വൈവിധ്യമാര്‍ന്ന സംസ്‌കാരത്തോടൊപ്പം ഓരോ സംസ്ഥാനങ്ങള്‍ക്കും അതിന്റേതായ ഭക്ഷണ വൈവിധ്യവും ഉള്ള രാജ്യമാണ് ഇന്ത്യ. 29 സംസ്ഥാനങ്ങള്‍ക്കും അവരുടേതായ ഭാഷ എന്നാ പോലെ തന്നെയാണ് ഭക്ഷണ പാരമ്പര്യവും.കേരളത്തിലെ ഭക്ഷണമല്ല നമ്മുടെ അയല്‍സംസ്ഥാനങ്ങളായ തമിഴ്നാട്ടിലും കര്‍ണാടകയിലും. ദൂരം കൂടും തോറും ഇന്ത്യയുടെ വൈവിധ്യങ്ങളും പലവിധമാണ്. ഓരോ സംസ്ഥാനങ്ങള്‍ക്കും അതിന്റേതായ പ്രത്യേകതകളുമുണ്ട്. ഈ പ്രത്യേകതകള്‍ ഭക്ഷണ കാര്യത്തില്‍ പ്രതിഫലിക്കാറുമുണ്ട്. ഭക്ഷണത്തിന്റെ അടിസ്ഥാനത്തില്‍ തയ്യാറാക്കിയ ഒരു ഭൂപടമാണിത്. സ്വാദിഷ്ടമായ ഭക്ഷണത്തിന്റെയും രുചിയുടേയും അടിസ്ഥാനത്തില്‍ കാശ്മീര്‍ തൊട്ടു കേരളം വരെ നീളുന്ന ഒരു ഭൂപടം. കേരളത്തില്‍ നിന്നും ഈ ഭൂപടത്തില്‍ ഇടം പിടിച്ച വിഭവങ്ങള്‍ഏതൊക്കെ ആണെന്നോ? നമ്മുടെ നാടന്‍ സാദ്യ തന്നെ ഒന്നാമന്‍.അവിയല്‍, അപ്പം, ഇറച്ചി സ്റ്റൂ എല്ലാം പിന്നാലെ തന്നെയുണ്ട് . ദോശ, ഇഡ്‌ലി, പൊങ്കല്‍, ചെട്ടിനാട് ചിക്കന്‍ എന്നിവയാണ് തമിഴ്നാട്ടിലെ താരങ്ങള്‍. മറ്റു സംസ്ഥാനങ്ങളിലെ രുചിവീരന്മാര്‍ ആരൊക്കെ ആണെന്ന് നോക്കാം.
ഗുജറാത്ത്
തേപ്ല, ധോക്ല, ഖാണ്ഡവി, ഹാന്‍ഡ്വോ, പാങ്കി.
മഹാരാഷ്ട്ര
ഷീര്‍ഖണ്ഡ്, താലീപീത്, വട പാവ്, മോദക്
ഗോവ
വിന്‍ഡാലൂ, ക്‌സാകുട്ടി, ബിബിന്‍കാ, പ്രോണ്‍ ബല്‍ചാവ്
കര്‍ണാടക
ബിസി ബേലെ ഭട്ട്, കേസരി ബാത്, മൈസൂര്‍ പാക്, ധര്‍വാഡ് പേത, ചിരോട്ടി
രാജസ്ഥാന്‍
ദാല്‍ ഭട്ടി ചുര്‍മ്മ, കേര്‍ സങ്ഗ്രി, ലാല്‍ മാസ്, ഗട്ടേ, പ്ലാസ് കി കച്ചോ
ഛത്തീസ്ഗഡ്
ബേഫൂരി, കുസ്ലി, റെഡ് ആന്റ് ചഡ്‌നി
ആന്ധ്രപ്രദേശ്
തെലങ്കാന
ഹൈദരാബാദി ബിരിയാണി, മിര്‍ച്ച് കാ സാലന്‍, ഗോംഗുര, കോരികൂര
ഒഡീഷ
ഫിഷ് ഓര്‍ലി, ഖീര്‍മോഹന്‍, രസബൊലി,ഛേനപോടാപിതാ
ത്രിപുര
ചക്ക്വി, മിവ്ക്വി, മൂയ്ത്രൂ
മേഘാലയ
ജൈഡോ, ക്വാട്ട്
മിസോറാം
സൂ
മണിപ്പൂര്
ഇരോമ്പ, കബോക്, ചക്കൗ
നാഗാ ലാന്റ്
മോമോസ്, റൈസ് ബിയര്‍, ചെറി വൈന്‍
ആസാം
മസൂര്‍ ടേങ്ക, പിത
സിക്കിം
മോമോസ്, തുക്പ, ഗുണ്ട്രുക്,ഫാഗ്ഷാപാ, സേയ്ല്‍ റോട്ടി
അരുണാചല്‍ പ്രദേശ്
അപോങ്(പ്രാദേശികമായ മദ്യം)
ജമ്മു കാശ്മീര്‍
ഗുസ്തബ തമക് മാസ്, ദം ആലൂ ഹാക്- കരം കാ സാഗ്
ഹിമാചല്‍ പ്രദേശ്
സിഡു, അക്ടോരി
ഛണ്ഡീഗഡ്
ബട്ടര്‍ ചിക്കന്‍, തണ്ടൂരി ചിക്കന്‍, മട്ടണ്‍ പുലാവ്
പഞ്ചാബ്
ദാല്‍ മക്കനി, മക്കേ ഡി രോട്ടി, സര്‍സോ ദ സാഗ്, ചന്ന ഭട്ടുരേ, അമൃത് സരി മച്ഛി, കുല്‍ച
ഹരിയാന
കച്രി കി സബ്‌സി, ഛോലിയ, ബേ്രജ കി ഖിച്ചടി
ഡല്‍ഹി
ഛാട്ട്, പരാന്തേ, നഗാരി ഹല്‍വ, ഛോല ഭട്ടുരെ
ഉത്തരാഖണ്ഡ്
ആലു കേ ഗുട്‌കെ, കാപ, ജംഗോരാ കി ഗീര്‍, ചെയ്ന്‍സൂ
ഉത്തര്‍പ്രദേശ്
ബദ്മി ആലൂ കച്ചോരി, ബിരിയാണി, ഹല്‍വ, ബനാറസി ചാട്ട്, കേബാസ്
ബീഹാര്‍
ലിട്ടി,സാട്ടു, ഖാജ,തില്‍കട്ട്, അനാറസാ, ഖുബി കാ ലായ്
ജാര്‍ഖണ്ഡ്
തേകുഅ, പുവ, പിത്ത, മരുവ കാ റോട്ടി
പശ്ചിമ ബംഗാള്‍
ബപാ ഇല്ലിഷ്. രസഗോള, മിഷ്ടി ദോയ്
ബേസില്‍ ജോസഫ്
ഈസ്റ്ററിനു മുന്‍പുള്ള ഞായറാഴ്ച വിശ്വാസികള്‍ ഓശാന ഞായര്‍ (Palm Sunday) അഥവാ കുരുത്തോല പ്പെരുന്നാള്‍ ആചരിക്കുന്നു. കുരിശിലേറ്റപ്പെടുന്നതിനു മുന്‍പ് ജെറുസലെമിലേയ്ക്കു കഴുതപ്പുറത്തേറി വന്ന യേശുവിനെ, ഒലിവുമരച്ചില്ലകളും ഈന്തപ്പനയോലകളും വഴിയില്‍ വിരിച്ച് ‘ഓശാന ഓശാന ദാവീദിന്റെ പുത്രന് ഓശാന ‘ എന്ന് പാടി ജനക്കൂട്ടം വരവേറ്റ സംഭവം നാലു സുവിശേഷകന്മാരും രേഖപ്പെടുത്തിയിട്ടുണ്ട്.
