തിരുവനന്തപുരം വെള്ളറടയില് ഭര്തൃമതിയായ യുവതി ജീവനൊടുക്കിയ സംഭവത്തില് വന് ട്വിസ്റ്റ്. യുവതി നാല് വര്ഷമായി യുവതി മറ്റൊരു യുവാവുമായി പ്രണയത്തിലായിരുന്നു. പ്രണയബന്ധം കമുകന് യുവതിയുടെ ഭര്ത്താവിനെ അറിയിച്ചു. ഇതോടെ കുടുംബ ബന്ധം തകരുമെന്ന് മനസിലായ യുവതി കാമുകന് വീഡിയോ ലൈവില് ഇട്ട ശേഷം ജീവനൊടുക്കുകയായിരുന്നു. ഇതോടെ രക്ഷപ്പെടാന് ശ്രമിച്ച കാമുകനെ പോലീസ് പിടികൂടുകയും ചെയ്തു.
വെള്ളറട കുന്നത്തുകാല് ചീരംകോട് പള്ളിവാതില്ക്കല് വീട്ടില് ഷെറിന് ഫിലിപ്പിന്റെ ഭാര്യ ഗോപിക എന്ന 29കാരിയാണ് കഴിഞ്ഞ ദിവസം വീട്ടില് തൂങ്ങി മരിച്ചത്. ഇതുമായി ബന്ധപ്പെട്ട് പൂവാര് പരിണയം സ്വദേശി വിഷ്ണുവിനെ പൊലീസ് കസ്റ്റഡിയിലെടുത്തു. വിവാഹിതയും മൂന്ന് വയസുള്ള കുട്ടിയുടെ അമ്മയുമായ ഗോപിക നാല് വര്ഷം വിഷ്ണുവുമായി പ്രണയത്തിലായിരുന്നു. അടുത്തിടെ ഗോപികയുമായുള്ള ബന്ധം സൂചിപ്പിച്ച് വിഷ്ണു യുവതിയുടെ ഭര്ത്താവിന് വാട്സ്ആപ്പ് സന്ദേശം അയച്ചു. ഇതിന്റെ സ്ക്രീന്ഷോട്ട് വിഷ്ണു ഗോപികയ്ക്കും അച്ചു. തുടര്ന്ന് കുടുംബം തകരുമെന്ന ഭയത്താല് ഗോപിക ജീവനൊടുക്കുകയായിരുന്നു എന്നാണ് റിപ്പോര്ട്ട്.
ഗോപികയും വിഷ്ണുമായി സാമ്പത്തിക ഇടപാടുകളും നടന്നിരുന്നു. താന് മരിക്കാന് തീരുമാനിച്ച വിവരം ഗോപിക വിഷ്ണുവിനോട് ലൈവ് വീഡിയോയിലൂടെ അറിയിച്ചു. ഇയാള് ഉടന് ബൈക്കില് ഗോപികയുടെ വീട്ടിലെത്തി. പൂട്ടി കിടന്ന വീടിന്റെ ജനല് ചില്ല് തകര്ത്ത് പരിശോധിച്ചപ്പോഴാണ് തൂങ്ങിയ നിലയില് ഗോപികയെ കണ്ടെത്തിയത്. ഉടന് തന്നെ യുവതിയെ വിഷ്ണു കാരക്കോണം മെഡിക്കല് കോളേജ് ആശുപത്രിയില് എത്തിച്ചു. എന്നാല് മരണം സംഭവിച്ചിരുന്നു. യുവതിയെ ആശുപത്രിയില് എത്തിച്ചശേഷം രക്ഷപ്പെടാന് ശ്രമിച്ച വിഷ്ണുവിനെ ആശുപത്രി ജീവനക്കാരും നാട്ടുകാരും ചേര്ന്ന് പൊലീസില് ഏല്പ്പിക്കുക ആയിരുന്നു. വാട്സ് അപ്പ് വഴി ഇവര് തൂങ്ങിനില്ക്കുന്ന ദൃശ്യം കണ്ടാണ് പൂവാറില് നിന്ന് ബൈക്കിലെത്തി വീടിന്റെ വാതില് ചവിട്ടിത്തുറന്ന് ആശുപത്രിയിലെത്തിച്ചതെന്ന് വിഷ്ണു പൊലീസിന് മൊഴിനല്കി.
സമീപത്തെ സ്റ്റാന്ഡില് നിന്ന് ഓട്ടോറിക്ഷവിളിച്ച് ഡ്രൈവറുടെ സഹായത്തോടെ കാരക്കോണത്തെ സ്വകാര്യ ആശുപത്രിയിലെത്തിച്ചുവെങ്കിലും മരണം സ്ഥിരീകരിച്ചു, എന്നാല് ആശുപത്രയില് എത്തിയ വിഷ്ണുവിന്റെ പെരുമാറ്റത്തില് സംശയം തോന്നിയ ആശുപത്രി ജീവനക്കാരും നാട്ടുകാരും ചേര്ന്ന് ആണ് സംഭവത്തിന് പിന്നാലെ രക്ഷപ്പെടാന് ശ്രമിച്ച കാമുകനെ പിടികൂടിയത്. ആത്മഹത്യാ പ്രേരണക്കുറ്റം ചുമത്തി ആണ് വിഷ്ണുവിനെ അറസ്റ്റ് ചെയ്തിരിക്കുന്നത് ,നാലുവര്ഷമായി ഇരുവരും തമ്മില് പ്രണയത്തിലായിരുന്നു എന്നും ഈ വിവരം ഭര്ത്താവിനെ വിഷ്ണു അറിയിച്ചതിനെ തുടര്ന്ന് ഗോപിക ജീവനൊടുക്കുമെന്ന് പറഞ്ഞിരുന്നതായും വിഷ്ണു പൊലീസിനോട് പറഞ്ഞു. സംഭവം നടക്കുമ്പോള് വര്ക്ക്ഷോപ്പ് തൊഴിലാളിയായ ഭര്ത്താവ് വീട്ടിലുണ്ടായിരുന്നില്ല.
