നിയമസഭ തെരഞ്ഞെടുപ്പ് ഫലം പുറത്തുവന്നപ്പോള്‍ വമ്പന്‍ പരാജയമാണ് ബിജെപിക്ക് നേടാനായത്. കേരളത്തില്‍ ബിജെപിയുടെ ഏക അക്കൗണ്ടായ നേമം എല്‍ഡിഎഫ് പൂട്ടി. ഇതോടെ സൈബര്‍ ആക്രമണത്തിന് ഇരയായിരിക്കുകയാണ് മുതിര്‍ന്ന ബിജെപി നേതാവും നേമം എംഎല്‍എയുമായ ഒ രാജഗോപാല്‍.

പരട്ട കിളവന്‍, ബിജെപി തോറ്റത് താന്‍ കാരണം, വായിലെ നാക്ക് മര്യാദക്ക് ഇട്ടൂടായിരുന്നോ, നാമം ജപിച്ച് മൂലക്ക് ഇരുന്നോണ്ണം എന്നിങ്ങനെയുള്ള കമന്റുകളുടെ പൂരമാണ് രാജഗോപാലന്റെ ഫേസ്ബുക്ക് പോസ്റ്റിന് താഴെ വന്നിരിക്കുന്നത്. അതേസമയം, സൈബര്‍ ഇടത്തില്‍ രാജഗോപാലനെ കുറ്റപ്പെടുത്തുന്നത് മറ്റാരുമല്ല സ്വന്തം പാര്‍ട്ടിക്കാര്‍ തന്നെയാണ്.

തെരഞ്ഞെടുപ്പില്‍ ബിജെപിക്ക് വോട്ട് ചെയ്ത ജനങ്ങള്‍ക്ക് നന്ദി അറിയിച്ചുകൊണ്ടുള്ള രാജഗോപാലന്റെ പോസ്റ്റിന് താഴെയാണ് ബിജെപി അനുകൂലികള്‍ ഇത്തരം പരമാര്‍ശങ്ങള്‍ നടത്തുന്നത്. ‘ദേശീയജനാധിപത്യ സഖ്യത്തിന് വോട്ട് നല്‍കിയ സമ്മദിദായര്‍ക്ക് ഒരായിരം നന്ദി. ജനവിധിയെ മാനിക്കുന്നു.തോല്‍വിയെ സംബന്ധിച്ച് പാര്‍ട്ടി നേതൃത്വം ഒരുമിച്ചിരുന്ന് ചര്‍ച്ചചെയ്ത് കുറവുകള്‍ പരിഹരിച്ച് കരുത്തോടെ മുന്നോട്ടുപോകും.’ എന്നാണ് രാജഗോപാല്‍ ഫേസ്ബുക്ക് പോസ്റ്റില്‍ കുറിച്ചത്.

തെരഞ്ഞെടുപ്പില്‍ ബിജെപ്പിക്ക് ഉണ്ടായ പരാജയത്തിന് ഉത്തരവാദിയായി ഇദ്ദേഹത്തെ കാണുന്നത് സ്വന്തം പാര്‍ട്ടിക്കാര്‍ തന്നെയാണ്. ഒ രാജഗോപാലനെതിരെ വന്ന കമന്റുകളില്‍ ഏറ്റവും ശ്രദ്ധേയമായത് ഹരീഷ് ഹരിപ്പാട് എന്ന വ്യക്തിയുടെ കമന്റാണ്.

താങ്കള്‍ അടുത്ത കാലത്ത് ബിജെപിക്ക് ചെയ്തു കൊടുത്ത ഉപകാരങ്ങള്‍ കൊണ്ടുതന്നെ പാര്‍ട്ടിക്ക് വേണ്ടി പിന്നണിയില്‍ ഇരുന്നെങ്കിലും പട പൊരുതുന്ന ആയിരക്കണക്കിനാളുകള്‍ അനുഭവിച്ച മാനസിക വ്യഥ പറഞ്ഞറിയിക്കുക വയ്യാ. പലരും അങ്ങേക്ക് ഓര്‍മ്മക്കുറവായതിനാല്‍ ആണ് പരസ്പരവിരുദ്ധമായ അഭിപ്രായങ്ങള്‍ പറഞ്ഞു പാര്‍ട്ടിയെ പ്രതിസന്ധിയില്‍ ആക്കുന്നത് എന്ന് പറഞ്ഞു സമാധാനിച്ചു. നിങ്ങളെ പോലെയുള്ളവര്‍ സംരക്ഷിക്കപ്പെട്ടവരാണ് പക്ഷേ യാതൊരു പ്രയോജനവുമില്ലാതെ പാര്‍ട്ടിക്ക് വേണ്ടി നാട്ടുകാരുടെ തെറിവിളി കേള്‍ക്കുന്ന ഞങ്ങള്‍ സാധാരണക്കാരെ ഇനിയും വാക്കുകള്‍ കൊണ്ടുപോലും പരിഹസിക്കരുതെന്നാണ് ഹരീഷ് കമന്റ് ചെയ്തിരിക്കുന്നത്.

