ജെഗി ജോസഫ്
ഗ്രേറ്റ് ബ്രിട്ടന്‍ സീറോ മലബാര്‍ രൂപതയുടെ പ്രഥമ ബൈബിള്‍ കലോത്സവത്തിന് തിരി തെളിയുവാന്‍ ഇനി അഞ്ച് നാളുകള്‍ മാത്രം ബാക്കി നില്‍ക്കവേ കലോത്സവത്തിന്റെ രജിസ്ട്രേഷന്‍ നടപടികള്‍ പൂര്‍ത്തിയായി. മത്സരത്തിന്റെ ആവേശവും മുന്നൊരുക്കവുമാണ് എല്ലായിടത്തും. റീജിയണല്‍ മത്സരങ്ങളില്‍ വിജയിച്ച് കഴിവു തെളിയിച്ച കുട്ടികള്‍ കലോത്സവ വേദികളില്‍ മാറ്റുരയ്ക്കുമ്പോള്‍ അത് ആസ്വാദകര്‍ക്ക് ഹൃദ്യമായ അനുഭവമായിരിക്കും സമ്മാനിക്കുക. മത്സരത്തേക്കാളുപരി ദൈവവചനങ്ങള്‍ കലാരൂപങ്ങളിലൂടെ വേദിയിലെത്തുമ്പോള്‍ അത് കുരുന്നുകള്‍ക്ക് ദൈവത്തിലേക്കുള്ള വഴിയായി മാറും. കുഞ്ഞുമനസുകളില്‍ വിശ്വാസം ഉറപ്പിക്കാന്‍ ഈ മത്സരത്തിനാകുമെന്നത് മുന്‍ വര്‍ഷത്തെ സ്വീകാര്യതയില്‍ നിന്ന് തന്നെ വ്യക്തമാണ്.
എട്ട് റീജിയണുകളിലായി നടന്ന റീജിയണല്‍ ബൈബിള്‍ കലോത്സവത്തില്‍ ഒന്നും രണ്ടും സ്ഥാനം നേടിയ വിജയികളാണ് ബ്രിസ്റ്റോളിലെ സൗത്ത്മീഡ് ഗ്രീന്‍വേ സെന്ററില്‍ നവംബര്‍ 4ന് നടക്കുന്ന മത്സരത്തില്‍ മാറ്റുരക്കാന്‍ എത്തുന്നത്. 550 ഓളം വ്യക്തിഗത ഇനങ്ങളിലും 65 ഓളം ഗ്രൂപ്പിനങ്ങളിലുമായി ഏകദേശം 850 ലധികം കുട്ടികളുടെ രജിസ്ട്രേഷന്‍ നടപടികള്‍ പൂര്‍ത്തിയായി കഴിഞ്ഞു. ബ്രിസ്റ്റോളിലെ സൗത്തമീഡ് ഗ്രീന്‍വേ സെന്ററിലും ബ്രിസ്റ്റോള്‍ കമ്മ്യൂണിറ്റി സെന്ററിലുമായി ഒരുക്കുന്ന 9 സ്റ്റേജുകളുടെയും നടപടി ക്രമങ്ങള്‍ പൂര്‍ത്തിയായി. വോളന്റിയേഴ്സിന്റെയും മറ്റും ലിസ്റ്റ് തയ്യാറായിക്കഴിഞ്ഞു. 9 സ്റ്റേജുകളില്‍ എവിടെയെങ്കിലും താമസം നേരിട്ടാല്‍ ഉടന്‍ തന്നെ അതിനുള്ള പകരം സംവിധാനം ഒരുക്കുന്നതിനായി രണ്ടു സ്ഥലങ്ങളിലും ഓരോ എക്സ്ട്രാ സ്റ്റേജുകള്‍ ക്രമീകരിച്ചിട്ടുണ്ട്.
നവംബര്‍ 3 വെള്ളിയാഴ്ച വൈകുന്നേരം 6.30ന് ഫിഷ്പോണ്ട്സ് സെന്റ് ജോസഫ് ദേവാലയത്തില്‍ നടക്കുന്ന യാമപ്രാര്‍ത്ഥനയോട് കൂടി ബൈബിള്‍ കലോത്സവത്തിന്റെ ആധ്യാത്മിക തലത്തിലുള്ള ഒരുക്കങ്ങള്‍ക്ക് തുടക്കമാകും. എല്ലാ ആദ്യ വെള്ളിയാഴ്ചകളിലും ബ്രിസ്റ്റോളില്‍ നടക്കുന്ന നൈറ്റ് വിജില്‍ ഇത്തവണ ബൈബിള്‍ കലോത്സവത്തിന് മുന്നോടിയായുള്ള നൈറ്റ് വിജിലാവും. ബിഷപ്പ് മാര്‍ ജോസഫ് സ്രാമ്പിക്കല്‍ മുഖ്യ വചന സന്ദേശം നല്‍കും. 7 മണിക്ക് വിശുദ്ധ കുര്‍ബ്ബാനയെ തുടര്‍ന്ന് ആരാധനയും ക്രമീകരിച്ചിട്ടുണ്ട്.
ശനിയാഴ്ച രാവിലെ 8.45ന് തന്നെ ഗ്രീന്‍വേ സെന്ററില്‍ രജിസ്ട്രേഷന്‍ ഡോക്യുമെന്റസ് എല്ലാവര്‍ക്കും വിതരണം ചെയ്യും. തുടര്‍ന്ന് ഒന്‍പതേകാലിന് ബൈബിള്‍ പ്രതിഷ്ഠയോട് കൂടി ബൈബിള്‍ കലോത്സവ മത്സരങ്ങള്‍ ആരംഭിക്കും. വൈകുന്നേരം ആറര വരെ നീണ്ടു നില്‍ക്കുന്ന മത്സരങ്ങള്‍ക്ക് ശേഷം പൊതുസമ്മേളനത്തിന് തുടക്കമാവുവുകയും സമ്മളന വേദിയില്‍ വച്ച് വിജയികള്‍ക്കുള്ള സമ്മാനവിതരണവും നടക്കും.
എല്ലാ മാസ് സെന്ററുകളിലെയും വൈദികര്‍ക്കും മറ്റു വിശിഷ്ട വ്യക്തികള്‍ക്കുമായി കലോത്സവ ഡയറക്ടറുടെയും ചീഫ് കോര്‍ഡിനേറ്ററുടെയും പേരുകളില്‍ ഇന്‍വിറ്റേഷന്‍ ലെറ്ററുകള്‍ അയച്ചു കഴിഞ്ഞു. 850 ലധികം മത്സരാര്‍ത്ഥികള്‍ പങ്കെടുക്കുന്ന ഒരു മത്സരമായത് കൊണ്ട് തന്നെ മുന്നൊരുക്കങ്ങള്‍ എല്ലാം വളരെ തകൃതിയായി നടക്കുന്നു.ആതിഥേയരായ STSMCC യുടെ ട്രസ്റ്റിമാരായ പ്രസാദ് ജോണ്‍, ലിജോ പടയാറ്റില്‍, ജോസ് മാത്യു, വിവിധ കമ്മിറ്റികളുടെ വോളന്റിയേഴ്സും മറ്റും മീറ്റിങ്ങുകള്‍ ചേര്‍ന്ന് മുന്നൊരുക്കങ്ങള്‍ നടത്തിവരികയാണ്.