കൊച്ചി: വീട്ടിൽ കളിക്കാൻ വന്ന അയൽപക്കത്തെ പതിമൂന്നുകാരനെ ഒരു വർഷത്തോളമായി വീട്ടമ്മ ലൈംഗികമായി പീഡിപ്പിച്ചുവെന്ന് പരാതി. കൊച്ചി പുത്തൻവേലിക്കര സ്വദേശിനിയായ 37 കാരിക്കെതിരെയാണ് കുട്ടിയും രക്ഷിതാക്കളും പരാതി നൽകിയിരിക്കുന്നത്. സംഭവത്തിൽ പൊലീസ് പോക്സോ വകുപ്പ് പ്രകാരം കേസെടുത്തതോടെ യുവതി ഒളിവിലാണ്.
ആദ്യ കുർബാന സ്വീകരണത്തോടനുബന്ധിച്ച് പതിമൂന്നുകാരൻ പള്ളിയിൽ ധ്യാനം കൂടിയപ്പോഴാണ് പീഡന വിവരം പുറത്തു വരുന്നത്. ലൈംഗിക പീഡനങ്ങളെ കുറിച്ച് ധ്യാനത്തിൽ ക്ലാസെടുത്തതോടെയാണ് തന്നെ വീട്ടമ്മ ഇത്തരത്തിൽ പീഡിപ്പിക്കുകയായിരുന്നുവെന്ന് കുട്ടി തിരിച്ചറിഞ്ഞത്. തുടർന്ന് കുട്ടി വീട്ടിൽ വിവരം പറയുകയായിരുന്നു.
37 കാരി വീട്ടമ്മയുടെ വീട്ടിൽ കുട്ടി ഇടക്കിടെ കളിക്കാൻ പോകുമായിരുന്നു. ഈ സമയത്ത് ആളില്ലാത്ത അവസരം നോക്കി കുട്ടിയെ ഇവർ പ്രകൃതി വിരുദ്ധമായി പീഡിപ്പിക്കുകയായിരുന്നു. ഒരു വർഷമായി ഇവർ കുട്ടിയെ ഇത്തരത്തിൽ ഉപയോഗിച്ചുവന്നു. എന്നാൽ കുട്ടിക്ക് ഇത് പീഡനമാണെന്ന് മനസിലായിരുന്നില്ല. ധ്യാനത്തിൽ പങ്കെടുത്തതോടെ ആന്റി തന്നോട് കാട്ടിയ കാര്യങ്ങൾ മനസിലാക്കിയ കുട്ടി വീട്ടിൽ വിവരം പറയുകയും രക്ഷിതാക്കളുടെ സഹായത്തോടെ പൊലീസിൽ പരാതിപ്പെടുകയുമായിരുന്നു.
പീഡനത്തിനു പുറമേ വീട്ടമ്മ കുട്ടിയുടെ പക്കൽ നിന്നും പോക്കറ്റ് മണിയായി നൽകിയ പണം അപഹരിച്ചതായും പരാതിയിൽ പറയുന്നുണ്ട്. ഒളിവിലുള്ള വീട്ടമ്മ മുൻകൂർ ജാമ്യത്തിനു ശ്രമിക്കുകയാണെന്നാണ് വിവരം.
ഷെറിൻ പി യോഹന്നാൻ
ചെന്നൈയിലെ ഒരു എഞ്ചിനീയറിംഗ് കോളേജിലേക്ക് നാലു വർഷത്തെ പഠനത്തിനായി എത്തുന്ന അരുൺ നീലകണ്ഠനെന്ന പതിനേഴുകാരനിലൂടെയാണ് വിനീത് ശ്രീനിവാസൻ ‘ഹൃദയം’ തുറക്കുന്നത്. അരുണിന്റെ കോളേജ് ജീവിതം മുതൽ വിവാഹജീവിതത്തിന്റെ ആദ്യഘട്ടം വരെയുള്ള കാലത്തെ സ്ക്രീനിൽ നിറയ്ക്കുകയാണ് സംവിധായകൻ. കോളേജ് ലൈഫ്, സൗഹൃദം, പ്രണയം, വിരഹം, തിരിച്ചറിവുകൾ, വിവാഹം എന്നിവയെല്ലാം ഹൃദയത്തിന്റെ പ്രമേയത്തിൽ ഉൾപ്പെടും.
ഒരു കഥാപാത്രത്തിന്റെ വളർച്ചയെ അതിഭാവുകത്വമില്ലാതെയാണ് വിനീത് അവതരിപ്പിച്ചിരിക്കുന്നത്. കോളേജ് ജീവിതമാണ് ആദ്യ പകുതിയിലെ കാഴ്ച. രണ്ടാം പകുതിയിൽ ജീവിതത്തിന്റെ അർത്ഥം അറിയാൻ ശ്രമിക്കുന്ന അരുണിനെ നമുക്ക് കാണാം. വിനീത് ശ്രീനിവാസന്റെ കഥ അത്ര മികച്ചതല്ല. എന്നാൽ സാധാരണ കഥയെ പ്രേക്ഷകനുമായി കൂട്ടിയിണക്കുന്നിടത്താണ് വിനീതെന്ന സംവിധായകനും തിരക്കഥാകൃത്തും വിജയിക്കുന്നത്.
