ബാബു ജോസഫ്
റവ.ഫാ സേവ്യര്‍ ഖാന്‍ വട്ടായില്‍ നയിക്കുന്ന ഒക്ടോബര് 24-ാം തീയതിയിലെ മാഞ്ചസ്റ്റര്‍ അഭിഷേകാഗ്നി കണ്‍വെന്‍ഷനില്‍ എത്തിച്ചേരുന്നവര്‍ അറിഞ്ഞിരിക്കേണ്ട പ്രധാന കാര്യങ്ങളെപ്പറ്റി സംഘാടകസമിതി അറിയിപ്പ് പ്രസിദ്ധപ്പെടുത്തി.
1. രാവിലെ 9:30ന് ആരംഭിക്കുന്ന കണ്വെന്ഷന് വൈകുന്നേരം 6 മണിക്ക് സമാപിക്കും.
2. മുതിര്‍ന്നവരുടെ കണ്വെന്ഷന് സെന്ററിനോടു ചേര്‍ന്ന് സൗജന്യ കാര്‍ പാര്‍ക്കിങ് സൗകര്യം ഉണ്ടായിരിക്കും.
3. മുതിര്‍ന്നവരുടെ കണ്വെന്ഷന് സെന്ററിന്റെ അഡ്രസ്സ്: The Sheridan Suite, 371 Oldham Road, Manchester, M40 8RR.
4. കണ്വെന്ഷന് ദിവസം Sheridan Suiteല്‍ ക്രമീകരിക്കുന്ന Food Stallല്‍ നിന്നും കുറഞ്ഞനിരക്കില്‍ ഭക്ഷണം ലഭ്യമായിരിക്കും
5. ഈ കണ്‍വെന്‍ഷനില്‍ 8 വയസ്സു മുതല്‍ 12 വയസ്സു വരെയുള്ള കുട്ടികള്‍ക്കായി പ്രത്യേകം ശുശ്രൂഷകള്‍ നടക്കും.
6. മുതിര്‍ന്നവരുടെ കണ്വെന്ഷന് സെന്ററില്‍ നിന്നും വെറും 4 മിനിറ്റ് സഞ്ചരിച്ചാല്‍ എത്തിച്ചേരുന്ന Irish World heritage Centreല്‍ വച്ചായിരിക്കും കുട്ടികളുടെ ശുശ്രൂഷകള്‍ നടത്തപ്പെടുക.
7. കുട്ടികളുടെ ശുശ്രൂഷകള്‍ നടക്കുന്ന സ്ഥലത്തിന്റെ അഡ്രസ്: Irish World Heritage Centre, 1 Irish town Way, Manchester, M8 0RY.
8. കുട്ടികളുടെ ശുശ്രൂഷയില്‍ സംബന്ധിക്കാന്‍ എത്തിച്ചേരുന്ന 8 വയസ്സു മുതല്‍ 12 വയസ്സു വരെയുള്ള കുട്ടികള്‍ അവരുടെ ഉച്ചഭക്ഷണം (Packed Lunch) കരുതിയിരിക്കണം
9. മാതാപിതാക്കള്‍, 8 വയസ്സു മുതല്‍ 12 വയസ്സു വരെയുള്ള കുട്ടികളെ ആദ്യം Irish World heritage Centreല്‍ എത്തിച്ചതിനു ശേഷം മുതിര്‍ന്നവരുടെ കണ്വെന്ഷന് സെന്ററിലേക്കു പോകാവുന്നതാണ്.
10. എട്ടു വയസ്സു മുതല്‍ പന്ത്രണ്ട് വയസ്സു വരെയുള്ള കുട്ടികള്‍ക്ക് Irish World Heritage Centre-ലും മറ്റു പ്രായത്തിലുള്ള കുട്ടികള്‍ക്ക് മുതിര്‍ന്നവരോടൊപ്പം Sheridan Suite-ലും ആയിരിക്കും ശുശ്രൂഷകള്‍ നടത്തപ്പെടുക.
11. വൈകുന്നേരം കണ്വെന്ഷന് സമാപിച്ചതിനു ശേഷം 8 വയസ്സു മുതല്‍ 12 വയസ്സു വരെയുള്ള കുട്ടികളെ Irish World Heritage Centre-ല്‍ നിന്നും മാതാപിതാക്കള്‍ collect ചെയ്യേണ്ടതാണെന്നും മാഞ്ചസ്റ്റര്‍ റീജിയണ്‍ അഭിഷേകാഗ്നി കണ്വെന്ഷന് സംഘാടക സമിതിക്കുവേണ്ടി കോ ഓര്‍ഡിനേറ്റര്‍ രൂപത വികാരി ജനറാള്‍ ഫാ.സജി മലയില്‍ പുത്തന്‍പുരയും ജനറല്‍ കണ്‍വീനര്‍ അനില്‍ ലൂക്കോസും വിശ്വാസസമൂഹത്തോട് അഭ്യര്‍ത്ഥിക്കുന്നു.
രൂപതാധ്യക്ഷന്‍ മാര്‍ ജോസഫ് സ്രാമ്പിക്കലിന്റെ ആത്മീയ നേതൃത്വത്തില്‍ ലോക പ്രശസ്ത വചന പ്രഘോഷകനും സെഹിയോന്‍ മിനിസ്ട്രീസ് സ്ഥാപകനും അനേകായിരങ്ങളെ ആഴത്തിലുള്ള ക്രിസ്തീയവിശ്വാസത്തിലേക്കും ജീവിതത്തിലെക്കും നയിക്കാന്‍ ദൈവം തിരഞ്ഞെടുത്ത കാലഘട്ടത്തിന്റെ ദൈവികോപകരണം റവ.ഫാ.സേവ്യര്‍ ഖാന്‍ വട്ടായിലും സെഹിയോന്‍ ടീമുമാണ് കണ്വെന്ഷന് നയിക്കുക. ലോക സുവിശേഷവത്കരണം മലയാളികളിലൂടെയെന്ന അലിഖിത വചനത്തിന് അടിവരയിട്ടുകൊണ്ട് യൂറോപ്പില്‍ ക്രൈസ്തവ മാഹാത്മ്യത്തിന്റെ പുനരുദ്ധാരണത്തിനെന്നവണ്ണം പിറവിയെടുത്ത ഗ്രേറ്റ് ബ്രിട്ടണ്‍ സീറോ മലബാര്‍ രൂപത അതിന്റെ പ്രഥമ ബൈബിള്‍ കണ്‍വെന്‍ഷന്റെ അഭിഷേകനിറവിനായി തീവ്രമായ പ്രാര്‍ത്ഥന ഒരുക്കങ്ങളിലാണ്.
