കൊച്ചി: യുവനടിയെ തട്ടിക്കൊണ്ടുപോയി ആക്രമിച്ച സംഭവത്തില്‍ പ്രതി പള്‍സര്‍ സുനി മൊബൈലില്‍ പകര്‍ത്തിയ ദൃശ്യങ്ങള്‍ പോലീസിനു ലഭിച്ചതായി സൂചന. തിരുവനന്തപുരം ഫോറന്‍സിക് ലാബിലേക്ക് അന്വേഷണസംഘം അയച്ച മൊബൈലില്‍നിന്നാണ് ദൃശ്യങ്ങള്‍ ലഭിച്ചതെന്നാണ് വിവരം. മൊബൈല്‍ ഫോണുകളും ടാബ്ലറ്റുകളും മെമ്മറി കാര്‍ഡുകളുമടക്കം 12 ഇലക്ട്രോണിക്സ് ഉപകരണങ്ങളാണ് ഫോറന്‍സിക് ലാബിലേക്ക് അയച്ചിരുന്നത്. അതേസമയം ഫോറന്‍സിക് റിപ്പോര്‍ട്ട് തിങ്കളാഴ്ച്ചയേ ലഭിക്കൂവെന്ന് ഉദ്യോഗസ്ര്‍ അറിയിച്ചു.

പ്രമുഖ ദളിത് ചിന്തകനും എഴുത്തുകാരനുമായ ഡോ.കൃഷ്ണ കിര്‍വാലെയെ കൊല്ലപ്പെട്ട നിലയില്‍ കണ്ടെത്തി. മഹാരാഷ്ട്ര കോലാപ്പൂരിലെ വീട്ടിലാണ് അദ്ദേഹത്തെ കുത്തേറ്റ് മരിച്ചനിലയിൽ കാണപ്പെട്ടത്. കൊലപാതകിയെന്നു കരുതുന്ന പ്രീതം പാട്ടീലിനെ പോലീസ് കസ്റ്റഡിയിലെടുത്തു. സാമ്പത്തിക ഇടപാടുകളെ തുടർന്നുള്ള വൈരാഗ്യമാണ് കൊലപാതക കാരണമെന്ന് പൊലീസ് പറഞ്ഞു. കോലാലംപൂരിലെ ശിവാജി യൂണിവേഴ്‌സിറ്റിയിൽ മറാത്തി വിഭാഗത്തിന്റെ തലവനായിരുന്ന കിര്‍വാലെ, മഹാരാഷ്ട്രയിലെ ദളിത് സാഹിത്യത്തിന് ഏറെ സംഭാവനകൾ നൽകിയിട്ടുണ്ട്

ഉന്നത ഉദ്യോഗസ്ഥരുടെ പീഡനത്തെ കുറിച്ച് ചാനലില്‍ പരാതി പറഞ്ഞതിനു ശേഷം മരിച്ച നിലയില്‍ കണ്ടെത്തിയ മലയാളി ജവാന്‍ റോയമാത്യുവിന്റെ മൃതദേഹം തിരുവനന്തപുരത്തെത്തിച്ചു. മരണത്തില്‍ ദുരൂഹതയുണ്ടെന്നാരോപിച്ച ബന്ധുക്കള്‍ മൃതദേഹം വീണ്ടും പോസ്റ്റ്‌മോര്‍ട്ടം ചെയ്യണമെന്ന് ആവശ്യപെട്ടു. ഇതിനു ശേഷമേ മൃതദേഹം ഏറ്റുവാങ്ങൂ എന്ന നിലപാടിലാണ് ബന്ധുക്കള്‍.ബന്ധുക്കള്‍ റീപോസ്റ്റ്മോര്‍ട്ടത്തിന് മൃതദേഹം കൊണ്ടുപോകും വഴി അനുമതിയില്ലെന്ന കാരണം പറഞ്ഞ് സൈന്യം തടഞ്ഞു. ജവാന്റെ മൃതദേഹത്തോട് സൈന്യം അനാദരവ് കാട്ടിയെന്ന് ബന്ധുക്കളും നാട്ടുകാരും ആരോപിച്ചു. ബന്ധുക്കളുടെ പരാതിയെ തുടര്‍ന്ന തിരുവനന്തപുരം മെഡിക്കല്‍ കോളേജില്‍ വെച്ച് പോസ്റ്റ്‌മോര്‍ട്ടം ചെയ്യാനാണ് ജില്ലാകളക്ടര്‍ ഉത്തരവിട്ടിരുന്നത്.

