ഇംഗ്ലണ്ടിലെ കെന്റ് അയ്യപ്പ ക്ഷേത്രത്തിൽ മേടമാസ പൂജ 2026 ഏപ്രിൽ 18 ആം തീയതി ശനിയാഴ്ച നടക്കും. അന്നേ ദിവസം രാവിലെ 8:30 ന് ഗണപതി ഹോമം, വൈകുന്നേരം 6 മുതൽ അഭിഷേകം, ദീപാരാധന, വിളക്ക് പൂജ, ലളിത സഹസ്ര നാമ അർച്ചന, ഭജന, നീരാഞ്ജനം, പടിപൂജ, ഹരിവരാസനം എന്നിവ നടത്തപ്പെടുന്നതാണ്, വിളക്ക് പൂജയിൽ പങ്കെടുക്കുന്ന ഭക്തർ രണ്ടു ബഞ്ച് പൂക്കളും, ഒരു നിലവിളക്കും, നീരാഞ്ചനത്തിന് ഒരു നാളികേരവും കൊണ്ട് വരേണ്ടതാണ്.പൂജകൾക്ക് ശ്രീ അഭിജിത്ത് , താഴൂർ മന ഹരിനാരായണൻ നമ്പിടിശ്വർ , കാർമികത്വം വഹിക്കും, വെള്ളിയോട്ടില്ലാം ശ്രീ അദ്രിത് വാസുദേവ് പൂജകൾക്ക് സഹ കർമികത്വം വഹിക്കും

അമ്പലത്തിന്റെ വിലാസം
KENT AYYAPPA TEMPLE
1 Northgate, Rochester ME1 1LS

കൂടുതൽ വിവരങ്ങൾക്ക് ബന്ധപെടുക
07838170203, 07985245890, 07507766652, 07906130390,0 7973 151975

വെസ്റ്റ് യോർക് ഷെയറിലെ പ്രമുഖ മലയാളി അസോസിയേഷനായ വെസ്റ്റ് യോർക് ഷെയർ മലയാളി അസോസിയേഷന് പുതിയ ഭാരവാഹികൾ ചുമതലയേറ്റു. ജോജി തോമസ് (പ്രസിഡൻറ്), മാൻസൺ വർഗീസ് (സെക്രട്ടറി) , ബിജുമോൻ ചാക്കോ (ട്രഷറർ ), രാഖി രാഘവ് (വൈസ് പ്രസിഡൻറ്), അനു സിബി (ജോയിൻറ് സെക്രട്ടറി) തുടങ്ങിയവർ ഭാരവാഹികളായ കമ്മറ്റിയിൽ ജിമ്മി ദേവസ്യക്കുട്ടി സ്പോർട്സ് കോ- ഓർഡിനേറ്ററായും, അനീഷ് ചെറിയാൻ, സൂര്യ രാധാകൃഷ്ണൻ ഷാനു വി ജോസഫ്, മഞ്ജു സജിത്ത് ശ്രീ ലക്ഷ്മി ആദർശ് തുടങ്ങിയവർ കോ – ഓർഡിനേറ്റഴ്സായി പ്രവർത്തിക്കും. ഒലിവിയാണ് യൂത്ത് കോർഡിനേറ്റർ. വരും വർഷത്തെ വെസ്റ്റ് യോർക് ഷെയർ മലയാളി അസോസിയേഷൻ്റെ പ്രവർത്തനങ്ങളിൽ എല്ലാ അംഗങ്ങളുടെയും പിന്തുണ കമ്മിറ്റിക്ക് വേണ്ടി പ്രസിഡൻറ് ജോജി തോമസ് അഭ്യർത്ഥിച്ചു .