എട്ട് മണിക്കൂറിലധികം യാത്ര ചെയ്തു സ്‌കോട്ട്ലാന്‍ഡില്‍ നിന്നും ലിവര്‍പൂളില്‍ നിന്നും ലണ്ടന്‍, കേംബ്രിഡ്ജ് തുടങ്ങിയ സ്ഥലങ്ങളില്‍ നിന്നും വരുന്നവര്‍ക്ക് വേണ്ടി ബ്രേക്ക്ഫാസ്റ്റ് സൗകര്യം ഒരുക്കിയിട്ടുണ്ട്. ആവശ്യമുള്ളവര്‍ അതിനായി ചുമതലപ്പെട്ടവരെ ബന്ധപ്പെടേണ്ടതാണ്. ബൈബിള്‍ കലോത്സവത്തിന്റെ പ്രധാന കോര്‍ഡിനേറ്റര്‍ കലോത്സവം ഡയറക്ടര്‍ ഫാ പോള്‍ വെട്ടിക്കാട്ട് ആണ്.-07450243223. കലോത്സവം ചീഫ് കോര്‍ഡിനേറ്റര്‍ സിജി വാദ്യാനത്ത്- 07734 303945
നടപടികള്‍ പൂര്‍ത്തിയായെങ്കിലും രജിസ്ട്രേഷന്‍ സംബന്ധിച്ച് അന്വേഷണങ്ങള്‍ക്ക് രജിസ്ട്രേഷന്റെ കോര്‍ഡിനേറ്റര്‍ ജോജി മാത്യുവിനെ ബന്ധപ്പെടുക-07737 506147 ദൂരസ്ഥലത്ത് നിന്ന് വരുന്നവര്‍ക്ക് അക്കോമഡേഷനെ കുറിച്ച് അറിയാന്‍ ജോമോന്‍ മാമച്ചനെ വിളിക്കുക (07886208051) നേരത്തെ റെയില്‍വേ സ്റ്റേഷനിലും മറ്റുമെത്തുന്നവര്‍ ട്രാന്‍സ്പോര്‍ട്ട് സംവിധാനങ്ങള്‍ക്ക് ജോസ് മാത്യുവിനെ ബന്ധപ്പെടുക-07837482597 ഭക്ഷണ സംബന്ധമായ കാര്യങ്ങള്‍ക്ക് പ്രസാദ് ജോണ്‍ -07525687588
മത്സരങ്ങളുടെ സമ്മാനവുമായി ബന്ധപ്പെട്ട വിവരങ്ങള്‍ അറിയാന്‍ അനിതാ ഫിലിപ്പ്-07809714895 ഫൈനാന്‍സ് സംബന്ധിച്ച് അറിയാന്‍ എസ്ടിഎംസിസിയുടെ ട്രെഷറര്‍ ബിജു ജോസിനെ വിളിക്കുക -07956 120231,
ബ്രിസ്റ്റോളിലും യുകെയിലെമ്പാടുമുള്ള വിവിധ മാസ് സെന്ററുകളിലെ വിശ്വാസികളെല്ലാം നല്ലൊരു മത്സരം കാണുവാനുള്ള ഒരുക്കത്തിലാണ്. അഭിഷേകാഗ്നി കണ്‍വന്‍ഷനില്‍ പങ്കെടുത്തവര്‍ കണ്‍വന്‍ഷനില്‍ നിന്നുമുള്ള പ്രചോദനം ഉള്‍ക്കൊണ്ട് ദൈവവചനം കലാരൂപങ്ങളില്‍ കൂടി അവതരിപ്പിക്കാനും അത് കുട്ടികളിലേക്ക് പകര്‍ന്നു കൊടുക്കാനുമുള്ള ഒരുക്കത്തിലാണ്. ഇത്തവണത്തെ മത്സരങ്ങള്‍ വളരെ കടുത്തതായിരിക്കുമെന്നതില്‍ സംശയമേതുമില്ല. യുകെയിലെ പ്രമുഖ മലയാളം ചാനലായ ഗര്‍ഷോം ടിവിയില്‍ തത്സമയ സംപ്രേക്ഷണം ഉണ്ടായിരിക്കുന്നതാണ്.
ബെന്നി മേച്ചേരിമണ്ണില്‍
റെക്‌സം രൂപതയിലെ ഹവാര്‍ഡന്‍ ചര്‍ച്ചില്‍ എല്ലാ മാസവും ആദ്യ ശനിയാഴ്ചകളില്‍ നടത്തിവരുന്ന പരിശുദ്ധ മാതാവിന്റെ നൊവേനയും ആഘോഷമായ മലയാളം പാട്ടുകുര്‍ബാനയും നവംബര്‍ മാസം 4-ാം തിയതി 4.15ന് കൊന്ത നമസ്‌കാരത്തോടെ ആരംഭിക്കുന്നു. തുടര്‍ന്നു മലയാളം പാട്ടുകുര്‍ബാനയും നൊവേനയും നടത്തപ്പെടുന്നു. ശനിയാഴ്ച 3 മണിമുതല്‍ നാലുമണി വരെ രൂപതയിലെ ആദ്യ കുര്‍ബാന സ്വീകരിച്ച ആണ് കുട്ടികള്‍ക്കും പെണ്‍കുട്ടികള്‍ക്കുമായി ബൈബിള്‍ പഠനം, വിശുദ്ധ കുര്‍ബാനയുടെ ആഴത്തിലുള്ള അറിവ്, പ്രാര്‍ത്ഥന, പ്രാര്‍ത്ഥനാ കൂട്ടായ്മ എന്നിവയെ കുറിച്ച് ഫാദര്‍ റോയ് കോട്ടക്കുപുറത്തിന്റെ നേതൃത്വത്തില്‍ ക്ലാസും ചര്‍ച്ചകളും നടത്തപ്പെടുന്നതാണ്. എല്ലാ മാതാപിതാക്കളും കുട്ടികളെ നേരത്തെ പള്ളിയില്‍ എത്തിക്കണമെന്ന് ഓര്‍മ്മപ്പെടുത്തുന്നു.
റെക്‌സം രൂപതാ മലയാളി കമ്മ്യൂണിറ്റി കോര്‍ഡിനേറ്റര്‍ ഫാദര്‍ റോയ് കോട്ടയ്ക്കപ്പുറം SDVയുടെ മുഖ്യ കാര്‍മികത്വത്തില്‍ നടക്കുന്ന ആഘോഷമായ പരിശുദ്ധ കുര്‍ബാനയിലും നൊവേനയിലും മറ്റു പ്രാര്‍ത്ഥനകളിലും പങ്കുചേര്‍ന്ന് പരിശുദ്ധ അമ്മയുടെ അനുഗ്രഹം പ്രാപിക്കുവാന്‍ റെക്‌സം രൂപതയിലും പരിസര പ്രദേശത്തുമുള്ള എല്ലാ വിശ്വാസികളേയും സേക്രഡ് ഹാര്‍ട്ട് ചര്‍ച്ച് ഹവാര്‍ഡനിലേക്കു രൂപത കോര്‍ഡിനേറ്റര്‍ ഫാദര്‍ റോയ് കോട്ടക്കുപുറം സ്‌നേഹത്തോടെ സ്വാഗതം ചെയ്തുകൊള്ളുന്നു.
ഫാദര്‍ റോയ് കോട്ടയ്ക്ക് പുറം Sdv 07763756881.
പള്ളിയുടെ വിലാസം പോസ്റ്റ് കോഡ് – SACRED HEART CHURCH , HAWARDEN, CH53D
ടോജോ ഫ്രാന്‍സിസ്
ലെസ്റ്റര്‍: ചെറിയ ഇടവേളക്കു ശേഷം സീറോ മലബാര്‍ വിശ്വാസികളുടെ കാത്തിരിപ്പിനു വിരാമമായി. ലെസ്റ്ററിലെ സീറോ മലബാര്‍ വിശ്വാസികളുടെ ആദ്ധ്യാത്മിക കാര്യങ്ങള്‍ക്കായി നിയോഗിക്കപ്പെട്ട ബഹുമാനപെട്ട വികാരി അച്ചന്‍ ശ്രീ ജോര്‍ജ് തോമസ് ചേലക്കലിന്റെ നേതൃത്വത്തില്‍ വിശുദ്ധ കുര്‍ബാനക്ക് തുടക്കമായതോടെ സീറോ മലബാര്‍ സഭയുടെ യുകെയിലെ ആദ്യ മാസ്സ് സെന്ററുകളില്‍ ഒന്നായ ലെസ്റ്ററിനു ഇത് ധന്യ നിമിഷം. 750 ഓളം വരുന്ന സഭ വിശ്വാസികള്‍ക്കു തങ്ങളുടെ ആത്മീയ അജപാലന ആവശ്യങ്ങല്‍ നടത്തികൊടുക്കുന്നതിനായിട്ടാണ് ബഹുമാനപ്പെട്ട ജോര്‍ജ് അച്ചന്‍ നിയമിതനായത്. താമരശ്ശേരി രൂപതാംഗമായ അച്ചന്‍ മികച്ച പ്രധാന അധ്യാപകനായി അവിടെ തന്റെ സേവനം പൂര്‍ത്തിയാക്കിയ ശേഷമാണു ലെസ്റ്ററിലെ അജപാലന ദൗത്യം ഏറ്റെടുത്തിരിക്കുന്നത്. വിശുദ്ധ അല്‍ഫോന്‍സാമ്മയെ ഏറെ സ്‌നേഹിക്കുന്ന അച്ചന്‍ നിലവില്‍ ഇവിടെ St Edwards Catholic Church വികാരിയായും സേവനം അനുഷ്ഠിക്കുന്നു. ഒരു വര്‍ഷം പിന്നിട്ട സിറോ മലബാര്‍ സഭ രൂപതയുടെ വളര്‍ച്ചയില്‍ ലെസ്റ്ററിലെ അച്ചന്റെ പ്രവര്‍ത്തങ്ങള്‍ ഒരു മുതല്‍ക്കൂട്ടാകും എന്നതില്‍ ഒരു സംശയവുമില്ല.