ഒരു മറാത്തി ടെലിവിഷന്‍ ചാനലിന് നല്‍കിയ അഭിമുഖത്തില്‍ ഉന്നത ഉദ്യോഗസ്ഥരുടെ പീഡനത്തിനെതിരെ റോയ്മാത്യു പരാതി പറഞ്ഞിരുന്നു. എന്നാല്‍ തന്റെ വ്യക്തി വിവരങ്ങള്‍ മറച്ചുവെക്കുമെന്ന് ഉറപ്പുനല്‍കിയതിനാലാണ് ഇത്തരത്തില്‍ വിവരങ്ങള്‍ പുറത്തു പറഞ്ഞതെന്നാണ് റോയ്മാത്യൂ വീട്ടുകാരോട് ഫോണില്‍ പറഞ്ഞത്. എന്നാല്‍ രഹസ്യ ക്യമറയില്‍ പകര്‍ത്തിയ ദൃശ്യങ്ങള്‍ ചാനല്‍ സംപ്രേഷണം ചെയ്തു ഇതേ തുടര്‍ന്ന് തന്റെ ജോലി നഷ്ടപെടാന്‍ സാധ്യതയുണ്ടെന്ന് റോയ് വീട്ടുകാരോട് പറഞ്ഞിരുന്നു. ആകെ ഭയപെട്ടാണ് റോയ് സംസാരിച്ചതെന്ന് വീട്ടുകാര്‍ പറഞ്ഞു.
കുറച്ചുദിവസമായി മാനസിക സമ്മര്‍ദ്ദംനുഭവിച്ചിരുന്ന റോയ്മാത്യൂ ആത്മഹത്യ ചെയ്യുകയായിരുന്നുവെന്നാണ് കരസേനയുടെ വിശദീകരണം. എന്നാല്‍ സംഭവത്തില്‍ ദുരൂഹതയുണ്ടെന്നാരോപിച്ച് ബന്ധുക്കള്‍ അന്വേഷണം ആവശ്യപെട്ടു.

ലണ്ടന്‍: ഏപ്രില്‍ മുതല്‍ പുതുക്കിയ വാഹന എക്‌സൈസ് ഡ്യൂട്ട് പ്രാബല്യത്തിലാകുന്നു. വാഹനങ്ങളുടെ വില ഇതോടെ കുതിച്ചുയരുമെന്നാണ് പുറത്തുവരുന്ന റിപ്പോർട്ടുകൾ. പുതിയ വാഹനങ്ങള്‍ വാങ്ങാനുദ്ദേശിക്കുന്നവര്‍ ഏപ്രിലിനു മുമ്പ് അവ വാങ്ങുകയോ അല്ലെങ്കില്‍ പുതിയ നികുതി നിലവില്‍ വരുന്നതിനായി കാത്തിരിക്കുകയോ ചെയ്യാം. കാരണം ഇത് നിങ്ങള്‍ വാങ്ങാനുദ്ദേശിക്കുന്ന വാഹനത്തിന്റെയും അതിന്റെ കാര്‍ബണ്‍ഡയോക്‌സൈഡ് പുറന്തള്ളലിന്റെ അളവിനെയും ആശ്രയിച്ചിരിക്കുന്നു. നികുതി സമ്പ്രദായത്തിലെ മാറ്റങ്ങള്‍ മുന്‍ ചാന്‍സലര്‍ ജോര്‍ജ് ഓസ്‌ബോണ്‍ ആണ് അവതരിപ്പിച്ചത്. പഴയ രീതിയനുസരിച്ച് കാര്‍ വാങ്ങുന്നവര്‍ റോഡ്ടാക്‌സ് ആയി വളരെ കുറഞ്ഞ തുക മാത്രമായിരുന്നു നല്‍കിയിരുന്നത്. ഇത് സര്‍ക്കാരിന് കോടികളുടെ നഷ്ടമായിരുന്നു ഉണ്ടാക്കിയിരുന്നത്.
പുതിയ രീതിയനുസരിച്ച് വാഹനങ്ങള്‍ രജിസ്റ്റര്‍ ചെയ്യുന്ന ആദ്യ വര്‍ഷം നികുതിയിനത്തില്‍ പഴയതിലും കൂടുതല്‍ പണം നല്‍കേണ്ടതായി വരും. രണ്ടാമത്തെ വര്‍ഷം മുതല്‍ 140 പൗണ്ട് വീതമായിരിക്കും നല്‍കേണ്ടി വരിക. എന്നാല്‍ നിങ്ങളുടെ കാര്‍ ഹൈബ്രിഡ് അല്ലെങ്കില്‍ എല്‍പിജി, ബയോഎത്തനോള്‍ എന്നിവയില്‍ പ്രവര്‍ത്തിക്കുന്നവയാണെങ്കില്‍ നികുതിയില്‍ 10 പൗണ്ട് വീതം കുറവുണ്ടാകും. 2017 ഏപ്രിലിനു മുമ്പ് രജിസ്റ്റര്‍ ചെയ്ത കാറുകള്‍ക്ക് ഇത് ബാധകമായിരിക്കില്ലെന്നാണ് വിവരം.