ഏപ്രിൽ 11 -ാം തീയതി ശനിയാഴ്ച നടന്ന ഈസ്റ്റർ, വിഷു, റംസാൻ ആഘോഷ പരിപാടിയിലാണ് പുതിയ കമ്മിറ്റി ചുമതലയേറ്റെടുത്തത്. 2025 – 26 ലെ WYMA കമ്മിറ്റിക്കുവേണ്ടി മുൻ പ്രസിഡൻ്റ് സിബി മാത്യു എല്ലാ അംഗങ്ങളോടും സഹകരണത്തിന് നന്ദി അറിയിച്ചു. യുക്മയുടെ നേതൃത്വത്തിൽ നാഷണൽ ലെവലിൽ നടത്തിയ മത്സരങ്ങളിൽ പങ്കെടുക്കാൻ മുൻ കമ്മിറ്റിയുടെ നേതൃത്വത്തിൽ വെസ്റ്റ് യോർക് ഷെയർ മലയാളി അസോസിയേഷന് സാധിച്ചിരുന്നു. 2025 – 26 കാലഘട്ടത്തെ റിപ്പോർട്ട് സജേഷ് സോമനും, വരവു ചെലവ് കണക്കുകൾ ജിജോ ചുമ്മാറും അവതരിപ്പിച്ചു. കുട്ടികളുടെയും മുതിർന്നവരുടെയും വിവിധ കലാപരിപാടികൾ കൊണ്ട് ആസ്വാദ്യകരമായിരുന്നു ഈസ്റ്റർ, വിഷു, റംസാൻ ആഘോഷങ്ങൾ .

യുകെയിലെ സാംസ്കാരിക സംഘടനയായ “സംഗീത ഓഫ് ദ യു.കെ” പുതിയ നൃത്ത ക്ലാസുകൾ ആരംഭിക്കുന്നതായി പ്രഖ്യാപിച്ചു. ഭാരതനാട്യം, ബോളിവുഡ് ഡാൻസ്, സൂംബ എന്നിവ ഉൾപ്പെടുന്ന പരിശീലന പരിപാടികളിൽ എല്ലാ പ്രായക്കാർക്കും പങ്കെടുക്കാവുന്നതാണ് . നാല് വയസ്സിന് മുകളിലുള്ള കുട്ടികൾ തൊട്ട് അറുപതിനു മുകളിലുള്ളവരെയും വരെ സ്വാഗതം ചെയ്യുന്നതായി സംഘാടകർ വ്യക്തമാക്കി.

ഓരോ ഞായറാഴ്ചയും ഉച്ചയ്ക്ക് മൂന്ന് മണിക്ക് *ഹാരിസ് അക്കാദമി, കെൻഡ്ര ഹാൾ റോഡ്, പർലി, സൗത്ത് ക്രോയ്ഡൺ, സർറി സി ആർ രണ്ട് ആറ് ഡി ടി* എന്ന വിലാസത്തിലാണ് ക്ലാസുകൾ നടക്കുന്നത് ആദ്യമായി നൃത്തം പഠിക്കുന്നവർക്കും മുൻ പരിചയമുള്ളവർക്കും ഒരുപോലെ അനുയോജ്യമായ രീതിയിലാണ് പരിശീലനം ഒരുക്കിയിരിക്കുന്നത്.

വിദ്യാർത്ഥികൾക്ക് അംഗീകൃത നൃത്ത പരീക്ഷകളിൽ പങ്കെടുക്കാനും സർട്ടിഫിക്കറ്റ് നേടാനും അവസരമുണ്ടാകും. എന്നാൽ വിനോദം, ആരോഗ്യം, സംസ്കാരബന്ധം എന്നിവ ലക്ഷ്യമാക്കി പഠിക്കാൻ ആഗ്രഹിക്കുന്നവർക്കും പ്രവേശനം ലഭ്യമാണെന്നും അധികൃതർ അറിയിച്ചു.

നൃത്ത ക്ലാസുകൾക്ക് പുറമെ നാടകപ്രവർത്തനങ്ങൾ, യുവജന പരിപാടികൾ, സംഗീത പരിപാടികൾ , വനിതാ ഫോറം എന്നിവയും ആരംഭിക്കാൻ പദ്ധതിയുണ്ട്. ഈ പദ്ധതികളുടെ വിശദാംശങ്ങൾ അടുത്ത ആഴ്ചകളിൽ പ്രഖ്യാപിക്കുമെന്ന് സംഘാടകർ അറിയിച്ചു.