ഈ സുവിശേഷ വിവരണങ്ങള്‍ അടിസ്ഥാനമാക്കിയാണ് ഓശാന ഞായര്‍ ആചരിക്കുന്നത്. ക്രിസ്ത്യാനികള്‍ ഈസ്റ്ററിന് തൊട്ട് മുമ്പുള്ള വ്യാഴാഴ്ച പെസഹാ വ്യാഴം ആചരിക്കുന്നു. യേശു തന്റെ അപ്പോസ്‌തോലന്മാരുമൊത്ത് അവസാനമായിക്കഴിച്ച അത്താഴത്തിന്റെ ഓര്‍മക്കായാണ് ഈ ആചാരം. വിശുദ്ധ ആഴ്ചയിലെ, വിശുദ്ധ ബുധന് ശേഷവും ദുഃഖവെള്ളിക്ക് മുന്‍പുമായി അഞ്ചാം ദിവസമാണ് പെസഹാ വ്യാഴം.
അന്ത്യ അത്താഴ വിരുന്നിന്റെ ഓര്‍മ്മ പുതുക്കലിന്റെ ഭാഗമായി പെസഹ വ്യാഴത്തില്‍ പെസഹ അപ്പം അഥവാ ഇണ്ട്രിയപ്പം ഉണ്ടാക്കുന്നു. ഓശാനയ്ക്ക് പള്ളികളില്‍ നിന്ന് നല്‍കുന്ന ഓശാനയോല (കുരുത്തോല) കീറിമുറിച്ച് കുരിശുണ്ടാക്കി പെസഹ അപ്പത്തിനു മുകളില്‍വെച്ച് കുടുംബത്തിലെ കാരണവര്‍ അപ്പം മുറിച്ച് ‘പെസഹ പാലില്‍’ മുക്കി ഏറ്റവും പ്രായംകൂടിയ വ്യക്തി മുതല്‍ താഴോട്ട് കുടുംബത്തിലെ എല്ലാവര്‍ക്കുമായി നല്‍കുന്നു.
കുരിശിനു മുകളില്‍ എഴുതുന്ന ‘INRI’ യെ (മലയാളത്തില്‍ ‘ഇന്രി’) അപ്പവുമായി കൂട്ടിവായിച്ച് ഇന്രിയപ്പമെന്ന് പറയുന്നു. കാലക്രമേണ അത് ഇണ്ട്രിയപ്പമെന്നും ഇണ്ടേറിയപ്പമെന്നും പേര് ആയതാണെന്ന് പറയപ്പെടുന്നു. പെസഹ അടുത്തു വരുന്ന ഈ സമയത്ത് പെസഹ അപ്പവും പാലും ഉണ്ടാക്കുന്ന വിധം ഈയാഴ്ച ഉള്‍പെടുത്താം എന്ന് കരുതി.
ചേരുവകള്‍
അരിപ്പൊടി 1 കപ്പ്
ഉഴുന്ന് 1/ 4 കപ്പ്
തേങ്ങ 1 കപ്പ് ചിരകിയത്
വെളുത്തുള്ളി 1 എണ്ണം
കുഞ്ഞുള്ളി 4 എണ്ണം
ജീരകം 1 പിഞ്ച്
വെള്ളം 1 കപ്പ്
പെസഹ അപ്പം ഉണ്ടാക്കുന്ന വിധം
രണ്ടു മണിക്കൂര്‍ വെള്ളത്തില്‍ കുതിര്‍ത്തുവച്ച ഉഴുന്ന് പരിപ്പ് നന്നായി അരച്ച് എടുക്കുക. തേങ്ങ, ജീരകം, വെളുത്തുള്ളി, കുഞ്ഞുള്ളി എന്നിവ അല്പം വെള്ളം ചേര്‍ത്ത് അരച്ച് എടുക്കുക. ഒരു പാത്രത്തിലേയ്ക്ക് അരച്ചു വച്ച പരിപ്പ്, തേങ്ങാ, അരിപ്പൊടി. അല്പം ഉപ്പ് എന്നിവ ചേര്‍ത്ത് നന്നായി മിക്‌സ് ചെയ്ത് നല്ല കട്ടിയുള്ള ഒരു ബാറ്റര്‍ ആക്കി ഒരു 20 മിനിറ്റ് വയ്ക്കുക. ഒരു ഇഡലിപാത്രത്തില്‍ ഒരു തട്ടു വച്ച് ഈ ബാറ്റെര്‍ അതിലേയ്ക്ക് ഒഴിക്കുക. ഓശാന ഞായറാഴ്ച പള്ളിയില്‍നിന്നും കിട്ടിയ ഓല ഒരു കുരിശുരൂപത്തില്‍ മധ്യത്തില്‍ വച്ച് ചെറുതീയില്‍ 20 മിനിട്ട് കുക്ക് ചെയ്യുക. അപ്പം നന്നായി വെന്തോ എന്നറിയാന്‍ ഒരു ടൂത്ത്പിക്ക് കൊണ്ട് കുത്തി നോക്കുക. ടൂത്ത് പിക്കില്‍ പറ്റിപ്പിടിച്ചിട്ടില്ല എങ്കില്‍ നന്നായി കുക്ക് ആയി എന്നര്‍ത്ഥം.