കാര്‍ബണ്‍ എമിഷന്‍ കുറവുള്ള പെട്രോള്‍, ഡീസല്‍ കാറുകള്‍ക്ക് നികുതിയിളവ് നല്‍കുന്നതാണ് നിലവിലുള്ള രീതി. എന്നാല്‍ പുതുക്കിയ നിയമമനുസരിച്ച് ഇലക്ട്രിക്, ഹൈഡ്രജന്‍ കാറുകള്‍ക്ക് മാത്രമേ ഈ നികുതിയിളവ് ലഭിക്കൂ. 40,000 പൗണ്ടിനു മേല്‍ വിലവരുന്ന കാറുകള്‍ക്ക് ഒരു അഞ്ചു വര്‍ഷ സപ്ലിമെന്റ് കൂടി നല്‍കണം. 310 പൗണ്ടാണ് ഈയിനത്തില്‍ ഈടാക്കുന്നത്. ഓട്ടോ എക്‌സ്പ്രസ് നടത്തിയ കണക്കുകൂട്ടലില്‍ ചെറിയ കാറുകള്‍ വാങ്ങുന്നവരെയാണ് നികുതി വര്‍ദ്ധന ഏറ്റവും കൂടുതല്‍ ബാധിക്കുക. ചില കാറുകളുടെ കാര്യത്തില്‍ നിലവില്‍ നല്‍കുന്നതിന്റെ 9 മടങ്ങ് തുക നല്‍കേണ്ടി വരും.

കാര്‍ബണ്‍ എമിഷന്‍ കൂടുതലുള്ള കാറുകള്‍ക്ക് പുതുക്കിയ നിയമമനുസരിച്ചും കൂടുതല്‍ നികുതി നല്‍കേണ്ടി വരും. പ്യൂഷോ 208 1.2 പ്യുവര്‍ ടെക് കാറുകള്‍ക്ക് ഇപ്പോള്‍ ഒരു വര്‍ഷം നല്‍കേണ്ടി വരുന്നത് 20 പൗണ്ടാണ്. ഏപ്രില്‍ മുതല്‍ ഇത് 140 പൗണ്ടായി മാറും. മൂന്നു വര്‍ഷംകൊണ്ട് 9 മടങ്ങ് വര്‍ദ്ധന നികുതിയില്‍ ഉണ്ടാകുമെന്നാണ് വിലയിരുത്തല്‍. ഉയര്‍ന്ന എമിഷന്‍ ഉള്ള ഹോണ്ട സിആര്‍വി 2.0i VTEC SE കാറിന് ഇപ്പോള്‍ നല്‍കുന്ന 300 പൗണ്ട് 800 പൗണ്ടായി ഉയരും. അതേ സമയം വാര്‍ഷിക നികുതി 210 പൗണ്ടില്‍ നിന്ന് 70 പൗണ്ടായി കുറയുകയും ചെയ്യും. അതായത് ഇത്തരം കാറുകള്‍ക്ക് ഏപ്രില്‍ മുതല്‍ വില കുറയും.

പുതുക്കിയ നികുതി പ്രാബല്യത്തിലാകുന്നതിനു മുമ്പ് കാറുകളുടെ വില്‍പനയില്‍ വലിയ വര്‍ദ്ധനവുണ്ടാകുമെന്നാണ് പ്രതീക്ഷിക്കപ്പെടുന്നത്. പ്രീ രജ്‌സ്‌ട്രേഷനുകളും വര്‍ദ്ധിക്കും. ഇത്തരം വാഹനങ്ങള്‍ക്ക് കൂടുതല്‍ ഡിസ്‌കൗണ്ടുകള്‍ നല്‍കാന്‍ സാധിക്കുമെന്നാണ് റീട്ടെയിലേഴ്‌സും പറയുന്നത്.

യുവനടി ആക്രമിക്കപ്പെട്ട സംഭവത്തില്‍ താരസംഘടനയായ അമ്മയുടെ പ്രതികരണം വികാരപരം മാത്രമാണെന്നു പത്മപ്രിയ.അമ്മയിലെ അംഗങ്ങള്‍ ഇ-മെയില്‍ വഴി പ്രതികരണങ്ങള്‍ അറിയിക്കുന്നുണ്ട്. ഇവയെല്ലാം വികാരപരമായ കാര്യങ്ങള്‍ മാത്രമാണ് എന്നും നടി പറയുന്നു .
മുമ്പൊരിക്കല്‍ ഒരു നടിക്കു ഡ്രൈവറുടെ ആക്രമണം നേരിടേണ്ടി വന്നു, തന്നെ കടന്നു പിടിച്ച ഡ്രൈവര്‍ക്കെതിരെ നടി പരാതിയുമായി സംവിധായകന്റെ അടുത്ത് എത്തി . എന്നാല്‍ പ്രഗത്ഭനായ സംവിധായകന്‍ അവളോടു പ്രശ്‌നം ഉണ്ടാക്കരുത് എന്നു നിര്‍ദേശിച്ചു. അതുകൊണ്ട്  സംഭവം സിനിമയെ പ്രതികുലമായി ബാധിക്കരുത് എന്നു കരുതി സംവിധായകന്റെ നിര്‍ദേശത്തിനു നടി വഴങ്ങി. എന്നാല്‍ പിന്നീടുള്ള ദിവസങ്ങളിലും അവളുടെ വണ്ടി ഓടിച്ചത് അതേ ഡ്രൈവര്‍ തന്നെയായിരുന്നു എന്നും പത്മപ്രിയ പറയുന്നു.