വിവിധങ്ങളായ ഉപവാസ മധ്യസ്ഥ പ്രാര്‍ത്ഥനകളും ദിവ്യകാരുണ്യആരാധനകളും മാഞ്ചസ്റ്റര്‍ റീജിയണിലെങ്ങും പ്രഥമ ബൈബിള്‍ കണ്‍വെന്‍ഷന്റെ വിജയത്തിനായി നടന്നുവരുന്നു. ഒക്ടോബര് 24ന് മാഞ്ചസ്റ്ററില്‍ നടക്കുന്ന അഭിഷേകാഗ്നി കണ്‍വെന്‍ഷനിലേക്കു ഗ്രേറ്റ് ബ്രിട്ടണ്‍ രൂപത എല്ലാവരെയും യേശു നാമത്തില്‍ ക്ഷണിക്കുന്നു.
സി.ഗ്രേസ് മേരി ബിഡിഎസ്
ഗ്രേറ്റ് ബ്രിട്ടണ്‍ സീറോ മലബാര്‍ രൂപതയുടെ പ്രഥമ ബൈബിള്‍ കലോത്സവം ബ്രിസ്റ്റോള് ഗ്രീന്‍വേ സെന്ററില്‍ വച്ച നടക്കും. എട്ട് റീജിയണുകളായി തിരിച്ചിട്ടുള്ള ഗ്രേറ്റ് ബ്രിട്ടണ്‍ സീറോ മലബാര്‍ രൂപതയുടെ ഓരോ റീജിയനിലും നടന്ന ബൈബിള്‍ കലോത്സവങ്ങളില്‍ വിജയികളായിട്ടുള്ളവരാണ് ഈ മത്സരങ്ങളില്‍ പങ്കെടുക്കുക. ഓരോ മത്സരാര്‍ത്ഥിയും രജിസ്‌ട്രേഷന്‍ ഫീസ് അടച്ച് ഒക്ടോബര് 22ന് മുമ്പായി പേര് രജിസ്റ്റര്‍ ചെയ്യേണ്ടതാണ്. രജിസ്‌ട്രേഷന്‍ ഫോമും മറ്റുവിവരങ്ങളും www.smegbiblekalolsavam.com ല്‍ ലഭ്യമാണ്.
നമ്മുടെ കുടുംബങ്ങളിലും സമൂഹങ്ങളിലും ”സുവിശേഷകന്റെ വേല” (2 Tim 4: 5) തുടരുന്നതിന്റെ ഭാഗമായി ഈ എപ്പാര്‍ക്കിയല്‍ ബൈബിള്‍ കലോത്സവത്തെ കണ്ടുകൊണ്ടുള്ള അഭിവന്ദ്യ സ്രാമ്പിക്കല്‍ പിതാവിന്റെ സാന്നിധ്യം ഈ കലോത്സവത്തിന്റെ പ്രത്യേകതയാണ്.
ഗ്രേറ്റ് ബ്രിട്ടണ്‍ രൂപതാ ബൈബിള്‍ അപ്പസ്‌തോലേറ്റ് ഡയറക്ടര്‍ ഫാ. പോള്‍ വെട്ടിക്കാട്ടിന്റെ നേതൃത്വത്തിലുള്ള വിവിധ കമ്മിറ്റികളാണ് ഈ കലോത്സവത്തിന്റെ വിജയത്തിനായി ചുക്കാന്‍ പിടിക്കുന്നത്. ഗ്രീന്‍വേ സെന്ററില്‍ പ്രത്യേകം തയ്യാറാക്കിയ 11 സ്റ്റേജുകളായി 21 ഇനം മത്സരങ്ങളാണ് ക്രമീകരിച്ചിരിക്കുന്നത്.
ഫുഡ് കമ്മിറ്റി പ്രഭാതഭക്ഷണം മുതല്‍ വൈകിട്ടത്തെ ഭക്ഷണം വരെ സ്വാദിഷ്ടമായ നാടന്‍ വിഭവങ്ങള്‍ മിതമായ നിരക്കില്‍ നല്‍കുന്നതിനുള്ള തയ്യാറെടുപ്പില്‍ ആണ്. താമസ സൗകര്യം ആവശ്യമുള്ളവര്‍ സംഘാടകരുമായി നേരത്തെ തന്നെ ബന്ധപ്പെടേണ്ടതാണ്.
പല റീജിയണുകളില്‍ മത്സരിച്ച് വിജയിച്ചവര്‍ വേദിയിലെത്തി മാറ്റുരയ്ക്കുന്ന ഈ വലിയ ദൃശ്യവിരുന്നിന് വളരെയധികം അഭിമാനത്തോടെയാണ് ബ്രിസ്റ്റോള് സീറോ മലബാര്‍ സമൂഹം ആതിഥേയത്വം നല്‍കുന്നത്. ആവേശത്തിന് അതിരുകളില്ലാത്ത ഈ കലോത്സവത്തിന്റെ തല്‍സമയ പ്രക്ഷേപണം ഗര്‍ഷോം ടിവി നല്‍കുന്നതാണ്. കൂടുതല്‍ വിവരങ്ങള്‍ക്ക് കലോത്സവം ചീഫ് കോര്‍ഡിനേറ്റര്‍ സിജി സെബാസ്റ്റിയനുമായി (07734303945) ബന്ധപ്പെടുക.
ജിജി നട്ടാശേരി
എസ്സെക്‌സ്: ഭാരതീയ ക്രൈസ്തവ സഭകളിലെ ഭാരതീയനായ പ്രഥമ പരിശുദ്ധനും മലങ്കര ഓര്‍ത്തഡോക്‌സ് സഭയുടെ പ്രഖ്യാപിത പരിശുദ്ധനുമായ പരുമല മാര്‍ ഗ്രീഗോറിയോസ് തിരുമേനിയുടെ നാമത്തില്‍ സ്ഥാപിതമായിരിക്കുന്ന എസ്സെക്‌സിലെ പ്രഥമ ഓര്‍ത്തഡോക്‌സ് ദേവാലയമായ സൗത്തെന്റ് ഓണ്‍ സീ സെന്റ് ഗ്രിഗോറിയോസ് ഇന്ത്യന്‍ ഓര്‍ത്തഡോക്‌സ് പള്ളിയില്‍ പരിശുദ്ധ പരുമല തിരുമേനിയുടെ ഓര്‍മ്മപ്പെരുനാള്‍ നവംബര്‍ 10, 11 (വെള്ളി, ശനി) തീയതികളില്‍ ആഘോഷിക്കുന്നു.