മധ്യപ്രദേശില്‍ നിന്ന് കുംഭമേളയില്‍ പങ്കെടുത്ത് മടങ്ങിയെത്തിയ 99 ശതമാനം ആളുകളും കൊവിഡ് പോസിറ്റീവായതായി റിപ്പോര്‍ട്ട്. ഹരിദ്വാറില്‍ നിന്ന് തിരികെയെത്തിയ കുംഭമേളയില്‍ പങ്കെടുത്തവരില്‍ 99 ശതമാനം പേരിലും രോഗം കണ്ടെത്തിയെന്നാണ് ടൈംസ് നൗ ന്യൂസ് റിപ്പോര്‍ട്ട് ചെയ്യുന്നത്. രാജ്യത്ത് കൊവിഡ് രണ്ടാം തരംഗം അതിരൂക്ഷമാകുന്നതിനിടെയാണ് ഞെട്ടിപ്പിക്കുന്ന റിപ്പോര്‍ട്ട് പുറത്തുവരുന്നത്.

മധ്യപ്രദേശില്‍ തിരികെയെത്തിയ 61 വിശ്വാസികളില്‍ 60 പേരും കൊവിഡ് പോസിറ്റീവായി. കുംഭമേളയില്‍ പങ്കെടുത്ത് മടങ്ങിയെത്തിയ പലരേയും കണ്ടെത്താനായിട്ടില്ലെന്നും ടൈംസ് നൗ ന്യൂസ് റിപ്പോര്‍ട്ട് ചെയ്യുന്നു. ഹരിദ്വാറിലെ കുംഭമേള കൊവിഡ് സൂപ്പര്‍ സ്‌പ്രെഡര്‍ ആവുമെന്നുള്ള ആരോഗ്യ പ്രവര്‍ത്തകരുടെ ആശങ്ക ശരിവയ്ക്കുന്നതാണ് റിപ്പോര്‍ട്ട്.

വിവിധ സംസ്ഥാനങ്ങളിലും കുംഭമേളയില്‍ പങ്കെടുത്ത വിശ്വാസികള്‍ കൊവിഡ് പോസിറ്റീവാകുന്ന സാഹചര്യമാണുള്ളത്. കുംഭമേളയില്‍ പങ്കെടുത്ത കൂടുതല്‍ പേര്‍ക്ക് കൊവിഡ് സ്ഥിരീകരിക്കുന്നതോടെ കുഭമേളയില്‍ നിന്ന് മടങ്ങിയെത്തിയ വിശ്വാസികള്‍ക്ക് കൊവിഡ് ടെസ്റ്റും ക്വാറന്റൈനും കര്‍ശനമാക്കി.

കുംഭമേളയില്‍ പങ്കെടുത്തവര്‍ക്ക് 14 ദിവസത്തെ നിര്‍ബന്ധിത ക്വാറന്റൈനാണ് ഡല്‍ഹി ഏര്‍പ്പെടുത്തിയിരിക്കുന്നത്. ഗുജറാത്തില്‍ ആര്‍ടിപിസിആര്‍ പരിശോധന കുംഭമേളയില്‍ പങ്കെടുത്ത് മടങ്ങിയവര്‍ക്ക് നിര്‍ബന്ധമാക്കിയിട്ടുണ്ട്. അതേസമയം കഴിഞ്ഞ 24 മണിക്കൂറിനിടെ 3,68,147 പേര്‍ക്കാണ് രാജ്യത്ത് രോഗം സ്ഥിരീകരിച്ചത്. 3,00,732 പേര്‍ക്കാണ് രോഗ മുക്തി. 3,417 പേരാണ് കഴിഞ്ഞ 24 മണിക്കൂറിനിടെ മരിച്ചത്. ആകെ കോവിഡ് കേസുകളുടെ എണ്ണം 1,99,25,604 ആയി. ആകെ രോഗ മുക്തര്‍ 16,29,3003. 3,417 പേര്‍ മരിച്ചതോടെ ആകെ മരണം 2,18,959 ആയി. നിലവില്‍ 34,13,642 പേരാണ് ചികിത്സയിലുള്ളത്.

നിയമസഭാ തെരഞ്ഞെടുപ്പിൽ കൈയ്യിലുണ്ടായിരുന്ന ഏക സീറ്റിനൊപ്പം ബിജെപി കൈവിട്ടത് വോട്ട് ഷെയറും. എൻഡിഎ സഖ്യത്തിന് തദ്ദേശ തെരഞ്ഞെടുപ്പ് കഴിഞ്ഞ സമയത്ത് 16.5 ശതമാനം വോട്ടുകൾ നേടാനായിരുന്നു. എന്നാൽ തൊട്ടുപിന്നാലെ വന്ന നിയമസഭാ തെരഞ്ഞെടുപ്പിൽ എൻഡിഎയുടെ വോട്ട് ശതമാനം 12.4 ശതമാനം മാത്രമാണ്.

തെരഞ്ഞെടുപ്പിനെ നേരിടാനിറങ്ങുമ്പോൾ മൂന്ന്-നാല് സീറ്റുകൾ എങ്കിലും ലഭിക്കുമെന്ന ഉറപ്പിലായിരുന്നു എൻഡിഎ. എന്നാൽ സിറ്റിങ് സീറ്റായ നേമത്തിനൊപ്പം ഒപ്പത്തിനൊപ്പം മത്സരിച്ച പാലക്കാടും കൈവിടാനായിരുന്നു ജനഹിതം. വലിയ ആഘോഷത്തോടെ തെരഞ്ഞെടുപ്പിനെ നേരിട്ട് കനത്ത തോൽവി ഏറ്റുവാങ്ങിയത് അടുത്തകാലത്തൊന്നും ബിജെപിക്ക് മറക്കാനാകുന്നതല്ല. വോട്ട് വിഹിതം ഉയർത്തിയതെങ്കിലും ചൂണ്ടിക്കാണിച്ച് വാദിച്ച് ജയിക്കാൻ പോലും ഇനി ബിജെപിക്ക് സാധ്യവുമല്ല. തൊട്ടുമുമ്പത്തെ തെരഞ്ഞെടുപ്പിനേക്കാളും ബഹുദൂരം താഴേക്ക് പോയ എൻഡിഎയുടെ ഭാവി തന്നെ കേരളത്തിൽ അനിശ്ചിതത്വത്തിലാണ്. പ്രധാനപ്പെട്ട തെരഞ്ഞെടുപ്പുകളെല്ലാം കഴിഞ്ഞുപോയതുകൊണ്ട് തന്നെ ബിജെപിക്ക് ഒരു തിരിച്ചുവരവിനായി ഏറെ കാത്തിരിക്കേണ്ടി വരും.

