോഗ്യ വിദ്യാഭ്യാസം ഇംഗ്ലണ്ട്

എൻഎച്ച്എസ് ചെഷയർ, മെർസിസൈഡ് ഐസിബി

എൻഎച്ച്എസ് ലങ്കാഷെയറും സൗത്ത് കുംബ്രിയ ഐസിബിയും

ചെഷയർ ആൻഡ് വൈറൽ പാർട്ണർഷിപ്പ് എൻഎച്ച്എസ് ഫൗണ്ടേഷൻ ട്രസ്റ്റ്

നോർത്തേൺ

നോർത്ത് ഈസ്റ്റ് ആംബുലൻസ് സർവീസ് എൻഎച്ച്എസ് ട്രസ്റ്റ്

മോറെകാംബെ ബേ എൻഎച്ച്എസ് ഫൗണ്ടേഷൻ ട്രസ്റ്റിന്റെ യൂണിവേഴ്സിറ്റി ഹോസ്പിറ്റൽസ്

നോർത്തുംബ്രിയ ഹെൽത്ത്‌കെയർ എൻഎച്ച്എസ് ഫൗണ്ടേഷൻ ട്രസ്റ്റ്

കൗണ്ടി ഡർഹാമും ഡാർലിംഗ്ടൺ എൻഎച്ച്എസ് ഫൗണ്ടേഷൻ ട്രസ്റ്റും

ഗേറ്റ്സ്ഹെഡ് ഹെൽത്ത് എൻഎച്ച്എസ് ഫൗണ്ടേഷൻ ട്രസ്റ്റ്

ന്യൂകാസിൽ അപ്പോൺ ടൈൻ ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ്

സൗത്ത് ടീസ് ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ്

നോർത്ത് ഓഫ് ഇംഗ്ലണ്ട് CSU (NECS)

