ന്യൂസ് ഡെസ്ക് മലയാളം യുകെ ന്യൂസ്

യു കെ :- എട്ടുവർഷം മുൻപ് നടന്ന കൗമാരക്കാരിയുടെ മരണത്തിൽ ഹെൽത്ത് ആൻഡ് സേഫ്റ്റി ആക്ട് പ്രകാരം വിചാരണ നേരിടുകയാണ് കെയർ ഹോം ഉടമ. 2014 ഒക്ടോബറിൽ ബ്രിസ്റ്റോളിൽ ഓട്ടിസം& അസ്‌പേർജർസ് സിൻഡ്രോം അനുഭവിക്കുന്നവരെ സംരക്ഷിക്കുന്നതിനായുള്ള അലക്സാണ്ട്ര ഹൗസിൽ വച്ചാണ് പതിനെട്ടു വയസ്സുകാരി മെലിസ്സ മാറ്റിയെസനെ ജയ്സ്ൻ കോൺറോയി കൊലപ്പെടുത്തിയത്. അന്ന് 19 വയസ്സുകാരനായ കോൺറോയ്ക്ക് ജീവപര്യന്തം തടവുശിക്ഷ ലഭിക്കുകയും ലൈംഗികമായി പ്രേരിപ്പിച്ച കൊലപാതകത്തിന് ബ്രിസ്റ്റോൾ ക്രൗൺ കോടതിയിൽ കുറഞ്ഞത് 19 വർഷം തടവ് ലഭിക്കുകയും ചെയ്തിരുന്നു. ഈ വർഷം സെപ്തംബറിൽ, ഹെൽത്ത് ആൻഡ് സേഫ്റ്റി എക്സിക്യൂട്ടീവ് (എച്ച്എസ്ഇ) അലക്സാന്ദ്ര ഹോംസ് (ബ്രിസ്റ്റോൾ) ലിമിറ്റഡിനെതിരെയും, അതിന്റെ മുൻ കെയർ ഹോം ജനറൽ മാനേജർ ഇവോൺ ഹിനിനെതിരെയും മാറ്റിസണിന്റെ മരണത്തിൽ കുറ്റം ചുമത്തിയതായി പ്രഖ്യാപിച്ചു.

ഹെൽത്ത് ആന്റ് സേഫ്റ്റി അറ്റ് വർക്ക് ആക്ട് 1974-ന് വിരുദ്ധമായ രണ്ട് കുറ്റങ്ങൾ നേരിടാനായി കമ്പനി അധികൃതരും ഹിന്നിനൊപ്പം ബുധനാഴ്ച ബ്രിസ്റ്റോൾ മജിസ്‌ട്രേറ്റ് കോടതിയിൽ ഹാജരായി. 2014 ഫെബ്രുവരി 13 നും ആ വർഷം ഒക്ടോബർ 13 നും ഇടയിൽ സ്ഥാപനത്തിലെ താമസക്കാരിൽ നിന്നുള്ള ആക്രമണത്തിൽ നിന്നും കെയർ ഹോമിലെ ജീവനക്കാരുടെ ആരോഗ്യം, സുരക്ഷ, ക്ഷേമം എന്നിവ ഉറപ്പാക്കുന്നതിലും പരാജയപ്പെട്ടതിനാണ് ഹിൻ ആൻഡ് അലക്‌സാന്ദ്ര ഹോംസ് (ബ്രിസ്റ്റോൾ) ലിമിറ്റഡിനെതിരെ പ്രാഥമികമായി കുറ്റം ചുമത്തിയിരിക്കുന്നത്. ഡെവോണിലെ ഇൽഫ്രാകോംബെയിൽ നിന്നുള്ള 44 കാരനായ ഹിനും ബ്രിസ്റ്റോളിലെ കിംഗ്‌സ്‌വുഡിലെ കമ്പനിയും കോടതി വാദത്തിനിടെ തങ്ങൾക്കെതിരായ രണ്ട് കുറ്റങ്ങളിൽ കുറ്റം നിഷേധിച്ചു. ജില്ലാ ജഡ്ജി ലിൻ മാത്യൂസ് ഹിനിന് നിരുപാധിക ജാമ്യം അനുവദിക്കുകയും കേസ് ഒക്ടോബർ 31 ന് ബ്രിസ്റ്റോൾ ക്രൗൺ കോടതിയിലേക്ക് മാറ്റുകയും ചെയ്തു.

ന്യൂസ് ഡെസ്ക് മലയാളം യുകെ ന്യൂസ്

പെണ്ണുങ്ങളായാൽ നല്ല അടക്കോം ഒതുക്കോം വേണം . അലമാരിയിൽ വച്ചിട്ടില്ലേ കുറെ എടുക്കാത്ത തുണികളും പാത്രങ്ങളുമൊക്കെ ? അതെ നമ്മുടെ പെണ്ണുങ്ങളും അങ്ങനെത്തന്നെയാവണമെന്ന് പറയാതെ പറയുന്ന അല്ലെങ്കിൽ അടക്കി പറഞ്ഞു ചിരിക്കുന്ന മനുഷ്യർക്കിടയിലൂടെ വളർന്നു വന്ന ഒരുവളാണ് ഇന്നീ ഇവിടെ വരെയെത്തി നിൽക്കുന്ന ജോസ്‌നയെന്ന മലയാളി നേഴ്‌സ്‌ അവസാന വർഷ വിദ്യാർത്ഥിനി. ഇതാ മലയാളം യുകെയുടെ സോഷ്യൽ റീഫോമർ (സാമൂഹിക പരിഷ്‌കർത്താവ്) അവാർഡിന് അർഹയായിരിക്കുന്നു.