രാജ്യത്തിന്റെ സമ്പദ് വ്യവസ്ഥയിലേയ്ക്കു നല്ലൊയൊരു വരുമാനം നല്‍കുന്ന വ്യവസായമാണു സിനിമ. ഇങ്ങനെ ഉള്ള ഒരു മേഖലയില്‍ സ്ത്രീയ്ക്ക് ഇത്തരം ഒരു ദുരനുഭവം ഉണ്ടായപ്പോള്‍ അവര്‍ക്കു സ്വന്തം സംഘടനയില്‍ നിന്ന് എന്തു പിന്തുണയാണ് ലഭിച്ചത് എന്നും പത്മപ്രിയ ചോദിക്കുന്നു. അടുത്തിടെ സെയ്ഫ് അലിഖാനൊപ്പം ഷെഫ് എന്ന ഹിന്ദി ചിത്രത്തില്‍ അഭിനയിച്ചു. സ്ത്രീകള്‍ക്കും പുരുഷന്മാര്‍ക്കും തുല്യ പ്രധാന്യമുള്ള സെറ്റായിരുന്നു. എല്ലാ മേഖലകളിലും സ്ത്രീകളുടെ സാന്നിധ്യം ഉണ്ട്. അന്നുണ്ടായ സന്തോഷവും കരുത്തും വേറെ തന്നെ. സ്ഥിരം പ്രശ്‌നങ്ങളായ ടോയ്‌ലറ്റ്, ഡ്രസിങ്ങ് റും, വാഷ് റും എന്നീ  പ്രശ്‌നങ്ങള്‍ ഒന്നും ഉണ്ടായില്ലെന്നും പത്മപ്രിയ പറയുന്നു. ഒരു ദേശീയ മാധ്യമത്തിനു നല്‍കിയ അഭിമുഖത്തിലാണ് ഇവര്‍ ഇക്കാര്യങ്ങള്‍ വ്യക്തമാക്കിയത്.

ലണ്ടന്‍: ദരിദ്ര സാഹചര്യങ്ങളില്‍ നിന്നു വരുന്ന വിദ്യാര്‍ത്ഥികള്‍ ഏറെയുള്ള സ്‌കൂളുകള്‍ക്ക് വരാനിരിക്കുന്ന ഫണ്ട് വെട്ടിക്കുറയ്ക്കല്‍ നടപടികളില്‍ ഏറെ പണം നഷ്ടമാകുമെന്ന് പഠനം. കുട്ടികളുടെ എണ്ണമനുസരിച്ച് ഫണ്ട് വെട്ടിക്കുറയ്ക്കുമ്പോള്‍ ഈ സ്‌റ്റേറ്റ് സ്‌കൂളുകള്‍ക്ക് വലിയ തോതില്‍ പണം നഷ്ടമാകുമെന്ന് പഠനം വ്യക്തമാക്കുന്നു. 997 സ്റ്റേറ്റ് സ്‌കൂളുകളില്‍ നാഷണല്‍ യൂണിയന്‍ ഓഫ് ടീച്ചേഴ്‌സ്, ചൈല്‍ഡ് പോവര്‍ട്ടി ആക്ഷന്‍ ഗ്രൂപ്പ് എന്നിവ നടത്തിയ പഠനത്തില്‍ 40 ശതമാനത്തിലേറെ കുട്ടികള്‍ സ്‌കൂള്‍ ഭക്ഷണത്തിന് അര്‍ഹരാണെന്ന് കണ്ടെത്തി. ദാരിദ്ര്യത്തിന്റെ ലക്ഷണമായാണ് ഇത് കണക്കാക്കുന്നത്. ഈ അനുപാതത്തില്‍ വിദ്യാര്‍ത്ഥികളുള്ള പ്രൈമറി സ്‌കൂളുകള്‍ക്ക് 473 പൗണ്ടെങ്കിലും ഒരു വിദ്യാര്‍ത്ഥിക്ക് നല്‍കുന്ന ഫണ്ടില്‍ നിന്ന് നഷ്ടമാകുമെന്നാണ് കണ്ടെത്തിയത്.
പ്രൈമറി സ്‌കൂളുകളില്‍ നഷ്ടമാകുന്നതിന്റെ ശരാശരിയില്‍ നിന്ന് 140 പൗണ്ട് അധികമാണ് ഈ കണക്ക്. ദരിദ്രരായ കുട്ടികള്‍ ഏറെയുള്ള സെക്കന്‍ഡറി സ്‌കൂളുകള്‍ക്ക് 803 പൗണ്ടായിരിക്കും നഷ്ടമാവുക. അതേ സമയം 326 പൗണ്ട് മാത്രമാണ് കണക്കാക്കിയിട്ടുള്ളത്. ഡിപ്പാര്‍ട്ട്‌മെന്റ് ഓഫ് എഡ്യുക്കേഷന്‍ പുറത്തുവിട്ട കണക്കുകള്‍ വിശകലനം ചെയ്താണ് ഈ റിപ്പോര്‍ട്ട് തയ്യാറാക്കിയത്. 40 ശതമാനത്തിനു മേല്‍ ദരിദ്രരായ കുട്ടികള്‍ പഠിക്കുന്ന സ്‌കൂളുകള്‍ക്ക് ഫണ്ട് വെട്ടിക്കുറയ്ക്കുന്നതിനേക്കുറിച്ച് പഠിക്കാനാണ് ഈ വിവരങ്ങള്‍ പ്രസിദ്ധീകരിച്ചത്.