സൗത്ത് ഈസ്റ്റ്

കെന്റ് കമ്മ്യൂണിറ്റി ഹെൽത്ത് എൻഎച്ച്എസ് ഫൗണ്ടേഷൻ ട്രസ്റ്റ്

ഈസ്റ്റ് സസെക്സ് ഹെൽത്ത് കെയർ എൻഎച്ച്എസ് ട്രസ്റ്റ്

യൂണിവേഴ്സിറ്റി ഹോസ്പിറ്റൽസ് സസെക്സ് എൻഎച്ച്എസ് ഫൗണ്ടേഷൻ ട്രസ്റ്റ്

സൗത്ത് ഈസ്റ്റ് കോസ്റ്റ് ആംബുലൻസ് സേവനം

സസെക്സ് കമ്മ്യൂണിറ്റി എൻഎച്ച്എസ് ഫൗണ്ടേഷൻ ട്രസ്റ്റ്

സസെക്സ് പാർട്ണർഷിപ്പ് എൻഎച്ച്എസ് ഫൗണ്ടേഷൻ ട്രസ്റ്റ്

ക്വീൻ വിക്ടോറിയ ഹോസ്പിറ്റൽ എൻഎച്ച്എസ് ഫൗണ്ടേഷൻ ട്രസ്റ്റ്

എൻഎച്ച്എസ് കെന്റും മെഡ്‌വേ ഐസിബിയും

എൻഎച്ച്എസ് സറേ ഹാർട്ട്‌ലാൻഡ്സ് ഐസിബി സതേൺ ഹെൽത്ത് എൻഎച്ച്എസ് ഫൗണ്ടേഷൻ ട്രസ്റ്റ്

ഓക്സ്ഫോർഡ് യൂണിവേഴ്സിറ്റി ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ്

പോർട്ട്സ്മൗത്ത് ഹോസ്പിറ്റൽസ് എൻഎച്ച്എസ് ട്രസ്റ്റ്

യൂണിവേഴ്സിറ്റി ഹോസ്പിറ്റൽ സതാംപ്ടൺ എൻഎച്ച്എസ് ഫൗണ്ടേഷൻ ട്രസ്റ്റ്

സൗത്ത് സെൻട്രൽ ആംബുലൻസ് സർവീസ് എൻഎച്ച്എസ്ഫൗണ്ടേഷൻ ട്രസ്റ്റ്

സോളന്റ് എൻഎച്ച്എസ് ട്രസ്റ്റ്

റോയൽ ബെർക്ക്‌ഷയർ എൻഎച്ച്എസ് ഫൗണ്ടേഷൻ ട്രസ്റ്റ്

ഓക്സ്ഫോർഡ് ഹെൽത്ത് എൻഎച്ച്എസ് ഫൗണ്ടേഷൻ ട്രസ്റ്റ്

സൗത്ത് വെസ്റ്റ് കോൺവാൾ പാർട്ണർഷിപ്പ് എൻഎച്ച്എസ് ഫൗണ്ടേഷൻ ട്രസ്റ്റ്

ഡെവോൺ പാർട്ണർഷിപ്പ് എൻഎച്ച്എസ് ട്രസ്റ്റ്

സൗത്ത് വെസ്റ്റേൺ ആംബുലൻസ് സർവീസ് എൻഎച്ച്എസ് ട്രസ്റ്റ്

സൗത്ത് വെസ്റ്റ്

ഡോർസെറ്റ് ഹെൽത്ത് കെയർ യൂണിവേഴ്സിറ്റി എൻഎച്ച്എസ് ഫൗണ്ടേഷൻ ട്രസ്റ്റ്

ഗ്ലൗസെസ്റ്റർഷെയർ ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ്

നോർത്ത് ബ്രിസ്റ്റോൾ എൻഎച്ച്എസ് ട്രസ്റ്റ്

ടോർബെയും സൗത്ത് ഡെവൺ എൻഎച്ച്എസ് ഫൗണ്ടേഷൻ ട്രസ്റ്റും

യൂണിവേഴ്സിറ്റി ഹോസ്പിറ്റൽസ് പ്ലിമൗത്ത് എൻഎച്ച്എസ് ട്രസ്റ്റ്

യൂണിവേഴ്സിറ്റി ഹോസ്പിറ്റൽസ് ബ്രിസ്റ്റോൾ ആൻഡ് വെസ്റ്റൺ എൻഎച്ച്എസ് ഫൗണ്ടേഷൻ ട്രസ്റ്റ്

ഡോർസെറ്റ് കൗണ്ടി ഹോസ്പിറ്റൽ എൻഎച്ച്എസ് ഫൗണ്ടേഷൻ ട്രസ്റ്റ്

എൻഎച്ച്എസ് രക്തവും ട്രാൻസ്പ്ലാൻറും (NHSBT)

ഗ്ലൗസെസ്റ്റർഷയർ ഹെൽത്ത് ആൻഡ് കെയർ എൻഎച്ച്എസ് ഫൗണ്ടേഷൻ ട്രസ്റ്റ്

റോയൽ ഡെവൺ യൂണിവേഴ്സിറ്റി ഹെൽത്ത്കെയർ NHS ഫൗണ്ടേഷൻ ട്രസ്റ്റ്

അവോൺ, വിൽറ്റ്ഷയർ മെന്റൽ ഹെൽത്ത് പാർട്ണർഷിപ്പ് എൻഎച്ച്എസ് ട്രസ്റ്റ്

ഗ്രേറ്റ് വെസ്റ്റേൺ ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ്

സാലിസ്ബറി എൻഎച്ച്എസ് ഫൗണ്ടേഷൻ ട്രസ്റ്റ്

യൂണിവേഴ്സിറ്റി ഹോസ്പിറ്റൽസ് ഡോർസെറ്റ് എൻഎച്ച്എസ് ഫൗണ്ടേഷൻ ട്രസ്റ്റ്

സോമർസെറ്റ് എൻഎച്ച്എസ് ഫൗണ്ടേഷൻ ട്രസ്റ്റ്

റോയൽ കോൺവാൾ ഹോസ്പിറ്റൽസ് എൻഎച്ച്എസ് ട്രസ്റ്റ്

റോയൽ യുണൈറ്റഡ് ഹോസ്പിറ്റൽസ് ബാത്ത് എൻഎച്ച്എസ് ഫൗണ്ടേഷൻ ട്രസ്റ്റ്

എൻഎച്ച്എസ് ബാത്ത്, നോർത്ത് ഈസ്റ്റ് സോമർസെറ്റ്, സ്വിന്ഡൻ, വിൽറ്റ്ഷയർ ICB (BSW ഒരുമിച്ച്)