നിലവില്‍ മലയാളം കുര്‍ബാന സജ്ജീകരിച്ചിരിക്കുന്ന മദര്‍ ഓഫ് ഗോഡ് പള്ളി വികാരി ബഹുമാനപെട്ട ഗബ്രിയേല്‍ അച്ചന്‍ മലയാളം കുര്‍ബാനയ്ക്ക് എത്തിച്ചേര്‍ന്ന എല്ലാവര്‍ക്കും സ്വാഗതം ആശംസിക്കുകയും എല്ലാവിധ സഹകരണങ്ങള്‍ വാഗ്ദാനം ചെയ്യുകയുമുണ്ടായി. വിശുദ്ധ കുര്‍ബാനയ്ക്ക് ശേഷം സണ്‍ഡേ സ്‌കൂള്‍ പഠനം പൂര്‍ത്തിയാക്കിയ കുട്ടികള്‍ക്കു പാരിഷ് ഹാളില്‍ കൂടിയ യോഗത്തില്‍ അവാര്‍ഡുകളും മെഡലുകളും വിതരണം ചെയുകയുണ്ടായി.
ആത്മീയതയിലും പ്രാര്‍ത്ഥനയിലുംല്‍ ഊന്നിയ കമ്മ്യൂണിറ്റി ലെസ്റ്ററില്‍ഉണ്ടാകും എന്നുള്ള ശുഭ പ്രതീക്ഷ മനസ്സില്‍ കാത്തുസൂക്ഷിച്ചു നല്ല സായാഹ്നം എല്ലാവര്‍ക്കും ആശംസിച്ചുകൊണ്ട് ചടങ്ങുകള്‍ അവസാനിച്ചു.
(ചിത്രങ്ങള്‍ : പ്രവീണ്‍ ജോസഫ്)
ഫാ. ബിജു കുന്നയ്ക്കാട്ട് പിആര്‍ഒ
ലണ്ടന്‍: എട്ട് വിവിധ റീജിയണുകളിലായി നടത്തിയ പ്രഥമ ഗ്രേറ്റ് ബ്രിട്ടണ്‍ അഭിഷേകാഗ്നി ഏകദിന ബൈബിള്‍ കണ്‍വെന്‍ഷനില്‍ ഏറ്റവും കൂടുതല്‍ വിശ്വാസികള്‍ ഒത്തുചേര്‍ന്ന ലണ്ടന്‍ കണ്‍വെന്‍ഷനോടെ എട്ട് ദിവസങ്ങള്‍ നീണ്ട തിരുവചന ധ്യാന ദിവസങ്ങള്‍ക്ക് സമാപനം. ഇന്നലെ ലണ്ടന്‍ അലയന്‍സ് പാര്‍ക്കില്‍ മൂവായിരത്തിലധികം വിശ്വാസികള്‍ ഒത്തുചേര്‍ന്ന് തങ്ങളുടെ ആത്മീയ ചൈതന്യം ആഴപ്പെടുത്തി. രാവിലെ 9.30ന് ജപമാല പ്രാര്‍ത്ഥനയോടെ ആരംഭിച്ച തിരുക്കര്‍മ്മങ്ങളില്‍ ആരാധനാ സ്തുതി ഗീതങ്ങള്‍ക്കുശേഷം സെഹിയോന്‍ സെഹിയോന്‍ മിനിസ്ട്രീസ് ഡയറക്ടറും അഭിഷേകാഗ്നി ധ്യാനങ്ങളിലെ മുഖ്യപ്രഭാഷകനുമായ റവ. ഫാ. സേവ്യര്‍ഖാന്‍ വട്ടായില്‍ തിരുവചന പ്രഭാഷണം നടത്തി.
പല തലങ്ങളിലുള്ള ശുശ്രൂഷകള്‍ സഭയില്‍ നടക്കുന്നുണ്ടെങ്കിലും അവയില്‍ പൗരോഹിത്യ ശുശ്രൂഷ ഏറ്റവും പ്രധാനപ്പെട്ടതാണെന്ന് സന്ദേശത്തില്‍ അദ്ദേഹം പറഞ്ഞു. കാരണം ഒരു പുരോഹിതന്‍ ബലിയര്‍പ്പിക്കുമ്പോള്‍ ഈശോ തന്നെയാണ് ബലിയര്‍പ്പിക്കുന്നതെന്നും പുരോഹിതന്‍ ആശീര്‍വദിക്കുമ്പോള്‍ ഈശോ തന്നെയാണ് ആശീര്‍വദിക്കുന്നതെന്നും അദ്ദേബം വിശദീകരിച്ചു. ഉച്ചകഴിഞ്ഞ് മൂന്ന് മണിക്ക് നടന്ന വി. കുര്‍ബാനയില്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ മുഖ്യകാര്‍മ്മികനായിരുന്നു. ഈശോ നമ്മിലും നാം ഈശോയിലും വസിക്കുന്ന പരസ്പര സഹവാസത്തിന്റെ അനുഭവമാണ് വി. കുര്‍ബാനയിലും ധ്യാനത്തിലും ഓരോരുത്തരും നേടേണ്ടതെന്ന് അദ്ദേഹം വിശ്വാസികളെ ഓര്‍മ്മിപ്പിച്ചു. മരുഭൂമിയില്‍ ഈശോയ്ക്ക് ഉണ്ടായതുപോലെ പരീക്ഷണങ്ങള്‍ എല്ലാവര്‍ക്കും ഉണ്ടാകും. അതില്‍ വീണുപോകുന്നവര്‍ക്കാണ് സ്വര്‍ഗ്ഗരാജ്യം നഷ്ടമാകുന്നതെന്നും ഈശോയുടെ ശിഷ്യനായിരുന്നെങ്കിലും യൂദാസിനു സംഭവിച്ച പിഴവ് അതായിരുന്നുവെന്നും അദ്ദേഹം കൂട്ടിച്ചേര്‍ത്തു.
ലണ്ടന്‍ റീജിയണ്‍ കോ ഓര്‍ഡിനേറ്റര്‍ റവ. ഫാ. ജോസ് അന്ത്യാംകുളത്തിന്റെയും കമ്മിറ്റിയംഗങ്ങളുടെയും നേതൃത്വത്തിലാണ് ധ്യാനത്തിനുവേണ്ട വിപുലമായ ഒരുക്കങ്ങള്‍ നടത്തിയിരുന്നത്. മാര്‍ സ്രാമ്പിക്കലിനൊപ്പം നിരവധി വൈദികര്‍ ദിവ്യബലിയല്‍ സഹകാര്‍മ്മികരായി. കണ്‍വെന്‍ഷന്റെ സമാപനത്തില്‍ മാര്‍ ജോസഫ് സ്രാമ്പിക്കല്‍ റവ. ഫാ. സേവ്യര്‍ ഖാന്‍ വട്ടായിലിനും ടീമംഗങ്ങള്‍ക്കും നന്ദി പറഞ്ഞു. ഈ നൂറ്റാണ്ടിലെ പുതിയ തലമുറയ്ക്ക് ദൈവം നല്‍കിയ ഏറ്റവും വലിയ സമ്മാനങ്ങളിലൊന്നാണ് വട്ടായിലച്ചനും അദ്ദേഹത്തിന്റെ ശുശ്രൂഷകളുമെന്ന് മാര്‍ സ്രാമ്പിക്കല്‍ പറഞ്ഞു. മെത്രാന്‍മാര്‍ക്കുള്‍പ്പെടെ ധ്യാനങ്ങള്‍ നടത്തി സഭയില്‍ ഏറെ അനുഗ്രഹങ്ങള്‍ നേടിത്തരുന്ന വട്ടായിലച്ചന്റെ ശുശ്രൂഷകള്‍ക്ക് രൂപതയുടെയും വൈദികരുടെയും എല്ലാ വിശ്വാസികളുടെയും പേരില്‍ നന്ദി പ്രകാശിപ്പിക്കുന്നതായി അദ്ദേഹം പറഞ്ഞു. മറുപടി പ്രസംഗത്തില്‍ സ്രാമ്പിക്കല്‍ പിതാവിനും ഗ്രേറ്റ് ബ്രിട്ടണ്‍ സീറോ മലബാര്‍ രൂപതയ്ക്കും നന്ദി പ്രകാശിപ്പിക്കുന്നതായി ഫാ. സേവ്യര്‍ഖാന്‍ വട്ടായില്‍ പറഞ്ഞു. എല്ലാ റീജിയണുകളിലും കണ്‍വെന്‍ഷനുകള്‍ക്ക് നേതൃത്വം നല്‍കിയ ബഹു. വൈദികര്‍ക്കും സിസ്റ്റേഴ്സിനും കമ്മിറ്റിയംഗങ്ങള്‍ക്കും ധ്യാനത്തില്‍ സംബന്ധിച്ച എല്ലാ വിശ്വാസികള്‍ക്കും നന്ദി പറയുന്നതായും തുടര്‍ന്നും ദൈവാനുഗ്രഹം പ്രാര്‍ത്ഥിക്കുന്നതായും മാര്‍ ജോസഫ് സ്രാമ്പിക്കല്‍ അറിയിച്ചു.