പുതിയ ഫണ്ടിംഗ് ഫോര്‍മുല സ്‌കൂളുകളെ എപ്രകാരം ബാധിക്കുമെന്നും സ്‌കൂളുകളിലെ ചെലവ് ഏതു വിധത്തിലാണ് വര്‍ദ്ധിക്കുന്നതെന്നും ഈ ഡേറ്റ പരിശോധനയ്ക്ക് വിധേയമാക്കുന്നുണ്ട്. സ്‌കൂളുകള്‍ക്ക് ആവശ്യത്തിനനുസരിച്ച് മാത്രം ഫണ്ടുകള്‍ നല്‍കാനുള്ള നിര്‍ദേശം ഡിസംബറില്‍ വിദ്യാഭ്യാസ സെക്രട്ടറി ജസ്റ്റിന്‍ ഗ്രീനിംഗ് ആണ് നല്‍കിയത്. 2018-2019 കാലയളവിലായിരിക്കും ഇത് നടപ്പാക്കുക. 10,000 സ്‌കൂളുകള്‍ക്ക് ഈ ഫണ്ടിംഗിന്റെ ആനുകൂല്യങ്ങള്‍ ലഭ്യമാകുമെന്നാണ് കരുതുന്നത്.

എന്നാല്‍ ഈ നയം മൂലം ഒട്ടേറെ സ്‌കൂളുകള്‍ക്ക് ധനസഹായം കുറയാനാണ് സാധ്യതയെന്നാണ് അധ്യാപകരുടെ സംഘടന വിലയിരുത്തുന്നത്. സഹായം ആവശ്യമുള്ള കുട്ടികള്‍ ഏറെയുള്ള സ്‌കൂളുകള്‍ക്ക് അത് നഷ്ടപ്പെടും. ദരിദ്ര സാഹചര്യങ്ങളില്‍ നിന്ന് വരുന്ന കുട്ടികള്‍ക്ക് വിദ്യാഭ്യാസം നിഷേധിക്കുകയായിരിക്കും ഇതിലൂടെ ഉണ്ടാവുകയെന്നും അധ്യാപകര്‍ പറയുന്നു.

മലയാളത്തിലെ നടന്മാര്‍ക്കും സംവിധായകര്‍ക്കുമെതിരെ തുറന്നടിച്ച് നടി ചാര്‍മിള. സിനിമയില്‍ അവസരം തരാമെന്ന് പറഞ്ഞ് പലരും കിടക്ക പങ്കിടാന്‍ നിര്‍ബന്ധിച്ചുവെന്നും മോശമായി പെരുമാറിയെന്നും നടി വെളിപ്പെടുത്തി. ഒരു സിനിമാ പ്രസിദ്ധീകരണത്തിന് നല്‍കിയ അഭിമുഖത്തിലാണ് നടി ഇക്കാര്യം വ്യക്തമാക്കിയത്.
ചലച്ചിത്ര നടി ആക്രമിക്കപ്പെട്ടതിന് പിന്നാലെ പല നടിമാരും തങ്ങള്‍ക്ക് നേരിട്ട ദുരനുഭവം വിവരിച്ച് രംഗത്ത് വന്നിരുന്നു. ആ കൂട്ടത്തില്‍ ഒടുവിലത്തെ ആളാണ് നടി ചാര്‍മിള. മലയാളത്തിലെ ചില താരങ്ങളും സംവിധായകരും കിടക്ക പങ്കിട്ടാല്‍ നല്ല വേഷങ്ങള്‍ തരാമെന്ന് പറഞ്ഞിരുന്നതായി ചാര്‍മിള പറയുന്നു. ‘മലയാളത്തില്‍ അഭിനയിക്കാന്‍ ഇഷ്ടമാണ്. പക്ഷെ കിടന്ന് കിട്ടുന്ന ചാന്‍സ് തനിക്ക് വേണ്ട. പ്രൊഡക്ഷന്‍ മാനേജര്‍മാരും മറ്റും മോശമായി സംസാരിക്കാറുണ്ട്. ചാര്‍മിള വ്യക്തമാക്കി. തമിഴിലും തെലുങ്കിലും അമ്മ വേഷമാണ് ചെയ്യുന്നത്. മലയാളത്തില്‍ പക്ഷെ അഡ്ജസ്റ്റ് ചെയ്യാമോ എന്നാണ് ചോദിക്കുന്നത്. മലയാളത്തില്‍ നിന്ന് മാത്രമേ ഇങ്ങനെ തന്നോട് ചോദിക്കുന്നുള്ളൂവെന്ന് താരം പറയുന്നു.42 വയസ്സായ തന്റെ പ്രായത്തെ പോലും ബഹുമാനിക്കുന്നില്ലെന്നും ചാര്‍മിള പറയുന്നു .