വോട്ട് ശതമാനം സംബന്ധിച്ച പ്രാഥമിക കണക്കുകളിൽ എൻഡിഎയ്ക്ക് ഇത്തവണ 12.4 ശതമാനം വോട്ട് മാത്രമാണ് ലഭിച്ചത്. ബിജെപി, ജെഡിഎസ്, എഐഎഡിഎംകെ എന്നിവയടക്കമുള്ള മുന്നണിക്ക് കിട്ടിയ വോട്ടിന്റെ ഏകദേശ കണക്കാണിത്. നേരിയ വ്യത്യാസം ഈ കണക്കുകളിൽ ഉണ്ടായേക്കാമെങ്കിലും വൻതോതിലുള്ള വോട്ട് ചോർച്ച ബിജപിക്ക് സംഭവിച്ചെന്നു തന്നെയാണ് വ്യക്തമാവുന്നത്. 2016ലെ നിയമസഭാ തിരഞ്ഞെടുപ്പിൽ 15 ശതമാനമായിരുന്നു എൻഡിഎക്ക് ലഭിച്ച വോട്ട് വിഹിതം. ഇത്തവണ 12.4 ശതമാനം മാത്രമാണ് ലഭിച്ചത്. 2016ൽ ലഭിച്ച വോട്ടിൽനിന്ന് ഏകദേശം 2.6 ശതമാനത്തിന്റെ ചോർച്ചയാണ് ഇത്തവണ ഉണ്ടായിരിക്കുന്നത്.

2019ലെ ലോക്‌സഭാ തെരഞ്ഞെടുപ്പിൽ 15.64 ശതമാനമായിരുന്നു എൻഡിഎയ്ക്ക് ലഭിച്ച വോട്ട്. മികച്ച മുന്നേറ്റമായി തന്നെ ഈ വർധനവിനെ വിലയിരുത്തുകയും ചെയ്തിരുന്നു. തൊട്ടുപിന്നാലെ വന്ന 2020ലെ തദ്ദേശ സ്വയംഭരണ തെരഞ്ഞെടുപ്പിൽ സ്വതന്ത്രൻമാരുടേത് അടക്കം വോട്ട് ശതമാനം 16.5ന് മുകളിലെത്തി. വലിയ ആത്മവിശ്വാസം എൻഡിഎയ്ക്ക് കൈവന്നതോടെയാണ് നിയമസഭാ തെരഞ്ഞെടുപ്പിനെ ആവേശത്തോടെ നേരിട്ടതും. അമിത് ഷാ, നരേന്ദ്ര മോഡി, ജെപി നഡ്ഡ, രാജ്‌നാഥ് സിങ് തുടങ്ങിയ ദേശീയ തലത്തിലെ വമ്പന്മാരൊക്കെ നേരിട്ട് പ്രചാരണത്തിന് എത്തുകയും ചെയ്തു. എന്നിട്ടും 16.5 എന്ന വോട്ട് ശതമാനത്തിൽ നിന്നും 12.4 ശതമാനത്തിലേക്ക് കൂപ്പുകുത്തിയിരിക്കുകയാണ് ബിജെപി.

നേമം, പാലക്കാട്, മഞ്ചേശ്വരം, ആറ്റിങ്ങൽ, ചാത്തന്നൂർ, മലമ്പുഴ, കാസർകോട്, കഴക്കൂട്ടം, വട്ടിയൂർക്കാവ് എന്നീ ഒമ്പത് മണ്ഡലങ്ങളിൽ ബിജെപിക്ക് രണ്ടാം സ്ഥാനത്ത് വരാനായെങ്കിലും തൃശ്ശൂർ, കോന്നി എന്നിവിടങ്ങളിലെ മൂന്നാം സ്ഥാനം കടുത്ത നിരാശ പകരുകയാണ്.

കേന്ദ്ര നേതൃത്വത്തിന്റെ മേൽനോട്ടത്തിൽ നടന്ന പ്രചാരണം ഒട്ടും തെരഞ്ഞെടുപ്പിനെ സഹായിക്കാതെ നാല് ശതമാനത്തോളം വോട്ട് കുറച്ചത് പാർട്ടിക്കുള്ളിൽ ഗൗരവകരമായ ചർച്ചയ്ക്ക് തുടക്കം കുറിച്ചിരിക്കുകയാണ്. നിലവിൽ ലഭിച്ച വോട്ടുകളിലെ ഭൂരിഭാഗവും ഇ ശ്രീധരനും സുരേഷ് ഗോപിയും അവരുടെ പൊതുസമ്മതിയിൽ നേടിയതാണെന്നു കൂടി പരിഗണിക്കുമ്പോൾ ബിജെപി സംസ്ഥാന നേതൃത്വത്തിന്റെ വീഴ്ച ചോദ്യം ചെയ്യപ്പെടുകയാണ്.