കൂടുതൽ വിവരങ്ങൾക്ക്:
ജയപ്രകാശ് – 07917361127
സുന്ദരേശൻ – 07760338659
നാരായൺ – 07903069598

റോമി കുര്യാക്കോസ്

ബോൾട്ടൺ: ബോൾട്ടൺ മലയാളീ അസോസിയേഷൻ (ബി എം എ)യുടെ നേതൃത്വത്തിൽ ഈ വർഷത്തെ ഈസ്റ്റർ – വിഷു – ഈദ് ആഘോഷ പരിപാടികൾ ഏപ്രിൽ 18 ശനിയാഴ്ച വൈകിട്ട് 5 മുതൽ രാത്രി 11 വരെ ഫാൻവർത്തിലെ സെന്റ് ജെയിംസ് ചർച്ച് ഹാളിൽ സംഘടിപ്പിക്കും.

പ്രശസ്ത സിനിമാ-കോമഡി താരം കലാഭവൻ ജോബി നേതൃത്വം നൽകുന്ന സംഗീത-ഹാസ്യ സ്റ്റേജ് ഷോ ആഘോഷങ്ങൾക്ക് പ്രധാന ആകർഷണമാകുമെന്ന് സംഘാടകർ അറിയിച്ചു. കൂടാതെ, ബി എം എയിലെ കലാകാരന്മാർ അവതരിപ്പിക്കുന്ന വിവിധ കലാപരിപാടികളും, കുട്ടികളുടെ തീം ഡാൻസുകളും ഉൾപ്പെടെ വൈവിധ്യമാർന്ന പരിപാടികളാണ് ഒരുക്കിയിരിക്കുന്നത്.

ഇതോടൊപ്പം, ബി എം എയുടെ ചരിത്രത്തിൽ ആദ്യമായി 29 വനിതകൾ ഒരേ വേദിയിൽ അണിനിരക്കുന്ന ഭംഗിയാർന്ന നൃത്താവിഷ്കാരം “റിതം ഓഫ് യൂണിറ്റി” എന്ന പേരിൽ അവതരിപ്പിക്കപ്പെടും. ഐക്യവും സാംസ്കാരിക വൈവിധ്യവും പ്രതിഫലിപ്പിക്കുന്ന ഈ പ്രത്യേക പരിപാടി ആഘോഷത്തിന് പുതുമയാർന്ന ഭംഗി പകരുമെന്ന് അസോസിയേഷൻ ഭാരവാഹികൾ അറിയിച്ചു.

പരിപാടിയിൽ പങ്കെടുക്കുന്നതിനുള്ള എൻട്രി ഫീസ് വ്യക്തിക്ക് 15 പൗണ്ടാണ് നിശ്ചയിച്ചിരിക്കുന്നത്. 5 വയസ്സ് വരെയുള്ള കുട്ടികൾക്ക് സൗജന്യ പ്രവേശനം ഉണ്ടായിരിക്കും. മുൻകൂട്ടി രജിസ്ട്രേഷൻ നിർബന്ധമാണെന്നും ഹാളിൽ സ്പോട്ട് എൻട്രി ഉണ്ടായിരിക്കില്ലെന്നും ഭാരവാഹികൾ അറിയിച്ചു.

പങ്കെടുക്കാൻ ആഗ്രഹിക്കുന്നവർ ഏപ്രിൽ 14ന് മുൻപായി ഗൂഗിൾ ഫോമിലൂടെ അംഗങ്ങളുടെ കൃത്യമായ വിവരങ്ങൾ രജിസ്റ്റർ ചെയ്യുകയും പ്രവേശന ഫീസ് മുൻകൂട്ടി അസോസിയേഷൻ അക്കൗണ്ടിലേക്ക് കൈമാറുകയും ചെയ്യണമെന്ന് സംഘാടകർ അഭ്യർത്ഥിച്ചു.

ബി എം എ കുടുംബാംഗങ്ങൾ ഒഴിവുകൾ ക്രമപ്പെടുത്തി പങ്കെടുത്തു പരിപാടി വിജയിപ്പിക്കണമെന്ന് സംഘാടകർ അറിയിച്ചു.

എക്സലന്റ് ഫിനാൻഷ്യൽ സർവീസസ് പ്രൈവറ്റ് ലിമിറ്റഡ് (മോർട്ട്ഗേജ് & ഇൻഷുറൻസ് സർവീസസ്), എൽഡർലിനെസ്സ് കെയർ (ഹോം കെയർ & കെയർ ഹോം സർവീസസ്), പ്രവാസി കളക്ഷൻസ് (ഗാർമെന്റ്സ്) എന്നീ സ്ഥാപനങ്ങളാണ് പരിപാടിയുടെ പ്രധാന സ്പോൺസർമാർ.