ഹിഷാം അബ്ദുള് വഹാബിന്റെ സംഗീതവും വിനീതിന്റെ പ്രണവ് മോഹൻലാൽ കഥാപാത്രവുമാണ് ഹൃദയത്തിന്റെ USP. ദർശന എന്ന ഗാനമൊഴികെ മറ്റെല്ലാ ഗാനങ്ങളും സീനുകളോട് ചേർന്നൊഴുകുകയാണ്. ‘പാട്ടിനുവേണ്ടിയുള്ള സീനുകൾ’ എന്ന തോന്നൽ ഉണ്ടാകുന്നില്ല. ‘ഹൃദയ’ത്തിലെത്തുമ്പോൾ പ്രണവ് മോഹൻലാൽ എന്ന അഭിനേതാവ് ഏറെ മെച്ചപ്പെട്ടിട്ടുണ്ട്. ദർശനയുടെ കഥാപാത്ര സൃഷ്ടി മികച്ചുനിൽക്കുന്നു. ആന്റണി താടിക്കാരനും കാളിയും സെൽവയുമെല്ലാം പ്രേക്ഷകനുമായി കണക്ട് ആവുന്ന കഥാപാത്രങ്ങളാണ്.
കോൺഫ്ലിക്ടുകൾ ഒഴിഞ്ഞ രണ്ടാം പകുതിയിലാണ് കല്യാണിയുടെ കഥാപാത്രം എത്തുന്നത്. അതിനാൽ വലിയ ആഴമൊന്നും ആ കഥാപാത്രത്തിന് കൈവരുന്നില്ല. ക്യാമ്പസ് ലൈഫും പ്രണയവും വിരഹവും ഫ്രഷ് ആയ യാതൊന്നും സമ്മാനിക്കുന്നില്ല. പ്രേക്ഷകൻ ഇഷ്ടപ്പെടുന്ന കഥാപാത്രത്തിന്റെ മരണവും മകന് അച്ഛൻ നൽകുന്ന ഉപദേശവും എന്ന് തുടങ്ങി, പ്രെഡിക്റ്റബിൾ ആയ പല ക്ളീഷേ രംഗങ്ങളും ചിത്രത്തിലുണ്ട്. എന്നാൽ ഇമോഷൻസിനെ കൂട്ടുപിടിച്ചുള്ള കഥപറച്ചിലിൽ ഇത് കല്ലുകടിയായി മാറുന്നില്ലെന്നതാണ് പ്രധാനം.
രണ്ടാം പകുതിയിൽ പല വിവാഹ രംഗങ്ങളിലായി കഥ നീളുന്നതായി അനുഭവപ്പെട്ടു. ഒരു Coming of age ഡ്രാമയിൽ കേന്ദ്ര കഥാപാത്രത്തിന്റെ വളർച്ചയും, സംഭവിക്കുന്ന മാറ്റങ്ങളും പ്രേക്ഷകനെ സ്വാധീനിക്കുന്ന വിധത്തിൽ അവതരിപ്പിക്കണം. അതിൽ വിനീത് ശ്രീനിവാസൻ വിജയിച്ചിട്ടുണ്ട്. കണക്ട് ചെയ്യാൻ പറ്റുന്ന രംഗങ്ങളിലൂടെ പ്രേക്ഷകനെ പിടിച്ചിരുത്തുന്നിടത്താണ് ‘ഹൃദയം’ സ്വീകാര്യത നേടുന്നത്.
Last Word – പെർഫെക്ട് ആയ ചലച്ചിത്ര സൃഷ്ടിയല്ല ‘ഹൃദയം’. പുതുമയുള്ള കഥയോ കഥാപാത്രങ്ങളോ സിനിമ ഓഫർ ചെയ്യുന്നില്ല. എന്നാൽ ഇമോഷൻസിനെ ചേർത്തുനിർത്തിയുള്ള വിനീതിന്റെ കഥപറച്ചിലിലാണ് ചിത്രം പ്രേക്ഷകനുമായി വൈകാരിക ബന്ധം സ്ഥാപിക്കുന്നത്. അവിടെയാണ്, പ്രണയത്തെക്കാൾ ഉപരിയായി വിരഹവും സൗഹൃദവും ജീവിതവും തീവ്രമായി അവതരിപ്പിക്കുന്ന ‘ഹൃദയം’ ഹൃദ്യമായ അനുഭവമാകുന്നത്.
കുറ്റിപ്പുറം: യുട്യൂബ് ചാനലില് പാട്ട് പാടിപ്പിക്കാനായി കൂട്ടിക്കൊണ്ടുപോയ 12-കാരനെ പൊതുപ്രവര്ത്തകന് ഉള്പ്പെടെയുള്ളവര് പീഡനത്തിനിരയാക്കിയത് 20-ലേറേ തവണ. പൊതുപ്രവര്ത്തകനായ പാറമ്മല് ഉസാമ(47) പട്ടിക്കാട് വെള്ളമേല് തിരുത്തായംപുറത്ത് ഉമ്മര് (55), ചോലക്കാടന് ഉമ്മര് (36) എന്നിവരാണ് പ്രായപൂര്ത്തിയാകാത്ത കുട്ടിയെ പലതവണ പ്രകൃതിവിരുദ്ധ പീഡനത്തിനിരയാക്കിയത്. പ്രതികളായ മൂന്നുപേരെയും കഴിഞ്ഞദിവസം കുറ്റിപ്പുറം ഇന്സ്പെക്ടര് ശശീന്ദ്രന് മേലയിലിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തു. പോക്സോ നിയമപ്രകാരമാണ് ഇവര്ക്കെതിരേ കേസെടുത്തിരിക്കുന്നത്.
കുട്ടിയുടെ പെരുമാറ്റത്തില് സംശയംതോന്നിയ മാതാവ് കുട്ടിയെ ഡോക്ടറെ കാണിച്ചപ്പോഴാണ് മാസങ്ങളായി തുടരുന്ന പീഡനം പുറത്തറിഞ്ഞത്. വിശദമായി ചോദിച്ചപ്പോള് കുട്ടി തന്നെ എല്ലാം വെളിപ്പെടുത്തുകയായിരുന്നു.
