ന്യൂസ് ഡെസ്ക്, മലയാളം യുകെ
വിവാഹച്ചടങ്ങിനിടെ അപൂർവവും ഞെട്ടിപ്പിക്കുന്നതുമായ ഒരു സംഭവമാണ് ഇപ്പോൾ പുറത്തു വന്നിരിക്കുന്നത് . ജെമ്മ മങ്ക് എന്ന യുവതിയുടെ വിവാഹവസ്ത്രത്തിന് മുകളിലേക്ക് അവളുടെ സഹോദരന്റെ ഭാര്യയായ ആന്റോണിയ ഈസ്റ്റ്വുഡ് കറുത്ത പെയിന്റ് ഒഴിച്ച് പ്രതികാരം നടത്തി. കെന്റിലെ ഓക്വുഡ് ഹൗസ് എന്ന വേദിയിൽ ചടങ്ങ് തുടങ്ങാൻ നിമിഷങ്ങൾ മാത്രം ബാക്കി നിൽക്കേയാണ് സംഭവം. ഒരു വർഷം മുൻപ് നടന്ന സ്വന്തം വിവാഹത്തിൽ ജെമ്മ തനിക്കെതിരെ തെറ്റായി പെരുമാറിയെന്ന ആരോപണത്തെ തുടർന്ന് ഉണ്ടായ വൈരാഗ്യമാണ് ഈ ആക്രമണത്തിന് പിന്നിലെന്ന് പ്രതി കോടതിയിൽ വ്യക്തമാക്കി.
സംഭവത്തിന് പിന്നാലെ വധു വേഗത്തിൽ വസ്ത്രം മാറി, രണ്ട് മണിക്കൂറിന് ശേഷം ചടങ്ങ് തുടരുകയും ചെയ്തു. എന്നാൽ 1,800 പൗണ്ട് വിലവരുന്ന വിവാഹവസ്ത്രം പൂർണമായും നശിച്ചു. വേദിക്ക് ഉണ്ടായ കേടുപാടുകൾക്കും വരുമാനനഷ്ടത്തിനുമായി 5,000 പൗണ്ടിൽ കൂടുതലായി ചെലവ് വന്നതായി ആണ് റിപ്പോർട്ട്. സംഭവത്തിൽ ആന്റോണിയ ഈസ്റ്റ്വുഡ് കുറ്റം സമ്മതിക്കുകയും കോടതി 10 മാസത്തെ സസ്പെൻഡഡ് ശിക്ഷ വിധിക്കുകയും ചെയ്തു. ജഡ്ജി ഈ പ്രവൃത്തി “ഹീനമായ ആക്രമണം” എന്നാണ് വിശേഷിപ്പിച്ചത്.
സംഭവം ജെമ്മയുടെ ജീവിതത്തെ ഗൗരവമായി ബാധിച്ചു. ആത്മവിശ്വാസം നഷ്ടപ്പെട്ടതായും ജീവിതത്തിൽ വലിയ മാനസികാഘാതം ഉണ്ടായതായും അവൾ കോടതിയിൽ പറഞ്ഞു. വിവാഹത്തിനായി വർഷങ്ങളായി സേവ് ചെയ്ത സ്വപ്നദിനം തകർന്നതോടൊപ്പം ആരോഗ്യപ്രശ്നങ്ങളും ഉണ്ടായി. ഈ സംഭവം കൂടുതൽ മാനസിക വേദനയുണ്ടാക്കിയെന്നും അവൾ വ്യക്തമാക്കി.
Leave a Reply