ദിലീപിന്റെ ‘രാമലീല’ എന്ന സിനിമ പ്രദർശിപ്പിക്കാനുദ്ദേശിക്കുന്ന തിയറ്ററുകൾ തകർക്കണമെന്ന ആഹ്വാനത്തിനെതിരെ നിർമാതാവ് ടോമിച്ചൻ മുളകുപാടത്തിന്റെ പരാതി. ചലച്ചിത്ര അക്കാദമി എക്സിക്യൂട്ടീവ് അംഗം ജി.പി.രാമചന്ദ്രനെതിരെയാണ് ഐജി പി.വിജയന് ടോമിച്ചൻ പരാതി നൽകിയത്. പൈറസി പ്രോത്സാഹിപ്പിക്കുന്ന വിധത്തിൽ ഫെയ്സ്ബുക്കിൽ പോസ്റ്റിട്ടതായും പരാതിയിൽ പറയുന്നു. പരാതി സിറ്റി പൊലീസ് കമ്മീഷണർക്ക് കൈമാറിയിട്ടുണ്ട്.
കലാപത്തിന് ആഹ്വാനം നൽകുന്നതിന് തുല്യമാണ് തിയേറ്ററുകൾ തകർക്കുക എന്ന ആഹ്വാനത്തിലൂടെ രാമചന്ദ്രൻ നടത്തിയിരിക്കുന്നതെന്ന് പരാതിയിൽ പറയുന്നു. ‘രാമലീല’യുടെ റിലീസ് തിയ്യതി പ്രഖ്യാപിച്ചതിനു പിന്നാലെയാണ് ‘സെപ്റ്റംബർ 28ന് ഈ അശ്ലീല സിനിമ കാണിക്കാനുദ്ദേശിക്കുന്ന തിയറ്ററുകൾ തകർക്കണം’ എന്ന് രാമചന്ദ്രൻ പോസ്റ്റ് ചെയ്തത്. #BoycottRaamleela എന്ന ഹാഷ്ടാഗോടെയായിരുന്നു പോസ്റ്റ്. ഇതിനെ അനുകൂലിച്ചും പ്രതികൂലിച്ചും ഒട്ടേറെ ചർച്ചകളും സമൂഹമാധ്യമങ്ങളിൽ സജീവമായിരുന്നു.
‘രാം ലീലലോയ രാംകഥയോ എന്താണെങ്കിലും വേണ്ടില്ല, അശ്ലീലമനസ്കന്റെ സിനിമയുമായി തിയറ്ററുകളിലേക്ക് വരാമെന്ന് വിചാരിക്കണ്ട. വിവരമറിയും’ എന്നും രാമചന്ദ്രൻ പോസ്റ്റിട്ടിരുന്നു. ‘തമിഴ് റോക്കേഴ്സ് അഡ്മിന്റെ നമ്പർ ആരുടെയെങ്കിലും കയ്യിലുണ്ടോ? ഏതായാലും ജയിലിലല്ലേ. 28ന് ഒരു പണിയുണ്ട്. സഹമുറിയന്റെ പള്ളക്ക് കുത്താനാണേ…’ എന്ന പോസ്റ്റ് ആണ് പൈറസിയെ പ്രോത്സാഹിപ്പിക്കുന്നതാണെന്ന് സൂചിപ്പിക്കുന്നത്. സെപ്റ്റംബർ 14നായിരുന്നു ഈ പോസ്റ്റ്.
ദിലീപിന്റെ അറസ്റ്റിനെ തുടർന്ന് പലതവണ മാറ്റിയതിനു ശേഷമാണ് രാമലീല’യുടെ റിലീസ് 28ന് നിശ്ചയിച്ചത്. ചിത്രം തിയറ്ററിൽ പോയി കാണണം എന്നും കാണരുത് എന്നവിധത്തിലുമുള്ള ക്യാംപെയ്നുകളും സമൂഹമാധ്യമങ്ങളിൽ സജീവമാണ്. ഒട്ടേറെ പ്രമുഖരും അനുകൂല–പ്രതികൂല പോസ്റ്റുകളും അഭിപ്രായങ്ങളുമായി രംഗത്തു വന്നിരുന്നു.
നടി ആക്രമിക്കപ്പെട്ട കേസില് കാവ്യമാധവന് ഹൈക്കോടതില് മുന്കൂര് ജാമ്യാപേക്ഷ നല്കും. അഡ്വ. രാമന്പിള്ള വഴിയാണ് കാവ്യ മാധവന് ജാമ്യാപേക്ഷ നല്കുന്നത്. കേസിലെ മാഡം കാവ്യയാണെന്നും എന്നാല് ഗൂഢാലോചനയില് കാവ്യയ്ക്ക് പങ്കില്ലെന്നും പള്സര് സുനി വെളിപ്പെടുത്തിയിരുന്നു.