പ്രതികളിലൊരാളായ ചോലക്കാടന് ഉമ്മര് ഒരു യൂട്യൂബ് ചാനല് നടത്തുന്നുണ്ട്. ഈ ചാനലില് പാട്ട് പാടാന് അവസരം നല്കാമെന്ന് പറഞ്ഞാണ് പ്രതികള് കുട്ടിയുടെയും കുടുംബത്തിന്റെയും വിശ്വാസം നേടിയെടുത്തത്. പിന്നീട് കുട്ടിയെ വീട്ടില്നിന്ന് പലയിടങ്ങളിലേക്ക് കൊണ്ടുപോയി പീഡിപ്പിക്കുകയായിരുന്നു.
യൂട്യൂബ് വീഡിയോ ചിത്രീകരിക്കാനും പാട്ട് പാടിപ്പിക്കാനെന്നും പറഞ്ഞാണ് കുട്ടിയെ വീട്ടില്നിന്ന് കൂട്ടിക്കൊണ്ടുപോയിരുന്നത്. കുടുംബത്തിന്റെ വിശ്വാസം നേടിയെടുത്തതിനാല് പലപ്പോഴും കുട്ടിയെ തനിച്ചാണ് കൊണ്ടുപോയത്. എന്നാല് വീഡിയോ ചിത്രീകരണത്തിന്റെ പേരില് കുട്ടിയെ ക്രൂരമായ ലൈംഗികപീഡനത്തിനിരയാക്കുകയായിരുന്നു.
കുറ്റിപ്പുറത്ത് ഭാരതപ്പുഴയ്ക്ക് കുറുകെയുള്ള പാലത്തിന് താഴെവെച്ചും പെരിന്തല്മണ്ണയില്വെച്ചും പ്രതികള് കുട്ടിയെ പീഡിപ്പിച്ചിട്ടുണ്ടെന്നാണ് പോലീസ് പറയുന്നത്. വേങ്ങൂരിലെ തയ്യല്ക്കടയില്വെച്ചും ഒരു റബര് തോട്ടത്തില്വെച്ചും കുട്ടിയെ ഉപദ്രവിച്ചിരുന്നു. സംഭവം പുറത്തുപറയാതിരിക്കാന് പ്രതികള് കുട്ടിക്ക് മൊബൈല്ഫോണും പണവും നല്കിയിരുന്നു.
അറസ്റ്റിലായ ഉസാമ നാട്ടിലെ അറിയപ്പെടുന്ന പൊതുപ്രവര്ത്തകനാണ്. ചോലക്കാടന് ഉമ്മറാണ് യൂട്യൂബ് ചാനല് നടത്തുന്നത്. ഏകദേശം 2500-ലേറെ സബ്സ്ക്രൈബേഴ്സാണ് ഇയാളുടെ യൂട്യൂബ് ചാനലിനുള്ളത്. 15-ഓളം വീഡിയോകള് ഇതിനകം യൂട്യൂബ് ചാനലിലുണ്ട്.
പാലാ: വിവിധയിടപാടുകള് നടത്തി അഞ്ചുകോടിയുമായി മുങ്ങിയയാള് 14 വര്ഷത്തിനുശേഷം പിടിയില്. പാലാ നെച്ചിപ്പുഴൂര് മണ്ഡപത്തില് പി.കെ. മോഹന്ദാസ്(58) ആണ് ഡല്ഹിയിലെ രോഹിണിയില് പാലാ പോലീസിന്റെ പിടിയിലായത്. 14 വര്ഷമായി വിവിധ സംസ്ഥാനങ്ങളിലായി ഒളിവില് കഴിയുകയായിരുന്നു.
2008 കാലഘട്ടത്തില് പാലായിലെ എല്.ഐ.സി. ഏജന്റ് ആയിരുന്ന മോഹന്ദാസ് ഉപഭോക്താക്കളുടെ പോളിസി തുക അടയ്ക്കാതെ ചിട്ടി കമ്പനിയില് നിക്ഷേപിക്കുകയായിരുന്നു. തുടര്ന്ന് സ്വന്തം വീടും സ്ഥലവും വില്പനക്കായി പരസ്യപ്പെടുത്തി പലരുമായും കരാറുണ്ടാക്കി കോടികള് മുന്കൂറായി വാങ്ങിയെടുത്തു.
വഞ്ചിതരായവര് പാലാ പോലീസ് സ്റ്റേഷനില് നല്കിയ പരാതിയെത്തുടര്ന്ന് 2008-ല് പതിനഞ്ച് വഞ്ചനാകേസുകള് മോഹന്ദാസിനെതിരേ രജിസ്റ്റര് ചെയ്തിരുന്നു. തുടര്ന്ന് പാലാ പോലീസ് ഇയാളെ അറസ്റ്റുചെയ്തു.
കോടതിയില്നിന്ന് ജാമ്യം നേടിയ മോഹന്ദാസ് ഭാര്യയോടും മക്കളോടുമൊപ്പം ഒളിവില്പോയി. പാലാ ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി മോഹന്ദാസിനെ പിടികിട്ടാപ്പുള്ളിയായി പ്രഖ്യാപിച്ച് വാറന്റ് പുറപ്പെടുവിച്ചിരുന്നു.
സംഭവത്തെക്കുറിച്ച് പോലീസ് പറയുന്നതിങ്ങനെ:- ബി.കോം. ബിരുദധാരിയായ മോഹന്ദാസും ഭാര്യയും മൂന്ന് വര്ഷത്തോളം ലുധിയാനയില് അധ്യാപകരായി ജോലിചെയ്തു.
പിന്നീട് രണ്ടുവര്ഷം മോഹന്ദാസ് അവിടെയുള്ള അമ്പലത്തില് കഴകക്കാരനായി. ഈ സമയത്ത് ലുധിയാനയില് വാടകക്ക് താമസിച്ചിരുന്ന അഡ്രസ്സില് ഇയാള് ആധാര്കാര്ഡും സ്വന്തമാക്കി. 2013-ല് മോഹന്ദാസിനെ അന്വേഷിച്ച് പോലീസ് പഞ്ചാബില് എത്തി അന്വേഷണം നടത്തി. വിവരമറിഞ്ഞ മോഹന്ദാസ് ഡല്ഹിയിലേക്ക് കുടുംബസമേതം താമസം മാറ്റി.