അതെ ഒരു പക്കാ ക്രിസ്ത്യൻ കുടുംബത്തിൽ പിറന്ന് നല്ല നടപ്പ് പഠിക്കാൻ വളരെ ചെറുപ്പം മുതലേ കന്യാസ്ത്രീകളുടെ പരിചരണത്തിൽ കോൺവെന്റിൽ വളർന്ന് മനസിന് നല്ല തഴക്കവും വഴക്കവും വരുത്തി, പിന്നീട് പറിച്ചുനടപ്പെട്ടതും ഒരുപറ്റം നല്ല കന്യാത്രീകളും അച്ചന്മാരുമൊക്കെ അടങ്ങുന്ന ഒരു ഫാമിലിയിലേക്ക് തന്നെയാണ്. അങ്ങനത്തെയൊരു ചുറ്റുപാടിൽനിന്നും വളർന്ന് ഇന്നീ നിലയിലേക്ക് എത്താൻ , പലരും പറയാൻ മടിക്കുന്ന നാണിക്കുന്ന എന്നാൽ അടിസ്ഥാനമായി തന്നെ അറിയേണ്ടുന്ന ഒരു വിഷയം സമൂഹത്തിൽ ഇതിനുമാത്രം പൊക്കത്തിൽ ആളിക്കത്തിക്കാൻ ഈ കുട്ടിക്ക് ആകുന്നുണ്ടെങ്കിൽ അവളുടെ ഉള്ളിന്റെ ഉള്ളിലെ നെരിപ്പോടിലെ ചൂട് എന്തുമാത്രമുണ്ടാകുമെന്ന് നമുക്കൂഹിക്കാവുന്നതിനുമപ്പുറമാണ്.

എപ്പോഴും ചിരിച്ചു കളിച്ചു ആർത്തുല്ലസിച്ചു നടക്കുന്ന ഒരു ചിത്രശലഭത്തോടാണ് അവളെ അവളുടെ സഹപാഠികൾ നോക്കികാണുന്നത് . എപ്പോഴും സന്തോഷം, വർത്തമാനം , തമാശകൾ , പൊട്ടിച്ചിരി, അവളെ ചിരിച്ച മുഖത്തോടെയല്ലാതെ ആരും കണ്ടിട്ടില്ല എന്നും കൂട്ടുകാർ പറയുന്നു . അതിനർത്ഥം അവൾക്ക് സങ്കടപെടാൻ ഒന്നുമില്ല എന്നാണോ? അല്ല ഒരിക്കലുമല്ല . മറിച്ചു ഏതൊരു കുറ്റപ്പെടുത്തലുകളെയും , അവഗണനകളെയും , കളിയാക്കലുകളെയും , പ്രലോഭനങ്ങളെയും അതിജീവിക്കാൻ അവളിന്ന് പഠിച്ചിരിക്കുന്നു .

എല്ലാത്തിനെയും അതിന്റെതായ രീതിയിൽ മാത്രം നോക്കിക്കാണുക, കയ്യടിക്കുന്നവരുടെ കയ്യടിയിൽ അവ ഏറെനേരം നീണ്ടു നിൽക്കില്ല എന്ന് മനസിലാക്കിത്തന്നെ ചെറിയൊരു പുഞ്ചിരി നൽകി കടന്ന് പോകുന്ന , കുറ്റം പറയുന്നവരുടെ, പുച്ഛിക്കുന്നവരുടെ ചെയ്തികൾ അവരുടെ ഹോർമോൺ ഉല്പാദിപ്പിക്കുന്ന അവരുടെ മാത്രം ഉല്പന്നമായി മാത്രം കണ്ട് അത് മേടിക്കാതെ കടന്നു പോവുന്ന, പണം, പദവി, പ്രശംസ ഒന്നിനും അടിമപ്പെടാതെ ഇരിക്കുന്ന, പലരും പറയാൻ മടിക്കുന്ന കാര്യങ്ങൾ മുഖം നോക്കാതെ വെട്ടി തുറന്നു പറയുന്ന, സമൂഹത്തിന് വേണ്ടുന്ന പല നല്ലകാര്യങ്ങളും സ്വന്തം പോക്കറ്റിലെ പണമോ സമയമോ നോക്കാതെ ചെയ്യുന്ന, മതത്തിനോ രാഷ്ട്രീയത്തിനോ അടിമപ്പെടാതെ പച്ച മനുഷ്യനായി ജീവിക്കുന്ന രീതികൾ , ഇവയൊക്കെ ജോസ്‌നയെന്ന നേഴ്‌സിനെ മറ്റുള്ളവരിൽ നിന്നും ഏറെ വ്യത്യസ്തയാക്കുന്നു.

എഴുതിത്തുടങ്ങിയപ്പോൾ എല്ലാവരും എതിർത്തു , ഇങ്ങനെയൊക്കെ പെണ്ണുങ്ങൾ എഴുതാമോ , അതോ ഇനി ഇതൊക്കെ വീട്ടിൽ നടക്കുന്ന കാര്യങ്ങളാണോ ഈ ഏഴുതികൂട്ടുന്നതെന്ന ചോദ്യങ്ങൾ, പെണ്ണുങ്ങളായാൽ നല്ല അടക്കവും ഒതുക്കവും വേണമെന്ന ശകാരങ്ങൾ, കുട്ടികളെ നോക്കാറുണ്ടോ, വീട്ടിൽ കഞ്ഞി വക്കാറുണ്ടോ എന്നീ ചോദ്യങ്ങൾ…. എല്ലാറ്റിനെയും പുല്ലുപോലെ പറിച്ചു കളഞ്ഞു അവൾ അവൾക്കായി വഴിതെളിച്ചു ….കുറ്റപ്പെടുത്തലുകൾ, പരിഹാസങ്ങൾ, ഇവയെല്ലാം അവൾ അവൾക്കു തന്നെ തഴച്ചു വളരാൻ വളമാക്കി ….ഇന്നിതാ വളർന്നുവരുന്ന പുതുതലമുറയ്ക്ക് അവരുടെ സുരക്ഷയ്ക്കായി സൗജന്യമായി ബുക്ക് പബ്ലിഷ് ചെയ്യുന്നു , അതിനായി ഗവൺമെന്റ് തലത്തിൽ ടീച്ചർമാർക്കും മാതാപിതാക്കൾക്കുമായി സൗജന്യ ഓൺലൈൻ ക്ലാസ്സുകളെടുക്കുന്നു …
ഇനിയും ജോസ്‌നയെന്ന ടീച്ചർക്ക് ഇനിയും വളരാനേറെയുണ്ട് .