കാവ്യ മാധവന്റെ കൊച്ചിയിലെ വില്ലയിലെ സന്ദര്ശക രജിസ്റ്റര് നശിച്ചതില് പൊലീസിന് സംശയം ഉണ്ട്. നടി ആക്രമിക്കപ്പെട്ടതിനും മുമ്പും അതിനുശേഷമുള്ള സന്ദര്ശക രജിസ്റ്ററാണ് നശിച്ചത്. വെള്ളം വീണ് നശിച്ചുപോയെന്നാണ് സുരക്ഷാ ജീവനക്കാര് പറയുന്നത്. രജിസ്റ്റര് മനപൂര്വ്വം നശിപ്പിച്ചതാണോ എന്നും പൊലീസ് അന്വേഷിക്കുന്നുണ്ട്.കാവ്യയുടെ വില്ലയില് പോയിട്ടുണ്ടെന്ന് പള്സര് സുനി പൊലീസിന് മൊഴി നല്കിയിരുന്നു. പേരും ഫോണ് നമ്പറും രജിസ്റ്ററില് കുറിച്ചെന്നായിരുന്നു പള്സറിന്റെ മൊഴി. കാവ്യയുമായുള്ള പള്സറിന്റെ അടുപ്പം സ്ഥിരീകരിക്കാനാണ് പൊലീസിന്റെ ശ്രമം.
നടി ആക്രമിക്കപ്പെട്ടതിന് തൊട്ടടുത്ത ദിവസം മുതല് നടന് ദിലീപിന്റേയും കാവ്യയുടെയും എല്ലാ ഫോണുകളും പൊലീസ് ടേപ്പ് ചെയ്യാന് തുടങ്ങിയിരുന്നു. കാവ്യയുടെ ഫോണ് സംഭാഷണങ്ങളില് നിന്ന് കാര്യമായൊന്നും ലഭിച്ചില്ലെങ്കിലും ദിലീപ് പലരോടും സംസാരിച്ച കാര്യങ്ങള് ദിലീപിനെതിരെയുള്ള ശബ്ദിക്കുന്ന തെളിവുകളായി. കാവ്യയുടെ അച്ഛന് മാധവന് വിളിച്ചപ്പോള് പോലും, ‘അച്ഛാ.. ദിലീപിട്ടനല്ലച്ഛ. ദിലീപേട്ടനങ്ങനെ ചെയ്യില്ലച്ഛാ’ എന്നായിരുന്നു കാവ്യയുടെ പ്രതികരണം. ഈ കോളുകളുടെ ശബ്ദരേഖ പൊലീസിന്റെ പക്കലുണ്ട്. പലപ്പോഴും അച്ഛനേയും അമ്മയേയും സഹോദരനോടും ഫോണില് പൊട്ടിക്കരയുന്ന ശബ്ദരേഖയും പൊലീസിന്റെ പക്കലുണ്ട്. എന്നാല് കാവ്യമാധവന്റെ സഹോദരന് മിഥുന് മാധവന്റെ റിയയുമായുള്ള വിവാഹത്തില് പള്സര് സുനി പങ്കെടുത്തെന്നാണ് പൊലീസിന് ലഭിച്ചിരിക്കുന്ന വിവരം.
2014 ഏപ്രില് മാസമായിരുന്നു മിഥുന് മാധവന്റെ വിവാഹം. വീഡിയോ ആല്ബത്തില് നിന്നാണ് പള്സര് സുനി വിവാഹത്തില് പങ്കെടുത്തതായി കണ്ടെത്തിയത്. മാത്രമല്ല, 2015 ഏപ്രില് മാസം കാവ്യയുടെ വെണ്ണലയിലെ വില്ലയില് സുനി എത്തിയതിനും പൊലീസിന്റെ കൈയില് തെളിവുകളുണ്ട്. പള്സര് ബൈക്കിലെത്തിയ സുനിയുടെ ബൈക്ക് നമ്പറും മൊബൈല് നമ്പറും പേരും വില്ലയുടെ സെക്യൂരിറ്റി രജിസ്റ്ററില് രേഖപ്പെടുത്തിയിട്ടുണ്ട്. വീട്ടിലെത്തിയ സുനി കാവ്യാമാധവന്റെ അച്ഛനേയും അമ്മയേയും അവരുടെ കാറില് കയറ്റി പുറത്തേക്ക് പോയതിനും പൊലീസിന് തെളിവുകളുണ്ട്. ഇക്കാര്യം ചോദ്യം ചെയ്യലില് സുനിയും സമ്മതിച്ചിരുന്നു. സുനി കാവ്യയുടെ പിതാവിനെ ‘ മാധവേട്ടാാ.. ‘ എന്നായിരുന്നു വിളിച്ചിരുന്നത്. ഇതും കാവ്യയുടെ കുടുംബവുമായുള്ള സുനിയുടെ പരിചയത്തിന് കൂടുതല് തെളിവുകളാണ്.