ഡല്ഹിയില് പിറവം സ്വദേശി എന്ന് തെറ്റിദ്ധരിപ്പിച്ച് അമ്പലത്തില് അക്കൗണ്ടന്റ് ആയി ജോലിയില് പ്രവേശിക്കുകയായിരുന്നു. കുടുംബാംഗങ്ങളുമായോ നാടുമായോ യാതൊരു ബന്ധവുമില്ലായിരുന്നു. മൂന്നുമാസം മുന്പ് ജില്ലാ പോലീസ് മേധാവി ഡി.ശില്പയുടെ നിര്ദേശപ്രകാരം പാലാ ഡിവൈ.എസ്.പി. ഷാജു ജോസ് പുതിയ അന്വേഷണസംഘം രൂപവത്കരിച്ചു. അന്വേഷണത്തില് മോഹന്ദാസിന്റെ ഭാര്യയും മക്കളും വിദ്യാഭാസ ആവശ്യത്തിനായി പൊള്ളാച്ചിയിലേക്ക് താമസം മാറ്റിയതറിഞ്ഞു.
തുടര്ന്ന് കോട്ടയം സൈബര് സെല്ലിന്റെ സഹായത്തോടെ നിരവധി ഫോണ്േകാളുകള് പരിശോധിച്ച് ഡല്ഹിയിലെ ഒരു അമ്പലത്തിലെ നമ്പറില്നിന്ന് ഭാര്യക്കും മക്കള്ക്കും ഇടയ്ക്കിടെ കോളുകള് വരുന്നത് ശ്രദ്ധിച്ചിരുന്നു.
തുടര്ന്ന് ന്യൂഡല്ഹി കേന്ദ്രീകരിച്ച് അന്വേഷണം നടത്തിയ പോലീസ് കഴിഞ്ഞ എട്ടുവര്ഷമായി മോഹന്ദാസ് ഡല്ഹിയിലെ രോഹിണിയില് അമ്പലത്തില് അക്കൗണ്ടന്റായി ജോലി ചെയ്യുകയാണെന്ന് കണ്ടെത്തി.
പാലാ സി.ഐ. കെ.പി. ടോംസന്റെ നേതൃത്വത്തില് എ.എസ്.ഐ. ബിജു കെ.തോമസ്, സീനിയര് സിവില് പോലീസ് ഓഫീസര് ഷെറിന് സ്റ്റീഫന്, സിവില് പോലീസ് ഓഫീസര് സി. രഞ്ജിത്ത് എന്നിവര് ചേര്ന്നാണ് പ്രതിയെ പിടികൂടിയത്.
ഉമ്മന് ചാണ്ടിക്കെതിരായ പരാമര്ശത്തില് വി എസ് അച്യൂതാനന്ദന് നഷ്ടപരിഹാരം നല്കണമെന്ന കോടതി വിധിയില് പരിഹാസവുമായി മുന് എംഎസ്എഫ് ദേശീയ വൈസ് പ്രസിഡന്റ് ഫാത്തിമാ തഹ്ലിയ. ഉമ്മന്ചാണ്ടിയെ കുറിച്ച് പച്ചക്കള്ളം പറഞ്ഞതിന് കോടതി പിഴയിട്ട വി.എസ് അച്യുതാനന്ദന് സഹായ ഫണ്ടിലേക്ക് എന്റെ വക 5 രൂപ എന്നായിരുന്നു തഹ്ലിയയുടെ പരിഹാസം.
സത്യം ജയിക്കുമെന്ന് അറിയാവുന്നത് കൊണ്ട് ഭയമില്ലായിരുന്നു എന്നായിരുന്നു ഉമ്മന് ചാണ്ടിയുടെ പ്രതികരണം. ഞാന് മുഖ്യന്ത്രിയായിരുന്ന കാലത്ത് പ്രതിപക്ഷം നിരവധി ആക്ഷേപങ്ങള് ഉന്നയിച്ചു. തെറ്റ് ചെയ്തില്ലെന്ന് പൂര്ണ ബോധ്യമുണ്ട്. എത്ര കേസുകള്, എത്ര കമ്മിഷനുകള് വന്നു? സത്യം ജയിച്ചുവെന്ന് മനസിലായി. എന്റെ മനസാക്ഷിയാണ് എന്റെ ശക്തി. വിഎസിന്റെ പക്കല് നിന്ന് പണം വാങ്ങുന്നതിന് സമയമെടുക്കും. അപ്പീലൊക്കെ പോയി വരുമ്പോള് കാലതാമസമെടുക്കും. നേരത്തെ വന്ന വിധികള് പ്രകാരം കിട്ടാനുള്ള തുകയും കിട്ടിയില്ലെന്നും ഉമ്മന് ചാണ്ടി പ്രതികരിച്ചു.
സോളാര് കേസ് കത്തി നിന്ന 2013 ലാണ് കേസിനാസ്പദമായ സംഭവം നടന്നത്. അന്ന് ഒരു മാധ്യമത്തിന് പ്രതിപക്ഷ നേതാവായിരുന്ന വിഎസ് നല്കിയ അഭിമുഖത്തിലായിരുന്നു മുഖ്യമന്ത്രിയായിരുന്ന ഉമ്മന് ചാണ്ടിക്കെതിരെ ആരോപണം ഉന്നയിച്ചത്. ഉമ്മന് ചാണ്ടിയുടെ നേതൃത്വത്തില് കമ്പനിയുണ്ടാക്കി തട്ടിപ്പ് നടത്തിയെന്നായിരുന്നു ആരോപണം.