തിരുവനന്തപുരം : കഴക്കൂട്ടത്തെ തോല്‍വിയുടെ പശ്ചാത്തലത്തില്‍ പോരിനുറച്ച് ശോഭാ സുരേന്ദ്രന്‍ പക്ഷം. ബിജെപിക്ക് ലഭിക്കേണ്ടിയിരുന്ന 5,500 വോട്ടുകള്‍ കാണാനില്ല. പാര്‍ട്ടിയിലെ പ്രമുഖ നേതാവിനായി കഴക്കൂട്ടത്ത് കാലുവാരിയെന്ന് ശോഭ സുരേന്ദ്രന്‍ പക്ഷം ആരോപിച്ചു.

2016ല്‍ കഴക്കൂട്ടത്ത് രണ്ടാം സ്ഥാനത്തെത്തിയ വി മുരളീധരന്‍ നേടിയത് 42,732 വോട്ടുകള്‍. 2019 ലോക്‌സഭ തെരഞ്ഞെടുപ്പില്‍ ഇവിടെ ലഭിച്ച വോട്ട് 45,479 ആയി വോട്ട് വര്‍ധിപ്പിച്ചു. എന്നാല്‍, സംസ്ഥാന നേതൃത്വവുമായുള്ള അഭിപ്രായ ഭിന്നതകള്‍ക്കൊടുവില്‍ കഴക്കൂട്ടത്ത് സ്ഥാനാര്‍ത്ഥിയായ ശോഭ സുരേന്ദ്രന് നേടാനായത് 40,193 വോട്ടുകള്‍ മാത്രം. കഴിഞ്ഞ തവണ വി മുരളീധരന് ലഭിച്ചതിനേക്കാള്‍ 2500 വോട്ടിന്റെ കുറവ്. പുതുതായി ചേര്‍ത്ത 3000 വോട്ടുള്‍പ്പടെ പ്രാഥമിക കണക്കില്‍ ബിജെപിക്ക് ലഭിക്കേണ്ടിയിരുന്ന 5,500 വോട്ടുകള്‍ അപ്രത്യക്ഷമായി. .ഇക്കാരണത്താലാണ് പ്രമുഖ നേതാവിനായി ബിജെപി വോട്ട് മറിച്ചുവെന്ന അഭിപ്രായം ശോഭാ സുരേന്ദ്രന്‍ പക്ഷം ആരോപിക്കുന്നത്.

സ്ഥാനാര്‍ത്ഥിയുടെ നേതൃത്വത്തില്‍ ബൂത്ത് തല കണക്കെടുക്കല്‍ ആരംഭിച്ചു. പ്രമുഖ നേതാവിനായി വോട്ട് മറിച്ചവരെയും കണ്ടെത്താന്‍ നീക്കം തുടങ്ങിയിട്ടുണ്ട്. തെളിവുകളടക്കം ശോഭാ സുരേന്ദ്രന്‍ കേന്ദ്ര നേതൃത്വത്തെ സമീപിച്ചേക്കുമെന്നും വിവരമുണ്ട്.

പൂ​ഞ്ഞാ​ർ: പൂ​ഞ്ഞാ​ർ മ​ണ്ഡ​ല​ത്തി​ൽ വ​ൻ തോ​ൽ​വി​യേ​റ്റു വാ​ങ്ങി​യ​തി​ന് പി​ന്നാ​ലെ പി.​സി ജോ​ര്‍​ജി​നെ​തി​രെ പ​രി​ഹാ​സ​വും പ്ര​തി​ഷേ​ധ​വു​മാ​യി ഈ​രാ​റ്റു​പേ​ട്ട നി​വാ​സി​ക​ൾ. ജോ​ർ​ജി​ന് ആ​ദ​രാ​ഞ്ജ​ലി അ​ർ​പ്പി​ച്ച് ഫ്ല​ക്സ് ബോ​ർ​ഡ് ഉ​യ​ർ​ത്തു​ക​യും ശ​വ​പെ​ട്ടി ത​യാ​റാ​ക്കു​ക​യും ചെ​യ്തു. ഇ​തി​ന്‍റെ വീ​ഡി​യോ സ​മൂ​ഹ മാ​ധ്യ​മ​ങ്ങ​ളി​ല്‍ വൈ​റ​ലാ​ണ്.

പൂ​ഞ്ഞാ​റി​ൽ 11,404 വോ​ട്ടു​ക​ൾ​ക്കാ​ണ് കേ​ര​ള കോ​ൺ​ഗ്ര​സ്-​എ​മ്മി​ലെ സെ​ബാ​സ്റ്റ്യ​ൻ കു​ള​ത്തി​ങ്ക​ലാ​ണ് വി​ജ​യി​ച്ച​ത്. ത​ന്‍റെ വി​ജ​യം ഉ​റ​പ്പാ​ണെ​ന്നും മൂ​ന്നു മു​ന്ന​ണി​ക​ളെ​യും പ​രാ​ജ​യ​പ്പെ​ടു​ത്തി ജ​യി​ക്കു​മെ​ന്നും ജോ​ർ​ജ് അ​വ​സാ​ന നി​മി​ഷം വ​രെ അ​വ​കാ​ശ​പ്പെ​ട്ടി​രു​ന്നു. എ​ന്നാ​ൽ ഒ​രു ഘ​ട്ട​ത്തി​ൽ​പോ​ലും മു​ന്നി​ലേ​ക്ക് എ​ത്താ​ൻ പി.​സി.​ജോ​ർ​ജി​നു ക​ഴി​ഞ്ഞി​ല്ല. ഓ​രോ​ഘ​ട്ട​ത്തി​ലും എ​ൽ​ഡി​എ​ഫ് ലീ​ഡ് ഉ​യ​ർ​ത്തു​ക​യാ​യി​രു​ന്നു.