സൗത്തെന്‍ഡ് ഓള്‍ സെയിന്റ് ദേവാലയത്തില്‍ 10-ാം തീയതി വെള്ളിയാഴ്ച്ച വൈകുന്നേരം 6.30ന് കൊടിയേറ്റ്. തുടര്‍ന്ന് സന്ധ്യാ പ്രാര്‍ത്ഥനയും 1-ാം തീയതി രാവിലെ 8 .30ന് പ്രഭാത നമസ്‌കാരം, 9.30ന് വിശുദ്ധ കുര്‍ബ്ബാന ഇടവക വികാരി ഫാ.വര്‍ഗീസ് മണ്ണാംചേരിയുടെ പ്രധാന കാര്‍മ്മികത്വത്തില്‍ നടത്തപ്പെടുന്നു
തുടര്‍ന്ന് മദ്ധ്യസ്ഥ പ്രാര്‍ത്ഥന ഭക്തിനിര്‍ഭരമായ, പ്രദക്ഷിണം, ധൂപപ്രാര്‍ത്ഥന, ആശീര്‍വാദം, നേര്‍ച്ച വിളമ്പ്, സ്‌നേഹവിരുന്ന് എന്നിവയുണ്ടായിരിക്കും. എല്ലാ വിശ്വാസികളെയും പരിശുദ്ധന്റെ മദ്ധ്യസ്ഥതയില്‍ പൂര്‍ണ്ണ വിശ്വാസത്തോടെ അഭയം പ്രാപിച്ച് അനുഗ്രഹം പ്രാപിക്കുവാന്‍ സൗത്തെന്‍ഡ് സെന്റ് ഗ്രിഗോറിയോസ് ദേവാലയത്തിലേക്ക് സ്വാഗതം ചെയുന്നു
കൂടുതല്‍ വിവരങ്ങള്‍ക്ക്:
റോയ് തോമസ് (ട്രസ്‌ററി):07961723536
സെക്രട്ടറി, സുനില്‍ തങ്കച്ചന്‍ ;( 07446198962)
പള്ളിയുടെ വിലാസം:
ആള്‍ സെയിന്റ്‌സ് ചര്‍ച്ച്
1 സട്ടന്‍ റോഡ്
സൗത്തെന്റ് ഓണ്‍ സീ
എസ്എസ്2 5പിഎ
ഫാ. ബിജു കുന്നയ്ക്കാട്ട്
ഗ്ലാസ്‌ഗോ: രണ്ടായിരത്തിലേറെ വര്‍ഷങ്ങളായി മനുഷ്യഹൃദയങ്ങളെ ആകര്‍ഷിച്ചുകൊണ്ടിരിക്കുന്ന ദൈവവചനത്തിന്റെ തേന്‍കണങ്ങള്‍ ഇന്ന് ഗ്ലാസ്ഗോയില് പെയ്തിറങ്ങുന്നു. വചന പ്രഘോഷണരംഗത്ത് ഇക്കാലത്ത് ദൈവം ഉപകരണമാക്കുന്ന റവ. ഫാ സേവ്യര്‍ഖാന്‍ വട്ടായിലും ടീമും നയിക്കുന്ന പ്രഥമ ഗ്രേറ്റ് ബ്രിട്ടണ്‍ അഭിഷേകാഗ്നി കണ്‍വെന്‍ഷന്റെ ആദ്യദിനത്തിനു വേദിയാകുന്നത് Motherwell Civic Centre (Concert Hall & Theatre) Windmill street, Motherwell, ML 11 AB ആണ്. കോ ഓര്‍ഡിനേറ്റര്‍ റവ. ഫാ. ജോസഫ് വെമ്പാടുംന്തറയുടെ നേതൃത്വത്തില്‍ ഒരുക്കങ്ങളെല്ലാം പൂര്‍ത്തിയായി.
രാവിലെ 10 മണിക്ക് ആരംഭിക്കുന്ന തിരുക്കര്‍മ്മങ്ങളില്‍ ജപമാല, സ്തുതി സ്‌തോത്രങ്ങള്‍, വി. കുര്‍ബാന, വചനപ്രഘോഷണങ്ങള്‍, ദിവ്യകാരുണ്യ ആരാധന എന്നിവ ഉണ്ടായിരിക്കും. വൈകിട്ട് 12.30ന് ഗ്രേറ്റ് ബ്രിട്ടണ്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ ദിവ്യബലിയര്‍പ്പിച്ച് വചനസന്ദേശം പങ്കുവെയ്ക്കും. ഗ്ലാസ്‌ഗോ റീജിയണിലെ എല്ലാ വൈദികരും സഹകാര്‍മ്മികരായി ദിവ്യബലിയില്‍ പങ്കുചേരും. ദൈവാനുഗ്രഹം സമൃദ്ധമായി വര്‍ഷിക്കപ്പെടുന്ന ഈ അനുഗ്രഹീത ദിനത്തിലേയ്ക്ക് ഗ്ലാസ്‌ഗോ റീജിയണിലും പരിസര പ്രദേശങ്ങളിലുമുള്ള എല്ലാ വിശ്വാസികളേയും യേശുനാമത്തില്‍ സ്വാഗതം ചെയ്യുന്നതായി രൂപതാധ്യക്ഷന്‍ മാര്‍ ജോസഫ് സ്രാമ്പിക്കലും കോ – ഓര്‍ഡിനേറ്റര്‍ റവ. ഫാ. ജോസഫ് വെമ്പാടുന്തറയും അറിയിച്ചു.
ഫാ. ബിജു കുന്നയ്ക്കാട്ട് പി.ആര്‍.ഒ
സ്‌കന്‍തോര്‍പ്പ്: ദൈവസിദ്ധമായ സര്‍ഗ്ഗവാസനകളെ ദൈവമഹത്വത്തിനായി ഉപയോഗിക്കുന്ന ബൈബിള്‍ കലോത്സവത്തില്‍ മാഞ്ചസ്റ്റര്‍ റീജിയണിന്റെ മത്സരങ്ങള്‍ ഇന്ന് സ്‌കന്‍തോര്‍പ്പ് കിംബര്‍ലി ആര്‍ട്‌സ് പെര്‍ഫോമിംഗ് സെന്ററില്‍ വെച്ച് നടക്കും. രാവിലെ കൃത്യം 9 മണിക്ക് റവ. ഫാ. റ്റോമി എടാട്ട് അര്‍പ്പിക്കുന്ന ദിവ്യബലിയോടെ പരിപാടികള്‍ക്ക് തുടക്കമാവും. തുടര്‍ന്ന് ബൈബിള്‍ പ്രതിഷ്ഠ നടക്കും.