ദിലീപ്- കാവ്യ വിവാഹം കഴിഞ്ഞതിന് ശേഷം ആലുവയിലെ വീട്ടിലെത്തിയ സുനി അവിടെ നിന്ന് 25,000 രൂപ വാങ്ങിയെന്നും പൊലീസിന് മൊഴി ലഭിച്ചിട്ടുണ്ട്. ദിലീപിന്റെ തറവാട് വീട്ടില് സുനി എത്തുകയും, കാവ്യ ദിലീപിനെ ഫോണില് ബന്ധപ്പെടുകയും പിന്നാലെ പണം നല്കുകയുമായിരുന്നു എന്നാണ് വിവരം. കോടതിയില് കീഴടങ്ങുന്നതിന് തലേ ദിവസം കാവ്യയുടെ സ്ഥാപനമായ ലക്ഷ്യയില് എത്തിയതിനും പൊലീസിന്റെ കൈയില് തെളിവുകളുണ്ട്. ഇക്കാര്യം ലക്ഷ്യയിലെ ജീവനക്കാര് തന്നെ പൊലീസിന് മൊഴി നല്കിയിട്ടുമുണ്ട്. മാത്രമല്ല, ഇതിന്റെ സിസിടിവി ദൃശ്യങ്ങളും പൊലീസ് നേരത്തെ ശേഖരിച്ചിരുന്നു. ഈ സിസിടിവി ദൃശ്യങ്ങള് ഹൈക്കോടതിയില് രണ്ടാമത് ദിലീപിന്റെ ജാമ്യാപേക്ഷ പരിഗണിച്ചപ്പോള് മുദ്രവെച്ച കവറില് ജസ്റ്റിസ്സ് സുനില് തോമസിന്റെ സിംഗിള് ബെഞ്ചിന് ഡിജിപി മഞ്ചേരി ശ്രീധരന് നായര് കൈമാറിയിരുന്നു.അതായത്, ദിലീപിന്റെ ക്വട്ടേഷന് 2013 ല് ഏറ്റെടുത്തതിന് ശേഷം ദിലീപുമായും ഇവരുടെ കുടുംബവുമായും പള്സര് സുനി നിരന്തരമായി ബന്ധപ്പെട്ടിരുന്നു എന്നാണ് പൊലീസ് പറയുന്നത്.
അഭിനയമായാലും ജീവിതമായാലും ലാൽ മാജിക് മലയാളികൾക്ക് ഇഷ്ടമാണ്. മോഹന്ലാലിന്റെ വീട്ടില് നിന്നും പുതിയ അതിഥി അഭിനയ രംഗത്തേക്ക് കടന്നുവന്നത് മലയാളികള് ആഘോഷപൂര്വ്വമാണ് സ്വീകരിച്ചത്. പ്രണവ് മോഹന്ലാലിന്റെ ആദ്യ നായക ചിത്രം തീയറ്ററുകളിലെത്തുന്നത് ആവേശത്തോടെ കാത്തിരിക്കുകയാണ് അവര്. അതിനിടയിലാണ് മോഹന്ലാന്റെ വീട്ടില് പുതിയ അതിഥിയെത്തിയ വാര്ത്ത പുറത്തുവന്നത്. ലാലേട്ടന് തന്നെയാണ് ഇക്കാര്യം കഴിഞ്ഞ ദിവസം ഫേസ്ബുക്കിലൂടെ ലോകത്തെ അറിയിച്ചത്.
പുതിയ വളര്ത്തുനായയെ ലഭിച്ചതിന്റെ സന്തോഷമാണ് മോഹന്ലാല് പങ്കുവെച്ചത്. കുടുംബത്തിലെ പുതിയ അതിഥി സ്പാര്ക്ക് എന്ന അടിക്കുറിപ്പോടെയാണ് ചിത്രം പോസ്റ്റ് ചെയ്തത്.
ദിലീപിന്റെ ജാമ്യത്തിനായി കാത്തുനില്ക്കാതെ രാമലീല റിലീസിനെത്തുകയാണ്. ഈ മാസം 28ന് സിനിമ തിയേറ്ററുകളിലെത്തും. ചിത്രത്തെ വിജയിപ്പിക്കാന് എല്ലാ താരങ്ങളും ഒന്നിച്ചുനില്ക്കും. കൊച്ചിയില് ഇന്നലെ ഒത്തുകൂടിയ പ്രമുഖ സംവിധായകരും നടീനടന്മാരും സാങ്കേതിക പ്രവര്ത്തകരുമുള്പ്പെടെയുള്ളവര് രാമലീല വിജയമാക്കുന്നതിന് കഴിയാവുന്നത് ചെയ്യണമെന്ന ഉറച്ച നിലപാടിലാണ് പിരിഞ്ഞത്.
ഓണക്കാല സിനിമകള് വലിയ വിജയം കാണാത്തതുകൊണ്ട് ഏറ്റവും പ്രതീക്ഷയോടെയാണ് രാമലീലയെ എല്ലാവരും കാണുന്നത്. ഉത്സവ സീസണ് ലക്ഷ്യമിട്ട് തയ്യാറാക്കിയ ദിലീപ് ചിത്രങ്ങളെല്ലാം തന്നെ മോശമല്ലാത്ത കളക്ഷന് നേടിയിരുന്നു.