കൂടുതൽ വിവരങ്ങൾക്ക്:

റോമി കുര്യാക്കോസ് (ജനറൽ സെക്രട്ടറി): 07776646163

വോർസസ്സ്റ്റർ: OHM UK (Organisation of Hindu Malayalees UK)യുടെ ആഭിമുഖ്യത്തിൽ 2026 ജൂലൈ 11-ന് വോർസസ്സ്റ്ററിലെ Tudor Grange Academy യിൽ സംഘടിപ്പിക്കുന്ന “രാമായണോത്സവം 2026” ൻറെ പോസ്റ്റർ പ്രകാശനം ചിദാനന്ദപുരി സ്വാമികൾ നിർവഹിച്ചു. പോസ്റ്റർ പ്രകാശനം നിർവ്വഹിച്ച് നൽകിയ അനുഗ്രഹ സന്ദേശത്തിൽ പരിപാടിയ്ക്ക് എല്ലാവിധ മംഗളാശംസകളും സ്വാമിജി അറിയിച്ചു. യുകെയിലെ വിവിധ ഹിന്ദു സമാജങ്ങളെ ഒരുമിപ്പിക്കുന്നതിനും, കുട്ടികളിലും യുവജനങ്ങളിലും ആത്മീയ മൂല്യങ്ങളും സാംസ്കാരിക പൈതൃകവും വളർത്തുന്നതിനും ലക്ഷ്യമിട്ടുള്ളതാണ് ഉത്സവം സംഘടിപ്പിക്കുന്നത്.

2016 മുതൽ യുകെയിലെ ഹിന്ദു സമൂഹത്തിനിടയിൽ ആത്മീയ, സാംസ്ക്കാരിക, സാമൂഹിക മേഖലകളിൽ പ്രവർത്തിച്ചു വരുന്ന സംഘടനയായ ഓം യുകെ കുട്ടികൾക്കായുള്ള ബാലഭാരതി, അദ്ധ്യാത്മിക സമിതി, വ്യക്തികൾക്കും കുടുംബങ്ങൾക്കും മാനസിക , ആശയ പിന്തുണ നൽകുന്നതിനായുള്ള ചിദഗ്നി എന്നീ വിവിധ വിഭാഗങ്ങളിലായി അതിൻറെ പ്രവർത്തനം വ്യാപിപ്പിച്ചിട്ടുണ്ട്.

യുകെയിലെ വിവിധ ഹിന്ദു സമാജങ്ങളെ ഏകോപിച്ചുകൊണ്ട് നടത്തുന്ന രാമായണോത്സവം ഓം യുകെയുടെ മറ്റൊരു പുതിയ ചുവടുവെയ്കാണ്. കുടുംബ സൌഹൃദമായ ഒരു ഏകദിന ഉത്സവമായാണ് ‘രാമായണോത്സവം’ ആഘോഷിക്കുക. ആഘോഷത്തിൻറെ ഭാഗമായി കലാ കായിക മത്സരങ്ങളും സംഘടിപ്പിക്കുന്നുണ്ട്. പ്രായഭേദമന്യേ എല്ലാവർക്കും പരിപാടിയിൽ പങ്കെടുക്കാവുന്നതാണെന്ന് ഓം യുകെ സംഘാടകർ അറിയിക്കുന്നു. ഗ്രൂപടിസ്ഥാനത്തിലും മത്സരങ്ങൾ ഉണ്ടായിരിക്കും.

കവിതാരചന, കഥാരചന, ലേഖനം എന്നിവയോടൊപ്പം, രാമായണ പ്രശ്നോത്തരി, രാമായണ പരായണം , ഭഗവദ്ഗീത ശ്ലോകമത്സരം, നൃത്തം , ചെണ്ടമേളം , തിരുവാതിരക്കളി , ഭജൻ, നാടകാവിഷ്കാരം, എന്നിവയാണ് പ്രധാന മത്സര ഇനങ്ങൾ. മത്സരാർത്ഥികൾക്ക് അവരുടെ ഹിന്ദു സമാജങ്ങൾ മുഖേന നേരത്തെ തന്നെ പേര് രജിസ്റ്റർ ചെയ്യാവുന്നതാണ്. മത്സരങ്ങളിൽ കൂടുതൽ പോയിൻറ് നേടുന്ന സമാജങ്ങൾക്ക് ഓവറോൾ ചാമ്പ്യൻഷിപ്പ് ട്രോഫിയും നൽകുന്നതാണ്.