അതെ…. വളരാൻ പെണ്ണെണോ ആണെന്നോ ഇല്ല…
പണമോ, പദവിയോ, മത രാഷ്ട്രീയ അടിമത്വങ്ങളോ ഒന്നുമൊരു തടസമല്ല…മുനവെച്ച ചോദ്യങ്ങൾക്ക്‌ ചെവി കൊടുക്കാത്തതുകൊണ്ട് ഇന്ന് നാട്ടിലെ സ്കൂളുകളിൽ കുട്ടികൾക്കായി സെക്സ് എഡ്യൂക്കേഷൻ ക്ലാസുകൾ ഓൺലൈൻ ആയി എടുത്തുകൊടുക്കുന്നു… ഇനിയെങ്കിലും നമ്മുടെ കണ്ണും കാതും തുറന്ന്… മഞ്ഞ കണ്ണടയില്ലാതെ നോക്കിക്കാണാം… അവാർഡ് ജേതാവിന് അഭിനന്ദനങ്ങൾ…

ഒക്ടോബര്‍ എട്ടാം തീയതി യോര്‍ക്ഷയറിലെ കീത്തിലിയില്‍ നടക്കുന്ന അവാര്‍ഡ് നൈറ്റിന് വളരെ വിപുലമായ ഒരുക്കങ്ങളാണ് മലയാളം യുകെ ന്യൂസ് ഒരുക്കിയിരിക്കുന്നത്.  ഉച്ചതിരിഞ്ഞ് രണ്ടുമണിക്ക് ആരംഭിക്കുന്ന ബോളിവുഡ് ഡാൻസ് മത്സരങ്ങളും മലയാളം യുകെ അവാർഡ് നൈറ്റും വൈകുന്നേരം 9 മണിയോടെ അവസാനിക്കും. യുകെയുടെ വിവിധ ഭാഗങ്ങളിലുള്ള തിരഞ്ഞെടുക്കപ്പെട്ട കലാകാരന്മാര്‍ അവാര്‍ഡ് നൈറ്റില്‍ വിസ്മയങ്ങള്‍ വിരിയിക്കാനുള്ള ഒരുക്കത്തിലാണ്. അവാര്‍ഡ് നൈറ്റ് മനോഹരമാക്കാനായിട്ട് ആധുനിക സാങ്കേതിക വിദ്യയുടെ സഹായത്തോടെയുള്ള മികച്ച സൗകര്യങ്ങളാണ് പ്രേക്ഷകര്‍ക്കായി കാത്തിരിക്കുന്നത്.

താഴെ നൽകിയിരിക്കുന്ന ലിങ്കിൽ ഒക്ടോബർ എട്ടിന് രണ്ട് മണി മുതൽ പരിപാടിയുടെ തത്സമയ സംപ്രേഷണം ലഭ്യമാണ്.

ന്യൂസ് ഡെസ്ക് മലയാളം യുകെ ന്യൂസ്

യു കെ :- സ്കൂളിൽ നിന്നുള്ള അവധിക്കാല വിനോദയാത്രയ്ക്കിടെ ഫ്രഞ്ച് തടാകത്തിൽ 2015 ജൂലൈയിൽ മുങ്ങി മരിച്ച ജെസ്സിക്ക ലോസണിന്റെ മരണത്തിൽ മനഃപൂർവമല്ലാത്ത നരഹത്യയ്ക്ക് വിചാരണ നേരിടുന്ന മൂന്ന് അധ്യാപകരുടെ വാദം ഫ്രഞ്ച് കോടതി കേട്ടു. അന്നത്തെ യാത്രയുടെ നേതൃത്വം വഹിച്ചിരുന്ന സ്റ്റീവൻ ലെയ്ൻ, ചാന്റൽ ലൂയിസ്, ഡെയ്‌സി സ്റ്റാതേഴ്‌സ് എന്നിവരാണ് മനഃപൂർവമല്ലാത്ത നരഹത്യയ്ക്ക് വിചാരണ നേരിടുന്നത്. ഹള്ളിനടുത്തുള്ള വില്ലർബിയിലെ വോൾഫ്രെട്ടൺ സ്കൂളിലെ വിദ്യാർത്ഥിനിയായിരുന്ന ജെസ്സിക്ക ലിമോജസ് നഗരത്തിനടുത്തുള്ള തടാകത്തിൽ ഒരു പൊണ്ടൂൺ മറിഞ്ഞതിനെ തുടർന്ന് മരണപ്പെട്ടത്. പോണ്ടൂൺ വളരെ സുരക്ഷിതമാണെന്നാണ് താൻ കരുതിയതെന്ന് ലേയ്ൻ കോടതിയിൽ പറഞ്ഞു. ഫ്രഞ്ച് പട്ടണമായ ടുലെയിലെ പാലൈസ് ഡി ജസ്റ്റിസിലാണ് ഇവരുടെ വിചാരണ നടന്നത്. സ്‌കൂളിൽ നിന്നോ അധ്യാപകരിൽ നിന്നോ യാതൊരു പിന്തുണയും ലഭിച്ചിട്ടില്ലെന്നും, വിചാരണ വേളയിൽ അധ്യാപകർക്ക് ബഹുമാനവും സത്യസന്ധതയും ഉണ്ടായിരിക്കുമെന്ന് താൻ പ്രതീക്ഷിച്ചിരുന്നുവെന്ന് കുട്ടിയുടെ അമ്മ ബ്രെൻഡ ലോസൺ കോടതിയിൽ വ്യക്തമാക്കി. മകളുടെ മരണത്തിലേക്ക് നയിച്ച സംഭവങ്ങളുടെ യഥാർത്ഥ അവസ്ഥ വിചാരണയ്ക്കിടെ മാത്രമാണ് തനിക്ക് മനസ്സിലായതെന്നും ഏഴ് വർഷമായി സ്‌കൂളോ അധ്യാപകരോ തനിക്ക് ഒരു വിശദീകരണം പോലും നൽകിയിട്ടില്ലെന്നും അവർ പറഞ്ഞു.