പൃഥിരാജിന്റെ ആദം ജോണും നിവിന് പോളിയുടെ ഞണ്ടുകളുടെ നാട്ടിലിലെ ഒരിടവേളയും മാത്രമാണ് ഓണക്കാലത്ത് പ്രേക്ഷകരുടെ മികച്ചപ്രതികരണം നേടിയത്. വെളിപാടിന്റെ പുസ്തകം വന്ദുരന്തമാക്കിയത് ദിലീപ് ഫാന്സുകാരാണെന്ന് ചര്ച്ചകള് ഉയര്ന്നിരുന്നു. അതുകൊണ്ട് തന്നെ രാമലീലയില് പകരം വീട്ടാന് ഫാന്സുകാര് തയ്യാറെടുത്തിരുന്നു.
എന്നാല് മലയാള സിനിമ കടുത്ത പ്രതിസന്ധിയിലാണ്. തിയേറ്ററില് പ്രേക്ഷകര് കുറവാണ്. നടിയെ ആക്രമിച്ച കേസില് ദിലീപ് അഴിക്കുള്ളിലായതാണ് ഇതിന് കാരണമെന്നാണ് പൊതുവേ വിലയിരുത്തുന്നത്. ഇതില് നിന്നും രക്ഷപ്പെട്ടാല് മാത്രമേ സിനിമയ്ക്ക് മുന്നോട്ട് പോകാന് കഴിയൂ. അതിന് പറ്റിയ വജ്രായുധമാണ് രാമലീല. രാമലീല ഹിറ്റായാല് നടിയെ ആക്രമിച്ച കേസിലെ കളങ്കം മലയാള സിനിമയ്ക്ക് തീരും. അതുകൊണ്ട് തന്നെ രാമലീലയില് പകരം വീട്ടല് വേണ്ടെന്നാണ് സൂപ്പര്താരങ്ങളുടെ തീരുമാനം. മോഹന്ലാലിന്റെ വില്ലനും ഏറെ പ്രതീക്ഷയോടെ റിലീസിന് തയ്യാറെടുക്കുകയാണ്. ഇതിനെ പൊളിക്കാന് ദിലീപ് ഫാന്സും വരില്ല. അങ്ങനെ സമ്പൂര്ണ്ണ വെടിനിര്ത്തലിന് ഫാന്സുകാരെ മോഹന്ലാലും പൃഥ്വിരാജുമൊക്കെ സജ്ജമാക്കുകയാണ്.
രാമലീല പ്രദര്ശനത്തിനെത്തുമെന്ന ഘട്ടത്തില് പൃഥ്വിരാജ് അനുകൂലികള് ഇതിന് പകരംവീട്ടാന് തയ്യാറായിരുന്നെന്നും നിലവിലെ സാഹചര്യത്തില് സിനിമയ്ക്കെതിരെ പ്രവര്ത്തിക്കരുതെന്ന് താരത്തോടുപ്പമുള്ളവര് ഫാന്സുകാരരോട് നിര്ദ്ദേശിച്ചതായും പറയപ്പെടുന്നു. തങ്ങള് അനുകൂലിക്കുന്നതും പ്രതികൂലിക്കുന്നതുമല്ല പ്രശ്നമെന്നും സിനിമ കാണികളെ ആകര്ഷിക്കുന്ന തരത്തിലാണ് തയ്യാറാക്കിയരിക്കുന്നതെങ്കില് വിജയിക്കുമെന്നുമാണ് ഒരുപക്ഷം പറയുന്നത്.
രാമലീലയെ പരാജയപ്പെടുത്താന് തങ്ങളുടെ ഭാഗത്തുനിന്നും മനഃപ്പൂര്വ്വമായ നീക്കങ്ങളൊന്നും ഉണ്ടാകില്ലെന്നും സിനിമ നല്ലതാണോ എന്ന് ജനങ്ങളാണ് വിധിയെഴുതേണ്ടതെന്നും മാക്ട ഫെഡറേഷന് ജനറല് സെക്രട്ടറി ബൈജു കൊട്ടാരക്കര ചൂണ്ടിക്കാട്ടി.
സിനിമ മേഖലയിലൈ മറ്റൊരു സംഘടനയായ ഫെഫ്കയുടെ നിലപാടും രാമലീലയ്ക്ക് അനുകൂലമാണ്. രാമലീല രക്ഷപെട്ടാല് മലയാള സിനിമ മേഖലയ്ക്ക് പുത്തനുണര്വ്വ് ലഭിക്കുമെന്നാണ് ഭൂരിപക്ഷം പ്രവര്ത്തകരുടെയും നിഗമനം.
നടിയെ ആക്രമിച്ച കേസില് ദിലീപ് അറസ്റ്റിലായതോടെയാണ് രാമലീലയുടെ റിലീസ് പലതവണ മാറ്റിവെച്ചത്. പുതുമുഖ സംവിധായകനായ അരുണ് ഗോപിയാണ് ചിത്രത്തിന്റെ സംവിധായകന്. പ്രയാഗ മാര്ട്ടിന് ആണ് നായിക. ഒരു രാഷ്ട്രീയ നേതാവിന്റെ റോളിലാണ് ദിലീപ് എത്തുന്നത്.