കൂടുതൽ വിവരങ്ങൾക്കായി PH: 07774864598, [email protected]

ജോർജ് മാത്യു

ബർമിംഗ്ഹാം: സെൻറ് സ്റ്റീഫൻസ് ഇന്ത്യൻ ഓർത്തോഡോക്സ് ചർച്ചിന്റെ നേതൃത്വത്തിൽ ബർമിംഗ്ഹാമിൽ ആരംഭിച്ച ‘സെൻറ് സ്റ്റീഫൻസ് മലയാളം’ സ്കൂളിന്റെ ഉദ്ഘാടനവും പ്രവേശനോത്സവവും വർണ്ണാഭമായ ചടങ്ങുകളോടെ ശ്രദ്ധേയമായി. ഭാഷയും സംസ്കാരവും കൈമാറുന്ന ഈ മഹത്തായ സംരംഭം ഏവർക്കും മാതൃകയായി മാറി. മലയാളത്തിന്റെ ആദ്യാക്ഷരം കുറിക്കാനായി അറുപതിലധികം കുട്ടികൾ ആവേശത്തോടെ രജിസ്റ്റർ ചെയ്തെത്തിയത് ചടങ്ങിന്റെ പ്രത്യേക ആകർഷണമായി.

മാതാപിതാക്കളും അധ്യാപകരും കുട്ടികളും പങ്കെടുത്ത സദസ്സിനെ സാക്ഷിയാക്കി, മലയാളം മിഷൻ യു.കെ ചാപ്റ്റർ പ്രസിഡന്റും ലോക കേരളസഭാംഗവുമായ ശ്രീ സി. എ. ജോസഫ് മലയാളം സ്കൂളിന്റെ ഔപചാരിക ഉദ്ഘാടനം നിർവഹിച്ചു. സെൻറ് സ്റ്റീഫൻസ് ഇന്ത്യൻ ഓർത്തോഡോക്സ് ചർച്ച് വികാരി റവ. ഫാ. ബിനോയ് സി. ജോഷ്വാ അധ്യക്ഷത വഹിച്ചു. മുൻ വികാരിയും ഇടവകാംഗവുമായ റവ. ഫാ. വർഗീസ് ജോൺ, മലയാളം മിഷൻ യു.കെ മിഡ്‌ലാൻഡ്‌സ് റീജിയണൽ കോർഡിനേറ്റർ ശ്രീ ആഷിക് മുഹമ്മദ് നാസർ എന്നിവർ ആശംസകൾ നേർന്നു.

മലയാളം മിഷൻ യു.കെ ചാപ്റ്റർ സെക്രട്ടറി ശ്രീ എബ്രഹാം കുര്യൻ സ്വാഗതം ആശംസിക്കുകയും, ചർച്ച് യൂത്ത് വിഭാഗം പ്രതിനിധി ശ്രീ ഡാനിയേൽ ഷാജി നന്ദി രേഖപ്പെടുത്തുകയും ചെയ്തു.

ആത്മീയ പ്രവർത്തനങ്ങളോടൊപ്പം മലയാളഭാഷയും കേരളത്തിന്റെ സമ്പന്നമായ സംസ്കാരവും പുതുതലമുറയിലേക്ക് കൈമാറാനുള്ള ഈ മാതൃകാപരമായ സംരംഭത്തിന് നേതൃത്വം നൽകിയ വികാരി റവ. ഫാ. ബിനോയ് സി. ജോഷ്വായെയും, ചർച്ച് ട്രസ്റ്റിമാരെയും, കമ്മറ്റി അംഗങ്ങളെയും, അധ്യാപകരെയും, മാതാപിതാക്കളെയും ശ്രീ സി. എ. ജോസഫ് തന്റെ ഉദ്ഘാടന പ്രസംഗത്തിൽ പ്രത്യേകമായി അഭിനന്ദിച്ചു.