അപ്പച്ചന്‍ കണ്ണഞ്ചിറ
ലണ്ടന്‍: ഗ്രെയ്റ്റ് ബ്രിട്ടന്‍ സീറോ മലബാര്‍ രൂപതയുടെ അദ്ധ്യക്ഷന്‍ അഭിവന്ദ്യ മാര്‍ ജോസഫ് സ്രാമ്പിക്കല്‍ പിതാവിന്റെ ‘അജപാലനത്തോടൊപ്പം സുവിശേഷവല്‍ക്കരണം’ എന്ന ആപ്തവാക്യം മുറുകെ പിടിച്ച് രൂപതയുടെ ആത്മീയ വളര്‍ച്ചക്കും, ആദ്ധ്യാത്മിക നവോത്ഥാനത്തിനും സഭയുടെ ശാക്തീകരണത്തിനും വേണ്ടി യുകെയിലുടനീളം ദൈവിക ശുശ്രുഷയും പ്രഘോഷണവുമായി സഞ്ചരിക്കുകയും സന്ദര്‍ശിക്കുകയും ചെയ്യുമ്പോള്‍ അതിനുള്ള ആത്മീയ പോഷണം നല്‍കുന്നതിന്റെ ഭാഗമായി നടത്തപ്പെട്ട റീജിയണല്‍ അഭിഷേകാഗ്നി ധ്യാനങ്ങള്‍ ലണ്ടനില്‍ സമാപിച്ചു. വിശ്വാസ സാഗരത്തെ ആത്മീയ ആനന്ദം കൊണ്ട് നിറച്ച തിരുവചന ശുശ്രൂഷയില്‍ വചനങ്ങളുടെയും പരിശുദ്ധാത്മ ശുശ്രൂഷകളുടെയും ഏറ്റവും വലിയ പ്രഘോഷകന്‍ സേവ്യര്‍ഖാന്‍ വട്ടായില്‍ അച്ചന്‍ തന്നെ നേതൃത്വം നല്‍കുക ആയിരുന്നു.
‘പാപങ്ങളില്‍ നിന്ന് തിരിയുന്നതല്ല ദൈവത്തിങ്കലേക്കു തിരിയുന്നതാണ് മാനസാന്തരം. വിശുദ്ധ ലിഖിതങ്ങളോ ദൈവീക ശക്തിയോ അറിയാത്തവരാണ് നാശങ്ങളിലേക്ക് നിപതിക്കുക. മക്കളെ ശ്ലീഹന്മാരുടെ വിധത്തില്‍ വളര്‍ത്തുക ഏതൊരു മാതാപിതാക്കളുടെയും കടമയാണ്. ഹവ്വയേയും യൂദാസിനെയും വഞ്ചിക്കുകയും, ദൈവത്തെ വരെ പരീക്ഷിക്കുകയും ചെയ്ത പിശാച് ഓരോരോ വിശ്വാസിക്കും പിന്നാലെ ചതിക്കുവാന്‍ പാത്തിരിക്കുകയാണെന്നും അതിനെ തോല്‍പ്പിക്കുവാന്‍ പ്രാര്‍ത്ഥനയും, പ്രമാണങ്ങളെ മുറുകെ പിടിച്ചുള്ള ജീവിതവും ആണ് ഓരോ വിശ്വാസിയും ചെയ്യേണ്ടത്’ എന്നും വട്ടായില്‍ അച്ചന്‍ ഓര്‍മ്മിപ്പിച്ചു. ലണ്ടന്‍ റീജിയണല്‍ കണ്വെന്ഷന് നയിച്ചു കൊണ്ട് സുവിശേഷ പ്രഘോഷണം ചെയ്യുകയായിരുന്നു വട്ടായില്‍ അച്ചന്‍.
ഞായറാഴ്ച ആചരണത്തിന്റെ മഹത്വവും, അനിവാര്യതയും ശക്തമായ ഭാഷയില്‍ വിശ്വാസികളെ മാര്‍ സ്രാമ്പിക്കല്‍ പിതാവ് ഉദ്ബോധിപ്പിച്ചു. ആരാധനാ ക്രമത്തിലെ ഏലിയാ-ശ്ലീവാ-മൂശക്കാലങ്ങളിലൂടെ എത്തി നില്‍ക്കുമ്പോള്‍ യേശുവിന്റെ മഹത്വപൂര്‍ണ്ണമായ രണ്ടാം ആഗമനവും അന്ത്യ വിധിയും ഉത്ഥാനവും ആണ് അനുസ്മരിപ്പിക്കുക. യേശുവിനോടുള്ള വിശ്വാസത്തിന്റെ അടിസ്ഥാനത്തില്‍ വളര്‍ന്ന ഒരുവനും പൈശാചിക ശക്തികള്‍ക്ക് മുമ്പില്‍ പരാജയപ്പെടില്ലെന്നും ജോസഫ് പിതാവ് ഓര്‍മ്മിപ്പിച്ചു. വിശുദ്ധ കുര്‍ബ്ബാന മദ്ധ്യേ സന്ദേശം നല്‍കി സംസാരിക്കുകയായിരുന്നു അഭിവന്ദ്യ മാര്‍ ജോസഫ് സ്രാമ്പിക്കല്‍ പിതാവ്. ‘ശ്ലീഹന്മാരെപ്പോലെ സുവിശേഷ ജോലി ചെയ്യുന്നവനും ദൈവത്തെ വിശ്വസിക്കുകയും സ്‌നേഹിക്കുകയും ചെയ്യുന്ന ഒരുവനും ഒന്നിനെയും ഭയപ്പെടേണ്ട കാര്യമില്ലെന്നും’ പിതാവ് ഓര്‍മ്മിപ്പിച്ചു.
നേരത്ത പരിശുദ്ധ ജപമാല സമര്‍പ്പിച്ച് ആരംഭിച്ച ലണ്ടന്‍ റീജിയണല്‍ കണ്‍വെന്‍ഷനില്‍ തുടര്‍ന്ന് കഞ്ചന്‍ ബ്രദര്‍, സാംസണ്‍ അച്ചന്‍ എന്നിവര്‍ ആമുഖമായി വചനം പങ്കു വെച്ചു. അഭിഷേകാഗ്നി ശുശ്രുഷയില്‍ സേവ്യര്‍ ഖാന്‍ അച്ചന്‍ മുഖ്യ കാര്‍മികനായി തിരുവചനം പങ്കു വെച്ചു. കായിക മാമാങ്കങ്ങളുടെ ആരവങ്ങള്‍ കേട്ടു തഴമ്പിച്ചതും, കായിക ലോകത്തെ വിസ്മയമായ ഉസൈന്‍ ബോള്‍ട്ടടക്കം ലോകം കീഴടക്കിയ അത്‌ലറ്റുകള്‍ കോള്‍മയിര്‍ കൊള്ളിക്കുകയും ചെയ്ത ട്രാക്കിനു ഈശ്വര സ്തുതിപ്പുകളും തിരുവചനങ്ങളും നല്‍കിയ സ്വര്‍ഗ്ഗീയാരവം നടാടെ കേള്‍ക്കെ ദൈവീക സാന്നിദ്ധ്യത്തിന്റെ വിശ്വാസകോട്ടയായി മാറുകയായിരുന്നു അല്ലിന്‍സ് പാര്‍ക്ക്.
അയ്യായിരത്തില്‍പരം വിശ്വാസികളെ കൊണ്ട് രൂപം കൊണ്ട ജനസാഗരം സാക്ഷ്യം വഹിച്ച അഭിഷേകാഗ്നി കണ്വെന്ഷന് ആല്മീയോത്സവവും, വിശ്വാസ പ്രഘോഷണവുമായി. നിരവധിയായ അത്ഭുത രോഗശാന്തികളും ദൈവീക അനുഗ്രഹങ്ങളും സാക്ഷ്യം വഹിച്ച വചനവേദി അഭിഷേകപ്പെരുമഴയുടെ അനുഗ്രഹ വേദിയാവുകയായിരുന്നു.
മാര്‍ ജോസഫ് സ്രാമ്പിക്കല്‍ പിതാവ് മുഖ്യ കാര്‍മ്മികത്വം വഹിച്ചു അര്‍പ്പിച്ച ആഘോഷമായ സമൂഹ ബലിയില്‍ വൈദികരായ സേവ്യര്‍ ഖാന്‍, സോജി ഓലിക്കല്‍, ജോസ് അന്ത്യാംകുളം, സെബാസ്റ്റ്യന്‍ ചാമക്കാല, ഹാന്‍സ് പുതിയകുളങ്ങര, ജോയ് ആലപ്പാട്ട്, സാജു പിണക്കാട്ട്, സാജു മുല്ലശ്ശേരി, സെബാസ്റ്റ്യന്‍ പാലാട്ടി, റെനി പുല്ലുകാലായില്‍, റോയ്, ഫാന്‍സുവ പത്തില്‍, ജോസഫ് കടുത്താനം എന്നിവര്‍ സഹ കാര്‍മ്മികരായിരുന്നു. സ്വര്‍ഗ്ഗീയാനുഭവം പകര്‍ന്നു നല്‍കിയ ഗാന ശുശ്രുഷയും ഉജ്ജ്വലമായി.