മലയാളത്തിന്റെ മെഗാസ്റ്റാര് മമ്മുട്ടിയുടെ നായികയാവാനുള്ള മഞ്ജു വാര്യരുടെ മോഹം നടക്കില്ലെന്ന് സൂചന. മഞ്ജു വാര്യരെ തന്റെ നായികയാക്കാന് തല്ക്കാലം ആഗ്രഹിക്കുന്നില്ലെന്ന ഉറച്ച നിലപാടിലാണ് മമ്മൂട്ടിയെന്നാണ് അറിയുന്നത്.
മമ്മുട്ടിയുടെ കൂടെ അഭിനയിക്കുക എന്നത് ജീവിതത്തിലെ ഏറ്റവും വലിയ പ്രതീക്ഷയാണെന്നും അതിനായി കാത്തിരിക്കുകയാണെന്നും ഒരു മാഗസിന് നല്കിയ അഭിമുഖത്തില് മഞ്ജു വാര്യര് പറഞ്ഞിരുന്നു. അഭിനയ രംഗത്തേക്ക് കടന്നുവന്ന ആദ്യ നാളുകളില് തന്നെ മനസില് കയറിക്കൂടിയ ആഗ്രഹമായിരുന്നു ഇതെന്നും എന്നാല് ആദ്യ ഘട്ടത്തില് അത് നടക്കാതെ പോയി. പെട്ടന്നുള്ള വിവാഹവും അഭിനയ ജീവിതത്തിന് താത്കാലിക വിരാമമായതുമാണ് അതിന് കാരണമായിരുന്നതെന്നും മഞ്ജു പറഞ്ഞു.
പിന്നീട് സിനിമയിലേക്ക് മടങ്ങിവന്നപ്പോള് മമ്മൂട്ടിക്കൊപ്പം അഭിനയിക്കാമെന്ന സ്വപ്നങ്ങള്ക്ക് വീണ്ടും ചിറക് മുളച്ചു. എന്നാല് ഇപ്പോഴും അത് ആഗ്രഹമായി നിലനില്ക്കുകയാണ്. മമ്മൂക്ക എന്ന മഹാനടനൊപ്പം ഒരു ഫ്രെയിമില് നില്ക്കുകയെന്നത് ജീവിതത്തിലെ ഏറ്റവും വലിയ ആഗ്രഹമായി അവശേഷിക്കുകയാണ്. തനിക്കും മമ്മൂട്ടിക്കും ഒരുമിച്ചഭിനയിക്കാന് പറ്റുന്ന സിനിമയുമായി ആരെങ്കിലും സമീപിക്കണമെന്നും ആഗ്രഹമുണ്ട്. ആരെങ്കിലും അങ്ങനെയൊരു സിനിമ സൃഷ്ടിക്കട്ടെയെന്നും കൂടെ അഭിനയിക്കാനുള്ള അനുവാദം മമ്മൂട്ടി നല്കട്ടെയെന്നും മഞ്ജു ആഗ്രഹം പ്രകടിപ്പിച്ചിരുന്നു.
ഈ അഭിമുഖത്തെക്കുറിച്ച് തന്നോട് സൂചിപ്പിച്ച സുഹൃത്തുക്കളോടാണ് താന് ഇപ്പോള് ആ കാര്യത്തെ കുറിച്ച് ആലോചിക്കുന്നില്ല എന്ന മറുപടി മമ്മുട്ടി പറഞ്ഞതെന്നാണ് അറിയുന്നത്. മോഹന്ലാലിന്റെ നായികയായി ഇതിനകം തന്നെ നിരവധി സിനിമകളില് അഭിനയിച്ചു കഴിഞ്ഞ മഞ്ജു വാര്യര് ഇപ്പോള് ശ്രീകുമാര് മേനോന്റെ ‘ഒടിയനില്’ വീണ്ടും നായികയായി അഭിനയിക്കുകയാണ്.
ദിലീപുമായി ബന്ധം വേര്പിരിഞ്ഞ ശേഷം സിനിമാ മേഖലയില് സജീവമായ മഞ്ജുവിനെ, പല ഓഫറുകള് വന്നിട്ടും മമ്മുട്ടി ഒഴിവാക്കുകയായിരുന്നുവെന്നാണ് സിനിമാരംഗത്തെ അണിയറ സംസാരം. ദിലീപുമായി ഏറെ അടുപ്പമുള്ള മമ്മുട്ടി ഇത്തരമൊരു തീരുമാനമെടുത്തതില് അത്ഭുതപ്പെടാന് ഒന്നുമില്ലന്നാണ് ഇവരുമായി അടുപ്പമുള്ളവര് പറയുന്നത്.
യുവ നടിയെ ആക്രമിച്ച സംഭവത്തില് അന്നു മുതല് തന്നം സിനിമ മേഖലയില് നിന്നും നിരവധിപേര് പ്രതികരണവുമായി രംഗത്തെത്തിയിരുന്നു. ഇപ്പോവിതാ നടി പ്രവീണയും ഇക്കാര്യത്തില് പ്രതികരണവുമായി രംഗത്തെത്തിയിരിക്കുകയാണ്. ഇങ്ങനെയൊരു സംഭവം ദിലീപിന്റെ സമീപത്ത് നിന്നും ഉണ്ടാകില്ലെന്ന് നടി പ്രവീണ പറയുന്നു.