പ്രണയകാലത്തെ ജീവിതത്തെക്കുറിച്ചും ചാര്‍മിള മറയില്ലാതെ അഭിമുഖത്തില്‍ പറയുന്നുണ്ട് .ബാബു ആന്റണിയുമായുള്ള പ്രണയം പരാജയപ്പെട്ടതില്‍ അദ്ദേഹത്തെ ഞാന്‍ കുറ്റപ്പെടുത്തില്ല. എന്റെ ജീവിതത്തെ ചതിച്ചത് ഞാന്‍ തന്നെയാണ്. പുള്ളിയെ ഞാന്‍ ഒരുപാട് വിശ്വസിച്ചിരുന്നു. വിവാഹത്തിന് എന്റെ വീട്ടുകാര്‍ക്കും സമ്മതമായിരുന്നു. പുള്ളിയ്ക്കും ഇഷ്ടമായിരുന്നു കല്ല്യാണത്തിന് എന്നാണ് എനിക്ക് തോന്നിയത്. പിന്നെ, അമേരിക്കയിലെ ഗ്രീന്‍കാര്‍ഡൊക്കെ കിട്ടിയപ്പോള്‍ എന്നെ വിട്ടു. ഇപ്പോഴും അദ്ദേഹത്തിനും കുടുംബത്തിനും വേണ്ടി ഞാന്‍ പ്രാര്‍ഥിക്കാറുണ്ട്.കിട്ടിയ പണമെല്ലാം പലരും കൊണ്ട്പോയിട്ടുണ്ടെന്ന് ചാര്‍മിള പറയുന്നു.

ഒരുപാട് സിനിമകളില്‍ അഭിനയിച്ചിരുന്നു. അക്കാലത്ത് അത്യാവശ്യം കാശും സമ്പാദിച്ചിരുന്നു. ആദ്യ കാലങ്ങളില്‍ കിട്ടിയ പണമൊക്കെ അച്ഛനെയായിരുന്നു ഏല്‍പ്പിച്ചിരുന്നത്. കുറേ പണം അച്ഛന്‍ ഷെയര്‍ മാര്‍ക്കറ്റിലാണ് നിക്ഷേപിച്ചത്. അതില്‍ കുറേ പണം നഷ്ടമായി. പിന്നെ കുറെ പണം പ്രണയിച്ചിരുന്നവര്‍ കൊണ്ടുപോയി. ഞാന്‍ സ്‌നേഹിച്ചവര്‍ക്കെല്ലാം എന്റെ പണം ആവശ്യമായിരുന്നു. അന്ന് ഒന്നും അറിയാത്ത പ്രായമായിരുന്നു. ചോദിച്ചവര്‍ക്കൊക്കെ പണം കൊടുത്തു. ഇപ്പോള്‍ സ്വന്തമായി ഒരു വാഹനം പോലുമില്ല. എവിടെയെങ്കിലും പോകണമെങ്കില്‍ ഓട്ടോറിക്ഷയിലാണ് യാത്ര. മകന്റെ സ്കൂള്‍ ഫീസും മറ്റും നല്‍കുന്നത് തമിഴ് നടികര്‍ സംഘത്തിലെ വിശാല്‍ കാര്‍ത്തി ആണ് എന്നും  ചാര്‍മിള തുറന്നുപറയുന്നു .