ആരാധനക്കു ശേഷം സമാപന ആശീര്‍വാദത്തോടെ അഭിഷേകാഗ്നി കണ്വെന്ഷന് സമാപിച്ചു. നേരത്തെ കണ്‍വെന്‍ഷന്റെ കണ്‍വീനര്‍ ഫാ.ജോസ് അന്ത്യാംകുളം ഏവര്‍ക്കും നന്ദി പ്രകാശിപ്പിച്ചു. ഈ കണ്വെന്ഷന് വന്‍ വിജയമാവുന്നതില്‍ മുഖ്യപങ്കു വഹിച്ച ജോസച്ചന്റെ നേതൃത്വത്തിലുള്ള വൈദികര്‍ക്കും, തോമസ് ആന്റണിക്കും ടീമിനും നന്ദി പറയുമ്പോള്‍ വന്‍ ഹസ്താരവത്തോടെയാണ് വിശ്വാസികള്‍ അത് ഏറ്റെടുത്തത്.
കുട്ടികള്‍ക്ക് രണ്ടു വിഭാഗങ്ങളായി വെവ്വേറെ ഹാളുകളില്‍ ശുശ്രുഷകളും നടത്തപ്പെടുകയുണ്ടായി. സെഹിയോന്‍ യു കെ മിനിസ്ട്രിയുടെ കീഴിലുള്ള ടീമാണ് കുട്ടികളുടെ ശുശ്രുഷകള്‍ക്കു നേതൃത്വം വഹിച്ചത്.ഡാന്‍സും പാട്ടും സ്‌കിറ്റുകളും കളിയുമായി ദൈവത്തെ മനസ്സിലാക്കുവാനും ദൈവീക സ്‌നേഹം പകരുവാനും സഹായകമായി. കളിയിലൂടെ അറിവിന്റെയും മനസ്സിന്റെയും അകത്തളങ്ങളിലേക്ക് യേശുവിനെ കുടികൊള്ളിക്കുവാന്‍ കുഞ്ഞു മനസ്സുകളെ പ്രാപ്തരാക്കുന്ന ശുശ്രുഷകള്‍ ഏറെ ആല്മീയ മാധുര്യം പകരുന്നവയായി.
അഭിഷേകാഗ്നി കണ്വെന്ഷന് സമാപിച്ചിട്ടും മണിക്കൂറിലേറെ നീണ്ട നിരയായിരുന്നു കൈവെപ്പു പ്രാര്‍ത്ഥനക്കായി വട്ടായില്‍ അച്ചന്റെ മുമ്പില്‍ രൂപം കൊണ്ടത്. അഭിഷേക നിറവിലും ആത്മ സന്തോഷത്തിലുമാണ് എല്ലാ രൂപതാ മക്കളും തിരുവചന വേദി വിട്ടത്.
ലണ്ടന്‍ : ഈ കഴിഞ്ഞ രാവില്‍ വര്‍ണ്ണാഭമായ ദീപക്കാഴ്ചയോടെ ലണ്ടന്‍ ഹിന്ദുഐക്യവേദിയുടെ ദീപാവലി ആഘോഷങ്ങള്‍ ക്രോയ്‌ഡോണില്‍ നടന്നു. ലണ്ടന്‍ ഹിന്ദുഐക്യവേദി പ്രവര്‍ത്തകര്‍ ഒത്തുചേര്‍ന്നു ജാതി മത വര്‍ഗ്ഗ വര്‍ണ്യ വിവേചനമില്ലാതെ ഒരുമയെ സൂചിപ്പിക്കുന്ന രംഗോലിയും അതിനോടൊപ്പം തന്നെ മണ്‍ചിരാതുകളില്‍ ദീപം തെളിയിച്ചു നന്മയുടെ വെളിച്ചത്തിലേക്കു നയിക്കണമേ എന്നപ്രാര്‍ത്ഥനയോടെ ദീപാവലി ആഘോഷിച്ചു. LHA ഭജന സംഘത്തിന്റെ ഭജനയോടെ ആണ് പരിപാടികള്‍ക്ക് തുടക്കം കുറിച്ചത്. അവതാരകീര്‍ത്തന ആലാപനത്തിലൂടെ കെന്റില്‍ നിന്നുമുള്ള ശ്രീമതി സിന്ധുരാജേഷ് ഭക്തിയുടെ നവ്യാനുഭവം സമ്മാനിച്ചു. ശ്രീമതി ആര്യാ അനൂപ് നടത്തിയ ദീപാവലി പ്രഭാഷണവും വളരെ ഹൃദ്യമായിരുന്നു.
ഈ ആഘോഷങ്ങളോടൊപ്പം മാരത്തോണ്‍ ചരിത്രത്തില്‍ 6 മേജര്‍ മാരത്തോണ്‍ പൂര്‍ത്തിയാക്കിയ ശ്രീ അശോക് കുമാറിനെ ലണ്ടന്‍ ഹിന്ദുഐക്യവേദി ചെയര്‍മാന്‍ ശ്രീ തെക്കുംമുറി ഹരിദാസും, ശ്രീ സദാന്ദന്‍ (ഹേവാര്‍ഡ്ഹീത്ത്) എന്നിവര്‍ ചേര്‍ന്ന് അനുമോദിക്കുകയുണ്ടായി. അദ്ദേഹത്തിന്റെ പ്രവര്‍ത്തനങ്ങള്‍ വരും തലമുറയ്ക്ക് പ്രേചോദനമായി തീരട്ടെ എന്ന് ആശംസിക്കുകയുമുണ്ടായി. തുടര്‍ന്ന് ദീപാരാധനയും അന്നദാനവും നടന്നു.
അടുത്തമാസത്തെ സത്സംഗം ഏകാദശി സംഗീതോത്സവം ആയിട്ടാണ് ആഘോഷിക്കുന്നത്, ഗുരുവായൂര്‍ ചെമ്പൈ സംഗീതോത്സവത്തെ അനുസ്മരിയ്പ്പിക്കും വിധം പഞ്ചരത്‌നകീര്‍ത്തനാലാപനവും ഉള്ള യു.കെ യിലെതന്നെ അപൂര്‍വ്വ ആഘോഷമാണ് ലണ്ടന്‍ ഹിന്ദു ഐക്യവേദിയുടെ ഏകാദശി സംഗീതോത്സവം. ഇതില്‍ പങ്കെടുക്കുന്നതിനും കൂടുതല്‍ വിവരങ്ങള്‍ക്കും.
Suresh Babu: 07828137478, Subhash Sarkara: 07519135993, Jayakumar: 07515918523,
Geetha Hari: 07789776536, Diana Anilkumar: 07414553601
Venue Details: 731-735, London Road, Thornton Heath, Croydon. CR7 6AU
ഫാ. ബിജു കുന്നയ്ക്കാട്ട് പി ആര്‍ ഒ
ബ്രിസ്റ്റോള്‍ – കാര്‍ഡിഫ് : എല്ലാവരേയും ആകര്‍ഷിക്കുന്ന ദൈവവചനത്തിന്റെ ആകര്‍ഷണശക്തി വിശ്വാസി ഹൃദയങ്ങളെ സ്പര്‍ശിച്ചപ്പോള്‍ കാര്‍ഡിഫിലെ കോര്‍പ്പസ് ക്രിസ്റ്റി ഹൈസ്‌കൂള്‍ ജനസാഗരമായി മാറി. ഗ്രേറ്റ് ബ്രിട്ടണ്‍ രൂപത പ്രഥമ അഭിഷേകാഗ്നി കണ്‍വെന്‍ഷന്റെ ബ്രിസ്റ്റോള്‍ – കാര്‍ഡിഫ് റീജിയണ്‍ ധ്യാനം സമൃദ്ധമായി അനുഗ്രഹങ്ങള്‍ വിശ്വാസികള്‍ക്ക് സമ്മാനിച്ചു. രാവിലെ 10 മണിക്ക് ജപമാലയോടെ ആരംഭിച്ച കണ്വെന്ഷന് ദിനത്തില്‍ റവ. ഫാ. സേവ്യര്‍ഖാന്‍ വട്ടായിലും മറ്റു വൈദികരും ദൈവവചനം പങ്കുവെച്ചു.