ഇ​തു ഇ​ട​തു​മു​ന്ന​ണി​യു​ടെ വി​ജ​യം എ​ന്ന​തി​നേ​ക്കാ​ൾ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ ജ​യ​മാ​ണ് ഉ​ണ്ടാ​യ​തെ​ന്ന് തെ​ര​ഞ്ഞെ​ടു​പ്പ് ഫ​ലം വ​ന്ന ശേ​ഷം ജോ​ർ​ജ് പ്ര​തി​ക​രി​ച്ച​ത്. മൂ​ന്നു മു​ന്ന​ണി​ക​ളും ഒ​രു സ​മു​ദാ​യ​ത്തി​ലെ വ​ലി​യൊ​രു വി​ഭാ​ഗ​വും ത​നി​ക്ക് എ​തി​രാ​യി​രു​ന്നു. എ​ന്നി​ട്ടും ര​ണ്ടാം സ്ഥാ​ന​ത്ത് എ​ത്തി​യെ​ന്ന​ത് ചെ​റി​യ കാ​ര്യ​മ​ല്ല.

കോ​വി​ഡ് മ​ഹാ​മാ​രി​യു​ടെ കാ​ല​ത്തും ര​ണ്ടു പ്ര​ള​യ കാ​ല​ത്തും മു​ഖ്യ​മ​ന്ത്രി​യു​ടെ നേ​തൃ​ത്വ​ത്തി​ൽ ന​ട​ത്തി​യ ക്ഷേ​മ​പ്ര​വ​ർ​ത്ത​ന​ങ്ങ​ൾ അ​വ​രു​ടെ വി​ജ​യ​ത്തി​നു വ​ലി​യ തു​ണ​യാ​യി മാ​റി​യെ​ന്നും ജോ​ർ​ജ് കൂ​ട്ടി​ച്ചേ​ർ​ത്തു.

നി​യ​മ​സ​ഭാ തിര​ഞ്ഞെ​ടു​പ്പി​ല്‍ സ​മീ​പ​കാ​ല ച​രി​ത്ര​ത്തി​ലെ ഏ​റ്റ​വും വ​ലി​യ തി​രി​ച്ച​ടി നേ​രി​ട്ട യു.​ഡി.​എ​ഫ്​ ക​ഴി​ഞ്ഞ​ത​വ​ണ​ത്തെ അം​ഗ​ബ​ലം​പോ​ലും നേ​ടാ​നാ​കാ​തെ ദ​യ​നീ​യാ​വ​സ്ഥ​യി​ലാ​യി. യു.ഡി.എഫിന്റെ കക്ഷിനില 47-ൽ നിന്നാണ് 41 ആയി കുറഞ്ഞത്. കോൺഗ്രസിന് കഴിഞ്ഞതവണയുണ്ടായിരുന്ന 22-ൽ ഒന്നുകുറഞ്ഞു. മുസ്‌ലിംലീഗിന്റെ സീറ്റ് 18-ൽനിന്ന് 15 ആയി. യു​വാ​ക്ക​ൾ ഉ​ൾ​പ്പെ​ടെ പ​കു​തി​യി​ലേ​റെ പു​തു​മു​ഖ​ങ്ങ​ളെ രം​ഗ​ത്തി​റ​ക്കി​യി​ട്ടും ക​ഴി​ഞ്ഞ അ​ഞ്ചു​വ​ർ​ഷ​ക്കാ​ലം പ്ര​തി​പ​ക്ഷ​ത്തെ ന​യി​ച്ച കോ​ൺ​ഗ്ര​സി​ന്​ പ്ര​തീ​ക്ഷി​ച്ച വി​ജ​യം നേ​ടാ​ൻ ക​ഴി​ഞ്ഞി​ല്ലെ​ന്ന്​ മാ​ത്ര​മ​ല്ല എ​തി​ർ​പ​ക്ഷ​ത്തി​െൻറ അം​ഗ​ബ​ല​ത്തി​ന്​ സ​മീ​പ​ത്തു​പോ​ലും എ​ത്താ​നും സാ​ധി​ച്ചി​ട്ടി​ല്ല. ഈ ​തിരി​ച്ച​ടി യു.​ഡി.​എ​ഫി​ല്‍ വ​ലി​യ പ്ര​തി​സ​ന്ധി​യു​ണ്ടാ​ക്കു​മെ​ന്ന്​ മാ​ത്ര​മ​ല്ല സം​സ്ഥാ​ന കോ​ണ്‍ഗ്ര​സി​ല്‍ വ​ലി​യ പൊ​ട്ടി​ത്തെ​റി​ക​ൾ​ക്കും​ വ​ഴി​വെ​ക്കും. അ​തി​നാ​ൽ നേ​തൃ​മാ​റ്റം ഉ​ള്‍പ്പെ​ടെ ആ​വ​ശ്യം പാ​ർ​ട്ടി​യി​ൽ ശ​ക്ത​മാ​കും.