പാലുണ്ടാക്കുന്നതിനായി വേണ്ട ചേരുവകള്‍
ശര്ക്കര 400 ഗ്രാം
രണ്ടാംപാല്‍ 3 കപ്പ്
ഒന്നാംപാല്‍ 1 കപ്പ്
അരിപ്പൊടി 1/ 4 കപ്പ്
ചുക്ക്‌പൊടിച്ചത് 1/ 2 ടീസ്പൂണ്‍
ഏലക്കപൊടിച്ചത് 1/ 2 ടീസ്പൂണ്‍
ജീരകംപൊടിച്ചത് 1/ 2 ടീസ്പൂണ്‍
പാല്‍ ഉണ്ടാക്കുന്ന വിധം
ഒരു പാനില്‍ ശര്ക്കര അല്പം വെള്ളം ചേര്‍ത്ത് ഉരുക്കി എടുത്തു അരിച്ചെടുക്കുക. അരിപ്പൊടി ഒരു പാനില്‍ ചൂടാക്കി അതിലേയക്ക് രണ്ടാം പാല്‍ ചേര്‍ത്ത് കുറുക്കി എടുക്കുക. ഇതിലേയ്ക്ക് തയ്യാറാക്കി വച്ചിരിക്കുന്ന ശര്‍ക്കരപാനി, ചുക്ക്, ഏലക്ക, ജീരകം പൊടിച്ചത് ചേര്‍ത്ത് ചൂടാക്കുക. നന്നായി ചൂടായിക്കഴിയുമ്പോള്‍ ഒന്നാം പാല്‍ ചേര്‍ത്ത് ഓഫ് ചെയ്യുക.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
ബേസില്‍ ജോസഫ്
പുരാതനകാലം തൊട്ടേ ക്രിസ്ത്യാനികള്‍ വലിയ നോമ്പിന്റെ നാല്‍പ്പത്തിയൊന്നാം നാള്‍ ഉണ്ടാക്കുന്ന ഒരു പലഹാരം ആണ് കൊഴുക്കട്ട. ഓശാന ഞായറിന്റെ മുന്‍പുള്ള ദിവസം ആണ് കൊഴുക്കട്ട സാധാരണയായി ഉണ്ടാക്കുന്നത്. അമ്പതു നോമ്പിന്റെ ആദ്യ നാല്‍പതു ദിവസം കര്‍ത്താവ് നോമ്പ് നോറ്റതിന്റെയും പിന്നീടുള്ള പത്തു ദിവസം കര്‍ത്താവിന്റെ കഷ്ടാനുഭവത്തെയും ഓര്‍ത്ത് ക്രിസ്ത്യാനികള്‍ വലിയനോമ്പ് നോല്‍ക്കുന്നു. കര്‍ത്താവ് നാല്‍പതു ദിവസം നോമ്പുനോറ്റു വീടിയത് പോലെ പുരാതന ക്രൈസ്തവരും നാല്‍പതു ദിവസം നോമ്പ്‌നോറ്റു വീടുന്നു. എന്നാല്‍ പിന്നീടുള്ള പത്തു ദിവസം കര്‍ത്താവിന്റെ കഷ്ടാനുഭവത്തെയും ഓര്‍ത്ത് നോമ്പ് അനുഷ്ടിക്കുന്നത് കൊണ്ട് അതുവരെ അനുഷ്ടിച്ചു വന്ന നോമ്പിന്റെ തീഷ്ണത ഒട്ടും കുറക്കാതെ നോമ്പ് വീടുന്നതിനാണ് കൊഴുക്കട്ട ഉണ്ടാക്കുന്നത്.
കൊഴുക്കട്ട എന്ന പേര് ഈ പലഹാരത്തിനു വന്നു ചേര്‍ന്നതിന് പലരീതിയിലുള്ള കഥകള്‍ ഉണ്ട്. ‘കൊഴു’ എന്ന വാക്കിനര്‍ത്ഥം മഴു എന്നാണ്. കൊഴു ഭൂമിയെ പിളര്‍ന്നു ചിതറിക്കുന്നത ്‌പോലെ പാതാള വാതില്‍ക്കല്‍ അവരുടെ അസ്ഥികള്‍ ചിതറിക്കപ്പെട്ടു എന്ന 140-ാം സങ്കീര്‍ത്തനത്തിലെ വാചകം. നോമ്പിനെ മുറിക്കാന് ഉപയോഗിക്കുന്നത് എന്നര്‍ത്ഥത്തിലാണ് കൊഴുക്കട്ട എന്ന് ഈ പലഹാരത്തിനു പേരുണ്ടായത്. ഇത് ഒരു കഥ. എന്നാല്‍ മറ്റൊരു കഥ ബഥാനിയായില്‍ നിന്നു ജറുസലേമിലേക്കുള്ള യാത്രയ്ക്കിടയില്‍ ക്രിസ്തു ലാസറിന്റെ ഭവനത്തിലെത്തിയെന്നും ലാസറിന്റെ സഹോദരിമാര്‍ തിടുക്കത്തില്‍ മാവു കുഴച്ച് ഉണ്ടാക്കി യേശുവിനു നല്‍കിയ ഭക്ഷണമായിരുന്നു കൊഴുക്കട്ടയെന്നും കരുതപ്പെടുന്നു.
പീഡാനുഭവചരിത്രത്തില്‍ ക്രിസ്തുവിനെ കല്ലെറിയുന്ന സംഭവത്തെ അനുസ്മരിപ്പിക്കുന്നതാണു കൊഴുക്കട്ടയെന്നും പ്രചാരമുണ്ട്. അഭിപ്രായങ്ങള്‍ക്കും പഠനങ്ങള്‍ക്കുമപ്പുറം മഹത്തായ ക്രൈസ്തവ പാരമ്പര്യത്തിന്റെ ഓര്‍മകള്‍ ഉള്ളില്‍ വഹിക്കുന്ന കൊഴുക്കട്ട, കേരളത്തില്‍ നിന്നുള്ള ക്രിസ്ത്യാനികളുടെ ഭാഗമായിക്കഴിഞ്ഞു.
ചേരുവകള്‍
1. അരിപ്പൊടി – 250ഗ്രാം
2. തേങ്ങ – അരമുറി
3. ഉപ്പ് – ആവശ്യത്തിന്
4. ശര്ക്കര – 100 ഗ്രാം.