ചാനല്‍ പരിപാടിക്കിടെ രഞ്ജിനി ഹരിദാസും രേഖ മോഹനും തമ്മില്‍ അടിപിടി .ഒരു മലയാളം ചാനലില്‍ സംരംക്ഷണം ചെയ്യുന്ന  റണ്‍ ബേബി റണ്‍ എന്ന പരിപാടിക്ക് ഇടയില്‍ ആണ് സംഭവം . രഞ്ജിനി ഹരിദാസാണ് പരിപാടിയുടെ അവതാരിക. പരസ്പരം എന്ന സീരിയലില്‍ പദ്മാവതിയമ്മ എന്ന കഥാപാത്രത്തെ അവതരിപ്പിയ്ക്കുന്ന രേഖ രതീഷ് അതിഥിയായെത്തിയപ്പോഴാണ് സംഭവം.
പരിപാടിക്കിടെ താന്‍ സീരിയല്‍ കാണാറില്ലെന്ന് പറഞ്ഞ് രഞ്ജിനി, സീരിയല്‍ താരങ്ങളെ അപമാനിക്കുന്ന തരത്തില്‍ സംസാരിച്ചതോടെയാണ് പ്രശ്‌നം ആരംഭിച്ചത്. ഇതോടെ രേഖ രോക്ഷം കൊള്ളുകയായിരുന്നു. ഇരുവരും തമ്മില്‍ വലിയ വാക്കുതര്‍ക്കമായി. നിങ്ങള്‍ എന്തിനാണ് വിളിച്ചുവരുത്തി അപമാനിക്കുന്നതെന്ന് രേഖ ചോദിക്കുകയും ചെയ്തത്രേ. ഞായറാഴ്ച രാത്രി എട്ട് മണിയ്ക്ക് സംപ്രക്ഷണം ചെയ്യുന്ന പരിപാടിയുടെ പ്രമോ വീഡിയോ കഴിഞ്ഞ ദിവസം മുതല്‍ കാണിച്ചു തുടങ്ങിയത് .അതിലാണ് ഇരുവരും വഴക്ക് കൂടുന്നത് കാണിക്കുന്നത് .

എന്നാല്‍ ഇതെല്ലാം ചാനലിന്റെ തട്ടിപ്പാണെന്നും റേറ്റിംഗ് കൂട്ടാനുള്ള സൂത്രപ്പണിയാണെന്നുമാണ് സോഷ്യല്‍മീഡിയയില്‍ ഉയരുന്ന പൊതുവികാരം. മുമ്പും ഇത്തരത്തില്‍ റിയാലിറ്റി ഷോയിലെ വിവാദസംഭവങ്ങള്‍ ചാനലുകള്‍ റേറ്റിംഗിനായി കാണിച്ചിട്ടുണ്ട്. എന്തായാലും പരിപാടി സംപ്രേക്ഷണം ചെയ്യുന്ന ഞായറാഴ്ച്ച വരെ സത്യമറിയാന്‍ കാത്തിരിക്കേണ്ടിവരും. വീഡിയോ കണ്ടുനോക്കൂ.

തന്നെ പീഡിപ്പിച്ചപ്പോള്‍ തന്നെ വേണ്ടപ്പെട്ടവരോട് വിവരം പറഞ്ഞിരുന്നതായി കൊട്ടിയൂരില്‍ വൈദികന്റെ പീഡനത്തിന് ഇരയായി പ്രസവിച്ച പെണ്‍കുട്ടി.ഇക്കാര്യം അതിരൂപതയിലുള്ള പ്രമുഖര്‍ക്ക് അറിയാമായിരുന്നു. വൈദികനെതിരെ അതിരൂപതാതലത്തില്‍ നടപടി ഉണ്ടാകുമെന്നാണ് പ്രതീക്ഷിച്ചിരുന്നതെന്നും പള്ളി വികാരി ഫാ. റോബില്‍ വടക്കുംചേരിയുടെ പീഡനത്തിനിരയായ പെണ്‍കുട്ടി വെളിപ്പെടുത്തി.
സഹോദരനൊപ്പം ഒരിക്കല്‍ പള്ളിയിലെത്തിയപ്പോഴാണ് താന്‍ ഉപദ്രവിക്കപ്പെട്ടത്. മഴയായതിനാല്‍ സഹോദരന്‍ ആദ്യം പോയി. മഴ ശമിക്കാന്‍ പള്ളിയില്‍ നിന്ന തന്നെ കംപ്യൂട്ടര്‍ ശരിയാക്കാനെന്ന വ്യാജേന റോബിന്‍ വടക്കുംചേരി അദ്ദേഹത്തിന്റെ മുറിയിലേക്ക് കൂട്ടിക്കൊണ്ടുപോയി.
അവിടെവച്ചാണ് പീഡിപ്പിച്ചത്. ആദ്യം ഗര്‍ഭിണിയാണെന്ന് അറിഞ്ഞില്ല. വേദനയെതുടര്‍ന്ന് കൂത്തുപറമ്പിലെ ആശുപത്രിയില്‍ എത്തിയപ്പോഴായിരുന്നു പ്രസവം. കുഞ്ഞിനെ തന്നെ കാണിച്ചിരുന്നു. തല്‍ക്കാലം മറ്റൊരിടത്തേക്ക് മാറ്റാമെന്നും പിന്നീട് തിരിച്ച് നല്‍കാമെന്നുമുള്ള ഉറപ്പിലാണ് കുട്ടിയെ കൈമാറിയത്.
കുഞ്ഞ് ഇപ്പോള്‍ എവിടെയാണുള്ളതെന്ന് അറിയില്ല. പതിനഞ്ച് ദിവസം വിശ്രമിച്ചശേഷം കഴിഞ്ഞദിവസം സ്‌കൂളില്‍ മോഡല്‍ പരീക്ഷയ്ക്ക് പോയിരുന്നു. സംഭവത്തെക്കുറിച്ച് പുറത്താരോടും പറഞ്ഞില്ല. സഭയ്ക്കും വൈദിക സമൂഹത്തിനും നാണക്കേടുണ്ടാകുമെന്ന് ചിലര്‍ നിര്‍ദേശിച്ചതിനാലാണ് സംഭവം മറച്ചുവച്ചത്.
മറ്റാരോ വിവരം അറിയിച്ചതിനെതുടര്‍ന്ന് ചൈല്‍ഡ്‌ലൈന്‍ അധികൃതര്‍ എത്തി. സംഭവമറിഞ്ഞെത്തിയ പൊലീസിനോടും ചൈല്‍ഡ്‌ലൈന്‍ അധികൃതരോടും സംഭവത്തിനുത്തരവാദി തന്റെ പിതാവാണെന്നാണ് ആദ്യം മൊഴി നല്‍കിയത്. സഭയെയും വൈദികനെയും രക്ഷിക്കാനായിരുന്നു ഇത്. നിരപരാധിയായ തന്റെ പിതാവ് ജയിലിലാകുമെന്ന് മനസിലായതോടെ യഥാര്‍ഥ സംഭവം പൊലീസിനോട് പറയുകയായിരുന്നെന്നും പെണ്‍കുട്ടി പറഞ്ഞു.

