ന്യൂസ് ഡെസ്ക്, മലയാളം യുകെ
ലണ്ടൻ: കുട്ടികൾക്ക് സ്കൂൾ സമയത്തിന് ശേഷം കൂടുതൽ സൃഷ്ടിപരവും കായികവുമായ പ്രവർത്തനങ്ങളിൽ പങ്കെടുക്കാൻ അവസരം ഒരുക്കുന്നതിനായി 132.5 മില്യൺ പൗണ്ടിന്റെ പുതിയ ഫണ്ടിങ് പദ്ധതി ബ്രിട്ടിഷ് സർക്കാർ പ്രഖ്യാപിച്ചു. സംഗീതം, കായികം, ഡിബേറ്റ്, എഞ്ചിനീയറിങ് ക്ലബ്ബുകൾ തുടങ്ങി വിവിധ അനുബന്ധ പ്രവർത്തനങ്ങൾ കൂടുതൽ വിദ്യാർഥികൾക്ക് ലഭ്യമാക്കുകയാണ് പദ്ധതിയുടെ ലക്ഷ്യം.
16 വയസ്സിൽ താഴെയുള്ള കുട്ടികളുടെ സോഷ്യൽ മീഡിയ ഉപയോഗത്തിന് നിയന്ത്രണങ്ങൾ ഏർപ്പെടുത്താനുള്ള നീക്കത്തിനിടെയാണ് ഈ പ്രഖ്യാപനം. കുട്ടികൾ സ്ക്രീനുകളിൽ ചെലവഴിക്കുന്ന സമയം കുറച്ച് കൂടുതൽ സാമൂഹികവും സജീവവുമായ പ്രവർത്തനങ്ങളിലേക്ക് അവരെ ആകർഷിക്കാനാണ് സർക്കാരിന്റെ ശ്രമമെന്ന് മന്ത്രിമാർ വ്യക്തമാക്കി.
സാമ്പത്തികവും ജീവനക്കാരുടെ കുറവ് തുടങ്ങിയ വെല്ലുവിളികൾ നിലനിൽക്കുന്നതിനാൽ പദ്ധതി നടപ്പാക്കുന്നതിൽ ബുദ്ധിമുട്ടുകൾ ഉണ്ടാകാമെന്ന് വിദ്യാഭ്യാസ രംഗത്തെ സംഘടനകൾ മുന്നറിയിപ്പ് നൽകി. എന്നാൽ വരുമാനമോ സാമൂഹിക പശ്ചാത്തലമോ നോക്കാതെ എല്ലാ കുട്ടികൾക്കും ഇത്തരം അവസരങ്ങൾ ലഭ്യമാക്കുകയാണ് പദ്ധതിയുടെ പ്രധാന ലക്ഷ്യമെന്ന് സർക്കാർ അറിയിച്ചു.
Leave a Reply