ഇതിനെതിരെ 2014 ലാണ് ഉമ്മന് ചാണ്ടി അപകീര്ത്തി കേസ് ഫയല് ചെയ്തത്. പ്രസ്താവന പിന്വലിക്കണമെന്ന് ആവശ്യപ്പെട്ട് ഉമ്മന് ചാണ്ടി സമര്പ്പിച്ച വക്കീല് നോട്ടീസില് ഒരു കോടി രൂപയായിരുന്നു ആവശ്യപ്പെട്ടത്. കേസ് കോടതിയില് ഫയല് ചെയ്തപ്പോള് 10,10,000 രൂപയാണ് നഷ്ടപരിഹാരമായി ആവശ്യപ്പെട്ടത്.
നഷ്ടപരിഹാരത്തിന് പുറമെ ഇതുവരെയുള്ള ആറ് ശതമാനം പലിശയും വിഎസ് അച്യുതാനന്ദന്, ഉമ്മന് ചാണ്ടിക്ക് നല്കണം. പക്ഷെ നിയമ പോരാട്ടം തുടരാനാണ് തീരുമാനമെന്ന് വിഎസിന്റെ അഭിഭാഷകന് അറിയിച്ചു.
എവ്ജെനിയ എന്ന റഷ്യക്കാരിയെയാണ് ബാബു ആന്റണി വിവാഹം ചെയ്തത്. തനിക്ക് ഒരു പ്രണയം ഉണ്ടായിരുന്നതായും വിവാഹം ചെയ്യാന് സാധിക്കാത്തതിനാല് ബാച്ചിലറായി തുടരാനാണ് ആഗ്രഹിച്ചിരുന്നതെന്നുമാണ് ബാബു ആന്റണി പറയുന്നത്.
കൈരളി ടിവിയിലെ ജെബി ജംഗഷനില് എത്തിയപ്പോഴുള്ള താരത്തിന്റെ വാക്കുകളാണ് വീണ്ടും വൈറലാകുന്നത്. സത്യം പറഞ്ഞാല് താന് ഒരിക്കലേ പ്രണയിച്ചിട്ടുള്ളൂ. അതൊരു ഇന്ത്യന് വനിതയായിരുന്നു. ഒരു ക്രോണിക് ബാച്ചിലറായി തുടരാനായിരുന്നു തന്റെ ആദ്യത്തെ തീരുമാനം.
അങ്ങനെ പോവുന്നതിനിടയിലാണ് ആ പെണ്കുട്ടിയുമായി പ്രണയത്തിലായത്. സിനിമയില് നിന്നായിരുന്നില്ല. കോളേജില് പഠിച്ചോണ്ടിരിക്കുന്ന പെണ്കുട്ടിയായിരുന്നു. ആ പെണ്കുട്ടിയെ കല്യാണം കഴിക്കാന് ആഗ്രഹിച്ചിരുന്നു. അതിന് വേണ്ടി ശ്രമിച്ചെങ്കിലും നടക്കാതെ പോയി.
അതിനാല് വീണ്ടും ബാച്ചിലറായി തുടരാന് തീരുമാനിക്കുകയായിരുന്നു. കല്യാണം കഴിക്കില്ല എന്നാണ് താന് തീരുമാനിച്ചിരുന്നത്. ഒരുപാട് പേര് തന്നെ പ്രണയിക്കുന്നുവെന്നും കല്യാണം കഴിക്കാന് ആഗ്രഹമുണ്ടെന്നുമൊക്കെ പറഞ്ഞ് വന്നിരുന്നു. താന് ഒരിക്കലും കാണാത്തവര് വരെ തന്നെ കല്യാണം കഴിക്കണമെന്ന് പറഞ്ഞിട്ടുണ്ട്.
ചിലരൊക്കെ ഫോണില് വിളിച്ച് പറഞ്ഞിട്ടുണ്ട്. തന്നെ കല്യാണം കഴിച്ചില്ലെങ്കില് അത് ചെയ്യും, ഇത് ചെയ്യും എന്നൊക്കെ പറഞ്ഞവരുമുണ്ട്. നിങ്ങളെ അറിയില്ല എന്നാണ് താന് പറഞ്ഞിട്ടുള്ളത്. പഠിച്ചോണ്ടിരുന്ന സമയത്തുണ്ടായിരുന്ന ഒരു പ്രണയം മാത്രമേ ജീവിതത്തിലുള്ളൂ.
വളരെ വേദന തോന്നിയൊരു കാര്യമാണത്. കുറേക്കാലം അത് വേട്ടയാടിയിരുന്നു. ഭാര്യയെ കണ്ടുമുട്ടും വരെ അതെന്നെ വേട്ടയാടിയിരുന്നു എന്നാണ് ബാബു ആന്റണി പറയുന്നത്. അതേസമയം, എവ്ജെനിയയെ യുഎസിലെ ഒരു ക്രിസ്മസ് പാര്ട്ടിക്കിടെയാണ് കണ്ടുമുട്ടിയതെന്നും ബാബു ആന്റണി പറയുന്നുണ്ട്.
ഉദ്യോഗസ്ഥരെ കൊലപ്പെടുത്താൻ ഗൂഢാലോചന നടത്തിയെന്ന കേസിൽ നടൻ ദിലീപ് ഉൾപ്പടെയുള്ളവരുടെ ചോദ്യം ചെയ്യൽ തുടരുന്നു. സംവിധായകൻ ബാലചന്ദ്രകുമാർ മാധ്യമങ്ങളിലൂടെ പുറത്തുവിട്ട തെളിവുകളുടെ അടിസ്ഥാനത്തിലാണ് ചോദ്യംചെയ്യൽ നടക്കുന്നത്. അതുകൊണ്ടുതന്നെ പ്രതികൾക്ക് ഇതനുസരിച്ച് തയ്യാറെടുപ്പുകൾ നടത്താൻ സാധിച്ചിട്ടുണ്ട്. ഇതിനെ പൊളിക്കാനാണ് അന്വേഷണസംഘത്തിന്റെ ശ്രമം.