നാലു സ്റ്റേജുകളിലായി കലാമത്സരങ്ങള്‍ തുടര്‍ന്ന് അരങ്ങേറും. റീജിയണിന്റെ വിവിധ ഭാഗങ്ങളില്‍ നിന്നായി നിരവധി കലാകാരന്മാരും കലാകാരികളും മത്സരത്തില്‍ മാറ്റുരയ്ക്കും. മത്സരവേദിക്ക് സമീപത്തായി നിരവധി വാഹനങ്ങള്‍ക്ക് പാര്‍ക്കിംഗ് സൗകര്യവും ലഭിക്കും. സ്‌കന്‍തോര്‍പ്പ് വിശ്വാസ സമൂഹത്തിന്റെ ഒത്തൊരുമയില്‍ നടക്കുന്ന ഈ കലാമാമാങ്കത്തില്‍ പങ്കെടുക്കാനെത്തുന്നവര്‍ക്കായി മിതമായ നിരക്കില്‍ ഉച്ചഭക്ഷണവും ലഭ്യമായിരിക്കും. ഡയറക്ടര്‍ റവ. ഫാ ബിജു കുന്നയ്ക്കാട്ടിന്റെയും കമ്മിറ്റിയംഗങ്ങളുടെയും നേതൃത്വത്തില്‍ ഒരുക്കങ്ങളെല്ലാം പൂര്‍ത്തിയായതായി ഭാരവാഹികള്‍ അറിയിച്ചു.
വേദിയുടെ അഡ്രസ്സ് : Kimberly Performing Arts Centre, Enderby Road, Scunthorpe, DN 17 2 JL.
അപ്പച്ചന്‍ കണ്ണഞ്ചിറ
ലണ്ടന്‍: ‘ദാഹത്തോടെ തിരുവചനം സ്വീകരിക്കുന്നവര്‍ അത്ഭുതങ്ങളും, അടയാളങ്ങളും, രോഗശാന്തികളും ദര്‍ശിക്കുമെന്നും ഭൗതിക നേട്ടങ്ങളില്‍ ഭ്രമിച്ച് ദൈവത്തെ മറക്കുന്നവര്‍ വിനാശത്തിലേ നിപതിക്കൂ’ എന്നും ബ്രെന്‍ഡ്വുഡ് ചാപ്ലൈനും അഭിഷേകാഗ്നി ലണ്ടന്‍ റീജണല്‍ കോര്‍ഡിനേറ്ററുമായ ഫാ.ജോസ് അന്ത്യാംകുളം. ‘അനശ്വര സന്തോഷം അനുഭവിക്കുവാന്‍ കിട്ടുന്ന അവസരങ്ങള്‍ നഷ്ടപ്പെടുത്തരുതെന്നും, അനുഗ്രഹങ്ങളില്‍ കൃതജ്ഞത അര്‍പ്പിക്കുന്ന ശുശ്രൂഷകള്‍ മഹത്തരമാണെന്നും’ ജോസച്ചന്‍. ലണ്ടന്‍ റീജണല്‍ അഭിഷേകാഗ്നി കണ്‍വെന്‍ഷന്റെ മുന്നോടിയായി അപ്ടണ്‍പാര്‍ക്കില്‍ നടത്തപ്പെട്ട ഒരുക്ക ധ്യാനം നയിച്ചു കൊണ്ട് സന്ദേശം നല്‍കുകയായിരുന്നു ജോസച്ചന്‍.
വന്‍ പങ്കാളിത്തം കൊണ്ടും, പ്രാര്‍ത്ഥനാ കൂട്ടായ്മയുടെ ചൈതന്യം കൊണ്ടും ഒരുക്ക ധ്യാനം ശ്രദ്ധേയമായി. പരിശുദ്ധ അമ്മയുടെ മാദ്ധ്യസ്ഥം യാചിച്ചു കൊണ്ട് ജപമാല സമര്‍പ്പണത്തോടെ ആരംഭിച്ച ഒരുക്ക ധ്യാനത്തില്‍ വിശുദ്ധ ബലിയും, മാതാവിന്റെ നൊവേനയും അര്‍പ്പിക്കപ്പെട്ടു.
ലണ്ടന്‍ കണ്‍വെന്‍ഷന്റെ ക്രമീകരണങ്ങളും, വോളണ്ടിയേഴ്‌സിന്റെ ചുമതലകളെപ്പറ്റിയും അഭിഷേകാഗ്നി കണ്‍വെന്‍ഷന്റെ സഹകാരി തോമസ് ആന്റണി വോളണ്ടിയേഴ്‌സിനു വിശദീകരിക്കുകയുണ്ടായി. ആയിരങ്ങളെ പ്രതീക്ഷിക്കുന്ന ബൈബിള്‍ കണ്‍വെന്‍ഷന്റെ വിജയത്തിനായുള്ള ശക്തമായ പ്രാര്‍ത്ഥനകള്‍ അഭ്യര്‍ത്ഥിച്ച തോമസ് ഒരൊറ്റ വ്യക്തി പോലും ഈ ദൈവീക കൃപയുടെ അഭിഷേക സുവര്‍ണ്ണാവസരം നഷ്ടപ്പെടാതെ ശ്രദ്ധിക്കണം എന്നും ഉദ്ബോധിപ്പിച്ചു.
മില്‍ ഹില്‍ ഈസ്റ്റ് ട്യൂബ് സ്റ്റേഷനില്‍ നിന്നും ധ്യാന വേദിയിലേക്കും തിരിച്ചും സൗജന്യമായി ട്രാന്‍സ്പോര്‍ട്ട് ഒരുക്കുന്ന വോളണ്ടിയര്‍ അനില്‍ എന്‍ഫീല്‍ഡ്, റിഫ്രഷ്‌മെന്റ് ചുമതലയുള്ള ഷാജി എന്നിവര്‍ അവരുടെ കര്‍ത്തവ്യങ്ങളും, ഒരുക്കങ്ങളും വിശദീകരിച്ചു .ധ്യാനത്തിന് ട്രെയിനില്‍ എത്തുന്ന യാത്രക്കാര്‍ക്ക് സൗകര്യം ഒരുക്കുവാന്‍ സഹായം ചെയ്യുവാന്‍ സന്നദ്ധരായവര്‍ അനിലിനെ (07723744639) ബന്ധപ്പെടണമെന്നും അഭ്യര്‍ത്ഥിക്കുകയുണ്ടായി.