സ്വാ​ധീ​ന​മേ​ഖ​ല​ക​ളി​ൽ​ പോ​ലും വ​ലി​യ തി​രി​ച്ച​ടി​യാ​ണ്​ യു.​ഡി.​എ​ഫി​​ന്​ നേ​രി​ടേ​ണ്ടി​വ​ന്നി​രി​ക്കു​ന്ന​ത്. മു​സ്​​ലിം​ലീ​ഗി​െൻറ സ്വാ​ധീ​ന​മേ​ഖ​ല​ക​ളി​ൽ ഒ​ഴി​കെ യു.​ഡി.​എ​ഫി​നെ കാ​ല​ങ്ങ​ളാ​യി പി​ന്തു​ണ​ച്ചി​രു​ന്ന മ​റ്റി​ട​ങ്ങ​ളി​ലെ​ല്ലാം ന്യൂ​ന​പ​ക്ഷ​വോ​ട്ടു​ക​ള്‍ അ​വ​രി​ല്‍നി​ന്ന്​ അ​ക​ന്നു​വെ​ന്ന്​ ഒ​റ്റ​നോ​ട്ട​ത്തി​ൽ വ്യ​ക്ത​മാ​ണ്. മ​ധ്യ​കേ​ര​ള​ത്തി​ലെ തി​രി​ച്ച​ടി ഇ​തി​ന്​ അ​ടി​വ​ര​യി​ടു​ന്നു. അ​തു​പോ​ലെ​ത​ന്നെ ഭൂ​രി​പ​ക്ഷ​സ​മു​ദാ​യ​ത്തി​െൻറ വോ​ട്ടു​ക​ളും കാ​ര്യ​മാ​യി നേ​ടാ​ൻ യു.​ഡി.​എ​ഫി​ന്​ ക​ഴി​ഞ്ഞി​ട്ടി​ല്ല. ഇ​തെ​ല്ലാം കാ​ര്യ​മാ​യി ബാ​ധി​ച്ച​ത്​ ​കോ​ൺ​ഗ്ര​സി​നെ​യാ​ണ്. മാ​ത്ര​മ​ല്ല, ജ​ന​ങ്ങ​ൾ​ക്കി​ട​യി​ൽ ഇ​റ​ങ്ങി പ്ര​വ​ർ​ത്തി​ക്കു​ന്ന​തി​ന്​ പ​ക​രം സ​മു​ദാ​യ സം​ഘ​ട​ന​ക​ളെ ആ​ശ്ര​യി​ച്ചാ​ൽ ജ​യി​ക്കാ​മെ​ന്ന കോ​ൺ​ഗ്ര​സ്, യു.​ഡി.​എ​ഫ്​ നേ​തൃ​ത്വ​ങ്ങ​ളി​ലെ അ​മി​ത​പ്ര​തീ​ക്ഷ ശ​രി​യ​ല്ലെ​ന്ന്​ ഇൗ ​തെ​ര​ഞ്ഞെ​ടു​പ്പോ​ടെ കൂ​ടു​ത​ൽ തെ​ളി​ഞ്ഞി​രി​ക്കു​ക​യാ​ണ്.

ഭ​ര​ണ​ത്തി​ലേ​ക്ക് തി​രി​ച്ചു​വ​രാ​മെ​ന്ന പ്ര​തീ​ക്ഷ ത​ക​ര്‍ന്ന​തോ​ടെ യു.​ഡി.​എ​ഫി​െൻറ നി​ല​നി​ൽ​പി​നെ​പോ​ലും ബാ​ധി​ക്കു​ന്ന​ത​ര​ത്തി​ലേ​ക്ക്​ ഇ​നി കാ​ര്യ​ങ്ങ​ൾ എ​ത്തി​യേ​ക്കാം. സ്വ​ന്തം കോ​ട്ട​ക​ളി​ല്‍പോ​ലും മു​സ്​​ലിം​ലീ​ഗി​​ന്​ തി​രി​ച്ച​ടി​യു​ണ്ടാ​യ സാ​ഹ​ച​ര്യ​ത്തി​ല്‍ മു​ന്ന​ണി​യു​ടെ ഘ​ട​ന​യി​ല്‍ മാ​റ്റം​വ​ന്നേ​ക്കാ​മെ​ന്ന ആ​ശ​ങ്ക​യും ഉ​യ​ർ​ന്നു​ക​ഴി​ഞ്ഞു. സീ​റ്റു​ക​ൾ വാ​ശി​യോ​ടെ പി​ടി​ച്ചു​വാ​ങ്ങി​യെ​ങ്കി​ലും പ്ര​തീ​ക്ഷി​ച്ച വി​ജ​യം സം​ഭാ​വ​ന ചെ​യ്യാ​ത്ത കേ​ര​ള കോ​ൺ​ഗ്ര​സ്​ ജോ​സ​ഫ് ഗ്രൂ​പ്പി​ൻറ മു​ന്ന​ണി​യി​ലെ നി​ല​നി​ല്‍പ്പും ചോ​ദ്യ​ചി​ഹ്ന​മാ​യി മാ​റും. ഇ​പ്പോ​ഴ​ത്തെ സാ​ഹ​ച​ര്യ​ത്തി​ൽ പഴയ ശൈ​ലി​യു​മാ​യി മു​ന്നോ​ട്ടു​പോ​കാ​ൻ ഇ​നി നേ​തൃ​ത്വ​ത്തി​ന്​ സാ​ധി​ക്കു​മെ​ന്ന്​ ക​രു​താ​നാ​കി​ല്ല.