ഗൂഢാലോചന സംബന്ധിച്ച ഡിജിറ്റൽ തെളിവുകളാണ് കോടതിയിൽ സമർപ്പിച്ചിരിക്കുന്നത്. ഈ ഡിജിറ്റൽ തെളിവുകളിലുള്ളത് പ്രതികൾ തന്നെയെന്ന് ഉറപ്പുവരുത്തുന്നതിന്റെ ഭാഗമായി സംവിധായകരായ റാഫി, അരുൺഗോപി എന്നിവരെ തിങ്കളാഴ്ച ക്രൈംബ്രാഞ്ച് ഓഫീസിൽ വിളിച്ചുവരുത്തിയിരുന്നു. ഇരുവരും സുഹൃത്തുക്കളായ പ്രതികളുടെ ശബ്ദം തിരിച്ചറിഞ്ഞുവെന്നും ഇതുകൊണ്ടുതന്നെ തെളിവുകൾ തള്ളിക്കളയാനാകില്ലെന്നും അന്വേഷണസംഘം വിലയിരുത്തുന്നു.
ദിലീപിനെ കൂടാതെ സഹോദരൻ അനൂപ്, സഹോദരീഭർത്താവ് സൂരജ്, ഡ്രൈവർ അപ്പു, സുഹൃത്ത് ബൈജു ചെങ്ങമനാട് എന്നിവരെയാണ് കളമശ്ശേരിയിലെ ക്രൈംബ്രാഞ്ച് ഓഫീസിൽ ചോദ്യംചെയ്യലിന് എത്തുന്നത്. തെളിവായി ശേഖരിച്ചിരിക്കുന്ന ശബ്ദസന്ദേശങ്ങൾ ദിലീപുമായി ബന്ധമുള്ളവരെ കേൾപ്പിച്ചു. ശബ്ദസാംപിൾ ശാസ്ത്രീയ പരിശോധനയ്ക്ക് അയക്കുന്നതിനു മുമ്പായുള്ള നടപടിയുടെ ഭാഗമാണിതെന്ന് ചോദ്യംചെയ്യലിനു നേതൃത്വംനൽകുന്ന ക്രൈംബ്രാഞ്ച് എസ്പി എംപി മോഹനചന്ദ്രൻ പറഞ്ഞു.
കേസിൽ ഒരാളെ മാപ്പുസാക്ഷിയാക്കി മാറ്റി മറ്റു പ്രതികളുടെ കുരുക്കുമുറുക്കാൻ സാധ്യതയുണ്ട്. അപ്പു, ബൈജു എന്നിവരിലാരെയെങ്കിലും മാപ്പുസാക്ഷിയാക്കി മാറ്റാനാണ് നീക്കം. തിങ്കളാഴ്ച സംവിധായകരായ റാഫി, അരുൺ ഗോപി, ദിലീപിന്റെ നിർമ്മാണ കമ്പനി ഗ്രാൻഡ് പ്രൊഡക്ഷൻ മാനേജരടക്കം മൂന്ന് ജീവനക്കാർ എന്നിവരെ ക്രൈംബ്രാഞ്ച് ഓഫീസിലേക്ക് വിളിച്ചുവരുത്തി വിവരങ്ങൾ ശേഖരിച്ചു.
കുറ്റകൃത്യവുമായി ബന്ധപ്പെട്ട് 26 സംഭവങ്ങൾ കേന്ദ്രീകരിച്ച് നടത്തിയ ചോദ്യംചെയ്യലായിരുന്നു ആദ്യ ദിനം നടന്നത്. പ്രതികൾ നൽകിയ മൊഴികളിലെ പൊരുത്തക്കേടുകൾ അടിസ്ഥാനമാക്കി തയ്യാറാക്കിയ പുതുക്കിയ ചോദ്യങ്ങൾ വെച്ചായിരുന്നു രണ്ടാം ദിവസത്തെ ചോദ്യംചെയ്യൽ. പ്രതികളിൽ ചിലരെ ഒരുമിച്ചിരുത്തിയും ചോദ്യംചെയ്തിട്ടുണ്ട്.
ഗൂഢാലോചനക്കേസിനെ കൂടാതെ നടിയെ ആക്രമിച്ച കേസുമായി ബന്ധപ്പെട്ട്സാക്ഷികളെ സ്വാധീനിക്കാൻ ദിലീപും സംഘവും ശ്രമിച്ചതായി കണ്ടെത്തിയ തെളിവുകളും ക്രൈംബ്രാഞ്ച് പ്രതികൾക്ക് മുന്നിൽവെച്ചു.ദിലീപിന്റെ സഹോദരീഭർത്താവ് സുരാജ് ഇതിനായി പണം ചെലവഴിച്ചതായി തെളിവുകൾ ലഭിച്ചിട്ടുണ്ടെന്നും അറിയിച്ചു. എന്നാൽ ദിലീപ് തനിക്ക് ഒന്നും അറിയില്ലെന്നും കള്ളക്കേസാണെന്നും ആവർത്തിക്കുകയായിരുന്നു.
ഫോണ് വിളിച്ച് ശല്ല്യപ്പെടുത്തിയ യുവാവിനെ പിടികൂടിയ പോലീസിന് നന്ദി പറഞ്ഞ് നടന് ടിനി ടോം. ഫേസ്ബുക്കില് ലൈവ് വന്നാണ് നടന് എറണാകുളം റൂറല് സൈബര് പോലീസിന് നന്ദി പറഞ്ഞത്.