സഖറിയ പുത്തന്‍കളം
ബര്‍മിങ്ങ്ഹാം: യൂറോപ്പിലെ ഏറ്റവും വലിയ പ്രവാസി കത്തോലിക്കാ സമുദായ സംഘടനയായ യു.കെ. ക്‌നാനായ കാത്തലിക് അസോസിയേഷന്റെ 16-ാമത് വാര്‍ഷികാഘോഷങ്ങള്‍ പ്രൗഢഗംഭീരമായി ജൂലൈ എട്ടിന് നടക്കും. രാജകീയമായ പ്രൗഢി വിളിച്ചോതുന്ന ചെല്‍ട്ടണ്‍ഹാമിലെ ജോക്കി ക്ലബ്ബ് റേസ് കോഴ്‌സ് സെന്ററില്‍ നടക്കുന്ന കണ്‍വെന്‍ഷന്റെ ബഹുവര്‍ണ ലോഗോ യു.കെ.കെ.സി.എ പ്രസിഡന്റ് ബിജു മടക്കക്കുഴി, സെക്രട്ടറി ജോസി നെടുംതുരുത്തി പുത്തന്‍പുര, ട്രഷറര്‍ ബാബു തോട്ടം എന്നിവര്‍ ചേര്‍ന്നു പ്രകാശനം ചെയ്തു. സഭ -സമുദായ സ്‌നേഹം ആത്മാവില്‍ അഗ്നിയായി ക്‌നാനായ ജനത എന്ന ആപ്തവാക്യത്തിലധിഷ്ഠിതമായിട്ടാണ് ലോഗോ രൂപപ്പെടുത്തിയിരിക്കുന്നത്.

കോട്ടയം അതിരൂപതയുടെ പ്രഥമ സ്വര്‍ഗ മധ്യസ്ഥനായ തിരുഹൃദയം, പരിശുദ്ധാത്മാവിന്റെ അഭിഷേകം, യു.കെ.കെ.സി.എ ലോഗോ, കോല്‍വിളക്ക് എന്നിങ്ങനെ സഭാപരമായും സമുദായപരമായും അര്‍ത്ഥവത്തായ ലോഗോ ആണ് കണ്‍വെന്‍ഷനുവേണ്ടി രൂപപ്പെടുത്തിയിരിക്കുന്നത്.

പ്രസിഡന്റ് ബിജു മടക്കക്കുഴി ചെയര്‍മാനായി സെക്രട്ടറി ജോസി നെടുംതുരുത്തി പുത്തന്‍പുര, ട്രഷറര്‍ ബാബു തോട്ടം, വൈസ് പ്രസിഡന്റ് ജോസ് മുഖച്ചിറ, ജോ. സെക്രട്ടറി സഖറിയ പുത്തന്‍കളം, ജോ- ട്രഷറര്‍ ഫിനില്‍ കളത്തില്‍കോട്ട് ഉപദേശകസമിതി അംഗങ്ങളായ ബെന്നി മാവേലില്‍, റോയി സ്റ്റീഫന്‍ എന്നിവര്‍ അടങ്ങുന്ന വിവിധ കമ്മിറ്റികള്‍ കണ്‍വെന്‍ഷന്‍ വിജയത്തിനായി പ്രവര്‍ത്തിക്കുന്നു.