മൂന്ന് അധ്യാപകർക്കും ലൈഫ് ഗാർഡ് ലിയോ ലെമയറിനും മൂന്ന് വർഷത്തെ തടവ് ശിക്ഷയാണ് താൻ ശുപാർശ ചെയ്യുന്നതെന്ന് തന്റെ പ്രസ്താവനയിൽ പ്രോസിക്യൂട്ടർ മിറിയം സോറിയ ടുള്ളിലെ അധികാരപരിധി തലവനായ മേരി-സോഫി വാഗെറ്റിനോട് അറിയിച്ചു. ജെസീക്കയുടെ മരണത്തിൽ പങ്കുവഹിച്ചതിന് ലിജിനിയാക് പട്ടണത്തിലെ പ്രാദേശിക അധികാരികൾക്ക് 45,000 യൂറോ പിഴ ചുമത്തണമെന്നും പ്രോസിക്യൂട്ടർ ആവശ്യപ്പെട്ടു.
കുട്ടികളെ നിരീക്ഷിക്കുന്നതിനുള്ള അശ്രദ്ധമൂലം നീന്തലിനിടെ ജെസീക്ക എവിടെയാണെന്ന് അധ്യാപികമാർക്കൊന്നും തന്നെ കാണാനായില്ലെന്നും സോറിയ പറഞ്ഞു. 2015 ജൂലൈ 21 ന് ഫ്രാൻസിലേക്കുള്ള അഞ്ച് ദിവസത്തെ സ്കൂൾ യാത്രയ്ക്കിടെ തടാകത്തിൽ മുങ്ങിമരിക്കുമ്പോൾ ഹളിലെ വോൾഫ്രെട്ടൺ സ്കൂളിലെ വിദ്യാർത്ഥിനിയായിരുന്നു അന്ന് 12 വയസ്സുള്ള ജെസീക്ക ലോസൺ.  അധ്യാപകർക്ക് ആവശ്യമായ ശിക്ഷ നൽകണമെന്നാണ് പ്രോസിക്യൂട്ടർ കോടതിയിൽ അവസാനമായി ആവശ്യപ്പെട്ടത്.

ന്യൂസ് ഡെസ്ക് മലയാളം യുകെ ന്യൂസ്

ലണ്ടൻ : ഒക്ടോബർ 8-ാം തീയതി യോർക്ക് ഷെയറിൽ വച്ച് നടത്തപ്പെടുന്ന മലയാളം യുകെ അവാർഡ് നൈറ്റിൽ നേഴ്സിംഗ് രംഗത്തെ മികവിനുള്ള അവാർഡ് മിനിജാ ജോസഫിന് സമ്മാനിക്കും. നിലവിൽ കിംഗ്‌സ് കോളേജ് ആശുപത്രിയിൽ ലീഡ് നേഴ്‌സായി സേവനം ചെയ്യുന്ന മിനിജ ഉരുളികുന്നം സ്വദേശിനിയാണ്. കോവിഡ് മഹാമാരിയുടെ സമയത്ത് ലോകമെങ്ങുമുള്ള നേഴ്സുമാർ വൻ പ്രതിസന്ധിയെ നേരിട്ടപ്പോൾ പി പി ഇ കിറ്റ് ഉപയോഗിക്കുന്നത് മുതലുള്ള കാര്യങ്ങളെ കുറിച്ച് മിനിജ ജോസഫ് ചെയ്ത വീഡിയോകൾ വളരെ ശ്രദ്ധ നേടിയിരുന്നു.

ഇന്ത്യയിലും ബംഗ്ലാദേശിലുമുള്ള വിവിധ ആശുപത്രികളിലെ ജോലി പരിചയവുമായി 2000 – ത്തിലാണ് മിനിജ യുകെയിലെത്തിയത് . 2008ലും 2015ലും ബെസ്റ്റ് തീയേറ്റർ നേഴ്സ് ഓഫ് ദി ഇയർ അവാർഡ് ഉൾപ്പെടെ ഒട്ടേറെ പുരസ്കാരങ്ങളാണ് ഇതിനോടകം മിനിജ ജോസഫിനെ തേടിയെത്തിയത്. 2017 – ൽ ബക്കിംഗ്ഹാം പാലസിലെ ഗാർഡൻ പാർട്ടിയിൽ രാജ്ഞിയുടെ പ്രത്യേക ക്ഷണിതാവായി പങ്കെടുത്തിട്ടുണ്ട്. മലയാളം യുകെയുടെ അവാർഡ് മിനിജ ജോസഫിനെ തേടിയെത്തുമ്പോൾ ലോകമെങ്ങുമുള്ള മലയാളി നേഴ്സുമാരുടെ സമർപ്പണമാണ് അംഗീകരിക്കപ്പെടുന്നത്.

ഒക്ടോബര്‍ എട്ടാം തീയതി യോര്‍ക്ഷയറിലെ കീത്തിലിയില്‍ നടക്കുന്ന അവാര്‍ഡ് നൈറ്റിന് വളരെ വിപുലമായ ഒരുക്കങ്ങളാണ് മലയാളം യുകെ ന്യൂസ് ഒരുക്കിയിരിക്കുന്നത്.  ഉച്ചതിരിഞ്ഞ് രണ്ടുമണിക്ക് ആരംഭിക്കുന്ന ബോളിവുഡ് ഡാൻസ് മത്സരങ്ങളും മലയാളം യുകെ അവാർഡ് നൈറ്റും വൈകുന്നേരം 9 മണിയോടെ അവസാനിക്കും. യുകെയുടെ വിവിധ ഭാഗങ്ങളിലുള്ള തിരഞ്ഞെടുക്കപ്പെട്ട കലാകാരന്മാര്‍ അവാര്‍ഡ് നൈറ്റില്‍ വിസ്മയങ്ങള്‍ വിരിയിക്കാനുള്ള ഒരുക്കത്തിലാണ്. അവാര്‍ഡ് നൈറ്റ് മനോഹരമാക്കാനായിട്ട് ആധുനിക സാങ്കേതിക വിദ്യയോടെ സഹായത്തോടെയുള്ള മികച്ച സൗകര്യങ്ങളാണ് പ്രേക്ഷകര്‍ക്കായി കാത്തിരിക്കുന്നത്.