5. ഏലക്ക – 3 എണ്ണം
6. ചെറിയജീരകം – ഒരുനുള്ള്
പാചകം ചെയ്യുന്ന വിധം
ശര്ക്കര ചൂടാക്കി ഉരുക്കി അരിച്ചെടുത്ത പാനിയില്‍ നാളികേരം ചിരകിയതും ഏലക്കപൊടിയും ചെറിയ ജീരകം പൊടിച്ചതും ഇട്ടു നന്നായി ഇളക്കി യോജിപ്പിച്ച് വയ്ക്കുക. അരിപ്പൊടി ആവശ്യമുള്ളത്ര വെള്ളം ചേര്‍ത്തു നന്നായി കുഴച്ചു വയ്ക്കുക. നല്ല ചൂടുവെള്ളത്തില്‍ കുഴച്ചാല്‍ കൊഴുക്കട്ട ഉണ്ടാക്കുമ്പോള്‍ പൊട്ടിപ്പോകില്ല. കുഴച്ച മാവ് ചെറിയ ചെറിയ ഉരുളകളാക്കി കനം കുറച്ച് പരത്തി നേരത്തേ തയ്യാറാക്കിയ മിശ്രിതം നിറച്ച് വീണ്ടും ഉരുളകളാക്കുക. ഈ ഉരുളകള്‍ ആവിയില്‍ വേവിച്ചെടുക്കുക.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
ബേസില്‍ ജോസഫ്
ചേരുവകള്‍
സബോള – 2 എണ്ണം
തക്കാളി – 2 എണ്ണം
ക്യാപസികം – 1 എണ്ണം
കാബേജ് – 100 ഗ്രാം
പച്ചമുളക് – 2 എണ്ണം
(എല്ലാ പച്ചക്കറികളും വളരെ ഫൈന്‍ ആയിട്ട് ചോപ്പ് ചെയ്യണം)
ഗ്രീന്‍പീസ് – 100 ഗ്രാം
വെളുത്തുള്ളി – 5 അല്ലി
മുളകുപൊടി – 1 ടീസ്പൂണ്‍
ജീരകപ്പൊടി – 1 ടീസ്പൂണ്‍
മല്ലിപ്പൊടി – 1 ടീസ്പൂണ്‍
മഞ്ഞള്‍പൊടി – 1/2 ടീസ്പൂണ്‍
ഗരംമസാല – 1/2 ടീസ്പൂണ്‍
ടോമാറ്റോ കെച്ചപ്പ് – 1 ടേബിള്‍ സ്പൂണ്‍
ക്രീം – 1 ടേബിള്‍ സ്പൂണ്‍
ചീസ് – 1 ക്യുബ് (ഓപ്ഷണല്‍)
സ്പ്രിംഗ് ഒനിയന്‍ ഗാര്‍നിഷിന്
പാചകം ചെയ്യുന്ന വിധം
ഒരു പാനില്‍ അല്പം ഓയില്‍ ചൂടാക്കി സബോള നന്നായി വഴറ്റി എടുക്കുക. സബോള ഒരു ഗോള്‍ഡന്‍ കളര്‍ ആയിക്കഴിയുമ്പോള്‍ ടൊമാറ്റോ, കാബേജ്, ഗ്രീന്‍പീസ്, ക്യാപ്‌സികം, പച്ചമുളക്, വെളുത്തുള്ളി ചതച്ചത് എന്നിവ ചേര്‍ത്ത് വീണ്ടും വഴറ്റുക. പച്ചക്കറികള്‍ പകുതി കുക്ക് ആകുമ്പോള്‍ എല്ലാ മസാലപ്പൊടികളും കൂടി ചേര്‍ത്ത് നന്നായി മിക്‌സ് ചെയ്യുക. ഒരു ലിഡ് വച്ച് കവര്‍ ചെയ്ത് 15 മിനിട്ടോളം ചെറുതീയില്‍ വേവിക്കുക. ഇടയക്കിടെ പാനിന്റെ അടിയില്‍ പിടിക്കാതിരിക്കാന്‍ ഇളക്കിക്കൊണ്ടിരിക്കുക. പച്ചക്കറികള്‍ നന്നായി കുക്ക് ആയിക്കഴിയുമ്പോള്‍ ഒരു തവി ഉപയോഗിച്ച് നന്നായി ഉടച്ചെടുക്കുക. ഇതിലേയ്ക്ക് ടൊമാറ്റോ കെച്ചപ്പ്, ക്രീം എന്നിവ ചേര്‍ത്ത് നന്നായി മിക്‌സ് ചെയ്ത് ആവശ്യത്തിന് ഉപ്പും ചേര്‍ത്ത് ചെറുതീയില്‍ ഏകദേശം 5 മിനിട്ട് കൂടി കുക്ക് ചെയ്യുക. കൂടുതല്‍ ഡ്രൈ ആണെങ്കില്‍ അല്പം വെള്ളം കൂടി ചേര്‍ക്കുക. നന്നായി കുക്ക് ആയിക്കഴിയുമ്പോള്‍ സ്പ്രിംഗ് ഒനിയനും ഗ്രേറ്റഡ് ചീസും കൊണ്ട് ഗാര്‍നിഷ ്‌ചെയ്ത് വിളമ്പുക. ചപ്പാത്തി, റോട്ടി, നാന്‍, ഫുല്‍ക്ക എന്നിങ്ങനെ എല്ലാ ഇന്ത്യന്‍ ബ്രഡുകള്‍ക്കും ഒരു നല്ല സൈഡ് ഡിഷ് ആണ് വെജിറ്റബള്‍ കീമ മസാല.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
ബേസില്‍ ജോസഫ്
കേക്ക് എന്ന് കേള്‍ക്കുമ്പോള്‍ നമ്മുടെ എല്ലാവരുടെയും മനസ്സില്‍ ഓടി എത്തുന്നത് നമ്മള്‍ നാട്ടില്‍ പണ്ടു മുതല്‍ കണ്ടുവരുന്ന പ്ലംകേക്ക് ആണ്. എന്നാല്‍ ഇന്നിവിടെ പരിചയപ്പെടുത്തുന്നത് വെല്‍ഷുകാരുടെ ട്രഡീഷണല്‍ കേക്ക് ആണ്. വെയില്‍സില്‍ താമസിക്കുന്ന എല്ലാ മലയാളികളും ഈ കേക്ക് ഒരു തവണ എങ്കിലും കഴിച്ചിട്ടുണ്ടാകും എന്ന് ഞാന്‍ കരുതുന്നു. കാരണം വെല്‍ഷ് ദേശീയ ദിനത്തിനോടനുബന്ധിച്ചു മിക്കവാറും എല്ലാ ജോലിസ്ഥലങ്ങളിലും വെല്‍ഷ് കേക്ക് നല്‍കുന്ന ഒരു പതിവ് ഉണ്ട്. കാരണം അത് വെയ്ല്‍സുകാരുടെ ഒരു സംസകാരത്തിന്റെ ഭാഗം ആണ്.
വെയില്സിന്റെ പാലക പുണ്യാളന്‍ ആയ സെന്റ് ഡേവിഡിന്റെ മരണ ദിവസം ആയ മാര്‍ച്ച് ഒന്നാം തിയതിയാണ് വെയില്സിന്റെ ദേശീയ ദിനം ആഘോഷിക്കുന്നത്. സൗത്ത് വെയില്‍സിലെ പെംബ്രോക്ക്‌ഷെയറിലുള്ള സെന്റ് ഡേവിഡ് കത്തീഡ്രല്‍ ചരിത്രം വിളിച്ചോതുന്ന ഒരു സ്മാരകം ആയി നിലനില്‍ക്കുന്നു. സെന്റ് ഡേവിഡ് ദിനം അടുത്ത് എത്തിയതിനാലാണ് വെല്‍ഷ് കേക്കിന്റെ റെസിപി ഈ ആഴ്ച്ച ഉള്‍പ്പെടുത്താം എന്ന് കരുതിയത്. കുറച്ചു ആഴ്ചകള്‍ക്ക് മുന്‍പ് വീക്ക്എന്‍ഡ് കുക്കിംഗ് പരിചയപ്പെടുത്തിയ വെല്‍ഷ് കൗളും ദേശീയ ദിനാഘോഷങ്ങള്‍ക്ക് ഒപ്പം വിളമ്പാറുള്ള മറ്റൊരു ട്രഡിഷനല്‍ വിഭവം ആണ്.