ഒരു യുവാവിന്റെ നിരന്തരമായ ഫോണ് വിളി ശല്യമായപ്പോഴാണ് ടിനി ടോം സൈബര് പോലീസ് സ്റ്റേഷനില് പരാതിയുമെത്തിയത്. വിളികള് അസഹ്യമായപ്പോള് നമ്പര് ബ്ലോക്ക് ചെയ്തു. തുടര്ന്ന് പല പല നമ്പറുകളില് നിന്ന് മാറി മാറി ഇയാള് ടിനിടോമിനെ വിളിച്ച് അനാവശ്യങ്ങള് പറഞ്ഞ് പ്രകോപിപ്പിക്കാന് തുടങ്ങി. ഫോണ് ഓണ് ചെയ്യാന് പറ്റാത്ത അവസ്ഥ. ടിനി ടോമിനെ പ്രകോപിപ്പിച്ച് മറുപടി പറയിക്കുകയായിരുന്നു യുവാവിന്റെ ലക്ഷ്യം.
‘മാസങ്ങളായി ഷിയാസ് എന്ന പേര് പറഞ്ഞ് പരിചയപ്പെടുത്തിയ യുവാവ് തന്നെ ഫോണില് വിളിച്ച് അസഭ്യം പറയുകയാണ്. ആ നമ്പര് ബ്ലോക്ക് ചെയ്യുമ്പോള് അവന് അടുത്ത നമ്പറില് നിന്നും വിളിക്കും. ഞാന് തിരിച്ച് പറയുന്നത് റെക്കോര്ഡ് ചെയ്ത് പ്രചരിപ്പിക്കുക എന്നതാണ് ഇവന്റെ ലക്ഷ്യം. ഒരുതരത്തിലും രക്ഷയില്ലെന്ന് കണ്ടതോടെയാണ് സൈബര് സെല്ലില് പരാതി നല്കാന് എത്തിയത്.
പത്തുമിനിറ്റിനുള്ളില് അവനെ കണ്ടെത്തി. ഒരു ചെറിയ പയ്യനാണ്. അവന്റെ ഭാവിയെ ഓര്ത്ത് ഞാന് കേസ് പിന്വലിച്ചു. ചെറിയ മാനസിക പ്രശ്നമുള്ളയാളാണ് അതെന്ന് അറിയാന് കഴിഞ്ഞു. ബാഹ്യമായ ഇടപെടല് ഇല്ലെങ്കില് മികച്ച സേനയാണ് നമ്മുടെ പോലീസ്. എല്ലാവര്ക്കും നന്ദി. ഉപദ്രവിക്കാതിരിക്കൂ..’ ടിനി ടോം പറയുന്നു.
പരാതി ലഭിച്ചതിനെ തുടര്ന്ന് ജില്ലാ പോലീസ് മേധാവി കെ കാര്ത്തിക്കിന്റെ നേതൃത്വത്തില് സൈബര് സ്റ്റേഷനില് പ്രത്യേക ടീം രൂപീകരിച്ച് അന്വേഷണം നടത്തുകയായിരുന്നു. അന്വേഷണത്തിനൊടുവില് കണ്ണൂര് സ്വദേശിയാണ് യുവാവെന്ന് പോലീസ് കണ്ടെത്തി.
പോലീസ് അന്വേഷിക്കുന്നുവെന്നറിഞ്ഞ് ഇയാള് മൊബൈല് സ്വിച്ച് ഓഫ് ചെയ്തു. പിന്നീട് ശ്രമകരമായി യുവാവിനെ സ്റ്റേഷനിലെത്തിക്കുകയായിരുന്നു. പരാതിക്കാരനായ
ടിനിയും സ്റ്റേഷനിലെത്തി. യുവാവിന്റെ മാനസികാവസ്ഥ മനസിലാക്കിയ പരാതി. പിന്വലിച്ചെന്നും ടിനി പറഞ്ഞു.
‘ബീസ്റ്റ്’ എന്ന ചിത്രത്തിന് ശേഷം വിജയ് നായകനാകുന്ന ചിത്രത്തെ കുറിച്ചുള്ള പുതിയ വിവരങ്ങളാണ് ഇപ്പോള് വാര്ത്തകളില് ഇടം നേടുന്നത്. തെലുങ്ക് സംവിധായകന് വംശി ഒരുക്കുന്ന ഈ ചിത്രം തമിഴിലും തെലുങ്കിലുമായാണ് ഒരുക്കുക എന്നാണ് റിപ്പോര്ട്ടുകള്.
ചിത്രത്തിന്റെ തിരക്കഥ കേട്ടതിന് ശേഷം വിജയ് പറഞ്ഞ വാക്കുകളാണ് നിര്മ്മാതാവ് ദില് രാജു ഇപ്പോള് വെളിപ്പെടുത്തിയിരിക്കുന്നത്. കഴിഞ്ഞ ഇരുപതു വര്ഷത്തിനിടയില് താന് കേട്ട ഏറ്റവും മികച്ച തിരക്കഥയാണ് ഈ ചിത്രത്തിന്റേത് എന്നാണ് വിജയ് പറഞ്ഞതെന്ന് ദില് രാജു പറയുന്നു.
ഈ ചിത്രം വിജയ്യുടെ കരിയറിലെ തന്നെ ഏറ്റവും വലിയ ചിത്രമായിരിക്കും എന്നാണ് റിപ്പോര്ട്ടുകള്. ഈ ചിത്രത്തിന് വേണ്ടി 120 കോടി രൂപയാണ് വിജയ് പ്രതിഫലം വാങ്ങുക എന്നും വാര്ത്തകള് ഉണ്ടായിരുന്നു. അതേസമയം, നെല്സണ് ദിലിപ് കുമാര് ഒരുക്കുന്ന ബീസ്റ്റ് റിലീസിന് ഒരുങ്ങുകയാണ്.
ഏപ്രില് 14ന് ആണ് ചിത്രം റിലീസ് ചെയ്യുന്നത്. ചിത്രത്തിലെ വിജയ്യുടെ ലുക്കും പോസ്റ്ററും ചിത്രങ്ങളുമെല്ലാം വൈറല് ആയിരുന്നു. പൂജ ഹെഗ്ഡെ നായികയാകുന്ന ചിത്രത്തില് മലയാള നടന് ഷൈന് ടോം ചാക്കോയും അഭിനയിക്കുന്നുണ്ട്.