പ്രാര്‍ത്ഥനയില്‍ യേശുനാമത്തിന്റെ പ്രാധാന്യത്തെക്കുറിച്ച് പ്രതിപാദിക്കവേ, സാധാരണ വാക്കുകളുപയോഗിച്ചു പ്രാര്‍ത്ഥിക്കുന്നതോടൊപ്പം ‘യേശുനാമം’ കൂടി ചേര്‍ത്തു പ്രാര്‍ത്ഥിച്ചാല്‍ പ്രാര്‍ത്ഥന കൂടുതല്‍ ഫലദായകമാകുമെന്ന് പ്രധാന പ്രഭാഷകനായിരുന്ന സെഹിയോന്‍ മിനിസ്ട്രീസ് ഡയറക്ടര്‍ റവ. ഫാ. സേവ്യര്‍ഖാന്‍ വട്ടായില്‍ പറഞ്ഞു. യേശുനാമത്തിന്റെ ശക്തിയില്‍ വിശ്വസിച്ച് പ്രാര്‍ത്ഥിച്ചവര്‍ക്കു ലഭിച്ച നിരവധി അനുഗ്രഹങ്ങളുടെയും അത്ഭുതങ്ങളുടെയും സാക്ഷ്യങ്ങളും വേദിയില്‍ പ്രതിപാദിച്ചു.
എല്ലാ ആരാധനകളുടെയും പൂര്‍ത്തീകരണം വി. ബലിയര്‍പ്പണമാണെന്ന് ദിവ്യബലിയര്‍പ്പിച്ച് വചനസന്ദേശം നല്‍കിയ ഗ്രേറ്റ് ബ്രിട്ടണ്‍ രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ പറഞ്ഞു. ഈശോയെക്കുറിച്ച് തന്നെ പറയുന്നതാണ് സുവിശേഷ പ്രഘോഷണമെന്നും അത്തരത്തിലുള്ള സുവിശേഷവല്‍ക്കരണമാണ് ഇന്നത്തെ കാലത്തിനാവശ്യമെന്നും അദ്ദേഹം കൂട്ടിച്ചേര്‍ത്തു. നമ്മുടെ മനസില്‍ ദൈവം പ്രേരിപ്പിക്കുന്ന ചിന്തകളും സാത്താന്‍ പ്രേരിപ്പിക്കുന്ന ചിന്തകളും ഉണ്ടാവുമെന്നും അതില്‍ ദൈവചിന്തയ്ക്കനുസരിച്ച് നാം പ്രവര്‍ത്തിക്കണമെന്നും പത്രോസിന്റെ ജീവിതത്തെ ഉദ്ധരിച്ച് മാര്‍ സ്രാമ്പിക്കല്‍ വിശ്വാസികളെ ഓര്‍മ്മിപ്പിച്ചു.
കുട്ടികള്‍ക്കും മുതിര്‍ന്നവര്‍ക്കുമായി നടത്തിയ വ്യത്യസ്ഥ ശുശ്രൂഷകളില്‍ വിശ്വാസികളുടെ സജീവമായ പങ്കാളിത്തം ദൃശ്യമായിരുന്നു. വി. കുര്‍ബാനയില്‍ മാര്‍ സ്രാമ്പിക്കലിനോടൊപ്പം നിരവധി വൈദികരും സഹകാര്‍മ്മികരായി. സുവിശേഷ പ്രഘോഷണങ്ങളുടെ സമയത്ത് വിശ്വാസികള്‍ക്ക് കുമ്പസാരിക്കുന്നതിനും കൗണ്‍സിലിംഗിനും സൗകര്യമുണ്ടായിരുന്നു.
അഭിഷേകാഗ്നി കണ്‍വെന്‍ഷന്റെ സമാപനദിനം ഇന്ന് ലണ്ടനില്‍ നടക്കും. Allianz Park, Greenlands Lanes, Hendon, London, NW 4 IRLല്‍ രാവിലെ 9 മണി മുതല്‍ ശുശ്രൂഷകള്‍ ആരംഭിക്കും. കോ ഓര്‍ഡിനേറ്റര്‍ റവ. ഫാ. ജോസ് അന്ത്യാംകുളത്തിന്റെയും കമ്മിറ്റിയംഗങ്ങളുടെയും നേതൃത്വത്തില്‍ ഒരുക്കങ്ങളെല്ലാം പൂര്‍ത്തിയായി. ബ്രിസ്റ്റോള്‍ കാര്‍ഡിഫ് കണ്വെന്ഷന് റവ. ഫാ. പോള്‍ വെട്ടിക്കാട്ടും കമ്മിറ്റിയംഗങ്ങളുമാണ് ക്രമീകരണങ്ങള്‍ നടത്തിയത്.
‘തിരുവചനവും,പ്രാര്‍ത്ഥനകളും ഒന്നു ചേര്‍ന്ന് പങ്കിടുമ്പോള്‍ സുദൃഢമായ കുടുംബവും ശക്തമായ ഒരു കൂട്ടായ്മയുമാണ് രൂപപ്പെടുക. ഒപ്പം സുവിശേഷവല്‍ക്കരണവും’ എന്ന ലക്ഷ്യത്തോടെ ഗ്രേറ്റ് ബ്രിട്ടന്‍ രൂപതയുടെ അഭിവന്ദ്യ അദ്ധ്യക്ഷന്‍ മാര്‍ ജോസഫ് സ്രാമ്പിക്കല്‍ നേതൃത്വം നല്‍കി രൂപതാ തലത്തില്‍ സംഘടിപ്പിക്കുന്ന അഭിഷേകാഗ്നി കണ്‍വെന്‍ഷനുകള്‍ ഇന്ന് ലണ്ടനിലെ അല്ലിന്‍സ് പാര്‍ക്കില്‍ നടത്തപ്പെടുന്ന കണ്‍വെന്‍ഷനോടെ സമാപിക്കും.
രൂപതയില്‍ പരിശുദ്ധാത്മ ശുശ്രൂഷകള്‍ നയിക്കുന്നതിലേക്കായി നിയോഗിക്കപ്പെട്ട ശക്തനായ തിരുവചന പ്രഘോഷകനും, സെഹിയോന്‍ മിനിസ്ട്രിയുടെ സ്ഥാപക ഡയറക്ടറും, പരിശുദ്ധാത്മ ശുശ്രൂഷകളില്‍ അഭിഷിക്തനുമായ സേവ്യര്‍ഖാന്‍ വട്ടായില്‍ അച്ചനും ടീമും അഭിവന്ദ്യ പിതാവിനോടൊപ്പം ഇന്നലെ വൈകി ലണ്ടനില്‍ എത്തിച്ചേര്‍ന്നു. കണ്വെന്ഷന് വേദിയില്‍ ഹ്രസ്വ സന്ദര്‍ശനം നടത്തിയ പിതാവ് ഒരുക്കങ്ങള്‍ കണ്ടു മനസ്സിലാക്കി ചില നിര്‍ദ്ദേശങ്ങള്‍ നല്‍കിയുമാണ് വേദി വിട്ടത്.
റീജിയണല്‍ കണ്‍വെന്‍ഷനുകളുടെ കലാശ ശുശ്രൂഷ ലണ്ടനില്‍ ഇന്ന് പ്രഘോഷിക്കപ്പെടുമ്പോള്‍ ദൈവിക വരദാനങ്ങളും അനുഗ്രഹങ്ങളും ആത്മസന്തോഷവും നേടിയെടുക്കാവുന്ന തിരുവചന വേദിയിലേക്ക് ലണ്ടന്‍ റീജിയണല്‍ കുര്‍ബ്ബാന കേന്ദ്രങ്ങളില്‍ നിന്നുമായി അസംഖ്യം വിശ്വാസികളുടെ ഒഴുക്കുണ്ടാവും. ലണ്ടനില്‍ വിശ്വാസി സാഗരത്തെ സാക്ഷി നിറുത്തി ദൈവീക അടയാളങ്ങളും അത്ഭുത രോഗശാന്തികളും നല്കപ്പെടുമ്പോള്‍ അതില്‍ ഭാഗഭാക്കാകുവാനും ആവോളം അനുഭവിക്കുവാനും, സന്തോഷിക്കുവാനും മുഴുവന്‍ മക്കളും വിശ്വാസപൂര്‍വ്വം പ്രാര്‍ത്ഥനാനിരതരായിട്ടാവും വന്നെത്തുക.
അഭിഷേകാഗ്നി കണ്വെന്ഷന് സെന്ററിന്റെ അഡ്രസ്
Allianz Park, Greenlands Lanes, Hendon, London NW4 1RL
കോച്ചിലും സ്വകാര്യ വാഹനങ്ങളിലുമായി കണ്വെന്ഷന് സെന്ററിലേക്ക് എത്തുന്നവര്‍ A1 ല്‍ നിന്നും A 41 ല്‍ കയറി പേജ് സ്ട്രീറ്റ് വഴി ചാമ്പ്യന്‍സ് വേ യിലൂടെ മുന്നോട്ടു വന്ന് A ഗെയിറ്റിനു സമീപത്തുള്ള പാര്‍ക്കിങ്ങില്‍ പാര്‍ക്ക് ചെയ്യാവുന്നതാണ്.
സൗജന്യവും വിശാലവുമായ പാര്‍ക്കിങ്ങില്‍ 800 ഓളം കാറുകള്‍ക്കും 200 ഓളം കോച്ചുകള്‍ക്കും പാര്‍ക്ക് ചെയ്യുവാനുള്ള സൗകര്യം ഉണ്ട്.