താഴെ നൽകിയിരിക്കുന്ന ലിങ്കിൽ ഒക്ടോബർ എട്ടിന് രണ്ട് മണി മുതൽ പരിപാടിയുടെ തത്സമയ സംപ്രേഷണം ലഭ്യമാണ്.

ന്യൂസ് ഡെസ്ക് മലയാളം യുകെ ന്യൂസ്

ലണ്ടൻ : വിരമിക്കൽ പ്രായം ഉയർത്തുന്നത് തള്ളിക്കളയാതെ ലിസ് ട്രസ്. സ്ത്രീകൾക്കും പുരുഷന്മാർക്കും നിലവിൽ 66 വയസിൽ വിരമിക്കുകയും സംസ്ഥാന പെൻഷൻ സ്വീകരിക്കുകയും ചെയ്യാം. എന്നാൽ ഇത് ഈ പതിറ്റാണ്ടിൽ 67 ആയും 2039-ൽ 68 ആയും ഉയരുമെന്ന സർക്കാർ പദ്ധതികൾ പ്രകാരം അവലോകനങ്ങൾ നടക്കുകയാണ്. ദേശീയ കടം കുറയ്‌ക്കാനും കൂടുതൽ പണം കണ്ടെത്താനുള്ള സമ്മർദ്ദത്തിലാണ് ട്രസ്. സംസ്ഥാന പെൻഷനുകൾ വേതനത്തിന് അനുസൃതമായി വർദ്ധിക്കുന്നത് തുടരുമെന്ന് അവർ ഉറപ്പുനൽകിയിട്ടുണ്ട്.

ബർമിംഗ്ഹാമിൽ നടന്ന ടോറി കോൺഫറൻസിൽ ആളുകൾക്ക് സംസ്ഥാന പെൻഷൻ പ്രായം 67-ൽ കൂടുതലായി ഉയർത്താൻ കഴിയുമോ എന്ന് ചോദ്യം ഉന്നയിച്ചപ്പോൾ, തീരുമാനിച്ചിട്ടില്ലാത്ത കാര്യമാണെന്നായിരുന്നു ട്രസിന്റെ മറുപടി. ആയുർദൈർഘ്യ വിവരങ്ങളെ സംബന്ധിച്ചുള്ള അവലോകനവും നടക്കുകയാണ്. അടുത്ത വർഷം മെയ് 7 ന് അവർ സർക്കാരിന് റിപ്പോർട്ട് നൽകണം.

ജനുവരിയിൽ അവലോകനങ്ങൾ ആരംഭിച്ചപ്പോൾ, ഡിപ്പാർട്ട്‌മെന്റ് ഫോർ വർക്ക് ആൻഡ് പെൻഷൻ പറഞ്ഞതിങ്ങനെ; “സംസ്ഥാന പെൻഷൻ പ്രായത്തിന് മുകളിലുള്ള ആളുകളുടെ എണ്ണം വർദ്ധിക്കുന്നതിനനുസരിച്ച്, വർദ്ധിച്ചുവരുന്ന ജനസംഖ്യയും ശരാശരി ആളുകൾ കൂടുതൽ കാലം ജീവിക്കുന്നതും കാരണം, തീരുമാനങ്ങൾ കൃത്യമായി എടുക്കേണ്ടതുണ്ട്. സംസ്ഥാന പെൻഷൻ തുടരുന്നുവെന്ന് ഉറപ്പാക്കേണ്ടത് അത്യാവശ്യമാണ്.

ന്യൂസ് ഡെസ്ക് മലയാളം യുകെ ന്യൂസ്

ലണ്ടൻ: കുഞ്ഞുങ്ങളെ കൊലപ്പെടുത്തിയ കേസിൽ നേഴ്സിന്റെ വിചാരണ തുടരുന്നു. ഏഴ് കുഞ്ഞുങ്ങളെ കൊലപ്പെടുത്തിയ കേസിലാണ് വിചാരണ നടക്കുന്നത്. 2015 ജൂണിനും 2016 ജൂണിനുമിടയിൽ അഞ്ച് ആൺകുട്ടികളെയും രണ്ട് പെൺകുട്ടികളെയുമാണ് ഇവർ കൊലപ്പെടുത്തിയത്. ഇതുൾപ്പെടെ നിരവധി കേസുകളിലും പ്രതിയായ 32 കാരി ലൂസി ലെറ്റ്ബി വിചാരണ നേരിടുന്നുണ്ട്.

കൊലപാതകങ്ങളും കൊലപാതകശ്രമങ്ങളും ആരോപിക്കപ്പെടുന്ന സമയത്ത് ചെസ്റ്ററിലെ കൗണ്ടസ് ഓഫ് ചെസ്റ്റർ ഹോസ്പിറ്റലിലെ നവജാത ശിശുക്കളുടെ വിഭാഗത്തിൽ ഇവർ ജോലി ചെയ്യുകയായിരുന്നു. ഈ സമയത്താണ് ഇവർ കുറ്റകൃത്യത്തിൽ ഏർപ്പെട്ടതെന്നാണ് അന്വേഷണ സംഘം പറയുന്നത്. അതേസമയം എല്ലാ ആരോപണങ്ങളെയും പ്രതി ഇപ്പോൾ നിഷേധിക്കുകയാണ്. മാഞ്ചസ്റ്റർ ക്രൗൺ കോർട്ടിലാണ് കേസിന്റെ വിചാരണ നടക്കുന്നത്.

കോടതിയിലെ വിചാരണ ആറുമാസം വരെ നീണ്ടുനിൽക്കുമെന്ന് കണക്കാക്കപ്പെടുന്നു. നിയമ വാദം നടക്കാനിരിക്കെ കേസ് കേൾക്കുന്നത് വ്യാഴാഴ്ചത്തേക്ക് മാറ്റിവെച്ചിരിക്കുകയാണ്. ഈ വർഷം ആദ്യം, എട്ട് കുഞ്ഞുങ്ങളെ കൊലപ്പെടുത്തിയതിനും 10 പേരെ കൂടി കൊല്ലാൻ ശ്രമിച്ചതിനും ലെറ്റ്ബിക്കെതിരെ കുറ്റം ചുമത്തിയിരുന്നു. ജൂൺ 10-ന് മാഞ്ചസ്റ്റർ ക്രൗൺ കോടതിയിൽ നടന്ന വിചാരണ നടന്നിരുന്നതായും നിക്ക് ജോൺസൺ ക്യുസി പറഞ്ഞു.