കളിയും ചിരിയും ചേർത്ത് ശ്രീ എബ്രഹാം കുര്യൻ നയിച്ച ആദ്യ ക്ലാസ് കുട്ടികൾക്ക് മാത്രമല്ല, മാതാപിതാക്കളും അധ്യാപകരും ഉൾപ്പെടെ എല്ലാവർക്കും പുതുമയാർന്ന അനുഭവമായി മാറി.

മലയാളം മിഷൻ യു.കെ ചാപ്റ്ററിന്റെ സഹകരണത്തോടെ ആരംഭിച്ച ‘സെൻറ് സ്റ്റീഫൻസ് മലയാളം’ സ്കൂളിന്റെ പ്രവർത്തനങ്ങൾ കുട്ടികളിൽ ഭാഷാസ്നേഹവും സാംസ്കാരിക അഭിമാനവും വളർത്തട്ടെയെന്നും, എല്ലാ കുട്ടികളും ഈ അവസരം പ്രയോജനപ്പെടുത്താൻ മാതാപിതാക്കളുടെ പൂർണ്ണ പിന്തുണ ഉണ്ടാകണമെന്നും മലയാളം മിഷൻ യുകെ ചാപ്റ്റർ പ്രസിഡന്റ് സി. എ. ജോസഫും, സെക്രട്ടറി എബ്രഹാം കുര്യനും, റീജിയണൽ കോർഡിനേറ്റർ ആഷിക് മുഹമ്മദ് നാസറും അഭ്യർത്ഥിച്ചു.

മധുര വിതരണത്തോടെ പ്രവേശനോത്സവത്തിന് സമാപനം കുറിച്ചു.

നോട്ടിങ്ഹാം സാമ്രാജ്യം… ദേവന്മാർക്കും അസുരന്മാർക്കും പിടിച്ചടക്കുവാൻ സാധിക്കാത്ത ഒരേയൊരു ഭൂപ്രദേശം. കലയുടെ ശക്തിയിലൂടെ മാത്രമേ അവരെ കീഴടക്കാൻ കഴിയൂ എന്ന ബ്രഹ്മാവിന്റെ വരം ലഭിച്ച മനുഷ്യജന്മങ്ങൾ ഇവിടെ വാഴുന്നു. വാളും വജ്രായുധവും ഇവിടെ നിഷ്ഫലമാണ്; ചിന്തയും സൃഷ്ടിയും മാത്രമാണ് യഥാർത്ഥ ആയുധങ്ങൾ. അതുകൊണ്ടുതന്നെ, അവരെ പരാജയപ്പെടുത്താൻ യോഗ്യരാർ എന്നത് നിർണ്ണയിക്കപ്പെടേണ്ട ഒരു മഹത്തായ പരീക്ഷണമായി മാറിയിരിക്കുന്നു. ദേവന്മാരും അസുരന്മാരും ഒരുപോലെ അരങ്ങിന്റെ സായാഹ്നത്തിൽ ഒത്തുചേരുന്നു—വിജയം നേടാൻ, ശക്തിയാൽ അല്ല, സൃഷ്ടിപരതയാൽ.

അരങ്ങ് തെളിയുന്നു, ദീപങ്ങളുടെ പ്രകാശം നിഴലുകളുമായി കളിക്കുമ്പോൾ, ഓരോ ആത്മാവും തങ്ങളുടെ കലാപാടവം തെളിയിക്കാൻ തയ്യാറാകുന്നു. സംഗീതം, നൃത്തം, ചിത്രകല, വാചകശക്തി—എല്ലാം ഒരുമിച്ച് ഒരു യുദ്ധമായി മാറുന്നു. ആരുടെ സൃഷ്ടിയാണ് ഹൃദയങ്ങളെ കീഴടക്കുന്നത്, ആരുടെ ചിന്തയാണ് സത്യത്തെ തെളിയിക്കുന്നത്, അവർ തന്നെയാണ് വിജയികൾ. ഈ പോരാട്ടത്തിൽ രക്തമില്ല, പക്ഷേ ആത്മാവിന്റെ ആഴങ്ങൾ വെളിവാകുന്നു. ഇന്നത്തെ സായാഹ്നം, ഒരു സാമ്രാജ്യത്തിന്റെ വിധി മാത്രമല്ല, കലയുടെ യഥാർത്ഥ അർത്ഥം തന്നെ നിർവ്വചിക്കപ്പെടുന്ന നിമിഷമായിരിക്കും.