ചേരുവകള്‍
പ്ലെയ്ന്‍ ഫ്‌ളോര്‍ – 250 ഗ്രാം
കാസ്റ്റര്‍ ഷുഗര്‍ – 75 ഗ്രാം
മിക്‌സ്ഡ് സ്‌പൈസ് – 1/ 2 ടിസ്പൂണ്‍
ബേക്കിംഗ് പൗഡര്‍ – 1/ 2 ടിസ്പൂണ്‍
ബട്ടര്‍ – 50 ഗ്രാം
ഉണക്ക മുന്തിരി – 50 ഗ്രാം
മുട്ട – 1 എണ്ണം
മില്‍ക്ക് – 25 ml
പാചകം ചെയ്യുന്ന വിധം
ഒരു മിക്‌സിങ്ങ് ബൗളില്‍ ഫ്‌ളോര്‍, കാസ്റ്റര്‍ഷുഗര്‍, മിക്‌സ്ഡ് സ്‌പൈസ്, ബേക്കിംഗ് പൗഡര്‍ അല്പം ഉപ്പ് എന്നിവ ചേര്‍ത്ത് നന്നായി മിക്‌സ് ചെയ്യുക. ഇതിലേയ്ക്ക് ബട്ടര്‍ ചേര്‍ത്ത് കൈ ഉപയോഗിച്ച് നന്നായി റബ് ചെയ്ത് എടുക്കുക. ഉണക്ക മുന്തിരി, ബീറ്റ് ചെയ്ത മുട്ട എന്നിവ ചേര്‍ത്ത് നല്ല സോഫ്റ്റ് ആയി കുഴച്ച് എടുക്കുക. കുഴക്കുമ്പോള്‍ ഡോ ഡ്രൈ ആകാതിരിക്കാന്‍ മില്‍ക്ക് ചേര്‍ക്കുക. ഒരു ഷോര്‍ട്ട് ക്രസ്റ്റ് പേസ്റ്ററിയുടെ പാകത്തില്‍ ആയിരിക്കണം ഡോ ഉണ്ടാക്കി എടുക്കാന്‍. ഒരു റോളിംഗ് പിന്‍ എടുത്തു ഒരിഞ്ചു കനത്തില്‍ ഈ പേസ്റ്ററി പരത്തി എടുക്കുക. 5-6 cm റൗണ്ടില്‍ ഉള്ള ഒരു കട്ടര്‍ ഉപയോഗിച്ച് കട്ട് ചെയ്ത് എടുക്കുക. ബാക്കി വരുന്ന പേസ്റ്ററി വീണ്ടും മിക്‌സ് ചെയ്തു പരത്തി കട്ട് ചെയ്ത് എടുക്കുക. ഒരു ഗ്രിഡിലില്‍ അല്ലെങ്കില്‍ ചുവട് നല്ല കട്ടിയുള്ള ഫ്രയിംഗ് പാനില്‍ അല്പം ബട്ടര്‍ ചൂടാക്കി കട്ട ്‌ചെയ്ത് എടുത്ത പേസ്റ്ററി ചെറിയ തീയില്‍ ചുട്ട് എടുക്കുക. ഏകദേശം 34 മിനിറ്റ് കഴിയുമ്പോള്‍ മറിച്ചിട്ട് വീണ്ടും കുക്ക് ചെയ്യുക. ഗോള്‍ഡന്‍ നിറമാകുമ്പോള്‍ പ്ലേറ്റിലേയ്ക്ക് മാറ്റി കാസ്റ്റര്‍ ഷുഗര്‍ തൂകി സെര്‍വ് ചെയ്യുക. ചൂടോടെയും അല്ലാതെയും വെല്‍ഷ് കേക്ക് സെര്‍വ് ചെയ്യാവുന്നതാണ്. എയര്‍ കടക്കാത്ത പാത്രത്തില്‍ സൂക്ഷിച്ചു വയ്ക്കുവാണെങ്കില്‍ ഒരാഴ്ചയോളം കേടുകൂടാതെ ഇരിക്കും.
വീക്ക് എന്‍ഡ് കുക്കിങ്ങിന്റെ എല്ലാ വായനക്കാര്‍ക്കും മുന്‍കൂര്‍ സെന്റ് ഡേവിഡ് ദിനാശംസകള്‍.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
ബേസില്‍ ജോസഫ്
ഒരു ഇന്‍ഡോ ചൈനീസ് വെജിറ്റേറിയന്‍ ഡിഷ് ആണ് ഇന്ന് വീക്ക് എന്‍ഡ് കുക്കിംഗ് നിങ്ങള്‍ക്കായി പരിചയപ്പെടുത്തുന്നത്. ചൈനീസ് കുക്കിംഗ് രീതിയും സീസണിങ്ങും ഇന്ത്യന്‍ ടേസ്റ്റിനു അനുയോജ്യമായ രീതിയില്‍ ഉപയോഗിച്ചാണ് ഈ ഡിഷ് ഉണ്ടാക്കുന്നത്. മഞ്ചൂരിയന്‍ ഡിഷുകള്‍ എല്ലാം തന്നെ വളരെ പേരുകേട്ടതാണ്. ഒരു നൂറ്റാണ്ടിനു മുന്‍പ് കല്‍ക്കട്ടയിലെ ചൈനാ ടൗണില്‍ താമസിച്ചിരുന്ന നിവാസികള്‍ ആണ് ഗോബി മഞ്ചൂരിയന്‍ എന്ന ഡിഷ് ആദ്യമായി ഉണ്ടാക്കിയത് എന്ന് കരുതുന്നു. ഗോബി മഞ്ചൂരിയന്‍ ഡ്രൈ ആയിട്ടും ഗ്രേവി ആയിട്ടും ഉണ്ടാക്കാവുന്നതാണ്. ഡ്രൈ ആണെങ്കില്‍ ഒരു സ്റ്റാര്‍ട്ടര്‍ ആയിട്ടും ഗ്രേവി ആണെങ്കില്‍ മെയിന്‍ ഡിഷിനു സൈഡ് ആയിട്ടും ഉപയോഗിക്കാവുന്നതാണ്. ചരിത്രം കൂടുതല്‍ പറയാതെ ഡിഷിന്റെ പാചകരീതിയിലേയ്ക്ക് കടക്കാം.