ന്യൂസ് ഡെസ്ക് മലയാളം യുകെ ന്യൂസ്

യു കെ :- ഹാരി രാജകുമാരനും മേഗനും ചേർന്ന് പുറത്തിറക്കാനിരുന്ന നെറ്റ്ഫ്ലിക്സ് സീരീസിൽ കൂടുതൽ മാറ്റങ്ങൾ വേണമെന്ന ഇരുവരുടെയും ആവശ്യം ശക്തമായി കൊണ്ടിരിക്കുകയാണ്. എന്നാൽ ഈ ആവശ്യം അംഗീകരിക്കുവാൻ നെറ്റ്ഫ്ലിക്സ് തയ്യാറാകുമോ എന്ന കാര്യത്തിൽ ഇതുവരെയും വ്യക്തതയില്ല. ഇരുവരും ഈ സീരീസ് വേണമോ എന്നത് സംബന്ധിച്ചുള്ള പരിഭ്രാന്തിയിൽ ആണെന്നാണ് റിപ്പോർട്ടുകൾ സൂചിപ്പിക്കുന്നത്. എന്നാൽ ഈ പദ്ധതി അനിശ്ചിതമായി ഉപേക്ഷിക്കപ്പെടുമെന്ന തരത്തിലുള്ള വാർത്തകളും പുറത്ത് വരുന്നുണ്ട്. നവംബർ 9 ന് ക്രൗണിന്റെ അഞ്ചാം സീസണിന് ശേഷം ഡിസംബറിൽ പ്രൊഡക്ഷൻ സംപ്രേക്ഷണം ചെയ്യുമെന്നാണ് മുൻപ് നെറ്റ്ഫ്ലിക്സ് വ്യക്തമാക്കിയിരുന്നത്. എന്നാൽ കഴിഞ്ഞ ആഴ്ച രാജ്ഞിയുടെ മരണത്തിനുശേഷം ഇരുവരും കൂടുതൽ മാറ്റങ്ങൾ വേണമെന്ന ആവശ്യം ഉന്നയിച്ചതോടെ, സീരീസിന്റെ റിലീസ് 2023 ലേക്ക് നീങ്ങാനുള്ള സാധ്യതയാണ് വ്യക്തമാക്കുന്നത്. രാജകുടുംബാംഗങ്ങളെ സംബന്ധിച്ച് ഇരുവരും നടത്തിയിരിക്കുന്ന പരാമർശങ്ങളിൽ മാറ്റം വരുത്താനാണ് ഇവർ ആഗ്രഹിക്കുന്നത് എന്നാണ് റിപ്പോർട്ടുകൾ വ്യക്തമാക്കുന്നത്. രാജകുടുംബവുമായി കൂടുതൽ അനുരഞ്ജനപരമായ സമീപനം സ്വീകരിക്കാൻ ഹാരി രാജകുമാരൻ തയ്യാറാണെന്നതിന്റെ സൂചനയായാണ് അദ്ദേഹത്തിന്റെ അഭ്യർത്ഥനയെ ചിലർ കാണുന്നത്.

ഏഴ് അക്ക അഡ്വാൻസ് നൽകിയതിനാൽ ഇനിയും ഹാരിക്ക് പരിമിതമായി മാത്രമേ മാറ്റങ്ങൾ വരുത്താൻ സാധിക്കുകയുള്ളൂവെന്നാണ് അവർ അഭിപ്രായപ്പെട്ടത്. ഏകദേശം ഒരു വർഷത്തോളമായി ഇരുവരും ഈ സീരീസിന്റെ പണിപ്പുരയിലാണ്. താനും ഹാരി രാജകുമാരനും ഇപ്പോൾ നെറ്റ്ഫ്ലിക്സിനായി ചിത്രീകരിക്കുന്ന ഡോക്യുമെന്ററിയിൽ തങ്ങളുടെ ലവ് സ്റ്റോറിക്കു പ്രാധാന്യം നൽകുമെന്ന് കഴിഞ്ഞ മാസം മേഗൻ സൂചന നൽകിയിരുന്നു. മാറ്റങ്ങൾ ഒന്നും വരുത്താതെ ഈ ഡോക്യുമെന്ററി പുറത്തിറങ്ങിയാൽ അത് ഹാരി രാജകുമാരന്റെ രാജകുടുംബവുമായുള്ള നിലവിലുള്ള ബന്ധം കൂടുതൽ വഷളാക്കും.

ന്യൂസ് ഡെസ്ക് മലയാളം യുകെ ന്യൂസ്

ചാൻസിലർ മിനി ബഡ്ജറ്റ് അവതരിപ്പിച്ചതിനു ശേഷം ആദ്യമായി പൗണ്ടിന്റെ വില ഉയർന്നു. ഉയർന്ന വരുമാനം ഉള്ളവർക്കുള്ള നികുതി വെട്ടി കുറയ്ക്കുന്ന തീരുമാനം ക്വാസി ക്വാർട്ടെങ് പിൻവലിച്ചതിനു പിന്നാലെയാണ് ഡോളറിനെതിരെ പൗണ്ടിന്റെ മൂല്യം 1.14 ആയി ഉയർന്നത്. ഈ മാസം നവംബർ 23ന് ശേഷം പുതിയ നയങ്ങൾ നടപ്പിലാക്കുമെന്നാണ് ചാൻസിലർ നേരത്തെ പറഞ്ഞിരുന്നത് . പക്ഷെ പൗണ്ടിൻെറ വിലയിടിഞ്ഞതിനെ തുടർന്ന് തുടർ നടപടികൾ വേഗത്തിലാക്കാൻ അദ്ദേഹം നിർബന്ധിതനാകുകയായിരുന്നു. മിനി ബഡ്ജറ്റിനെ തുടർന്ന് ഓഹരി വിപണിയിലും വൻ തകർച്ചയാണ് നേരിട്ടത് .