നിയമസഭാ തിരഞ്ഞെടുപ്പിൽ അട്ടിമറി വിജയം പ്രതീക്ഷിച്ച്, സംപൂജ്യർ ആയതിന്റെ ഞെട്ടലിലാണ് ബിജെപി. കയ്യിൽ ഉണ്ടായിരുന്ന നേമം പോയത് അടക്കം ദേശീയ നേതൃത്വത്തിന് മുന്നിൽ വിശദീകരിക്കൻ സംസ്ഥാന അധ്യക്ഷൻ കെ സുരേന്ദ്രൻ പാട് പെടും. മത്സരിച്ച രണ്ടിടത്തെ തോൽവിയോടെ സുരേന്ദ്രന്റെയും നില പരുങ്ങലിൽ ആയി. സംസ്ഥാന പ്രസിഡന്റിനെതിരായ പോര് ഇനിയും കൂടുതൽ ശക്തമാകും.

പ്രതീക്ഷിച്ച സീറ്റുകളിൽ വിജയിക്കാൻ സാധിച്ചില്ലെന്നും എൻഡിഎക്ക് വിജയപ്രതീക്ഷയുള്ള മണ്ഡലങ്ങളിൽ മുസ്ലിം വോട്ടുകളുടെ ധ്രുവീകരണമുണ്ടായെന്നുമായിരുന്നു വോട്ടെടുപ്പിന് ശേഷം സുരേന്ദ്രന്റെ പ്രതികരണം. രണ്ടാം സ്ഥാനത്തേക്ക് എത്തിയ പാലക്കാടും നേമത്തും മഞ്ചേശ്വരത്തുമെല്ലാം വർഗീയ ധ്രുവീകരണമുണ്ടായെന്നും സുരേന്ദ്രൻ ആരോപിക്കുന്നു. എൻഡിഎയെ പരാജയപ്പെടുത്താൻ ആസൂത്രിതമായ നീക്കം നടന്നുവെന്നും സുരേന്ദ്രൻ ആരോപിക്കുന്നു. എന്നാൽ ഇത്തരം ആരോപണങ്ങൾ കൊണ്ട് മാത്രം മറുപടി പറയാനാകില്ലെന്നാണ് പാർട്ടിക്കുള്ളിൽ നിന്നും തന്നെ ലഭിക്കുന്ന സൂചന.

ഞായറാഴ്ച്ച രാവിലെ ഏഴരമണിയോടെ വോട്ടെണ്ണലിന് സമാന്തരമായി റിപ്പോർട്ടർ ചാനലിൽ ആരംഭിച്ച അവലോകനത്തിൽ നെടുനായകത്വം വഹിച്ച് നിൽക്കവെയാണ് അമ്മയുടെ മരണവാർത്ത നികേഷ് അറിയുന്നത്. എന്നാൽ പ്രോഗ്രാം തുടരാതിരിക്കാൻ അദ്ദേഹത്തിന് കഴിയുമായിരുന്നില്ല. തന്റെ മുറിയിൽ ഒന്നു പോയിവന്ന നികേഷ് തന്റെ ജോലിയിൽ വ്യാപൃതനായി. വൈകിട്ട് ആറോടെ വിമാനത്തിൽ കണ്ണൂരിലേക്ക് തിരിച്ചു.

കടുത്ത വിഷാദം ഉള്ളിലൊതുക്കി ഒരു പകൽമുഴുവനും തന്റെ കടമ ചെയ്തുതീർത്ത സഹപ്രവർത്തകന്റെ വേദനയിൽ മാദ്ധ്യമപ്രവർത്തകരെല്ലാവരും പങ്കുചേരുകയാണ്.

കേരളത്തിൽ കമ്യൂണിസ്റ്റ് പ്രസ്ഥാനം കെട്ടിപ്പടുത്ത ഏറ്റവും മുതിർന്ന നേതാക്കളിൽ ഒരാളായ എംവി രാഘവന്റെയും സി വി ജാനകിയമ്മയുടെയും മൂന്നാമത്തെ മകനാണ് നികേഷ്കുമാർ. സിപിഎമ്മുമായുള്ള ബന്ധം ഉപേക്ഷിച്ച് സിഎംപി സ്ഥാപിച്ചതിനുശേഷവും നിയമസഭയിൽ ശക്തസാന്നിദ്ധ്യമായിരുന്ന എംവി രാഘവൻ 2014- ലാണ് ജീവിതത്തോടു വിടപറഞ്ഞത്.

തിരുവനന്തപുരം മെഡിക്കൽ കോളേജ് മോർച്ചറിയിൽ സൂക്ഷിച്ചിരുന്ന കോവിഡ് രോഗിയുടെ മൃതദേഹം കാണാനില്ലെന്ന് പരാതി. നെയ്യാറ്റിൻകര സ്വദേശി പ്രസാദിന്റെ മൃതദേഹമാണ് കാണാതായത്. മെഡിക്കൽ കോളേജ് പൊലീസിൽ പ്രസാദിന്റ ബന്ധുക്കൾ പരാതി നൽകി.

മോർച്ചറിയിൽ പ്രസാദ് എന്ന പേരിൽ മറ്റൊരു മൃതദേഹം കൂടി ഉണ്ടായിരുന്നു. രണ്ട് പേരും കോവിഡ്‌ പോസിറ്റീവ്‌ ആയിരുന്നു. ഇത് മാറി കൊണ്ട് പോയതാണെന്ന് മെഡിക്കൽ കോളേജ് അധികൃതർ അറിയിച്ചതായി കുടുംബം പറയുന്നു. മൃതദേഹം മാറി സംസ്കരിച്ചതായാണ് വിവരമെന്ന് നെയ്യാറ്റിൻകര എംഎൽഎ കെ ആൻസലൻ പറഞ്ഞു.