മനോജ് ജോസഫ്

ലിവർപൂൾ: പ്രവാസലോകത്തെ മലയാളി കൂട്ടായ്മയുടെ കരുത്തുവിളിച്ചോതി ലിവർപൂളിൽ വർണ്ണാഭമായ വിഷു-ഈസ്റ്റർ ആഘോഷങ്ങൾ ഒരുങ്ങുന്നു. ഏപ്രിൽ 18 ശനിയാഴ്ച വൈകുന്നേരം 5 മണി മുതൽ ആരംഭിക്കുന്ന ആഘോഷ പരിപാടികളിൽ ലിവർപൂളിലെയും പരിസരപ്രദേശങ്ങളിലെയും നൂറുകണക്കിന് മലയാളി കുടുംബങ്ങൾ പങ്കുചേരും.

നാടിന്റെ തനിമ ചോരാതെ ഒരുക്കുന്ന ഈ സംഗമത്തിൽ വൈവിധ്യമാർന്ന കലാപരിപാടികളാണ് സംഘാടകർ ക്രമീകരിച്ചിരിക്കുന്നത്. പ്രശസ്ത കലാകാരന്മാർ അണിനിരക്കുന്ന ‘കൊച്ചിൻ ഗോൾഡൻ ഹിറ്റ്‌സ്’ അവതരിപ്പിക്കുന്ന മെഗാ സ്റ്റേജ് ഷോയാണ് ആഘോഷങ്ങളിലെ പ്രധാന ആകർഷണം. ഒപ്പം ലിവർപൂളിലെ പ്രശസ്ത നൃത്തസംഘങ്ങൾ അവതരിപ്പിക്കുന്ന ചടുലമായ നൃത്തപ്രകടനങ്ങളും അരങ്ങേറും.

ആഘോഷങ്ങളുടെ ഭാഗമായി 10 വയസ്സുവരെയുള്ള കുട്ടികൾക്കായി ‘രാധാ-കൃഷ്ണ’ വേഷപ്പകർച്ച മത്സരം സംഘടിപ്പിച്ചിട്ടുണ്ട്. മത്സരത്തിൽ പങ്കെടുക്കുന്ന എല്ലാ കുട്ടികൾക്കും പ്രോത്സാഹന സമ്മാനങ്ങൾ നൽകുന്നതിനൊപ്പം മികച്ച പ്രകടനം കാഴ്ചവെക്കുന്നവർക്ക് ആകർഷകമായ ക്യാഷ് പ്രൈസും നൽകും. മത്സരത്തിന് രജിസ്ട്രേഷൻ ഫീസ് ഉണ്ടായിരിക്കുന്നതല്ല.

പങ്കെടുക്കുന്ന എല്ലാ കൊച്ചു കൂട്ടുകാർക്കുമായി വിഷുക്കൈനീട്ടവും ഈസ്റ്റർ എഗ്ഗും വിതരണം ചെയ്യും. ആഘോഷങ്ങളുടെ ഭാഗമായി ഒരുക്കുന്ന വിഭവസമൃദ്ധമായ ഭക്ഷണത്തിൽ ഈസ്റ്റർ-വിഷു-ഈദ് സ്പെഷ്യൽ വിഭവങ്ങൾ ഉൾപ്പെടുത്തിയിട്ടുണ്ട്. പ്രവേശന ടിക്കറ്റ് നിരക്കിൽ തന്നെ ഭക്ഷണവും ഉൾപ്പെടുന്നു എന്നത് ഈ പരിപാടിയുടെ പ്രത്യേകതയാണ്.

നാടിന്റെ ഗൃഹാതുരത്വം ഉണർത്തുന്ന ഈ ഒത്തുചേരലിലേക്ക് എല്ലാ മലയാളി കുടുംബങ്ങളെയും സ്വാഗതം ചെയ്യുന്നതായി സംഘാടകർ അറിയിച്ചു. ശനിയാഴ്ച വൈകുന്നേരം കൃത്യം 5 മണിക്ക് തന്നെ പരിപാടികൾ ആരംഭിക്കത്തക്ക രീതിയിലാണ് ക്രമീകരണങ്ങൾ പൂർത്തിയാക്കിയിരിക്കുന്നത്.