ക്രിമിനലായ പള്സര് സുനിയെക്കൊണ്ട് ഇങ്ങനെയൊരു കൃത്യം ചെയ്യിപ്പിക്കുന്നയാളല്ല ദിലീപ്. അദ്ദേഹത്തോടൊപ്പം കുറച്ച് ചിത്രങ്ങളില് അഭിനയിച്ചിട്ടുണ്ട്. കൂടെ അഭിനയിച്ചപ്പോഴൊക്കെ നല്ല പിന്തുണയായിരുന്നു ദിലീപ് നല്കിയിരുന്നതെന്നും പ്രവീണ പറയുന്നു. ഇങ്ങനെയൊരു കാര്യം ചെയ്യാനോ ചെയ്യിപ്പിക്കാനോ അദ്ദേഹം ശ്രമിക്കില്ലെന്നാണ് തന്റെ വിശ്വാസം എന്നും പ്രവീണ പറയുന്നു.കൊച്ചിയില് ആക്രമണത്തിനിരയായ താരവുമായി നല്ല കൂട്ടാണ്. ശരിക്കും അനിയത്തിക്കുട്ടിയെപ്പോലെയാണ് അവള് എനിക്ക്. അവള്ക്ക് ഇങ്ങനെ സംഭവിച്ചതില് സങ്കടമുണ്ടെന്നും പ്രവീണ വ്യക്തമാക്കി. പൃഥ്വിരാജ് നായകനാകുന്ന വിമാനം എന്ന ചിത്രത്തിലാണ് പ്രവീണ ഇപ്പോള് അഭിനയിച്ചു കൊണ്ടിരിക്കുന്നത്.
പ്രശസ്ത ഗായിക സെലീന ഗോമസ് വൃക്ക മാറ്റിവയ്ക്കൽ ശസ്ത്രക്രിയയ്ക്കു വിധേയായി. ലോകത്തെ ഞെട്ടിപ്പിച്ചുകൊണ്ട് ഈ വിവരം ഇൻസ്റ്റഗ്രാം വഴിയാണ് താരം പുറത്തുവിട്ടത്. കുറേ നാളായി സംഗീത രംഗത്ത് അത്രയ്ക്കു സജീവമല്ലാതിരുന്ന സെലീനയുടെ ജീവിതത്തെ കുറിച്ച് പല അഭ്യൂഹങ്ങളും പുറത്തുവന്നിരുന്നു. ഇതിനെല്ലാത്തിനുമുള്ള ഉത്തരമാണ് ഈ വൃക്ക മാറ്റിവയ്ക്കൽ ശസ്ത്രക്രിയ. ലൂപ്പസ് രോഗത്തെ തുടർന്നാണ് 25ാം വയസിൽ വൃക്ക മാറ്റിവയ്ക്കലിന് സെലീന വിധേയായത്. സുഹൃത്തും അഭിനേത്രിയുമായ ഫ്രാൻസിയ റൈസയിൽ നിന്നാണ് സെലീന വൃക്ക സ്വീകരിച്ചത്.
ധനുഷിന്റെ ചിത്രങ്ങളില് തുടർച്ചയായി അഭിനയിച്ച അമലപോളിനെയും ധനുഷിനെയും ചേര്ത്ത് അപവാദം പ്രചരിക്കുന്ന സാഹചര്യത്തിൽ പ്രതികരണവുമായി രംഗത്തെത്തിയിരിക്കുകയാണ് അമല. സംവിധായകന് വിജയുമായുളള വിവാഹത്തിനു ശേഷം അഭിനയരംഗത്തു നിന്ന് വിട്ടു നിന്ന അമല വിവാഹമോചനത്തിനു ശേഷം സിനിമയില് സജീവമാവുകയും തുടർച്ചയായി ധനുഷ് ചിത്രങ്ങളിൽ അഭിനയിച്ചതോടുംകൂടിയാണ് താരങ്ങൾ ഗോസിപ്പിനിരയായത്. ഗോസിപ്പിനെയും വിവാഹത്തെയുംക്കുറിച്ച് അമലയുടെ പ്രതികരണം ഇങ്ങനെ; ‘ഇതൊക്കെ പത്രക്കാര് എഴുതുന്നതാണ്. അദ്ദേഹത്തിന്റെ ജോഡിയായി വേലയില്ലാ പട്ടാധാരിയില് അഭിനയിച്ചു. പിന്നീട് അദ്ദേഹം നിര്മ്മാതാവായ അമ്മാ കണക്കില് അഭിനയിച്ചു. വേലയില്ലാ പട്ടാധാരി 2ലും അഭിനയിച്ചു. അഭിനയിക്കുമ്പോള് നല്ല മോട്ടിവേഷന് തരുന്നയാളാണ് അദ്ദേഹം. ധനുഷ് എന്റെ പ്രിയപ്പെട്ട സുഹൃത്താണ്. എന്നാല് ഗോസിപ്പുകാര് എന്നെ ജീവിക്കാന് അനുവദിക്കുന്നില്ല’. ‘മറ്റൊരു വിവാഹത്തെ കുറിച്ച് ചിന്തിച്ചിട്ടില്ല. സ്കൂളില് പഠിക്കുമ്പോള് നടിയാകുമെന്ന് കരുതിയതല്ല. ഒരാളെ പ്രേമിക്കുമെന്നോ വിവാഹം കഴിക്കുമെന്നോ ചിന്തിച്ചിട്ടില്ല. അതിനു ശേഷം നടന്നതെല്ലാം അപ്രതീക്ഷിതമാണ്. എന്റെ ജീവിതത്തില് ഞാന് ഒന്നും പ്ലാന് ചെയ്യാറില്ല.’അമല വ്യക്തമാക്കി
മഞ്ജു വാര്യര് നായികയാകുന്ന ‘ഉദാഹരണം സുജാത’യും ദിലീപിന്റെ ‘രാമലീല’യും ഒരേ ദിവസം തിയേറ്ററുകളിലെത്തും. ഇരുവരും പിരിഞ്ഞ ശേഷം രണ്ടുപേരും തുല്യപ്രാധാന്യത്തിലെത്തുന്ന രണ്ട് ചിത്രങ്ങള് ഒരുമിച്ച് റിലീസിനെത്തിയിട്ടില്ല. രണ്ടു ചിത്രങ്ങളുടെയും വിധി അറിയാന് പ്രേക്ഷകരും ആകാംക്ഷയോടെയാണ് കാത്തിരിക്കുന്നത്.