നേരത്തെ മോർട്ട്ഗേജ് നിരക്കുകൾ കൂട്ടാനുള്ള തീരുമാനത്തിലായിരുന്നു ബാങ്കുകൾ. പ്രധാനമായും ഭവനവായ്പയുടെ ചിലവുകൾ കൂട്ടാനായിരുന്നു നിർദേശം. നിലവിൽ ശരാശരി നിരക്ക് 6% ത്തിന് അടുത്താണ്. രണ്ട് വർഷത്തെ ഫിക്സഡ് മോർട്ഗേജ് ഡീൽ നിലവിൽ 5.75% ആണ്. മിനി ബഡ്ജറ്റ് ദിവസം ഇത് 4.74% ആയിരുന്നെന്നും സാമ്പത്തിക വിവര സേവനമായ മണി ഫാക്ടസ് പറഞ്ഞു. പലിശ നിരക്ക് വർധിച്ചതിനാൽ ഡിസംബർ മുതൽ മോർട്ട്ഗേജ് നിരക്കുകൾ ഉയർന്നിരുന്നു. ഡിസംബറിൽ, ശരാശരി രണ്ട് വർഷത്തെ സ്ഥിര ഇടപാട് 2.34% ആയിരുന്നു. മോർട്ട്ഗേജ് കാലയളവിൽ ഫിക്സഡ് ഡീൽ പലിശ നിരക്കുകൾ മാറില്ല, അതിനാൽ പുതിയതോ പുതുക്കുന്നതോ ആയ വായ്പക്കാർക്ക് നിരക്കുകളിൽ മാറ്റം വരുന്നില്ല.

പൗണ്ടിൻറെ വില കുറയുന്നത് ബിസിനസ് രംഗത്തിന് കനത്ത ആഘാതമാണ്. പൗണ്ടിൻെറ മൂല്യം കുറയുമ്പോൾ വിദേശത്ത് നിന്ന് യുകെയിലേക്ക് ഇറക്കുമതി ചെയ്യുന്ന സാധനങ്ങളുടെ വില കുത്തനെ ഉയരും. അതായത് യുകെയിലെ കമ്പനികൾ വിദേശത്ത് നിന്ന് ഭക്ഷണം, അസംസ്കൃത വസ്തുക്കൾ എന്നിവ വാങ്ങുന്നതിന് സാധാരണയിലും കൂടുതൽ പണം നൽകേണ്ടി വരും. കമ്പനികൾക്ക് ഈ നഷ്ടം പരിഹരിക്കാനായി തങ്ങളുടെ ഉപഭോക്താക്കൾക്ക് ഉയർന്ന വിലയിൽ ഉൽപ്പന്നങ്ങൾ വിൽക്കാൻ നിർബന്ധിതരാകും.

ലണ്ടൻ : ഒക്ടോബർ 8-ാം തീയതി യോർക്ക്ക്ഷെയറിലെ കീത്തിലിയിൽ വച്ച് നടത്തപ്പെടുന്ന മലയാളം യുകെ അവാർഡ് നൈറ്റിൽ മികച്ച ചെറുകഥാകൃത്തിനുള്ള അവാർഡ് റ്റിജി തോമസിന് സമ്മാനിക്കും. മലയാളത്തിലെ മുന്തിയ ആനുകാലികങ്ങളിലെ ചെറുകഥകളിലൂടെ വായനക്കാരുടെ ഇടയിൽ സുപരിചിതനായ റ്റിജി തോമസിന്റെ രചനകൾ വിശേഷാ അവസരങ്ങളിൽ മലയാളം യുകെയിൽ ഒഴിവാക്കാനാവാത്ത വിഭവങ്ങളിൽ ഒന്നാണ്.

തിരുവല്ല മാർ അത്തനേഷ്യസ് കോളേജ് ഫോർ അഡ്വാൻസ്ഡ് സ്റ്റഡീസിൽ കമ്പ്യൂട്ടർ സയൻസ് ഡിപ്പാർട്ട്മെന്റിന്റെ തലവനാണ് റ്റിജി തോമസ് . അവാർഡ് സ്വീകരണത്തിനായി എത്തിച്ചേർന്ന റ്റിജി തോമസിനെ യുക്മ യോർക്ക്ഷെയർ ആന്റ് ഹമ്പർ റീജൻ സ്പോർട്സ് കോർഡിനേറ്റർ ബാബു സെബാസ്റ്റ്യൻ, വെസ്റ്റ് യോർക്ക് ഷെയർ മലയാളി അസോസിയേഷൻ സെക്രട്ടറി റ്റോണി പാറടിയിൽ, വെയ്ക്ഫീൽഡ് വാരിയേഴ്സ് സ്പോർട്സ് ആന്റ് ഗെയിംസ് പ്രസിഡൻറ് ജിമ്മി ദേവസ്യകുട്ടി യുക്മാ യോർക്ക് ഷെയർ ആൻറ് ഹംമ്പർ പ്രതിനിധി ലെനിൻ തോമസ് മലയാളം യുകെ ഡയറക്ടർ ബോർഡ് മെമ്പേഴ്സ് ആയ ഷിബു മാത്യു, ജോജി തോമസ് തുടങ്ങിയവർ ചേർന്ന് മാഞ്ചസ്റ്റർ എയർപോർട്ടിൽ സ്വീകരിച്ചു.

റ്റിജി തോമസിന്റെ ചെറുകഥകള്‍ മലയാളത്തിലെ മുൻനിര ആനുകാലികങ്ങളില്‍ പ്രസിദ്ധീകരിച്ചിട്ടുണ്ട്. കൂടാതെ ആകാശവാണിയിലും റേഡിയോ മാക് ഫാസ്റ്റിലും ചെറുകഥകൾ അവതരിപ്പിച്ചിട്ടുണ്ട്. കമ്പ്യൂട്ടര്‍ സംബന്ധമായ നാല് പുസ്തകങ്ങളുടെ രചയിതാവാണ് .