എൻഎച്ച്എസ് ഡെവോൺ ഐ സി ബി

എൻഎച്ച്എസ് ഡോർസെറ്റ് ഐ സി ബി

വെസ്റ്റ് മിഡ്‌ലാൻഡ്സ്

മിഡ്‌ലാൻഡ്സ് പാർട്ണർഷിപ്പ് എൻഎച്ച്എസ് ഫൗണ്ടേഷൻ ട്രസ്റ്റ്

ഹെയർഫോർഡ്ഷയർ, വോർസെസ്റ്റർഷയർ ഹെൽത്ത് ആൻഡ് കെയർ എൻഎച്ച്എസ് ട്രസ്റ്റ്

റോയൽ ഓർത്തോപീഡിക് ഹോസ്പിറ്റൽ എൻഎച്ച്എസ് ഫൗണ്ടേഷൻ ട്രസ്റ്റ്

വോർസെസ്റ്റർഷയർ അക്യൂട്ട് ഹോസ്പിറ്റൽസ് എൻഎച്ച്എസ് ട്രസ്റ്റ്

ഷ്രോപ്ഷയർ കമ്മ്യൂണിറ്റി ഹെൽത്ത് എൻഎച്ച്എസ് ട്രസ്റ്റ്

യൂണിവേഴ്സിറ്റി ഹോസ്പിറ്റൽസ് ബർമിംഗ്ഹാം എൻഎച്ച്എസ് ഫൗണ്ടേഷൻ ട്രസ്റ്റ്

ബർമിംഗ്ഹാം സ്ത്രീകളുടെയും കുട്ടികളുടെയും എൻഎച്ച്എസ് ഫൗണ്ടേഷൻ ട്രസ്റ്റ്

റോബർട്ട് ജോൺസും ആഗ്നസും ഹണ്ട് ഓർത്തോപീഡിക് ഹോസ്പിറ്റൽ എൻഎച്ച്എസ് ഫൗണ്ടേഷൻ ട്രസ്റ്റ്

ഡഡ്‌ലി ഇന്റഗ്രേറ്റഡ് ഹെൽത്ത് ആൻഡ് കെയർ എൻഎച്ച്എസ് ട്രസ്റ്റ്

എൻഎച്ച്എസ് ബർമിംഗ്ഹാമും സോളിഹുൾ ഐ സി ബി

എൻഎച്ച്എസ് ബ്ലാക്ക് കൺട്രി ഐ സി ബി

എൻഎച്ച്എസ് ഗ്ലൗസെസ്റ്റർഷെയർ ഐ സി ബി

യോർക്ക്ഷയറും ഹമ്പറും

ഷെഫീൽഡ് ഹെൽത്ത് ആൻഡ് സോഷ്യൽ കെയർ എൻഎച്ച്എസ് ഫൗണ്ടേഷൻ ട്രസ്റ്റ്

ബാർൺസ്ലി ഹോസ്പിറ്റൽ എൻഎച്ച്എസ് ഫൗണ്ടേഷൻ ട്രസ്റ്റ്

യോർക്ക് ആൻഡ് സ്കാർബറോ ടീച്ചിംഗ് ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ്