ഇരു ചിത്രങ്ങളും ഒരുക്കിയിരിക്കുന്നത് നവാഗത സംവിധായകരാണ്. പ്രവീണ് സി ജോസഫ് സുജാതയും അരുണ് ഗോപി രാമലീലയും ഒരുക്കിയിരിക്കുന്നു. നടിയെ ആക്രമിച്ച കേസില് ദിലീപ് അറസ്റ്റിലായതിനെ തുടര്ന്ന് റിലീസ് വൈകിയ ചിത്രമാണ് രാമലീല. എന്നാല് കഴിഞ്ഞ ദിവസം ചിത്രത്തിന്റെ അണിയറപ്രവര്ത്തകര് റിലീസ് തിയതി ഔദ്യോഗികമായി പ്രഖ്യാപിക്കുകയുണ്ടായി. സെപ്തംബര് 28നാണ് ചിത്രം തിയേറ്ററുകളിലെത്തുക.
പുലിമുരുകന് എന്ന സൂപ്പര്ഹിറ്റിന് ശേഷം ടോമിച്ചന് മുളകുപാടം നിര്മിക്കുന്ന ചിത്രത്തില് രാഷ്ട്രീയപ്രവര്ത്തകനായാണ് ദിലീപ് എത്തുന്നത്. പ്രയാഗമാര്ട്ടിന് ആണ് നായിക. സെന്സറിങ് പൂര്ത്തിയാകേണ്ട ഉദാഹരണം സുജാതയുടെ റിലീസ് തിയതിയും ഇതേദിവസം തന്നെയാണ് അണിയറപ്രവര്ത്തകര് തീരുമാനിച്ചിരിക്കുന്നത്. വേറെ തടസ്സങ്ങളൊന്നും ഉണ്ടായില്ലെങ്കില് ചിത്രം സെപ്തംബര് 28ന് റിലീസ് ചെയ്യും. കോളനിയില് ജീവിക്കുന്ന സുജാത എന്ന കഥാപാത്രത്തെയാണ് മഞ്ജു അവതരിപ്പിക്കുന്നത്. ജോജു ജോര്ജും നെടുമുടി വേണുവുമാണ് മറ്റു പ്രധാന താരങ്ങള്. സിനിമയില് കലക്ടറുടെ വേഷത്തില് മമ്ത മോഹന്ദാസുമെത്തുന്നു
ചിത്രത്തിന്റെ തിരക്കഥ ഒരുക്കിയിരിക്കുന്നത് നവീന്ഭാസ്കറും മാര്ട്ടിന് പ്രക്കാട്ടും ചേര്ന്നാണ്. മധു നീലകണ്ഠന് ആണ് ഛായാഗ്രഹണം. സംവിധായകന് മാര്ട്ടിന് പ്രക്കാട്ടും നടന് ജോജു ജോര്ജും ചേര്ന്നാണ് നിര്മാണം.
ഭാര്യ മരിച്ച ശേഷം സിനിമയില് നിന്ന് അകന്ന്, തകര്ന്ന് കഴിഞ്ഞ തന്നെ തിരിച്ച് കൊണ്ട് വന്നത് നടന് മോഹന്ലാലാണെന്ന് സിദ്ദിഖ്. ഫെയ്സ്ബുക്ക് പോസ്റ്റിലൂടെയാണ് സിദ്ദിഖ് ഇക്കാര്യം വ്യക്തമാക്കിയത്. സിദ്ധിഖിന്റെ ആദ്യഭാര്യ ആത്മഹത്യ ചെയ്യുകയായിരുന്നു. തുടര്ന്നാണ് ഇപ്പോഴത്തെ ഭാര്യ സീനയെ വിവാഹം ചെയ്തത്. ആദ്യ ഭാര്യയുടെ മരണം ദൂരൂഹമാണെന്ന തരത്തില് വാര്ത്തകള് അന്ന് പരന്നിരുന്നു.