ഇനിയുള്ള ഒരാഴ്ച അഭിഷേകാഗ്നി കണ്‍വെന്‍ഷന്റെ വിജയങ്ങള്‍ക്കും, സുഗമമായ നടത്തിപ്പിനും പ്രാര്‍ത്ഥനാ നിര്‍ഭരമായി അഹോരാത്രം പ്രവര്‍ത്തിക്കുവാന്‍ തീരുമാനം എടുത്താണ് ഏവരും പിരിഞ്ഞത്.
പ്രശസ്ത ധ്യാന ഗുരു ഫാ.സേവ്യര്‍ഖാന്‍ വട്ടായില്‍ നയിക്കുന്ന ഗ്രെയ്റ്റ് ബ്രിട്ടന്‍ രൂപതയുടെ അഭിഷേകാഗ്നി കണ്‍വെന്‍ഷനിലൂടെ ലണ്ടനിലെ അല്ലിയന്‍സ് പാര്‍ക്കില്‍ നിറയുന്ന പരിശുദ്ധാല്‍മ്മാവിന്റെ ശക്തി പാശ്ചാത്യ മണ്ണില്‍ ദൈവ കൃപാ നിറവില്‍ വിശ്വാസത്തിന്റെയും, സ്‌നേഹത്തിന്റെയും അലയടിയാവും ഇനിയുള്ള നാളുകളില്‍ ശ്രവിക്കുക ഒപ്പം സഭാ സ്‌നേഹവും, കൂട്ടായ്മയുടെ ശാക്തീകരണവും ഊട്ടി ഉറപ്പിക്കലും.
October 29 Sunday 9:30 to 18:00
Allianz Park Greenlands Lanes, Hendon, London NW4 1RL
ബാബു ജോസഫ്
ഗ്രേറ്റ് ബ്രിട്ടണ്‍ രൂപത പ്രഥമ ബൈബിള്‍ കണ്വെന്ഷന് അഭിഷേകാഗ്‌നിക്ക് നാളെ ഗ്ലാസ്ഗോയില് തുടക്കമാകും. രൂപതാധ്യക്ഷന്‍ മാര്‍ ജോസഫ് സ്രാമ്പിക്കലിന്റെ ആത്മീയ നേതൃത്വത്തില്‍ ലോക പ്രശസ്ത വചന പ്രഘോഷകനും സെഹിയോന്‍ മിനിസ്ട്രീസ് സ്ഥാപകനും അനേകായിരങ്ങളെ ആഴത്തിലുള്ള ക്രിസ്തീയവിശ്വാസത്തിലേക്കും ജീവിതത്തിലേക്കും നയിക്കാന്‍ ദൈവം തിരഞ്ഞെടുത്ത കാലഘട്ടത്തിന്റെ ദൈവികോപകരണം റവ.ഫാ.സേവ്യര്‍ ഖാന്‍ വട്ടായില്‍ കണ്‍വെന്‍ഷനുകള്‍ നയിക്കും. ലോക സുവിശേഷവത്കരണം മലയാളികളിലൂടെയെന്ന അലിഖിത വചനത്തിന് അടിവരയിട്ടുകൊണ്ട് യൂറോപ്പില്‍ ക്രൈസ്തവ മാഹാത്മ്യത്തിന്റെ പുനരുദ്ധാരണത്തിനെന്നവണ്ണം പിറവിയെടുത്ത ഗ്രേറ്റ് ബ്രിട്ടണ്‍ സീറോ മലബാര്‍ രൂപത അതിന്റെ പ്രഥമ ബൈബിള്‍ കണ്‍വെന്‍ഷന്റെ അഭിഷേകനിറവിനായി തീവ്രമായ പ്രാര്‍ത്ഥന ഒരുക്കങ്ങളിലാണ്.
നാളെ 22 ഞായറാഴ്ച സ്‌കോട്‌ലന്‍ഡിലെ ഗ്‌ളാസ്ഗോയിലാണ് ആദ്യ കണ്വെന്ഷന്. 23 തിങ്കള്‍ രൂപത ആസ്ഥാനമായ പ്രെസ്റ്റണിലും 24 ചൊവ്വാഴ്ച്ച മാഞ്ചെസ്റ്ററിലും 25 ബുധന്‍ കേംബ്രിഡ്ജിലും 26 വ്യാഴം ബിര്‍മിങ്ഹാം കവെന്റ്രിയിലും 27 വെള്ളി സൗത്താംപ്ടണിലും 28 ശനിയാഴ്ച്ച ബ്രിസ്റ്റോള് കാര്‍ഡിഫിലും നടക്കുന്ന കണ്‍വെന്‍ഷനുകള്‍ 29 ഞായറാഴ്ച ലണ്ടന്‍ കണ്‍വെന്‍ഷനോട്കൂടി സമാപിക്കും. കണ്‍വെന്‍ഷന്റെ വിശദമായ ടൈംടേബിള്‍ ചുവടെ ;
വിവിധ റീജിയനുകളിലെ കണ്‍വന്‍ഷനുകള്‍ക്ക് മാര്‍ സ്രാമ്പിക്കലിനൊപ്പം വികാരി ജനറാള്‍മാരായ റവ.ഫാ.തോമസ് പാറയടി, റവ.ഫാ.മാത്യു ചൂരപ്പൊയ്കയില്‍, റവ.ഫാ. സജി മലയില്‍പുത്തന്‍പുര എന്നിവരുടെയും രൂപത ഇവാഞ്ചലൈസഷന്‍ കോര്‍ഡിനേറ്ററും ബൈബിള്‍ കണ്വെന്ഷന് ജനറല്‍ കണ്‍വീനറുമായ ഫാ.സോജി ഓലിക്കല്‍, മാസ് സെന്റര്‍ ചാപ്ലയിന്മാര്‍ എന്നിവരുടെ നേതൃത്വത്തില്‍ അവസാനവട്ട ഒരുക്കങ്ങള്‍ നടന്നുവരുന്നു. കണ്‍വെന്‍ഷന്റെ ഒരുക്ക ശുശ്രൂഷകള്‍ ഇതിനോടകം വിവിധ റീജിയനുകളില്‍ പൂര്‍ത്തിയായി. വിവിധങ്ങളായ ഉപവാസ മധ്യസ്ഥ പ്രാര്‍ത്ഥനകളും ദിവ്യകാരുണ്യ ആരാധനകളും യുകെയിലെമ്പാടും പ്രഥമ ബൈബിള്‍ കണ്‍വെന്‍ഷന്റെ വിജയത്തിനായി നടന്നുവരുന്നു.