ലണ്ടനിലെ അഭിഷേകാഗ്നി കണ്വെന്ഷന് ഉപവാസ ശുശ്രൂഷയായിട്ടാവും നടത്തപ്പെടുക.അതിനാല്‍ കുട്ടികള്‍ അടക്കം ഭക്ഷണം ആവശ്യം ഉള്ളവര്‍ എല്ലാവരും തങ്ങളുടെ കൈവശം പാക് ലഞ്ച് കരുതേണ്ടതാണ്.
രാവിലെ 9:30 നു ജപമാല സമര്‍പ്പണത്തോടെ ആരംഭിക്കുന്ന കണ്വെന്ഷന് ശുശ്രൂഷകള്‍ വൈകുന്നേരം 6:00 മണിക്ക് സമാപിക്കും.
300 അടിയോളം നീളമുള്ള വിശാലമായ ഹാളില്‍ ബൈബിള്‍ കണ്‍വെന്‍ഷന്റെ തത്സമയ സംപ്രേഷണം ബിഗ് സ്‌ക്രീനില്‍ ഒരുക്കുന്നതിനാല്‍ ഏവര്‍ക്കും കണ്ടു കൊണ്ട് ധ്യാന ശുശ്രുഷയില്‍ പൂര്‍ണ്ണമായി പങ്കു ചേരുവാന്‍ കഴിയും.
കണ്‍വെന്‍ഷനില്‍ പങ്കുചേരുവാനായി ട്രെയിന്‍ മാര്‍ഗ്ഗം മില്‍ ഹില്‍ ഈസ്റ്റ് ട്യൂബ് സ്റ്റേഷനില്‍ വന്നെത്തുന്നവര്‍ക്കായി കണ്വെന്ഷന് സെന്ററിലേക്കും തിരിച്ചും ഷട്ടില്‍ സര്‍വ്വീസുകള്‍ ക്രമീകരിച്ചിട്ടുണ്ട്. (അനില്‍ 07723744639)
പ്രായാടിസ്ഥാനത്തില്‍ രണ്ടു വിഭാഗങ്ങളായി തിരിച്ചുകൊണ്ടു കുട്ടികള്‍ക്കായുള്ള പ്രത്യേക ശുശ്രൂഷകള്‍ സെഹിയോന്‍ യുകെയുടെ ഡയറക്ടര്‍ സോജി അച്ചന്റെ നേതൃത്വത്തില്‍ നടത്തപ്പെടുന്നതാണ്.
കണ്‍വെന്‍ഷനില്‍ വരുന്ന രക്ഷകര്‍ത്താക്കള്‍ കുട്ടികളെ അവര്‍ക്കായി ഒരുക്കിയിരിക്കുന്ന ശുശ്രൂഷാ വേദിയിലേക്ക് പാക്ക് ലഞ്ചുമായി എത്തിക്കുകയും സമാപനത്തില്‍ കൂട്ടുകയും ചെയ്യേണ്ടതാണ്.
കൂടുതല്‍ വിവരങ്ങള്‍ക്ക്:
ഡീക്കന്‍ ജോയ്സ് – 0783237420, തോമസ് ആന്റണി-07903867625,
അനില്‍ ആന്റണി-07723744639, ജോസഫ് കുട്ടമ്പേരൂര്‍-07877062870
ഫാ. ബിജു കുന്നയ്ക്കാട്ട് പി.ആര്‍.ഒ
സൗത്താംപ്റ്റണ്‍: ദൈവം തന്റെ ജനത്തെ ഒരുമിച്ച് കൂട്ടിയപ്പോള്‍ സംഘാടകര്‍ പോലും പ്രതീക്ഷിച്ചതിനേക്കാളേറെ വിശ്വാസികള്‍ ഒഴുകിയെത്തിയ സൗത്താംപ്ടണ്‍ റീജിയണ്‍ അഭിഷേകാഗ്നി ഭക്തിസാന്ദ്രമായി. ബോണ്‍മൗത്ത് ലൈഫ് സെന്ററിലേയ്ക്ക് വിശ്വാസികള്‍ ആയിരങ്ങളായി ഒഴുകിയെത്തിയപ്പോള്‍ സൗത്താംപ്റ്റണില്‍ മലയാളി വിശ്വാസികളുടെ ചരിത്രത്തിലെ ഏറ്റവും വലിയ കൂട്ടായ്മയായി മാറി. രാവിലെ 9 മണിക്ക് ജപമാലയോടെ ആരംഭിച്ച കണ്വെന്ഷന് റീജിയണല്‍ കോ ഓര്‍ഡിനേറ്റര്‍ റവ. ഫാ. ടോമി ചിറയ്ക്കല്‍ മണവാളന്‍ സ്വാഗതം ആശംസിച്ചു. തുടര്‍ന്നു നടന്ന ആരാധനാസ്തുതി സ്തോത്രങ്ങള്‍ക്ക് ശേഷം സെഹിയോന്‍ മിനിസ്ട്രീസ് ഡയറക്ടര്‍ റവ. ഫാ. സേവ്യര്‍ഖാന്‍ വട്ടായിലും സെഹിയോന്‍ യുകെയുടെ സാരഥി സോജി ഓലിക്കലും പ്രസംഗിച്ചു.
വിശ്വാസത്തോടെ പ്രാര്‍ത്ഥിക്കുന്ന ഏതുകാര്യവും നമുക്ക് സാധിച്ചുകിട്ടുമെന്ന് റവ. ഫാ. സേവ്യര്‍ഖാന്‍ വട്ടായില്‍ സുവിശേഷ സന്ദേശത്തില്‍ ഓര്‍മ്മിച്ചു. വിശ്വസിച്ച് പ്രാര്‍ത്ഥിച്ച് അത്ഭുതകരമായ സൗഖ്യങ്ങളും അനുഗ്രഹങ്ങളും നേടിയവരുടെ അനുഭവ സാക്ഷ്യങ്ങളും വേദിയില്‍ പങ്കുവെച്ചു. വിശ്വാസിച്ച് അനുഗ്രഹം നേടിയവരുടെ കഥകളാണ് സുവിശേഷത്തില്‍ ഉടനീളം കാണുന്നതെന്നും ഫാ. വട്ടായില്‍ പറഞ്ഞു.
കണ്വെന്ഷന് സമാപിച്ചത് രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ അര്‍പ്പിച്ച ദിവ്യബലിയോടെയായിരുന്നു. പത്രോസിനെ സഭയുടെ അടിസ്ഥാനമായി ഈശോ സ്ഥാപിക്കുന്ന തിരുവചനഭാഗമാണ് സുവിശേഷ ഭാഗമായി വായിക്കപ്പെട്ടത്. ഈശോയുടെ മുമ്പില്‍ തടസ്സമായി പാറയായല്ല, ഈശോയ്ക്കുവേണ്ടി മരിക്കാന്‍ പോലും തയ്യാറായ വിശ്വാസത്തിന്റെ ഉറപ്പുള്ള പാറയായി വി. പത്രോസ് മാറിയെന്ന് സന്ദേശത്തില്‍ അദ്ദേഹം ചൂണ്ടിക്കാട്ടി. വി. കുര്‍ബാനയില്‍ മാര്‍ സ്രാമ്പിക്കലിനോടൊപ്പം നിരവധി വൈദികരും വി. ബലിയില്‍ സഹകാര്‍മ്മികരായി കോ ഓര്‍ഡിനേറ്റര്‍ റവ. ഫാ. ടോമി ചിറയ്ക്കല്‍ മണവാളന്റെയും കമ്മിറ്റിയംഗങ്ങളുടെയും നേതൃത്വത്തിലാണ് കണ്വെന്ഷന് ക്രമീകരണങ്ങള്‍ നടത്തിയത്.
ഇന്ന് ബ്രിസ്റ്റോള്‍ കാര്‍ഡിഫ് റീജിയണില്‍ ഏകദിന അഭിഷേകാഗ്നി കണ്വെന്ഷന് നടക്കും. Corpus Christ RC High School – TY Draw Road, Lisvane, Cardiff, CF 23 6 XL ല്‍ രാവിലെ 9 മണിക്ക് ശുശ്രൂഷകള്‍ ആരംഭിക്കും. റവ. ഫാ. പോള്‍ വെട്ടിക്കാട്ടിന്റെയും കമ്മിറ്റിയംഗങ്ങളുടെയും നേതൃത്വത്തിലാണ് കണ്വെന്ഷന് ഒരുക്കുന്നത്.