കുടുംബാംഗങ്ങളില് നിന്ന് വരെ കുറ്റപ്പെടുത്തല് നേരിടേണ്ടി വന്നുവെന്നും സിദ്ദിഖ് ഫെയ്സ് ബുക്ക് പോസ്റ്റില് കുറിച്ചിട്ടുണ്ട്. എന്നാല് മോഹന്ലാലാണ് എന്നെ അവസ്ഥയില് നിന്ന് കരകയറ്റിയത്. എൻറെ ജീവിതത്തിലെ എല്ലാ മാറ്റങ്ങൾക്കും വിത്ത് പാകിയത് ലാലാണെന്നാണ് സിദ്ദിഖ് പറയുന്നത്.
പോസ്റ്റിന്റെ പൂര്ണ്ണ രൂപം വായിക്കാം
ഭാര്യയുടെ മരണത്തോടുകൂടി ഞാൻ സിനിമയിൽ നിന്ന് ഏതാണ്ട് വിട്ടുനിൽക്കുന്ന സമയം. അപ്പോഴാണ് ലോഹിതദാസിൻറെ വിളി. ‘കന്മദത്തിൽ ഒരു വേഷമുണ്ട്. ഒറ്റസീനിലേയുള്ളൂ. അത് സിദ്ധിക്ക് വന്ന് ചെയ്തുതരണം.’ അതിൻറെ ആവശ്യമുണ്ടോ എന്ന് ഞാൻ അന്വേഷിച്ചു. ‘നിങ്ങൾ ഉൾവലിഞ്ഞ് നിൽക്കേണ്ട ആളെല്ലെന്നും സജീവമായി സിനിമയിലേക്ക് തിരിച്ചുവരണമെന്നും’ ലോഹി ഉപദേശിച്ചു. അങ്ങനെ ഞാൻ മുംബയ്യിലെത്തി. അവിടെയാണ് ലൊക്കേഷൻ. ഞങ്ങൾ താമസിക്കുന്ന ഹോട്ടലിൽ നിന്ന് രണ്ട് മണിക്കൂറോളം യാത്ര ചെയ്തുവേണം ലൊക്കേഷനിലെത്താൻ. ലാലിനോടൊപ്പം അദ്ദേഹത്തിൻറെ വണ്ടിയിലാണ് ഞാൻ ലൊക്കേഷനിലേക്ക് വന്നത്. ഞങ്ങൾ വിശേഷങ്ങളും തമാശകളും പറഞ്ഞിരുന്നു. അപ്പോഴായിരുന്നു ലാലിൻറെ ആ ചോദ്യം. ‘ഒരു വിവാഹമൊക്കെ കഴിക്കണ്ടേ?’ ‘ഇനിയോ?’ ‘ഇനി എന്താ കുഴപ്പം.’ ‘ഇനിയും പ്രശ്നങ്ങളുണ്ടായാൽ അത് താങ്ങാനാവില്ല.’ ‘ഒരാളുടെ ജീവിതത്തിൽ എന്നും പ്രശ്നങ്ങളുണ്ടാകുമോ. അല്ലെങ്കിലും സിദ്ധിക്കിന് മാത്രമേയുള്ളോ പ്രശ്നങ്ങൾ. ഇതിനെക്കാളും പ്രശ്നങ്ങൾ നേരിടുന്ന ആളുകൾ ഇവിടെ ജീവിക്കുന്നില്ലേ.’ ലാൽ തുടർന്നു. ‘ഇതൊന്നും നിങ്ങളായിട്ട് ചെയ്തതല്ലല്ലോ. എല്ലാം വിധിയാണ്. നമ്മൾ ജനിക്കുമ്പോൾ തന്നെ അത് എഴുതിവച്ചിട്ടുണ്ട്. അത് ആർക്കും മാറ്റിമറിക്കാനുമാകില്ല.’ ലാലിൻറെ വാക്കുകൾ എൻറെ കഠിനമായ വേദനകളെ ലഘൂകരിക്കുന്നതായിരുന്നു. അതുവരെ ഞാൻ തലയിൽ തിരുകിവച്ച ബാലിശമായ ചിന്തകളെ തച്ചുടയ്ക്കുന്നതായിരുന്നു. എനിക്കൊരു പ്രശ്നമുണ്ടായപ്പോൾ പലരും എന്നെ കുറ്റപ്പെടുത്തിയാണ് സംസാരിച്ചത്. അതുകൊണ്ട് ആരോടെങ്കിലും സംസാരിക്കാൻ പോലും ഞാൻ ഭയന്നു. പക്ഷേ ഈ മനുഷ്യൻ എൻറെ മനസ്സ് തന്നെ മാറ്റിയിരിക്കുന്നു. നിസ്സംശയം പറയട്ടെ, പിന്നീടുള്ള എൻറെ ജീവിതത്തിലെ എല്ലാ മാറ്റങ്ങൾക്കും വിത്ത് പാകിയത് അന്ന് ലാലായിരുന്നു.