ഫാ.ബിജു കുന്നയ്ക്കാട്ട്, പിആര്‍ഒ
പ്രസ്റ്റണ്‍: ഗ്രേറ്റ് ബ്രിട്ടണ്‍ സീറോ മലബാര്‍ രൂപതയുടെ പ്രഥമ ബൈബിള്‍ കണ്വെന്ഷന് ‘അഭിഷേകാഗ്നി 2017’ നാളെ ആരംഭിക്കുന്നു. അട്ടപ്പാടി സെഹിയോന്‍ ശുശ്രൂഷകളുടെ ഡയറക്ടര്‍ ഫാ. സേവ്യര്‍ ഖാന്‍ വട്ടായിലും ടീമുമാണ് ഗ്രേറ്റ് ബ്രിട്ടണിലെ എട്ടു നഗരങ്ങളില്‍ എട്ടു ദിനങ്ങളിലായി നടക്കുന്ന കണ്വെന്ഷന് നയിക്കുന്നത്. രൂപതാദ്ധ്യക്ഷന്‍ മാര്‍ ജോസഫ് സ്രാമ്പിക്കല്‍ എല്ലാ ദിവസവും വിശുദ്ധ കുര്‍ബാന അര്‍പ്പിച്ച് സുവിശേഷസന്ദേശം നല്‍കുന്നതുമാണ്. 2017 ഒക്ടോബര് 22-ാം തീയതി ഞായറായ്ച ഗ്ലാസ്‌ഗോ റീജണിലെ മദര്‍വെല്‍ സിവിക്ക് സെന്ററില്‍ ആരംഭിക്കുന്ന കണ്വെന്ഷന് 23-ാം തീയതി തിങ്കളാഴ്ച പ്രെസ്റ്റണിലെ സെന്റ് അല്‍ഫോന്‍സാ കത്തീഡ്രല്‍, 24-ാം തീയതി ചൊവ്വാഴ്ച മാഞ്ചസ്റ്റര്‍ ഷെറിഡന്‍ സ്യൂട്ട്, 25-ാം തീയതി ബുധനാഴ്ച നോറിച്ച് സെന്റ് ജോണ്‍ ദ് ബാപ്റ്റിസ്റ്റ് കത്തീഡ്രല്‍, 26-ാം തീയതി വ്യാഴാഴ്ച ബര്‍മിംഹാം ന്യു ബിന്‍ഗ്ലി ഹോള്‍, 27-ാം തീയതി വെള്ളിയാഴ്ച ബോണ്‍മൗത്ത് ലൈഫ് സെന്റര്‍, 28-ാം തീയതി ശനിയാഴ്ച കാര്‍ഡിഫ് കാര്‍ഡിഫ് കോര്‍പ്പസ് ക്രിസ്റ്റി ആര്‍. സി. ഹൈസ്‌ക്കുള്‍, 29-ാം തീയതി ഞായറാഴ്ച ലണ്ടണിലെ ഹെന്‍ണ്ടന്‍ അലൈന്‍സ് പാര്‍ക്ക് എന്നിവടങ്ങളില്‍ വെച്ചാണ് നടത്തപ്പെടുന്നത്. ഓരോ ദിവസവും രാവിലെ 10 മണിക്ക് ആരംഭിച്ച് വൈകുന്നേരം 6 മണിക്കാണ് സമാപിക്കുന്നത്.
കണ്വെന്ഷന് ഒരുക്കമായി ഒക്ടോബര് 21 -ാം തീയതി ശനിയാഴ്ച 6 pm മുതല്‍ 11:45 pm വരെ പ്രെസ്റ്റണ്‍ സെന്റ് അല്‍ഫോന്‍സാ ഓഫ് ഇമ്മാക്കുലേറ്റ് കണ്‍സപ്ഷന്‍ കത്തീഡ്രലില്‍ വെച്ച് മാര്‍ ജോസഫ് സ്രാമ്പിക്കലും ഫാ. സേവ്യര്‍ ഖാന്‍ വട്ടായിലും റ്റീമും നയിക്കുന്ന ജാഗരണപ്രാര്‍ത്ഥനയും ഉണ്ടായിരിക്കുന്നതാണ്. രൂപതാദ്ധ്യക്ഷന്‍ മാര്‍ ജോസഫ് സ്രാമ്പിക്കല്‍ രക്ഷാധികാരിയും വികാരി ജനറാള്‍ റവ. ഡോ. മാത്യു ചൂരപ്പൊയ്കയില്‍ ജനറല്‍ കോര്‍ഡിനേറ്ററും നവസുവിശേഷവത്കരണത്തിനു വേണ്ടിയുള്ള കമ്മീഷന്‍ ചെയര്‍മാന്‍ റവ. ഫാ. സോജി ഓലിക്കല്‍ ജനറല്‍ കണ്‍വീനറും വികാരി ജനറാളന്‍മാരായ റവ. ഡോ. തോമസ് പാറയടിയില്‍ എം. എസ്. റ്റി. യും, റവ. ഫാ. സജിമോന്‍ മലയില്‍പുത്തന്‍പുരയും, റവ. ഫാ. ജോസഫ് വെമ്പാടംതറ വി. സി., റവ. ഡോ. മാത്യു പിണക്കാട്ട്, റവ. ഫാ. ജെയിസണ്‍ കരിപ്പായി, റവ. ഫാ. ടെറിന്‍ മുല്ലക്കര, റവ. ഫാ. ടോമി ചിറയ്ക്കല്‍മണവാളന്‍, റവ. ഫാ. പോള്‍ വെട്ടിക്കാട്ട് സി. എസ്. റ്റി., ഫാ. ജോസ് അന്തിയാംകുളം എം.സി.ബി.എസ്. എന്നിവര്‍ റീജിയണല്‍ കോര്‍ഡിനേറ്റേഴ്‌സുമാരായുള്ള വിപുലമായ കമ്മറ്റി കണ്വെന്ഷന് നേതൃത്വം നല്‍കുന്നതാണ്.
ബാബു ജോസഫ്
ഒക്ടോബര് 24-ാം തീയതിയിലെ മാഞ്ചസ്റ്റര്‍ അഭിഷേകാഗ്നി കണ്‍വെന്‍ഷനില്‍ കുട്ടികള്‍ക്കായി പ്രത്യേക ശുശ്രൂഷകള്‍ നടത്തപ്പെടും. 8 വയസ്സു മുതല്‍ 12 വയസ്സു വരെയുള്ള കുട്ടികള്‍ക്കു വേണ്ടിയാണ് ഈ പ്രത്യേക ശുശ്രൂഷകള്‍ നടത്തപ്പെടുക. ഈ പ്രായത്തിലുള്ള കുട്ടികളെ വിവിധ ഗ്രൂപ്പുകളായി തിരിച്ച് അവരുടെ പ്രായത്തിന് അനുയോജ്യമായ രീതിയില്‍ വചനവിരുന്ന് ഒരുക്കുക എന്നതാണ് ഈ ശുശ്രൂഷകളുടെ ലക്ഷ്യം.