ചേരുവകള്‍
1) കോളി ഫ്‌ളവര്‍ – 1 എണ്ണം (പെറ്റല്‍സ് അടര്‍ത്തി എടുത്തത്)
2) പ്ലെയിന്‍ ഫ്‌ളോര്‍ – 3 ടേബിള്‍സ്പൂണ്‍
കോണ്‍ഫ്‌ലൗര്‍ – 1 ടേബിള്‍സ്പൂണ്‍
കുരുമുളകുപൊടി – 1 ടീസ്പൂണ്‍
ജിഞ്ചര്‍ഗാര്‍ലിക്‌പേസ്റ്റ് – 1 ടീസ്പൂണ്‍
ഉപ്പ് – ആവശ്യത്തിന്
3 )സബോള – 1 എണ്ണം
4) ക്യാപ്‌സിക്കം – 1 എണ്ണം
5) ഇഞ്ചി – 1 പീസ്
6) വെളുത്തുള്ളി – 4 അല്ലി
7) പച്ചമുളക് – 1 എണ്ണം
8) സോയ സോസ് – 2 ടീസ്പൂണ്‍
9) ഗ്രീന്‍ചില്ലി സോസ് – 1 ടീസ്പൂണ്‍
10) ടോമാറ്റോ സോസ് – 2 ടേബിള്‍ സ്പൂണ്‍
11) വിനാഗിരി – 1 ടീസ്പൂണ്‍
12) സ്പ്രിംഗ് ഒനിയന്‍ – ഗാര്‍നിഷിന്
13) ഓയില്‍ – കോളി ഫ്‌ളവര്‍ വറക്കുവാന്‍ ആവശ്യത്തിന്
(എല്ലാ വെജിറ്റബള്‍സും വളരെ ചെറുതായി ചോപ് ചെയ്താണ് ഉപയോഗിക്കുന്നത്)
പാചകം ചെയ്യുന്ന വിധം
കോളി ഫ്‌ളവര്‍ പെറ്റല്‍സ് ആയി അടര്‍ത്തി എടുത്ത് ചൂടുവെള്ളത്തില്‍ അല്പം ഉപ്പും ചേര്‍ത്ത് 10 മിനിറ്റ് വയ്ക്കുക. കോളിഫ്‌ളവറില്‍ മറഞ്ഞിരിക്കുന്ന എന്തെങ്കിലും അണുക്കള്‍ ഉണ്ടെങ്കില്‍ അത് നശിച്ചു പോകാന്‍ വേണ്ടിയാണ് ഇങ്ങനെ ചെയ്യുന്നത്. ഒരു മിക്‌സിങ്ങ് ബൗളില്‍ രണ്ടാമത്തെ ചേരുവകള്‍ മിക്‌സ് ചെയ്ത് അല്പം വെള്ളം കൂടി ചേര്‍ത്ത് കട്ടിയുള്ള ഒരു ബാറ്റര്‍ ഉണ്ടാക്കി വെള്ളം ഊറ്റിക്കളഞ്ഞ കോളിഫ്‌ളവര്‍ മുക്കി എണ്ണയില്‍ വറത്ത് കോരുക. ഒരു പാനില്‍ അല്പം ഓയില്‍ ചൂടാക്കി ഇഞ്ചി, വെളുത്തുള്ളി, പച്ചമുളക്, സബോള, ക്യാപ്‌സികം എന്നിവ നന്നായി വഴറ്റി എടുക്കുക. ഇതിലേയ്ക്ക് എല്ലാ സോസുകളും അല്പം ചൂടുവെള്ളം കൂടി ചേര്‍ത്ത് നല്ല കട്ടിയുള്ള സോസ് ആക്കി എടുക്കുക. (വെള്ളത്തിനു പകരം വെജിറ്റബള്‍ സ്റ്റോക്ക് ആണെങ്കില്‍നല്ലത്) ഇതിലേയ്ക്ക് വറത്തു വച്ചിരിക്കുന്ന കോളിഫ്‌ളവറും ആവശ്യമെങ്കില്‍ ഉപ്പും ചേര്‍ത്ത് നന്നായി ടോസ് ചെയ്യുക. അരിഞ്ഞു വച്ചിരിക്കുന്ന സ്പ്രിംഗ് ഓനിയന്‍ ഉപയോഗിച്ച് ഗാര്‍നിഷ് ചെയ്തു ചൂടോടെ സെര്‍വ് ചെയ്യുക. ഇനി ഗ്രേവി ആയിട്ടു വേണമെങ്കില്‍ ടോസ് ചെയ്തു കഴിയുമ്പോള്‍ വെജിറ്റബിള്‍ സ്റ്റോക്കും ചേര്‍ത്ത് ചൂടാക്കി അതിലേയ്ക്ക് അല്പം കോണ്‍ഫ്‌ളോര്‍ വെള്ളത്തില്‍ മിക്‌സ് ചെയ്തു ചേര്‍ത്ത് നല്ല കട്ടിയുള്ള സോസ് ആക്കി എടുക്കുക.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
ടോം ജോസ് തടിയംപാട്
ലിവര്‍പൂള്‍: പാശ്ചാത്യ സ്വാധീനത്തില്‍ ചോര്‍ച്ച നേരിട്ടു കൊണ്ടിരിക്കുന്ന സാമുദായിക ബോധവും സംസ്‌ക്കാരവും നിലനിര്‍ത്തുന്നതിന് വേണ്ടിയും സമൂദായിക അവബോധം അംഗങ്ങളിലേക്ക് പകരുന്നതിനു വേണ്ടിയും ലിവര്‍പൂള്‍ ക്‌നാനായ കൂട്ടായ്മയുടെ നേതൃത്വത്തില്‍ ചര്‍ച്ചയും പ്രഭാഷണവും നടത്തപ്പെട്ടു. കഴിഞ്ഞ ഞായറാഴ്ച വൈകുന്നേരം ലിവര്‍പൂളിലെ ഓള്‍ സെയിന്റ് ചര്‍ച്ച് ഹാളിലാണ് പരിപാടി നടത്തിയത്. യോഗത്തില്‍ മുഖ്യ പ്രഭാഷണം നടത്തിയ UKKCA പ്രസിഡണ്ട് ബിജു മടക്കകുഴി ലോകത്തിലെ അവശേഷിക്കുന്ന ഏക യഹുദ ക്രൈസ്തവ സമൂഹമാണ് ക്‌നാനായക്കാര്‍ എന്നു ചൂണ്ടികാട്ടി.
ഇത്തരം ചര്‍ച്ചകളില്‍ കൂടി മാത്രമാണ് സാമുദായിക ചരിത്രം അംഗങ്ങളില്‍ എത്തിക്കാന്‍ കഴിയൂ എന്നും അദ്ദേഹം കൂട്ടിച്ചേര്‍ത്തു. അടുത്ത രണ്ടു വര്‍ഷത്തേക്കുള്ള UKKCA യുടെ പ്രവര്‍ത്തങ്ങള്‍ക്ക് അദ്ദേഹം എല്ലാവരുടെയും സഹായം അഭ്യര്‍ത്ഥിച്ചു. തുടര്‍ന്ന് സംസാരിച്ച UKKCA ജോയിന്റ് സെക്രട്ടറി സക്കറിയ പുത്തന്‍കുളം സമൂദായത്തിലെ ചടങ്ങുകളുടെ പ്രാധാന്യത്തേപ്പറ്റി വിശദമായി സംസാരിച്ചു. സാമുദായിക ചരിത്രത്തെപ്പറ്റി ലിവര്‍പൂള്‍ യുണിറ്റ് സെക്രട്ടറി സാജു ലുകൊസ് വിശദികരിച്ചു. ചര്‍ച്ചകള്‍ക്ക് യുണിറ്റു പ്രസിഡണ്ട് സിന്‌ടോ ജോണ്‍, മോള്‍സി ഫിലിപ്പ്, മിനി ലാലു എന്നിവര്‍ നേതൃത്വം കൊടുത്തു. ദമ്പതികള്‍ പരസ്പരം പുഷ്പ്പങ്ങള്‍ കൈമാറി വാലന്റൈന്‍സ് ഡേയും ആഘോഷിച്ചു. സ്‌നേഹ വിരുന്നും കഴിച്ചാണ് എല്ലാവരും പിരിഞ്ഞത്.