ലീഡ്സ് കമ്മ്യൂണിറ്റി ഹെൽത്ത് കെയർ എൻഎച്ച്എസ് ട്രസ്റ്റ്

ബ്രാഡ്‌ഫോർഡ് ടീച്ചിംഗ് ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ്

ഹാരോഗേറ്റ് ആൻഡ് ഡിസ്ട്രിക്റ്റ് എൻഎച്ച്എസ് ഫൗണ്ടേഷൻ ട്രസ്റ്റ്

ലീഡ്സ് ടീച്ചിംഗ് ഹോസ്പിറ്റൽസ് എൻഎച്ച്എസ് ട്രസ്റ്റ്

എൻഎച്ച്എസ് ഇംഗ്ലണ്ട്

ഷെഫീൽഡ് ടീച്ചിംഗ് ഹോസ്പിറ്റൽസ് എൻഎച്ച്എസ് ഫൗണ്ടേഷൻ ട്രസ്റ്റ്

ഷെഫീൽഡ് ചിൽഡ്രൻസ് എൻഎച്ച്എസ് ഫൗണ്ടേഷൻ ട്രസ്റ്റ്

എൻഎച്ച്എസ് വെസ്റ്റ് യോർക്ക്ഷയർ ഐ സി ബി

വെയിൽസ്

കാർഡിഫ് ആൻഡ് വേൽ യൂണിവേഴ്സിറ്റി ഹെൽത്ത് ബോർഡ്

പോവിസ് ടീച്ചിംഗ് ലോക്കൽ ഹെൽത്ത് ബോർഡ്

വെൽഷ് ആംബുലൻസ് സർവീസസ് എൻഎച്ച്എസ് ട്രസ്റ്റ് ആസ്ഥാനം

ഹൈവെൽ ഡി ഡി എ യൂണിവേഴ്സിറ്റി ഹെൽത്ത് ബോർഡ്

സ്വാൻസീ ബേ യൂണിവേഴ്സിറ്റി ഹെൽത്ത് ബോർഡ്

സി ഡബ്ല്യൂ എൻ റ്റാഫ് മോർഗൻ എൻ ഡബ്ല്യൂ ജി യൂണിവേഴ്സിറ്റി ഹെൽത്ത് ബോർഡ്

ബെറ്റ്‌സി കാഡ്‌വാലഡ്‌ർ യൂണിവേഴ്‌സിറ്റി ലോക്കൽ ഹെൽത്ത് ബോർഡ്

വെലിന്ദ്രെ എൻഎച്ച്എസ് ട്രസ്റ്റ്

പബ്ലിക് ഹെൽത്ത് വെയിൽസ്

ഹെൽത്ത് എഡ്യൂക്കേഷൻ ആൻഡ് ഇംപ്രൂവ്‌മെന്റ് വെയിൽസ് ഹെൽത്ത് അതോറിറ്റി

എൻ എച്ച് എസ് വെയിൽസ് സർവീസസ് പാർട്ണർഷിപ്പ്

ഡിജിറ്റൽ ഹെൽത്ത് ആൻഡ് കെയർ വെയിൽസ്

സ്കോട്ട്ലൻഡ്

എൻഎച്ച്എസ് ബോർഡറുകൾ

സ്കോട്ട്ലൻഡിനുള്ള എൻഎച്ച്എസ് വിദ്യാഭ്യാസം

എൻഎച്ച്എസ് ഫൈഫ്

എൻഎച്ച്എസ് നാഷണൽ സർവീസസ് സ്കോട്ട്ലൻഡ്

എൻഎച്ച്എസ് ഷെറ്റ്‌ലാൻഡ്

എൻഎച്ച്എസ് വെസ്റ്റേൺ ദ്വീപുകൾ

എൻഎച്ച്എസ് ഡംഫ്രീസ് ആൻഡ് ഗാലോവേ

എൻഎച്ച്എസ് ഓർക്ക്നി

എൻഎച്ച്എസ് ഗോൾഡൻ ജൂബിലി

എൻഎച്ച്എസ് 24

സ്കോട്ട്ലൻഡിനുള്ള സ്റ്റേറ്റ് ഹോസ്പിറ്റൽസ് ബോർഡ്

എൻഎച്ച്എസ് ഗ്രാമ്പിയൻ

എൻഎച്ച്എസ് ടെയ്സൈഡ്

എൻഎച്ച്എസ് അയർഷെയറും അരാൻ

ഹൈലാൻഡ് കൗൺസിൽ

ഹെൽത്ത് കെയർ മെച്ചപ്പെടുത്തൽ സ്കോട്ട്ലൻഡ്

പബ്ലിക് ഹെൽത്ത് സ്കോട്ട്ലൻഡ്

എൻഎച്ച്എസ് ഗ്രേറ്റർ ഗ്ലാസ്‌ഗോയും ക്ലൈഡും

സ്കോട്ടിഷ് ആംബുലൻസ് സേവനം

എൻഎച്ച്എസ് ലോതിയൻ

എൻഎച്ച്എസ് ലനാർക്ക്ഷയർ

എൻഎച്ച്എസ് ഹൈലാൻഡ്

എൻഎച്ച്എസ് ഫോർത്ത് വാലി

നോർത്തേൺ അയർലൻഡ്

നോർത്തേൺ അയർലൻഡ് പ്രാക്ടീസ് ആൻഡ് എഡ്യൂക്കേഷൻ കൗൺസിൽ

സതേൺ ഹെൽത്ത് ആൻഡ് സോഷ്യൽ കെയർ ട്രസ്റ്റ്

വെസ്റ്റേൺ ഹെൽത്ത് ആൻഡ് സോഷ്യൽ കെയർ ട്രസ്റ്റ്

ബെൽഫാസ്റ്റ് ഹെൽത്ത് ആൻഡ് സോഷ്യൽ കെയർ ട്രസ്റ്റ്

ബിസിനസ് സർവീസസ് ഓർഗനൈസേഷൻ

റെഗുലേഷൻ & ക്വാളിറ്റി ഇംപ്രൂവ്‌മെന്റ് അതോറിറ്റി

വടക്കൻ അയർലൻഡ് രക്തപ്പകർച്ച സേവനം

പബ്ലിക് ഹെൽത്ത് ഏജൻസി

നോർത്തേൺ ഹെൽത്ത് ആൻഡ് സോഷ്യൽ കെയർ ട്രസ്റ്റ്

സൗത്ത് ഈസ്റ്റേൺ ഹെൽത്ത് ആൻഡ് സോഷ്യൽ കെയർ ട്രസ്റ്റ്

വടക്കൻ അയർലൻഡ് ആംബുലൻസ് സേവനം

എന്നിവയാണ്.