മുതിര്‍ന്നവരുടെ കണ്വെന്ഷന് സെന്ററില്‍ നിന്നും വെറും 4 മിനിറ്റ് സഞ്ചരിച്ചാല്‍ എത്തിച്ചേരുന്ന Irish World heritage centreല്‍ വച്ചായിരിക്കും കുട്ടികളുടെ ശുശ്രൂഷകള്‍ നടത്തപ്പെടുക. മാതാപിതാക്കള്‍, 8 വയസ്സു മുതല്‍ 12 വയസ്സു വരെയുള്ള കുട്ടികളെ ആദ്യം ഇവിടെ എത്തിച്ചതിനു ശേഷം മുതിര്‍ന്നവരുടെ കണ്വെന്ഷന് സെന്ററിലേക്കു പോകാവുന്നതാണ്.
കുട്ടികളുടെ ശുശ്രൂഷകള്‍ നടക്കുന്ന സ്ഥലത്തിന്റെ അഡ്രസ്: Irish World heritage centre, 1 Irish town Way, Manchester, M8 0RY
ഒക്ടോബര് 24ന് മാഞ്ചെസ്റ്ററില്‍ നടക്കുന്ന അഭിഷേകാഗ്നി കണ്‍വെന്‍ഷനു വേണ്ടി വിപുലമായ ആത്മീയ ഒരുക്കങ്ങളാണ് നടന്നു വരുന്നത്. ഈ കണ്‍വെന്‍ഷനു വേണ്ടി നിരവധി സ്ഥലങ്ങളില്‍ ദിവ്യകാരുണ്യ ആരാധനയും പ്രത്യേക മദ്ധ്യസ്ഥ പ്രാര്‍ത്ഥനകളും നടന്നു വരുന്നു. കണ്‍വെന്‍ഷന്റെ ആത്മീയ വിജയത്തിനായുള്ള പ്രത്യേക പ്രാര്‍ത്ഥന ഓരോ കുടുംബങ്ങളിലും നടന്നുവരുന്നതിനോടൊപ്പം, ബിഷപ്പ് മാര്‍ ജോസഫ് സ്രാമ്പിക്കലിന്റെയും രൂപതാ കേന്ദ്രത്തിന്റെയും പ്രത്യേക സന്ദേശവുമായി കണ്‍വെന്‍ഷനിലേക്കു ഓരോരുത്തരെയും നേരിട്ട് ക്ഷണിച്ചുകൊണ്ടുള്ള ഭവന സന്ദര്‍ശനം ഇതിനോടകം പൂര്‍ത്തിയായി.
ലോകപ്രശസ്ത വചനപ്രഘോഷകനും സെഹിയോന്‍ മിനിസ്ട്രീസ് സ്ഥാപകനുമായ ഫാ.സേവ്യര്‍ ഖാന്‍ വട്ടായില്‍ നയിക്കുന്ന ഗ്രേറ്റ് ബ്രിട്ടണ്‍ സീറോ മലബാര്‍ രൂപത പ്രഥമ ബൈബിള്‍ കണ്വെന്ഷന് എല്ലാ അര്‍ത്ഥത്തിലും വന്‍ വിജയമാക്കുവാന്‍ രൂപത വികാരി ജനറാള്‍ റവ.ഫാ.സജി മലയില്‍പുത്തന്‍പുരയുടെ നേതൃത്വത്തില്‍ വിവിധ മാസ് സെന്ററുകളില്‍ നിന്നും തിരഞ്ഞെടുക്കപ്പെട്ടവരുള്‍പ്പെടുന്ന വിപുലമായ സംഘാടകസമിതി ചാപ്ലയിന്‍മാരായ, റീജിയണല്‍ കോ ഓര്‍ഡിനേറ്റര്‍ ഫാ. തോമസ് തൈക്കൂട്ടത്തില്‍, ഫാ.ലോനപ്പന്‍ അരങ്ങാശ്ശേരി, ഫാ. സിറില്‍ ഇടമന, ഫാ. മാത്യു മുളയോലില്‍, ഫാ. ബിജു കുന്നക്കാട്ട്, ഫാ.റോയ് കോട്ടയ്ക്കുപുറം, ഫാ.രഞ്ജിത് ജോര്‍ജ് മടത്തിറമ്പില്‍ എന്നിവര്‍ക്കൊപ്പം വിപുലമായ ഒരുക്കങ്ങളാണ് നടത്തിവരുന്നത്.
മാഞ്ചസ്റ്ററിലെ ഏറ്റവും വലിയ കണ്വെന്ഷന് സെന്ററുകളില്‍ ഒന്നായ ഷെറിഡന്‍ സ്യൂട്ടില്‍ വെച്ചായിരിക്കും അനേകായിരങ്ങളെ ക്രൈസ്തവ വിശ്വാസത്തിന്റെ ആഴങ്ങളിലേക്ക് നയിക്കുന്ന അഭിഷേകാഗ്നി കണ്വെന്ഷന് നടത്തപ്പെടുക. ലോകത്തിന്റെ നാനാഭാഗങ്ങളില്‍ നടന്നുവരുന്ന അഭിഷേകാഗ്നി കണ്‍വെന്‍ഷനിലൂടെ ധാരാളം അത്ഭുതങ്ങളും, അടയാളങ്ങളും, രോഗശാന്തികളുമാണ് അനുദിനം സംഭവിച്ചുകൊണ്ടിരിക്കുന്നത്.
ഒക്ടോബര് 24 ചൊവ്വാഴ്ച നടക്കുന്ന കണ്‍വെന്‍ഷനില്‍ പങ്കെടുക്കാന്‍ ആയിരക്കണക്കിനു വിശ്വാസികള്‍ എത്തിച്ചേരും എന്നു കണക്കാക്കപ്പെടുന്നു. മോട്ടര്‍വേയില്‍ നിന്നും എളുപ്പത്തില്‍ എത്തിച്ചേരാന്‍ സാധിക്കുന്നതും, സൗജന്യമായ കാര്‍ പാര്‍ക്കിംഗ് സൗകര്യങ്ങളുള്ളതുമായ ഷെറിഡന്‍ സ്യൂട്ട്, മാഞ്ചസ്റ്ററിലെ ഓള്‍ഡ്ഹാം റോഡിലാണ് സ്ഥിതി ചെയ്യുന്നത്.