ഒക്ടോബര്‍ എട്ടാം തീയതി യോര്‍ക്ഷയറിലെ കീത്തിലിയില്‍ നടക്കുന്ന അവാര്‍ഡ് നൈറ്റിന് വളരെ വിപുലമായ ഒരുക്കങ്ങളാണ് മലയാളം യുകെ ന്യൂസ് ഒരുക്കിയിരിക്കുന്നത്.  ഉച്ചതിരിഞ്ഞ് രണ്ടുമണിക്ക് ആരംഭിക്കുന്ന ബോളിവുഡ് ഡാൻസ് മത്സരങ്ങളും മലയാളം യുകെ അവാർഡ് നൈറ്റും വൈകുന്നേരം 9 മണിയോടെ അവസാനിക്കും. യുകെയുടെ വിവിധ ഭാഗങ്ങളിലുള്ള തിരഞ്ഞെടുക്കപ്പെട്ട കലാകാരന്മാര്‍ അവാര്‍ഡ് നൈറ്റില്‍ വിസ്മയങ്ങള്‍ വിരിയിക്കാനുള്ള ഒരുക്കത്തിലാണ്. അവാര്‍ഡ് നൈറ്റ് മനോഹരമാക്കാനായിട്ട് ആധുനിക സാങ്കേതിക വിദ്യയോടെ സഹായത്തോടെയുള്ള മികച്ച സൗകര്യങ്ങളാണ് പ്രേക്ഷകര്‍ക്കായി കാത്തിരിക്കുന്നത്.

താഴെ നൽകിയിരിക്കുന്ന ലിങ്കിൽ ഒക്ടോബർ എട്ടിന് രണ്ട് മണി മുതൽ പരിപാടിയുടെ തത്സമയ സംപ്രേഷണം ലഭ്യമാണ്.

മലയാളം യുകെ സംഘടിപ്പിക്കുന്ന ബോളിവുഡ് ഡാൻസ് ഫെസ്റ്റിന്റെയും അവാർഡ് നൈറ്റിന്റെയും വർണ്ണക്കാഴ്ചകൾ ലോകത്തെവിടെ ഇരുന്നും ലൈവ് ആയി കാണാൻ അവസരം. ഒക്ടോബർ എട്ടിന് കീത്ത് ലിയിലെ വിക്ടോറിയ ഹാളിൽ നടക്കുന്ന ബോളിവുഡ് ഡാൻസ് ഫെസ്റ്റിന്റെയും തുടർന്ന് നടക്കുന്ന അവാർഡ് നൈറ്റിന്റെയും തത്സമയ ദൃശ്യങ്ങൾ മത്സരം തുടങ്ങുന്ന രണ്ട് മണി മുതൽ തത്സമയ സംപ്രേഷണം ഉണ്ടായിരിക്കുന്നതാണ്. ലൈവ് സംപ്രേഷണ രംഗത്ത് വളരെ പരിചയ സമ്പന്നരായ വി സ്ക്വയർ ടിവി ആണ് ബോളിവുഡ് ഡാൻസ് ഫെസ്റ്റും അവാർഡ് നൈറ്റും തത്സമയം സംപ്രേഷണം ചെയ്യുന്നത്.

ഒക്ടോബർ എട്ടിന് കൃത്യം രണ്ട് മണിക്ക് തന്നെ ബോളിവുഡ് ഡാൻസ് മത്സരങ്ങൾ ആരംഭിക്കുമെന്നതിനാൽ മത്സരത്തിൽ പങ്കെടുക്കാൻ പേര് രജിസ്റ്റർ ചെയ്തിട്ടുള്ള എല്ലാ ടീമംഗങ്ങളും ഒരു മണിക്ക് തന്നെ റിസപ്ഷൻ കമ്മറ്റിയുടെ അടുത്ത് റിപ്പോർട്ട് ചെയ്യേണ്ടതാണ്. ബോളിവുഡ് ഡാൻസ് രംഗത്ത് യുകെയിൽ നടക്കുന്ന ഏറ്റവും വലിയ കലാ മാമാങ്കത്തിനാണ് യോർക്ഷയറിൽ തിരിതെളിയുക. യോർക്ഷയറിലെ കീത്തിലി വിക്ടോറിയാ ഹാളിൽ അരങ്ങേറുന്ന അത്യന്തം വാശിയേറിയ മത്സരത്തിൽ വർണ്ണാഭമായ സാങ്കേതീക സജ്ജീകരണങ്ങാണ് മലയാളം യുകെ ന്യൂസ് ഒരുക്കുന്നത്. മെഗാ വീഡിയോ വാൾ, താളത്തിനൊത്ത് നൃത്തം ചെയ്യുന്ന അത്യാധുനിക ലൈറ്റിംഗ് സംവിധാനം, മത്സരാർത്ഥികൾക്ക് ഓരോ ചുവടിലും  ഊർജ്ജമേകുന്ന കൃത്യമായ ശബ്ദ നിയന്ത്രണങ്ങൾ, ലോകമെമ്പാടും തൽസമയം കണ്ടാസ്വദിക്കാൻ ലൈവ് ടെലികാസ്റ്റിംഗ് തുടങ്ങിയവയെല്ലാം ബോളിവുഡ് ഡാൻസ് മത്സരത്തിൻ്റെ പ്രത്യേകതകളിൽ ചിലതാണ്. കൃത്യമായ വോളണ്ടിയറിംഗ് സംവിധാനവും മിതമായ നിരക്കിൽ രുചികരമായ ഭക്ഷണവും പരിപാടിയിലുടനീളം ലഭ്യമാണ്. കോച്ചുകളുൾപ്പെടെ നൂറ് കണക്കിന് വാഹനങ്ങൾ സൗജന്യമായി പാർക്ക് ചെയ്യാനുന്നുള്ള സൗകര്യവുമുണ്ട്. സത്യസന്ധവും സുതാര്യവുമായ വിധിയെഴുത്ത് പങ്കെടുക്കുന്ന മത്സരാർത്ഥികൾക്ക് മലയാളം യുകെ ഉറപ്പു തരുന്നു.

താഴെ നൽകിയിരിക്കുന്ന ലിങ്കില് ഒക്ടോബർ എട്ടിന് രണ്ട് മണി മുതൽ പരിപാടിയുടെ തത്സമയ സംപ്രേഷണം ലഭ്യമാണ്