ടോം ജോസ് തടിയംപാട്.
ലിവര്‍പൂള്‍: മലയാളി അസോസിയേഷന്‍ ഒന്നും ഇല്ലാത്ത ലിവര്‍പൂള്‍ ബെര്‍ക്കിന്‍ഹെഡില്‍ യാതൊരു ഔദ്യോഗികതകളും ഇല്ലാതെ ആദ്യ മലയാളി കൂട്ടായ്മ നടന്നു. ബെര്‍ക്കിന്‍ഹെഡ് പ്രദേശത്തെ ഒട്ടു മിക്ക കുടുംബങ്ങളും പരിപാടിയില്‍ പങ്കെടുത്തിരുന്നു. അന്തരിച്ച യുഗപ്രഭാവനായ കവി ഒഎന്‍വി കുറുപ്പിന് ആദരാജ്ഞലികള്‍ അര്‍പ്പിച്ചുകൊണ്ട് എല്ലാവരും ഒരു മിനിട്ട് മൗനം ആചരിച്ചുകൊണ്ടാണ് പരിപാടികള്‍ക്ക് തുടക്കം കുറിച്ചത്. ബെന്‍സണ്‍ എഴുതി ആലപിച്ച പ്രാര്‍ത്ഥനാഗീതം വളരെ അര്‍ത്ഥസമ്പുഷ്ട്ടത നിറഞ്ഞതായിരുന്നു. ഒഎന്‍വിയുടെ ആദി ഉഷസ് സന്ധ്യപൂത്തതിവിടെ എന്ന ഗാനം ബെന്‍സനും ഷിബും കൂടി ആലപിച്ചു. ഭൂമിക്ക് ഒരു ചരമഗീതം എന്ന കവിത ബെന്‍സണ്‍ ആലപിച്ചു. അങ്ങനെ പരിപാടികളില്‍ അകെ ഒഎന്‍വിയുടെ ഓര്‍മ്മകള്‍ നിറഞ്ഞു നിന്നു. കുട്ടികളും വലിയവരും അവതരിപ്പിച്ച വിവിധ കലാപരിപാടികള്‍ എല്ലാവരും അസ്വദിച്ചു. പങ്കെടുത്ത എല്ലാവരും കൂടിയാണ് സ്വാദിഷ്ട്ടമായ നാടന്‍ ഭക്ഷണം പാകം ചെയ്തു.
സുനില്‍, ലിന്‍ജു എന്നിവര്‍ പാകം ചെയ്ത അങ്കമാലി മാങ്ങാകറി എല്ലാവരും നന്നായി ആസ്വദിച്ചു. പരിപാടികള്‍ക്ക് ആശംസകള്‍ അര്‍പ്പിച്ചു കൊണ്ട് സാം ചക്കട, മലബാര്‍ ക്രിസ്റ്റ്യന്‍ കോളേജ് മുന്‍ കൗണ്‍സിലര്‍ ആന്റോ ജോസ്, ടോം ജോസ് തടിയംപാട് എന്നിവര്‍ സംസാരിച്ചു. ഷിബു, സണ്ണി, ബിജു, സോജന്‍, ബാബു, ബിനോയ്, ആന്റോ ജോസ് എന്നിവര്‍ പരിപാടികള്‍ക്ക് നേതൃത്വം കൊടുത്തു.
ബര്‍മിങ്ഹാം: യുകെ ക്‌നാനായ കാത്തലിക് അസോസിയേഷന്റെ 201617 പ്രവര്‍ത്തന വര്‍ഷത്തെ പ്രഥമ നാഷണല്‍ കൗണ്‍സില്‍ മീറ്റിംഗ് മാര്‍ച്ച് പന്ത്രണ്ടിന് നടത്തപ്പെടും. പന്ത്രണ്ടിന് രാവിലെ പത്തിന് യുകെകെസിഎയുടെ ആസ്ഥാനമന്ദിരത്താണ് നാഷണല്‍ കൗണ്‍സില്‍ മീറ്റിംഗ് നടത്തപ്പെടുന്നത്. യൂണിറ്റുകളില്‍ നിന്നുളള അജണ്ടകള്‍ ഈമാസം 27ന് മുമ്പായി യുകെകെസിഎ ജനറല്‍ സെക്രട്ടറി ജോസി ജോസ് നെടുംതുരുത്തി പുത്തന്‍പുരയിലിനെ രേഖാമൂലം അറിയിക്കേണ്ടതാണ്.
പ്രസിഡന്റ് ബിജു മടുക്കക്കുഴിയുടെ അധ്യക്ഷതയില്‍ ചേര്‍ന്ന സെന്‍ട്രല്‍ കമ്മിറ്റിയില്‍ ജോസി ജോസി നെടുതുരുത്തിപുത്തന്‍പുര, ബാബു തോട്ടം, ജോസ് മാവച്ചിറ, സഖറിയ പുത്തന്‍കുളം, ഫിനില്‍ കളത്തില്‍ കോട്, ബെന്നി മാവേലില്‍, റോയി കുന്നേല്‍ എന്നിവര്‍ സംസാരിച്ചു.