ഒക്ടോബര് 24 നു മാഞ്ചെസ്റ്ററില്‍ നടക്കുന്ന അഭിഷേകാഗ്നി കണ്‍വെന്‍ഷനിലേക്കു ഗ്രേറ്റ് ബ്രിട്ടണ്‍ രൂപത എല്ലാവരെയും യേശു നാമത്തില്‍ ക്ഷണിക്കുന്നു. വിശാലമായ കാര്‍ പാര്‍ക്കിങ്ങ് സൗകര്യങ്ങളോടു കൂടിയ മുതിര്‍ന്നവരുടെ കണ്വെന്ഷന് സെന്ററിന്റെ അഡ്രസ്സ്: The Sheridan Suite, 371 Oldham Road, Manchester, M40 8RR
സി. ഗ്രേസ്മേരി
ഗ്രേറ്റ് ബ്രിട്ടണ്‍ രൂപതയുടെ പ്രഥമ ബൈബിള്‍ കണ്വെന്ഷന് ”അഭിഷേകാഗ്നി” കാര്‍ഡിഫിലെ കോര്‍പ്പസ് ക്രിസ്റ്റി സ്‌കൂള്‍ ഹാളില്‍ വച്ച് ഒക്ടോബര് 28ന് നടക്കും. ദൈവവചനം ശ്രവിച്ച് അനുഗ്രഹങ്ങള്‍ പ്രാപിക്കുവാനും പരിശുദ്ധാത്മ ശക്തിയാല്‍ നവജീവിതം രൂപപ്പെടുത്തുവാന്‍ ലക്ഷ്യമാക്കിയുള്ള ഈ കണ്വെന്ഷന് നയിക്കുന്നത് പ്രമുഖ വചന പ്രഘോഷകനും അട്ടപ്പാടി സെഹിയോന്‍ ധ്യാനകേന്ദ്രം ഡയറക്ടര്‍ ഫാ. സേവ്യര്‍ ഖാന്‍ വട്ടായില്‍ ആണ്.
അഭിഷേകത്തിന്റെ അഗ്‌നിജ്വാലകള്‍ ഈ റീജിയനിലെ ഓരോ കുടുംബത്തിലും ഈ ദേശം മുഴുവനിലും ആഞ്ഞുവീശി ദൈവകൃപയുടെ അവര്‍ണ്ണനീയമായ അനുഗ്രഹമഴ ചൊരിയുന്ന പുണ്യദിനമാണ് ഈ കണ്വെന്ഷന്. അഭിവന്ദ്യ മാര്‍ ജോസഫ് സ്രാമ്പിക്കല്‍ പിതാവിന്റെയും ഫാ. സോജി ഓലിക്കലിന്റെയും ഫാ. സൈജു നടുവത്താനിയുടെയും ബ്രദര്‍ റെജി കൊട്ടാരത്തിന്റെയും മറ്റു വൈദിക ശ്രേഷ്ഠരുടെയും സാന്നിധ്യം ഈ കണ്‍വെന്‍ഷന്റെ പ്രത്യേകതയാണ്. കുട്ടികള്‍ക്ക് വേണ്ടിയുള്ള പ്രത്യേക ശുശ്രൂഷകള്‍ നയിക്കുന്നത് സെഹിയോന്‍ ”കിഡ്സ് ഫോര്‍ കിംഗ്ഡം ” ടീം ആയിരിക്കും.
കണ്‍വെന്‍ഷന്റെ വിജയത്തിനായുള്ള ഒരുക്ക ധ്യാനം ഒക്ടോബര് 15ന് കാര്‍ഡിഫില്‍ വച്ച് നടത്തപ്പെട്ടു. അഖണ്ഡജപമാലയും കണ്വെന്ഷന് വിജയത്തിനായുള്ള പ്രത്യേക പ്രാര്‍ത്ഥനയും എല്ലാ കുര്‍ബാന സെന്ററുകളിലും വളരെ തീക്ഷ്ണതയോടെ നടക്കുന്നു. രാവിലെ പത്ത് മണിയ്ക്ക് ജപമാലയോടെ ആരംഭിച്ച് വചന പ്രഘോഷണം, കുമ്പസാരം, കുര്‍ബാന, ദിവ്യകാരുണ്യാരാധന എന്നീ ശുശ്രൂഷകളോടെ വൈകിട്ട് ആറുമണിക്ക് അവസാനിക്കുന്നു. ഉച്ചഭക്ഷണം ആവശ്യമുള്ളവര്‍ ലഞ്ച് ബോക്സ് കരുതേണ്ടതാണ്. ബ്രിസ്റ്റോള് കാര്‍ഡിഫ് റീജിയന്റെ പല സെന്ററുകളില്‍ നിന്നുമായി ഒന്‍പതോളം കോച്ചുകള്‍ അറേഞ്ച് ചെയ്തിട്ടുള്ളതായി സംഘാടകര്‍ അറിയിക്കുന്നു.
ഫ്രീ പാര്‍ക്കിംഗ് എല്ലാവര്‍ക്കും ലഭ്യമാണ്. ബ്രിസ്റ്റോള്, കാര്‍ഡിഫ് റീജിയണല്‍ കോര്‍ഡിനേറ്റര്‍ ഫാ. പോള്‍ വെട്ടിക്കാട്ട്, ഫിലിപ്പ് കണ്ടോത്ത്, റോയി സെബാസ്റ്റിയന്‍, ജോസി മാത്യു, ജോണ്‍സണ്‍ പഴംമ്പള്ളി, റോജന്‍ ആന്റണി, ലിജോ സെബാസ്റ്റിയന്‍, സജി തോമസ്, എന്നിവരുടെ നേതൃത്വത്തിലുള്ള കമ്മിറ്റിയാണ് ഒരുക്കങ്ങള്‍ നിര്‍വ്വഹിക്കുന്നത്. ഈ അഭിഷേകാഗ്നി കണ്‍വെന്‍ഷനില്‍ സംബന്ധിച്ച് ദൈവാനുഗ്രഹങ്ങള്‍ പ്രാപിക്കുവാന്‍ ബ്രിസ്റ്റോള് കാര്‍ഡിഫ് റീജിയനിലുള്ള എല്ലാവരേയും സസ്നേഹം ക്ഷണിക്കുന്നതായി ഫാ. പോള്‍ വെട്ടിക്കാട്ട് അറിയിച്ചു