യുകെയിൽ ജീവിക്കുന്ന പ്രിയപ്പെട്ട ചങ്ങനാശേരി നിവാസികളെ, വീണ്ടും ഒരു വസന്തകാലം വരവായി… പിറന്ന നാടിന്റെ ഓർമ്മകളുമായി മതസൗഹാർദ്ദത്തിന് പേരുകെട്ട അഞ്ചുവിളക്കിന്റെ നാടായ ചങ്ങനാശേരിക്കാർ വീണ്ടും ഒത്തു ചേരുകയാണ്… സ്‌കൂളിലും കോളേജിലുമൊക്കെ ഒരുമിച്ചു പഠിച്ചു വളർന്ന സൗഹൃദങ്ങൾ ഇന്ന് അന്യനാട്ടിലും അന്യം നിന്ന് പോകാതെ ഗൃഹാതുരത്വം തുളുമ്പുന്ന ഓർമ്മകളെ ചേർത്ത് പിടിച്ചു കൊണ്ട്, യുകെയുടെ ഹൃദയ ഭൂമിയായ പീറ്റർബോറോയിൽ ജൂൺ 21 ഞായർ ഉച്ചകഴിഞ്ഞു 3 മണി മുതൽ തിരശീല ഉയരുകയാണ് എന്ന വിവരം സ്നേഹപൂർവ്വം പങ്കുവെച്ച് കൊള്ളട്ടെ! കഴിഞ്ഞ ഏതാനും വർഷങ്ങളായി യു കെയിലേക്ക് നിരവധി ചങ്ങനാശേരി നിവാസികൾ പുതിയതായി എത്തി ചേർന്നിട്ടുണ്ട്. അങ്ങനെ എത്തിച്ചേർന്ന നിരവധി ചങ്ങനാശേരിക്കാരുടെ അഭ്യർത്ഥന പ്രകാരമാണ് ഇങ്ങനെ ഒരു സംഗമം നടത്തുവാൻ ഇത്തവണ സംഘാടകർ ലക്ഷ്യമിടുന്നത്. ചങ്ങനാശേരിയിലും പരിസര പ്രദേശങ്ങളിലുമുള്ള എല്ലാ യുകെ നിവാസികളെയും സ്നേഹപൂർവ്വം ചങ്ങനാശേരി സംഗമം യുകെ 2026ലേക്ക് ഹൃദയപൂർവ്വം ക്ഷണിച്ചു കൊള്ളുന്നു.

ചരിത്ര പ്രസിദ്ധമായ ചങ്ങനാശേരിയുടെ സ്വന്തം എം.എൽ.എ. അഡ്വക്കേറ്റ് ജോബ് മൈക്കിൾ കഴിഞ്ഞവർഷം മുഖ്യാതിഥിയായി പങ്കെടുത്ത സംഗമം വൻ വിജയകരമായിരുന്നു തുടർന്ന് ചങ്ങനാശേരി നിവാസികളായ നിങ്ങളെല്ലാവരും ഈ വർഷവും ഈ സംഗമത്തിൽ പങ്കെടുത്തു വിജയിപ്പിക്കണമെന്ന് വിനീതമായി അഭ്യർത്ഥിക്കുന്നു. ഈ സ്നേഹ സംഗമത്തിൽ പങ്കെടുക്കാനാഗ്രഹിക്കുന്നവർ താഴെ കൊടുത്തിരിക്കുന്ന ഗൂഗിൾ രജിസ്ട്രേഷൻ ഫോം എത്രയും പെട്ടെന്ന് കംപ്ലീറ്റ് ചെയ്യുകയും, രജിസ്ട്രേഷൻ ഫീസ് അടയ്ക്കുകയും ചെയ്യണമെന്നഭ്യർത്ഥിക്കുന്നു.

Please complete Google registration form👉 https://forms.gle/68obB9YCsNvoyZ4k6

Please pay registration fee £10/ Family to the account details given below and put your name as reference.

Account details to transfer the registration fee:

Name: Feby Philip
Bank:Nationwide
A/c No: 43728124
Sort code:07-02-46

കൂടുതൽ വിവരങ്ങൾക്ക് ബന്ധപ്പെടുക:
Feby Philip: 07597 671197(Peterborough)
Manoj Thomas:07846 475589
Jomon Mammoottil: 07930431445