മോർച്ചറിയിൽ മൃതദേഹം കൈകാര്യം ചെയ്തവർക്ക് പറ്റിയ പിഴവാണ് എന്നാണ് മനസ്സിലാക്കുന്നത്. മെഡിക്കൽ കോളേജ് അധികൃതരുമായി ബന്ധപ്പെട്ടെന്നും കാര്യങ്ങൾ പരിശോധിക്കുമെന്നും എംഎൽഎ കൂട്ടിച്ചേര്‍ത്തു.

കേരള കോൺഗ്രസ് (ബി) ചെയർമാനും മുന്നാക്ക വികസന കോർപ്പറേഷൻ ചെയർമാനുമായ ആർ ബാലകൃഷ്‌ണ പിളള (86) അന്തരിച്ചു.കൊട്ടാരക്കരയിലെ സ്വകാര്യ ആശുപത്രിയിലായിരുന്നു അന്ത്യം. വാർദ്ധക്യസഹജമായ അസുഖങ്ങളെ തുടർന്ന് ചികിത്സയിലായിരുന്നു.കേരള കോൺഗ്രസ് (ബി) സ്ഥാപക നേതാവാണ്. മന്ത്രി, എം പി, എം എൽ എ, പഞ്ചായത്ത് പ്രസിഡന്റ് തുടങ്ങി നിരവധി മേഖലകളിൽ പ്രവർത്തിച്ച അദ്ദേഹം ദീർഘകാലം കൊട്ടാരക്കര മണ്ഡലത്തെ പ്രതിനിധീകരിച്ചിട്ടുണ്ട്.

കീഴൂട്ട് രാമൻ പിളളയുടെയും കാർത്ത്യായനിയമ്മയുടെയും മകനായി കൊട്ടാരക്കരയിൽ 1935ലായിരുന്നു ജനനം. വിദ്യാർത്ഥിയായിരിക്കെ രാഷ്ട്രീയത്തിൽ എത്തിയ ബാലകൃഷ്‌ണ പിളള കെ പി സി സി നിർവ്വാഹക സമിതിയിലും എ ഐ സി സിയിലും അംഗമായിരുന്നു. ഒരേ സമയം മന്ത്രിയും പഞ്ചായത്ത് പ്രസിഡന്റുമായിരുന്ന വ്യക്തി എന്ന അപൂർവ്വതയും പിളളയുടെ പേരിലാണ്.

1963 മുതൽ തുടർച്ചയായി 27 വർഷം ഇടമുളയ്‌ക്കൽ ഗ്രാമപഞ്ചായത്ത് പ്രസിഡന്റായിരുന്ന അദ്ദേഹം 11 വർഷം കൊട്ടാരക്കര ഗ്രാമപഞ്ചായത്ത് പ്രസിഡന്റ് സ്ഥാനവും വഹിച്ചു. സി അച്യുതമേനോൻ മന്ത്രിസഭയിൽ ഗതാഗത, എക്സൈസ്, ജയിൽ വകുപ്പ് മന്ത്രിയായി ആദ്യമായി മന്ത്രിസ്ഥാനത്തെത്തിയ ബാലകൃഷ്‌ണ പിളള 1980-82, 82-85, 86-87 കാലഘട്ടങ്ങളിൽ വൈദ്യുതിവകുപ്പ് മന്ത്രിയായിട്ടുണ്ട്. 1991-95, 2001-2004 കാലഘട്ടത്തിൽ ഗതാഗതവകുപ്പ് മന്ത്രിയായും സേവനമനുഷ്ഠിച്ചു.

1971ൽ പാർലമെന്റിലേക്ക് തിരഞ്ഞെടുക്കപ്പെട്ട ബാലകൃഷ്‌ണ പിളള 1960, 1965,1977,1980,1982,1987,1991, 1996, 2001 എന്നീ വർഷങ്ങളിൽ കേരള നിയമസഭയിലേക്കും തിരഞ്ഞെടുക്കപ്പെട്ടു. വിവാദമായ പഞ്ചാബ് മോഡല്‍ പ്രസംഗത്തിന്റെ പേരില്‍ 85-ല്‍ മന്ത്രിസ്ഥാനം നഷ്ടപ്പെട്ടു. കൂറുമാറ്റ നിരോധന നിയമപ്രകാരം ശിക്ഷിക്കപ്പെട്ട ആദ്യ നിയമസഭാംഗവും, അഴിമതി കേസില്‍ ശിക്ഷിക്കപ്പെടുന്ന കേരളത്തിലെ ആദ്യമന്ത്രിയും ബാലകൃഷ്ണപിള്ളയാണ്.

പരേതയായ ആർ വത്സലയാണ് ഭാര്യ. മുൻ മന്ത്രിയും ചലച്ചിത്ര താരവുമായി ഗണേഷ് കുമാർ മകനാണ്. ഉഷാ മോഹൻ ദാസ്, ബിന്ദു ബാലകൃഷ്‌ണൻ എന്നിവർ മക്കളാണ്. കെ മോഹൻദാസ്, ടി ബാലകൃഷ്‌ണൻ, ബിന്ദു മേനോൻ എന്നിവർ മരുമക്കളാണ്. വാളകത്തെ തറവാട്ട് വീട്ടിൽ ഉച്ചയ്ക്ക് ശേഷം സംസ്‌കാരം നടക്കും.