കണ്‍വെന്‍ഷന്റെ സമാപന ദിവസമായ നാളെ ഞായറാഴ്ച ലണ്ടന്‍ റീജിയണല്‍ അഭിഷേകാഗ്നി പെയ്തിറങ്ങും. Allianz Park, Greenlands Lanes, Hendon, London, NW 4 IRLല്‍ രാവിലെ 9 മുതല്‍ ശുശ്രൂഷകള്‍ ആരംഭിക്കും. റവ. ഫാ. ജോസ് അന്ത്യാംകുളത്തിന്റെ നേതൃത്വത്തിലുള്ള കമ്മിറ്റിയംഗങ്ങളാണ് കണ്‍വെന്‍ഷന്റെ ഒരുക്കങ്ങള്‍ നടത്തുന്നത്. രൂപതാധ്യക്ഷന്‍ മാര്‍ ജോസഫ് സ്രാമ്പിക്കലിന്റെയും സെഹിയോന്‍ ശുശ്രൂഷകളുടെ ഡയറക്ടര്‍ റവ. ഫാ. സേവ്യര്‍ഖാന്‍ വട്ടിയിലിന്റേയും നേതൃത്വത്തിലാണ് പ്രഥമ ഗ്രേറ്റ് ബ്രിട്ടണ്‍ അഭിഷേകാഗ്നി കണ്വെന്ഷന് നടക്കുന്നത്.
അപ്പച്ചന്‍ കണ്ണഞ്ചിറ
ലണ്ടന്‍: ഗ്രേറ്റ് ബ്രിട്ടണ്‍ സീറോ മലബാര്‍ രൂപതയുടെ നേതൃത്വത്തില്‍ എട്ടു റീജണുകളായി തിരിച്ച് മാര്‍ ജോസഫ് സ്രാമ്പിക്കല്‍ പിതാവും സേവ്യര്‍ഖാന്‍ വട്ടായില്‍ അച്ചനും സംയുക്തമായി നയിച്ചു കൊണ്ട് പോവുന്ന അഭിഷേകാഗ്നി കണ്വെന്ഷന് സമാപന ഘട്ടത്തിലേക്ക്. 29 ഞായറാഴ്ച ലണ്ടനിലെ അല്ലിന്‍സ് പാര്‍ക്കില്‍ അഭിഷേകാഗ്നി കണ്‍വെന്‍ഷനുകളുടെ സമാപന ശുശ്രൂഷ നടത്തപ്പെടുമ്പോള്‍ വെസ്റ്റ്മിന്‍സ്റ്റര്‍, ബ്രെന്‍ഡ്വുഡ്, സൗത്താര്‍ക്ക് ചാപ്ലൈന്‍സികളുടെ പരിധിയിലും മറ്റുമായി 33 കുര്‍ബ്ബാന കേന്ദ്രങ്ങളില്‍ നിന്നും എത്തുന്ന ആയിരങ്ങളോടൊപ്പം മറ്റു റീജിയണല്‍ കണ്‍വെന്‍ഷനുകളില്‍ പങ്കു ചേരുവാന്‍ വിവിധ കാരണങ്ങളാല്‍ കഴിയാത്തവരും കൂടെ ഒത്തു ചേരും.
തിരുവചനത്തിലായിരിക്കുവാനും അനുഭവിക്കുവാനും സ്വീകരിക്കുവാനും അതിലൂന്നി നയിക്കപ്പെടുവാനും പരിശുദ്ധാത്മാവ് സമ്മാനമായി നല്‍കുന്ന നല്ല അവസരങ്ങള്‍ പ്രയോജനപ്പെടുത്തുവാനും പരിശുദ്ധാത്മ ശുശ്രൂഷകളിലൂടെ ലഭിക്കാവുന്ന വരദാനങ്ങളും അടയാളങ്ങളും അത്ഭുത രോഗ ശാന്തികളും ആതമ ശാന്തിയും കരസ്ഥമാക്കുവാനും ബൈബിള്‍ കണ്വെന്ഷന് അനുഗ്രഹ സ്രോതസ്സാവും.
ഏവരെയും സ്‌നേഹപൂര്‍വ്വം അഭിഷേകാഗ്നി കണ്‍വെന്‍ഷനിലേക്കു സ്വാഗതം ചെയ്യുന്നതായി ഫാ.ജോസ് അന്ത്യാംകുളം, ഫാ.സെബാസ്റ്റ്യന്‍ ചാമക്കാല, ഫാ ഹാന്‍സ് പുതിയകുളങ്ങര, ഫാ.മാത്യൂകട്ടിയാങ്കല്‍, ഫാ.സാജു പിണക്കാട്ട്, ഫാ.സാജു മുല്ലശ്ശേരി എന്നിവര്‍ അറിയിച്ചു.
കണ്‍വെന്‍ഷനില്‍ പങ്കു ചേരുന്നവര്‍ക്കായി ചില അറിയിപ്പുകള്‍ സംഘാടക സമിതി നല്‍കിയിട്ടുണ്ട്. അഭിഷേകാഗ്നി കണ്വെന്ഷന് സെന്ററിന്റെ അഡ്രസ് Allianz Park, Greenlands Lanes, Hendon, London NW4 1RL
കോച്ചിലും സ്വകാര്യ വാഹനങ്ങളിലുമായി കണ്വെന്ഷന് സെന്ററിലേക്ക് എത്തുന്നവര്‍ A 41ല്‍ കൂടി വന്ന് പേജ് സ്ട്രീറ്റ് വഴി ചാമ്പ്യന്‍സ് വേയിലൂടെ മുന്നോട്ടു വന്ന് A ഗെയിറ്റിനു സമീപത്തുള്ള പാര്‍ക്കിങ്ങില്‍ പാര്‍ക്ക് ചെയ്യാവുന്നതാണ്.
സൗജന്യവും വിശാലവുമായ പാര്‍ക്കിങ്ങില്‍ 800 ഓളം കാറുകള്‍ക്കും 200 ഓളം കോച്ചുകള്‍ക്കും പാര്‍ക്ക് ചെയ്യുവാനുള്ള സൗകര്യം ഉണ്ട്.
ലണ്ടനിലെ അഭിഷേകാഗ്നി കണ്വെന്ഷന് ഉപവാസ ശുശ്രൂഷയായിട്ടാവും നടത്തപ്പെടുക.അതിനാല്‍ കുട്ടികള്‍ അടക്കം ഭക്ഷണം ആവശ്യം ഉള്ളവര്‍ എല്ലാവരും തങ്ങളുടെ കൈവശം പാക് ലഞ്ച് കരുതേണ്ടതാണ്.
രാവിലെ 9:30ന് ജപമാല സമര്‍പ്പണത്തോടെ ആരംഭിക്കുന്ന കണ്വെന്ഷന് ശുശ്രൂഷകള്‍ വൈകുന്നേരം 6:00 മണിക്ക് സമാപിക്കും.
300 അടിയോളം നീളമുള്ള വിശാലമായ ഹാളില്‍ ബൈബിള്‍ കണ്‍വെന്‍ഷന്റെ തത്സമയ സംപ്രേഷണം ബിഗ് സ്‌ക്രീനില്‍ ഒരുക്കുന്നതിനാല്‍ ഏവര്‍ക്കും കണ്ടു കൊണ്ട് ധ്യാന ശുശ്രൂഷയില്‍ പൂര്‍ണ്ണമായി പങ്കു ചേരുവാന്‍ കഴിയും.
കണ്‍വെന്‍ഷനില്‍ പങ്കുചേരുവാനായി ട്രെയിന്‍ മാര്‍ഗ്ഗം മില്‍ ഹില്‍ ഈസ്റ്റ് ട്യൂബ് സ്റ്റേഷനില്‍ വന്നെത്തുന്നവര്‍ക്കായി കണ്വെന്ഷന് സെന്ററിലേക്കും തിരിച്ചും ഷട്ടില്‍ സര്‍വ്വീസുകള്‍ ക്രമീകരിച്ചിട്ടുണ്ട്. (അനില്‍ 07723744639)
പ്രായാടിസ്ഥാനത്തില്‍ രണ്ടു വിഭാഗങ്ങളായി തിരിച്ചുകൊണ്ടു കുട്ടികള്‍ക്കായുള്ള പ്രത്യേക ശുശ്രൂഷകള്‍ സെഹിയോന്‍ യുകെയുടെ ഡയറക്ടര്‍ സോജി അച്ചന്റെ നേതൃത്വത്തില്‍ നടത്തപ്പെടുന്നതാണ്.
കണ്‍വെന്‍ഷനില്‍ വരുന്ന രക്ഷകര്‍ത്താക്കള്‍ കുട്ടികളെ അവര്‍ക്കായി ഒരുക്കിയിരിക്കുന്ന ശുശ്രൂഷാ വേദിയിലേക്ക് പാക്ക് ലഞ്ചുമായി എത്തിക്കുകയും സമാപനത്തില്‍ കൂട്ടുകയും ചെയ്യേണ്ടതാണ്.
കൂടുതല്‍ വിവരങ്ങള്‍ക്ക്:
ഡീക്കന്‍ ജോയ്സ് – 0783237420, തോമസ് ആന്റണി-07903867625,
അനില്‍ ആന്റണി-07723744639, ജോസഫ് കുട്ടമ്പേരൂര്‍-07877062870