ലണ്ടന്‍: പുതുതായി അവതരിപ്പിക്കുന്ന വിസാ നിയമങ്ങള്‍ ബ്രിട്ടനില്‍ വിദേശ ഡോക്ടര്‍മാരുടെ എണ്ണത്തില്‍ ഗണ്യമായ കുറവുണ്ടാക്കുമെന്ന് ബ്രിട്ടീഷ് മെഡിക്കല്‍ അസോസിയേഷന്‍. വിദേശത്ത് നിന്നുളള റിക്രൂട്ട്‌മെന്റ് കുറയ്ക്കാന്‍ ലക്ഷ്യമിട്ടാണ് വിസാനിയമങ്ങള്‍ കൂടുതല്‍ ശക്തമാക്കിയത്. എന്നാലിത് രാജ്യത്തെ ആരോഗ്യമേഖലയില്‍ ദൂരവ്യാപകമായ പ്രത്യാഘാതങ്ങള്‍ സൃഷ്ടിക്കുമെന്നാണ് അസോസിയേഷന്‍ വിലയിരുത്തുന്നത്. വര്‍ഷം തോറും യൂകെയിലെ മെഡിക്കല്‍ കോളേജുകളില്‍ നിന്ന് പഠിച്ചിറങ്ങുന്ന 500ഓളം ഡോക്ടര്‍മാര്‍ക്ക് കുടിയേറ്റ ഉപദേശക സമിതിയുടെ പുതിയ ശുപാര്‍ശകള്‍ തിരിച്ചടിയാകുമെന്ന് ബിഎംഎ അദ്ധ്യക്ഷന്‍ ഡോ.മാര്‍ക്ക് പോര്‍ട്ടര്‍ കുടിയേറ്റ മന്ത്രി ജെയിംസ് ബ്രോക്കന്‍ഷെയറിന് എഴുതിയ കത്തില്‍ ചൂണ്ടിക്കാട്ടുന്നു. കത്ത് ഇന്‍ഡിപെന്‍ഡന്റ്ല്‍ പ്രസിദ്ധീകരിച്ചു.
ഇപ്പോള്‍ തന്നെ എന്‍എച്ച്എസില്‍ ആവശ്യത്തിന് ഡോക്ടര്‍മാരില്ലാത്ത സ്ഥിതിയാണ്. പുതിയ കരാര്‍ വ്യവസ്ഥകള്‍ നടപ്പിലാക്കാനുള്ള സര്‍ക്കാര്‍ നീക്കം ജൂനിയര്‍ ഡോക്ടര്‍മാര്‍ക്കിടയില്‍ സൃഷ്ടിച്ചിരിക്കുന്ന അസംതൃപ്തി പുതിയ വെല്ലുവിളിയാണ്. ഇവരില്‍ പലരും പുതിയ കരാറില്‍ ജോലി ചെയ്യാനുളള സാധ്യത വളരെ കുറവാണ്. കൂടുതല്‍ പേരും എന്‍എച്ച്എസ് വിടാനുളള തീരുമാനമാകും എടുക്കുകയെന്നാണ് സൂചന. ഇവയെല്ലാം തന്നെ എന്‍എച്ച്എസിന്റെ പുതിയ പല പദ്ധതികളെയും സാരമായി ബാധിക്കും. ഏഴ് ദിവസവും സേവനം നല്‍കുന്ന ആരോഗ്യവകുപ്പും 2020ഓടെ അയ്യായിരത്തിലേറെ ജിപിമാരെ നിയമിക്കാനുളള സര്‍ക്കാര്‍ നീക്കവും ഇതോടെ പാളുമെന്നാണ് ആരോഗ്യരംഗത്തുള്ളവര്‍ പറയുന്നത്.
യുകെയിലെ മെഡിക്കല്‍ കോളേജുകളില്‍ നിന്ന് പഠിച്ചിറങ്ങുന്ന വിദേശ വിദ്യാര്‍ത്ഥികള്‍ക്ക് രാജ്യത്ത് സ്‌പെഷ്യലൈസ് ചെയ്യണമെങ്കില്‍ റസിഡന്റ് ലേബര്‍ മാര്‍ക്കറ്റ് ടെസ്റ്റ് അഭിമുഖീകരിക്കണമെന്ന നിയമം കഴിഞ്ഞ മാസം മൈഗ്രേഷന്‍ അഡൈ്വസറി കമ്മിറ്റി മുന്നോട്ട് വച്ചിട്ടുണ്ട്. സ്‌പെഷ്യലിസ്റ്റ് പരിശീലന പോസ്റ്റുകളിലേക്ക് ഇവര്‍ക്ക് രണ്ടാം ഘട്ടത്തില്‍ മാത്രമേ അപേക്ഷിക്കാനാകൂ. ഈ പോസ്റ്റുകളിലേക്ക് ഇപ്പോള്‍ യുകെ, യൂറോപ്യന്‍ യൂണിയന്‍ പൗരന്‍മാരെയാണ് ഏറെയും നിയമിക്കുന്നത്. എന്‍എച്ച്എസില്‍ തങ്ങള്‍ക്ക് താത്പര്യമുളള മേഖലയില്‍ തുടരുന്നതിന് ഇത് ഏറെ ബുദ്ധിമുട്ടുണ്ടാക്കുമെന്നാണ് വിദേശഡോക്ടര്‍മാരുടെ പരാതി. അതിനാല്‍ വേറെ എവിടെയെങ്കിലും പോയി തങ്ങള്‍ക്ക് ഇഷ്ടമുളള മേഖലയില്‍ ജോലി ചെയ്യാനൊരുങ്ങുകയാണ് ഇവരിലേറെയും.
ടയര്‍ 2 വിസകള്‍ക്കുളള ശമ്പള പരിധിയും ഉയര്‍ത്തിയിട്ടുണ്ട്. മുപ്പതിനായിരം പൗണ്ടാണ് ഇതിന് വേണ്ട കുറഞ്ഞ വേതനം. എന്നാല്‍ തുടര്‍ പഠനം നടത്തുന്നവര്‍ക്ക് ഇത്രയും മണിക്കൂര്‍ ജോലി ചെയ്യാന്‍ സാധ്യമല്ല. അവര്‍ക്ക് പാര്‍ട്ട്‌ടൈം ജോലികള്‍ക്ക് മാത്രമേ സാധിക്കൂ. 2014 ആഗസ്റ്റ് മുതല്‍ 2015 ആഗസ്റ്റ് വരെ 3602 ഡോക്ടര്‍മാര്‍ക്കാണ് ടയര്‍ 2 വിസ നല്‍കിയത്. പുതിയ മാക് ശുപാര്‍ശകള്‍ ഡോക്ടര്‍മാര്‍ക്ക് ഏറെ ആശങ്കയുണ്ടാക്കുന്നുണ്ട്. ബ്രിട്ടനില്‍ തങ്ങളുടെ ഭാവിയെക്കുറിച്ച് ഇവര്‍ ആശങ്കാകുലരാണ്.
എന്നാല്‍ സമിതിയുടെ ശുപാര്‍ശകളില്‍ യാതൊരു നടപടികളും കൈക്കൊണ്ടിട്ടില്ലെന്ന് ആഭ്യന്തര മന്ത്രാലയ വക്താവ് അറിയിച്ചു. മതിയായ ജീവനക്കാരില്ലാത്തതിനാല്‍ വിദേശ നഴ്‌സുമാരുടെ നിയമനത്തിന് ഏര്‍പ്പെടുത്തിയിരുന്ന നിരോധനം അടുത്തിടെ താത്ക്കാലികമായി പിന്‍വലിച്ചിരുന്നു. സമിതി ശുപാര്‍ശകള്‍ പരിശോധിച്ച് വരികയാണെന്നും സമയമാകുമ്പോള്‍ അതേക്കുറിച്ച് പ്രതികരിക്കുമെന്നും അധികൃതര്‍ വ്യക്തമാക്കി.
